銀杏館-越老 (已結業)

重開堂食後兩個人去食晚飯，距離上次光顧超過4年，原來已轉成粵菜。社企的長者員工都好友善風趣，推介兩個主菜一個小食，才知道有技術能煮其中一道菜「正宗釀鯪魚」嘅師傅唔多，也是21/4晚市重開後才有的菜式。第一次食呢道菜，欣賞佢嘅賣相、心思、技巧同味道。另一道小炒王好有鑊氣又多料，仲真係幾大碟，好好味，如果無咁咸會更好。食材係咸魚等，無豬牛肉，啱曬我。小菜最後食咗煎蓮藕餅，原本想試牛蒡餅，但廚房師傅告知當日的牛蒡唔夠靚，試其他都好。蓮藕餅都係心思之作，共有6塊，掛住食無點影相。餐廳有賣生啤，產地捷克，仲有幾款啤酒都係歐洲酒。今餐兩個人食，主菜大大碟，始料不及，最後要打包，下次嚟食會自備食物盒。店員仲推介下次試佢地嘅午市套餐，或者個多月後計劃做埋live band，可以一路食一路點歌。下次想試多啲餐廳嘅素菜（火炭的素食分店都好高質）、套餐（多啲人一齊食）、同埋湯包（門口雪櫃有pack好現成的，可以買返屋企飲）。自己本身有留意銀杏館網店，有賣本地有機蔬菜，可以選擇到門市取貨，或者下次訂菜/食物時，順便坐低食一餐。註：第一次係openrice寫食評，希望推介用心嘅食肆俾多啲人知～晚市：午市套餐：

一路都想去幫襯銀杏館支持下社企，最特別全部職員都係請長者嚟做包括大廚侍應收銀等等、由於平日嘅關係晚上嘅客人唔多、餐廳入面好有懷舊色彩、好似進入五六十年代🤭於是order咗咖哩大蝦農夫包、燒春雞、蔗蝦鮮蝦扎肉米紙卷、梅菜菜心、瑤柱蛋白炒飯同乾炒牛河、職員好熱情招呼、建議我哋飲番杯、所以我哋都order咗三大杯清啤🍻先講下咖哩大蝦農夫包、上枱時熱辣辣咖哩味濃郁芬芳、睇見都流口水😂燒春雞係原隻鸡上枱、用刀义切雞時攪到鸡手鴨脚🤭下次未攪、加上味道一般、蔗蝦炸得好鬆脆可惜太少得三隻🙄扎肉紙米卷就認真麻麻哋可以放棄、梅菜菜心依個餸呢真係好有驚喜超級好味、原來梅菜同菜心係咁夾喎、瑤柱蛋白炒飯啲飯粒粒分明好乾身、唔錯👍👍👍銀杏社企餐廳、我哋有時間都應該去支持下💪💪💪

想念疫情前和朋友一起相約聚會，那時候我們想支持一下社企餐廳，選擇了位於油麻地、銀杏館旗下的「越老」。這裡聘請了不少銀齡員工👴🏻👵🏻🧓🏻，推動平等就業。招呼我們桌子的大叔店員非常熱情，還提出幫我們拍張合照。😇🙏🏻我們點了：🟪西貢烤原條海魚（赤燒）Saigon Whole Fish (Grilled) $178🟪香葉蟹肉粉絲煲 Crab Meat & Bean Vermicelli with Herbs in Cassrole $108🟪越老二人拼盤（扎肉米紙卷、雨露雞翼、素春卷、金薯蝦卷、有機蔬菜沙律）Assorted Snack Platter (Vietnamese Pork Rice Paper Roll, Chicken Wings, Vegeterian Spring Roll, Shrimp Rolls with Organice Vegetable Salad) $128🟪大頭蝦番茄蟹膏湯粉 Big Head Prawns Noodles in Tomato & Crab Paste Soup $108🟪新鮮椰青🟪大樹菠蘿沙冰 Jackfruit Shake越式食物整體有水

鍾意佢哋有”素食”越南菜menu，價錢平，員工友善。有長者工作，所以點餐要有少少耐性，不過佢哋真係好熱心。素春卷非常香脆，好重金不換的香草味，撈檬夠大份量，推介。

