影片
以上资料只供参考，请与餐厅确认详情
周末在深水埗工作完，一个人想在附近找间餐厅抖抖，刚好在 Openrice 见到附近有间餐厅，仲系社企，聘用的都是长者。一直有机会的话都会尽量支持社企，希望大家在最艰难的时候要撑过去。见到 Openrice 上面的食评好坏不一，但觉得既然都咁平，就算不好食，也算是光顾了一间社企，至少午餐时间过得充实，会感觉良好。铺头座落一条在深水埗里是很干净的一条街，楼上是较新式的大厦。周六下午两点半，大台无位，所以坐了旁边一列单人的座位。餐牌上的选择有些价钱同比其他餐厅平少少，有的却是平好多。由于自己不是太常去深水埗，所以有点贪心，想试多几样。最后选了：芋头香酥鸭饭炼奶奄列是日菜汤（好吃的话，不够再加）落单要自己填纸仔，写号码就得。我一开始不知道所以叫了婶婶过来落单，虽然被温提了但也不会是其他食评里面话好恶。街坊生意，算系咁喇。点解唔恶，我文末再写。上菜好快，不用五分钟就上齐。份量其实 OK，我见到另一个食评话份量仲少过两𩠌饭。个人觉得真的是鸡同牛比。两𩠌饭流转快，绝大部份也不设堂食，成本当然比较低。这里悠闲，我坐低其实都用了几分钟先拣到想食乜，全程都无人催我 （你试下在两𩠌饭前面捻几分钟？睇睇会发生咩事）讲返食物，先来个是日菜汤，有些少祛湿豆，有少少黑木耳。好大碗，够热，虽然汤有点稀。但只收你 $10，个人觉得算系咁喇。然后上了个炼奶奄列，大概比平时屋企用的饭碗大稍稍，唔算太薄，上面一层炼奶好似猪仔包咁，收$5。最后来了个饭，是用砵上的，有几条菜同半只咸蛋。香酥鸭大概三块吧，都几香，有肉香，个饭$12食紧饭的时候聼店内阿姐自己倾计，话不知道边款面包卖唔晒，所以我埋单（他们收八达通）之后，就拣了三个面包，也无理她们是边款卖唔晒了，反正我就拣了菠萝包、鸡尾包、提子包，三款都系细个食开的款，觉得个女都应该会钟意食。我原本见到 $20 三个面包已觉得价钱合理，点知俾钱时阿姐话系 $3 一个面包！（可能 $20 是三大份面包）记得买面包只收现金，同餐厅是分开的。果晚试过三个面包，味道正常，不算好饱肚，老实讲有少少似外面的连锁面包店的“空气包”，但每个面包只收 $3，不是空气包的话，我反而会好担心下次过来深水埗仲见不见到呢间餐厅。如果我下次在附近，又是一个人的话，我一定是会再来的。（午餐期间旁边有个老翁俾阿姐閙，事源他食饭将骨头全部都吐在台面，俾了骨碟都系咁。听落可能是熟客而且屡劝不改。阿姐就话再系咁以后不再帮他落单。见那老翁自己一个人，申请呆济，应该是有身体/情绪病。最后阿姐啰嗦完，其实都系帮他抹走晒台面骨头。你地自己评评理，咁样系咪恶）所以 total 就 $27 一餐 + $9 三个面包
继续阅读
知道系为长者就业而设的社企食肆, 餐牌售价标榜售廉人人负担得起, 所以过来试试, 今次是第3次试, 但失望的一次比一次差!餐牌上𩠌菜的售价几蚊至十几蚊看似很平, 但一上枱$15梅花扣肉 (没有影相) 的份量少得至平时两𩠌饭半壳的份量都没有, 3小薄片的扣肉和少量梅菜, 与我上次来食的份量一看就觉得少了差不多一半 (虽然同样是8cm左右的小碗), 7-11的梅菜扣肉叮饭的𩠌份量一半也多过佢!因为突然咁少份量唔够饱, 便加多一个萝卜牛腩$12, 这个仲过份! 成碗汁只得3小旧牛腩碎和3小粒萝卜, 堆埋一起只得半平小碗, 咁就$12! 两𩠌饭的一壳份量一定是它的3倍啰! 但两𩠌饭的一𩠌也只是$8-12, 更过份是隔离枱同样上的竟然是大粒萝卜, 我的只是半碗都冇的牛腩碎!赞的是罗汉果茶和白粥只是$2质素才不错! 如果只是想食下白粥, 饮下果茶, 来呢间冰室都可以推荐, 食𩠌就无谓了.....
继续阅读
平到你唔信😳 $2只烚蛋😱 $2碗白粥😱$2白饭 $10份炒面/炒米😱 呢间社企专为银发族提供就业机会👍 这是其中以平价又大碟家庭式的店，似回家食饭无味精少盐少油少糖的健康饭𩠌🫰南乳猪手 $12 份量都不少㖞🤩仲有好多花生😋 忟得够淋同入味👍味道唔错👍香菇饭 $12 碗饭都唔细架😊仲跟咗几条菜好健康👍冬菇够淋好有菇味👍罗汉果茶 $2 少少甜够润喉😋卤水豆腐$5 卤得耐咗，有点老不够滑😅埋单$31唔讲得好好味但唔难食系平实的一餐， 一餐饭除了为自己饱腹，亦帮到长者就业🫰 幸福满满🫶
继续阅读
㖊日（26-12-2024 Thur）boxing day晏昼，同老公去冬日美食展，遇上银杏馆booth，有卖鱼皮花生，蝴蝶酥，曲奇，咸柑桔...我见到曲奇有柑桔味，而姐姐过佢哋自己喺上水有机种植，咁就买一包$45.00啦。夜晚食完饭后，忍唔住拎出嚟食，睇到一包有六件长方形嘅，食落，口感有啲硬，味道系有柑桔味但有啲涩，成个麻麻地好食。睇返上芫荽味曲奇嘅食评，原来都唔好食（食评系2024年4月9日刊登嘅呢篇：https://www.openrice.com/zh/hongkong/review/%E9%A0%88%E8%AA%BF%E6%95%B4%E5%90%93-e5397746）睇嚟银杏馆嘅烘焙产品唔系几得。
继续阅读
是一间幸福感满满的，银发族就业社企。餐牌食物以豆腐鸡蛋青菜为主，清淡适合长者吞咽。当然亦有一般茶餐厅的梅菜扣肉、清蒸海斑，不过就要耐心等候。节瓜粉丝虾米饭（$12）, 清淡的家常便饭，节瓜切得很幼细很入味，妈妈煮的感觉。咖哩鱼柳饭（$18), 一般的茶餐厅水准，细细碟，可以多试其他食物。蕃茄肉碎炒蛋幸福饭餐（$20), 这种易学难精的家常食物，做得很出色，味道融合得很好。青菜也切得碎碎，方便吞咽，十分细心。因为上两样已经有白饭，叫了走饭，希望不会走掉幸福！卤水豆腐($5）,个人觉得比较淡味，没有传闻中的出色。埋单55蚊，吃得饱饱，幸福满满，穷人恩物。门口还有银发族的手作食物，记得支持！
继续阅读