銀龍粉麵茶餐廳

营业中

休息中

11月26日的晚餐，點了一個臘味煲仔飯，一份古法炆黃立鯧。黃立鯧，好咸狠咸。要收78，加飲及白飯，要90。臘味雞煲仔飯，要72，比起快餐店的58要貴很多。而快餐店的是一條美味臘腸，這裡的是一條很咸的潤腸，這潤腸煮出來已經成條爆裂，散嗮。快餐店的反而好吃又有很和味的飯焦。總之一句講嗮，差過快餐店的很多

記得以前新年成日都諗要去邊度食嘢！因為初一至初三多數開得既都會+2-3收費！隨著時代變遷就真係好耐冇呢支歌仔唱喇！所以今日拜年之前都費事煮直接去左附近茶餐廳食下午茶，銀龍下午茶選擇都幾多！見唔係好肚餓我就叫咗一個四寶淮山麵，淮山麵食落去好滑！魚蛋彈牙，魚皮餃新鮮美味！星洲炒米餡料都好多，蝦仁都算大粒而且冇雪味！炒得好有火喉咖喱辣味有剛剛好，幾唔錯！餐飲可以揀飲檸檬柑桔蜜，天氣凍凍地又d乾燥，女朋友話滋潤分喉嚨都幾舒服！

臨時臨急係附近搵食簡簡單單咁叫左幾個飯份量唔算多CP值唔算高生炒排骨飯色水一般不過味道還可以黑椒牛扒意粉黑椒汁 穩陣 安全之選乾炒牛河冇咩特別 一般般咁但勝在夠快加幾蚊多杯野飲奶茶 都係正正常常😂$5x 一個餐 閒時救命餐既選擇時間充裕 都未必會㨂😂可能冇期待 反而可接受唔難食但冇特別

比錢買難受叫左碟海南雞飯碟雞斬到甩頭甩骨，雞肉又老又殘真係搞唔掂最離譜係班廚部班人既禮貌果陣問店員碟雞點解有骨侍應答間餐廳既海南雞係有骨架啦，OK FINE，平時食開咁多間都無骨所以先覺得奇怪。（P.S. 事後查番海南雞本身係有骨，無骨係後來興起）轉個頭有另一位食客叫海南雞，廚部勁大聲同個侍應講：你記得同個客講我地啲雞有骨架，唔係又係到嘈。我幾時有嘈？我好聲好氣問左一句，都冇罵你斬雞差，又蒸到隻雞老過你啲肉以後唔會再幫襯

現在外賣自取有9折優惠⋯本來都不想外賣的，但這裡生意絡繹不絕，又要等位，外賣實在是不二之選。上網看食評一般，之所以仍然來這餐廳，絕對是因為這個商場裡只有這一間港式茶餐廳，沒別的選擇了。乍看之下，早餐的選擇和款式都挺多的！經典早餐之選，一定是沙嗲牛肉麵和凍奶茶！難得有淮山麵，就選擇試一試。外賣關係，最好就分湯上了。沒有另收+1，算是不錯。沙嗲牛肉的份量都算多，麵也尚算彈牙，吃這碗麵很滿意，特別是相對於「香滑炒蛋」和「法國牛角酥」。肉眼可見，炒蛋就是普通，沒有香滑口感。而牛角酥命名「法國牛角酥」⋯也是非常普通、不脆口，反倒有點煙靭，與想像中有出入。至於奶茶就不過不失。

裝修之後嘅銀龍都係第一次幫襯， 因為之前都試過但係真係完全唔好食， 就算幾冇得揀都唔會揀入去食， 所以我成日都唔明點解佢可以喺度做咁耐今日老公突然間話唔去 大家樂，要去銀龍試下 ， 估計下午下應該 唔會太差 得去邊 ，估唔到裝修之後去真係有改進 (唔知係唔係轉咗師傅 )我哋下午茶時間過去嗌咗雪山西多士+豬扒薯條竟然出嚟個樣都幾靚， 味道就不過不失， 普通茶餐廳貨色， 唔會特別好食又唔係太難食嗰隻， 不過已經比以前進步咗好多， 至少下次都仲可以諗下幫襯

