銀龍粉麵茶餐廳

营业中

休息中

成日經過銀龍茶餐廳🍴，但都未試過，突然想食吓港🇭🇰式嘢，於是決定同屋企人去試吓，睇吓啲嘢食高唔高質。📝⚡️二人小菜套餐 1. 招牌沙薑雞 (廚師推介) ✔️份量一般，但味道幾好😌雞肉都幾嫩滑，送飯一流 2. 牛仔柳 (廚師推介) ✔️醬汁酸酸甜甜🤤，牛仔柳都幾大塊同埋好入味😋3. 兩碗明火例湯 (涼瓜豬骨湯) ✔️湯水唔錯，幾足料，飲落幾清甜🫶🏻4. 兩碗白飯 5. 一碟清炒時菜 6. 兩杯港式凍奶茶🧋 ⚡️干炒牛河 ✔️炒牛河好有驚喜、有鑊氣，同埋同其他茶餐廳比唔會太鹹，啱啱好 仲送咗罐凍可樂🍻 ⚡️酸辣雞中翼米線（小辣） ✔️米線份量都幾足，有三隻雞中翼 一般般，有啲失望 湯底偏淡，冇咩酸辣味，同埋小辣根本唔辣 但雞中翼味道幾好，雞翼煎得幾香脆 大概🔥夾埋接近$300，不過不失，除咗米線，其他菜都好唔錯👍🏻

肥美抵受唔住世間嘅誘感😂去左食早餐返工前起附近食個早餐唔過份呀‼️本身諗住食雪菜肉絲米粉個d茶記減肥早餐點知呢間茶記唔配合😂對面搭枱人士又食河粉一個唔小心就揀左食「魚皮餃魚片河粉」🤤好在我懸崖勒馬嗌返杯熱檸水😮‍💨合共$41嘢食嚟得夠快，加分‼️食物質素就普普通通，魚皮餃三粒、魚片有兩片河粉我就覺得略嫌少左少少🤏不過可能係肥美胃口比較大啦，感覺未係好滿足🥲- - 評分標準：一粒⭐️最差，十粒⭐️最好- -食物味道：⭐️⭐️⭐️⭐️⭐️⭐️店舖環境：⭐️⭐️⭐️⭐️⭐️服務質素：⭐️⭐️⭐️⭐️⭐️價錢方面：⭐️⭐️⭐️⭐️⭐️整體評分：⭐️⭐️⭐️⭐️⭐️⭐️是日店舖資料：🍽️銀龍粉麵茶餐廳 (天水圍)🗺️天水圍天恩邨天恩商場3期1樓106號舖私肥一句：本身琴日仲睇緊跑步機，今日就食河粉，減肥呢家嘢下餐先算啦

晚餐叫小菜外賣，無叫蒸餸，45分鐘未到，打電話去催，話外賣員已出發，再等45分鐘，外賣員先施施然來到，一句唔好意思都無；外賣黎到啲食物凍晒，熱飲變凍飲，凍飲啲冰溶晒！！

香港要找有水準的茶餐廳已是不容易了，有許多餐廳的咖啡奶茶很一般。今天買了份下午茶食物後，忽然好去試試開張不久的銀龍餐廳試一試它的咖啡☕。對於咖啡我一向有要求，銀龍的咖啡真的很不錯，有香濃的咖啡味，而且很幼滑，有水準👍。

叫左兩個下午茶外賣，份量少到得7成，個盒又細。個炒飯一d咸到想死，成粒鹽。一d就無味，個廚都廢既。有外賣自取都唔抵食。成個下午茶餐得杯奶茶係ok既，性價比低，唔會再幫襯。

開到周圍都係,曾經既五香牛腩係非常出色而且價錢都唔貴,我都好鍾意食,我最多試過連續一星期日日早餐都食,但而家就愈黎愈貴,而且品質都下降左唔少,雖然款式多左,但已經唔好食

作為一間茶餐廳，但賣嘅粉麵相對其他同類型嘅舖頭黎講真係好貴，份量唔係多，牛腩嘅質素又唔係特別好，呢個定價係平民商場入面太高，仲貴過出面部分港島區嘅茶餐廳，唔太合理。

記得嗰日大老遠去到大西北，原先嘅計劃係打算食個下午茶，然後就去濕地公園打個咭，點知原來疫情下濕地公園冇開啊。唔緊要，唯有等疫情完結再去過啦！咁我地繼續我地嘅下午茶時光。小妹都係第一次踏足天水圍區，區內一切對小妹嚟講都好新鮮。但係「銀龍」就全港九新界都有，咁我地就去咗幫襯「銀龍」食返個下午茶啦！我地叫咗牛雜麵同雲吞麵，加咗郊外油菜同埋炸魚皮。我最鍾意食炸魚皮，因為好脆口，但又唔能夠食得太多，有人同我分甘同味我就最開心啦！

今日放工好肚餓，所以馬上去找東西食，剛過了下午茶時間，又唔想用晚餐價錢食飯，所以便到了銀龍茶餐廳食下午茶，一來價錢平D，而來又可以飽D。結果我點了一個茄子炸魚飯，份量足夠，可是炸魚可能不太新鮮，所以放了很多鹽去醃，所以好咸。平日來銀龍最喜歡的是飲奶茶，不過今天有點不舒服，結果叫了袖子蜜潤下喉嚨。

自從頌富銀龍無左就好少食天恩銀龍個大廚推介「魚香茄子煲」老實說沒有魚香，又放左啲菇奇奇怪怪杯奶茶有尐甜，連鎖茶餐廳係咁嫁啦不過佢有唯一好處，就係好多人都係一個人去食同埋多卡位坐

今天在銀龍茶餐廳外賣了一碗肉丸河加熱奶茶。肉丸河淡而無味，味精味濃，而且十分不划算(40元)。不加辣椒油的話應該十分難入口。外賣了等了半小時就送到，職員不太禮貌。

今日試試去呢間茶餐廳食午餐，大概一點左右到，都有幾多人幫襯，但都唔洗等位想食得健康啲，我叫咗個油麥菜炒肉片飯，加咗杯凍奶茶，埋單大約50幾蚊，但係個飯真係淡而無味，唔推薦呢 🙁

平時好少幫襯屋企樓下嘅茶餐廳，嗰日試完銀龍之後，發現原來銀龍既潮州粉麵非常之唔錯！我嗌左個鮮蝦雲吞河，另外我朋友就帶咗牛雜麵同埋四寶河，三碗都加晒腩汁，真係好惹味架！

接聽電話的收銀員很沒禮貌，有次明明落左單等左一時然後收銀話出左，再等多會打去問，原來沒落單，咁就唔好話出左啦！多次叫外賣要等一個小時以上，如果唔係附近得佢一間餐廳唔會叫，食物又一般，d阿姐又好冇禮貌，唔悠做的垃圾茶餐廳。

又幾好味喎今日走入元朗幫親戚整電腦整完一齊去醫肚，大家都想食簡單一點的，所以來了銀龍粉麵茶餐廳叫了魚香茄子煲，椒鹽九肚魚，同豆腐煲鑊氣夠，熱辣辣姐姐服務態度很好, 一定會再去食