一上嚟坐低，服務員叔叔見我自己先來等朋友，就向我介紹二人套餐，有小食、主菜、飲品和甜品，菜單確實不錯！小食有青木瓜沙律，清新又開胃；越式春卷，惹味香脆。主菜有大蝦帶子農夫包，咖哩濃而不漏，農夫包吸收了滿滿的咖哩讓人吃不停口；柑桔蜜黑椒蝴蝶骨少少甜，又有少少黑胡椒很特別。平日都少吃甜品，飲品都是走糖的，見餐廳有椰子冰，反正平日都少喝越式飲品，雖然怕甜都即管一試！好彩椰子冰有淡淡椰香，卻又不太甜，正合我口味！雖然不愛吃甜品，但卻是咖啡控！甜品有滴漏咖啡焦糖燉蛋。燉蛋上一層咖啡焦糖，香滑美味又不太甜，雖然已差不多吃破肚皮，我還是要把這甜品吃得一點也不剩。這二人套餐價錢實惠，份量一點不少，食物美味服務好！讚！

自從茹素後再沒有吃過越南菜，很高興他們提供一個簡單的素食menu，日後可以和非素食的朋友一起吃越南菜囉！這裡聘請長者工作，做樓面的靚仔靚女們對客人招呼周到，笑容滿面！絕對加分！我星期日下午4-5點到，非繁忙時間客人數目不多。門口有點隱蔽，我由彌敦道大廈正門進去，大廈感覺有點舊，最初都有點猶豫，但走進大廈後發現裡面挺乾淨的，就放心上一樓。到離開的時候才發現甘肅街那邊有餐廳獨立出入口，方便很多👍🏻食物方面，整個菜單挺豐富，有一整頁是素食的。我點了素春卷撈檬、一碟時菜、熱檸水，份量十足😃！飽足半日啊！！餐廳裝修挺有特色，置身其中感覺不出在舊大廈裡面。我看到餐廳內有poster話某些日子會有現場樂隊表演的，大家訂枱的時候可能要問一下。

今年生日，家人介紹嚟越老。聽聞銀杏館已久，話佢服務好，食物味道都好好，今日一試真係比預期更好，難怪一直零差評❤️。店內裝修以懷舊作主題，燈光柔和，令人有種放慢腳步，慢慢享受嘅感覺。地方闊落，空間充足，非常適合家人朋友聚會。因為係生日飯，所以點多啲，試真啲。香辣肉碎生菜包香辣肉碎非常惹味，鹹、香、辣多重味道，用嚟送飯一流。生牛肉湯河湯底清甜，牛肉熟得啱啱好，味道正宗。越老素孖寶撈檬 （素春卷，素扎肉）素春卷入面係粉絲，炸得非常香脆，檬粉份量足，甜甜酸酸，非常開胃。厚切特大豬扒碎米飯厚切豬扒成吋厚，熟而不柴，肉質仲幾嫰吓。越式有機柑桔手工啤烤春雞（$208）人多分三枱坐，叫咗2隻烤春雞，先嚟一碟皮脆肉嫰，滋味無窮❤️。後嚟嗰碟就乾咗啲，overcooked。有機柑桔黑椒蝴蝶骨（$208）味道有啲似金沙骨，醬汁甜甜地，連骨帶肉，好啱胃口。咖哩香炒大頭蝦帶子配農夫包（$238）麵包香脆，咖哩香濃，有3隻大蝦外，裡面仲有幾粒大帶子。大蝦肥美多膏，帶子爽口彈牙。今日嚟到銀杏館-越老，真係深深體會到「老有所用，老有所為」，年紀越大，經驗越多，做事都會細心啲，諗多少少，正正係呢份用心，令客人有更深體會。薑

本身都有食過銀杏館旗下的社企餐廳，今晚第一次到「越老」餐廳食野，雖然上來途中的環境有點暗，但進去之後環境比想像中好和整潔！老伯伯店員十分友善和樂力。食物的質素亦驚喜地出色，牛腩農夫包做得很好味😋牛腩燴得好沖淋身但不失咬口；青木瓜沙律都好食，雖然份量有點少，如果可以多返啲至正常份量會更好，但整體十分不錯。畢竟是越式風味餐廳，如果飲咖啡的話不要錯過越南滴漏咖啡，真的好香濃！平時食飯聚會誠意推薦大家都得閒來支持有質素的社企餐廳呢！

今晚與家人生日飯，因為依家好多餐廳都限時1.5或2小時，特意挑選一間冇限時嘅餐廳，可以舒舒服服、慢慢享受與家人生日晚餐，更新餐牌後，侍應生同我哋講冇咗套餐，唯有à la carte，見到有個八月限定$98餐酒任飲，好抵。右上方係蕃茄燴牛腩，牛腩好入味，番茄醬好濃郁，配埋蒜蓉法包👍🏻👍🏻👍🏻👍🏻👍🏻左上方燒春雞，薯角炸到好香脆，雞肉都非常入味，雞皮烤得焦脆，應該已經醃咗好一段時間，係誠意之選👍🏻👍🏻👍🏻👍🏻最後係羊架，擺盤好色彩繽紛，顏色豐富，羊架肉惗、但無鬆散👍🏻👍🏻👍🏻👍🏻最後生日當然唔少得蛋糕，切餅費每位$10，係值得俾嘅，待應會準備好所有餐具及刀。整體來講，餐廳服務態度很好，職員有耐性，會喜歡同客人溝通互動，亦都可以支持長者再就業，好滿意今次用餐體驗。

一家大細 開心一餐服務用心 食物美味環境優雅 有懷舊味道因活動而第一次來這間餐廳叫了幾個湯粉、炒飯、小菜、飲品、甜品樣樣都有水準，唔會食完口渴，仲要擺盤有心思，齊色、香、味～

突然想食越南菜，朋友話不如去【越老】！又玩食字，開頭真係唔係好明點解，咁緊係上OpenRice睇睇，哦！原來係社企「銀杏館」開嘅，終於明白晒！一入到去，發現所有動作，都變成慢---動---作---好有禮貌嘅長者侍應，慢慢帶我地入座，跟住慢慢遞上餐牌，再慢慢Take Order…咁我地都不甘後人，慢慢咁點咗越式春卷酸辣鳳爪炸魷魚串燒大頭蝦 等等等等不過…都唔算等好耐！其實味味菜都不過不失，唔可以話好好味，亦好似唔算好道地！但成餐飯又感覺好有意思，間唔中又有一兩位長者侍應，好幽雅咁行埋嚟同你傾幾句，而更有意思嘅係，原來佢地每日都會派飯俾有需要嘅人士，食客仲可以捐錢支持！我一邊慢慢食，一邊望住啲長者，一邊諗起莫文蔚首【慢慢喜歡係】你話點會唔係 【越老】越可愛^^

朋友晚餐聚舊，提議到此餐廳，訂咗位就約得安心啲。人不算很多，又有弧型梳化位，我們可暢快言談。點了幾道餸菜，我最欣賞是拼盤，小食款色多也好味。只是環境衞生較一般，知道店員都已很努力。日後約友聚餐，又多一個選擇。

今次同高太去社企撐枱腳依間銀杏館係会聛用好多老人家去工作既社企聽聞距地中午仲会派飯俾基層人仕真係好值得去幫襯支持下餐廳裝修都好雅緻，唔会因為係社企就求求其其，簡簡單單不論一家大細食飯定情侶撐枱腳都好合適本身想食距地既廚師發辦二人餐想點菜果時，一位侍應叔叔突然問我幾號身份証號碼距同我講話如果身份証入面有某幾個數字就会送一個主食甘岩我又有中到啲數字甘就唯有散叫啦芽車快沙律其實係雞絲椰菜沙律沙律既酸汁好開胃，菜好新鮮爽脆依個係送既羊架羊架嫩滑又唔羶，個醬汁香濃，同嫩滑既羊架非常配夾闊佬炒河個闊佬炒河有好多配料，入面仲有隻幾精緻既鮑魚炒得幾乾身，又係好食之作送左一個餸所以甘平食物質素真係幾好，聞到隔離枱啲野食都好香社企，又唔貴，又好食

早排見到有人推薦呢間社企。今次黎油麻地行街之後入黎試下。舖頭位於大廈一樓，唔係地舖，要行一層樓梯，唔係咁容易揾到。入去之後，成間餐廳芒修好靚，綠色咖色裝點加d油畫同埋泛黃嘅燈光，濃濃越式風情。整體環境黎講，餐廳位置寬敞，坐得舒服。我地嗌左招牌既火車頭湯河，炸春捲同米紙捲 。火車頭湯河湯底好鮮，裡面有牛肉，牛筋，牛肉丸，牛肚，扎肉，用料豐富；炸春捲酥酥脆脆，都算是不錯，米紙捲卷的不夠完整，夾起黎就散哂，不過味道都好清新爽口。因為係社會企業，所有的員工都係阿公阿婆，點菜的時候阿婆有點懵懵的，多對了一次菜單，上菜時，阿叔阿婆都超nice，買完單之後還會問問我們食用體驗，看著阿公阿婆努力工作的樣子，值得大家都去支持一下社會企業呀。最后買單198HKD，都算ok

very generous protion of food. We came for dinner and there is the set lenu including 3 appertizers, 2 mains and 2 dessert for 2 persons. It is value for money. Seats are spacious. Protions are generous. I guess you will never leave this restaurant with empyy stomache.One really good points about this restaurant is that they place both warm water and room temperature water on table so we can self serve. Someone like me who drinks a lot of water can really feel the comfort when eating in this res