同事叫下午茶外賣， 人數16個。自己叫左奶油🐷。奶油花生醬厚多士一般，飲品就可能人數過多而送錯，幾杯野都唔對。奶油花生醬味道一般。食過同事既福建炒麵味道還可以。

正常屋邨商場食個餐,午餐較貴,唯有等下午茶餐先食,下午茶Menu好多選擇, 多士🍞,雞脾🍗薯條🍟,炒粉🍜麵飯, 咖哩, 焗飯/意乜都有. 感覺花多眼亂,唔知食乜,最後叫咗苦瓜鲜鱿🦑牛肉🐮飯,炸🍗雞脾🍟薯條,飯都幾大碟, 同好足料, 但雞脾好似縮水,細隻咗.😆

諗住去銀龍買早餐會穩陣啲。。但居然可以難食到一半都食唔到。職員溝通能力又差。食物質素又差。。連杯茶都走哂樣。。唯一感動嘅係食少啲當減肥。呢個早餐跟牛角包。門口餐牌話可以轉牛油餐包。。收銀話加2蚊改。我無問題。我見張單出了改方包。我再提收銀我要餐包。。不是方包。到我攞嗰時收銀話無餐包得方包。。真吹脹。😓😓😫😫

時段：早餐食物：$27 雪菜肉絲通粉起初睇落以為得好少料，但食落啖啖都可以有通粉有雪菜。雪菜不會死鹹。+$７火腿炒蛋指明用金妹火腿。炒蛋夠香夠厚身。不過跟塊多士又要7 蚊就覺得唔太抵。包熱飲奶茶夠茶夠香。可選菜蜜或柚子蜜都唔洗另外加錢，茶餐廳少見。服務：等你坐底一陣先主動埋黎落單，唔會一坐底就問你食咩。你知啦，有時比侍應催落單個心理壓力其實真係會好大，慘過搭小巴唔夠膽叫有落一樣。環境：卡位偏窄，枱偏細。要坐四個成年人其實唔係太舒服，食野一定撞手肘。叫個餐，每人至少三個碟，今日三個人九個餐具都放唔落。

紅湯味道唔講，今時今日送上枱熱辣辣已經合格，好，碟飯黎喇，一睇就知唔惦，叉燒乾過"乾柴烈火"，油雞斬到"九之嗎鹿"，好老實，整哩碟野出黎晚廚相當冇heart，講完。

有食友在附近派月餅，自己是有份搭路人，當然要去睇睇，見到老人家一人兩個月餅，笑逐顏開，突然間都好似自己做左件好事，哈哈！見未食早餐，銀龍又好少去，入到都幾窗明几淨，感覺良好，望望餐牌，可以話比附近食肆貴得多。不過火腿通粉指明用金妹火腿，品質似乎好有保證，逍粉的軟硬度亦係在下最喜歡的，整體而言不錯。太陽蛋煎得均勻，賣相不俗，而且除方包外，更有少許沙律菜，算是有點心思，再加一杯熱飲，$28還是可以的。突然間都好似自己做左件好事，哈哈！見未食早餐，銀龍又好少去，入到都幾窗明几淨，感覺良好，望望餐牌，可以話比附近食肆貴得多。不過火腿通粉指明用金妹火腿，品質似乎好有保證，逍粉的軟硬度亦係在下最喜歡的，整體而言不錯。太陽蛋煎得均勻，賣相不俗，而且除方包外，更有少許沙律菜，算是有點心思，再加一杯熱飲，$28還是可以的。

平常我對食市要求只是很簡單，只要東西好吃服務態度不是太過份都接受可是今次是我寫食評以來最火光要罵一罵服務態度的文首先我和女友本來只是散步沒想過在這家店吃飯只是在看價目時店員態度親切介紹,最後就進去怎知才進去不久就觀看了一場中國國技變臉我們才剛坐下就問我們吃什麼,餐牌都沒看就問之後很客氣說要看看，店員黑面地走開，怎知才一眨眼又一個來問最後女友和我都點了個麵餐，但由於要加錢節儉的女友決定不喝飲料只有我點了個菜蜜，和女友聊了一下飲料就到，可是不是一杯而是兩杯一杯是奶茶，而另一杯是我的茶蜜不知為何變了檸蜜，我就找店員來問個明白問他是不是送錯桌，怎知對方竟然態度十分惡劣先說我女友有點她才寫,又說我點的是檸蜜堅決自己沒錯我女友根本就身體問題從小不可喝奶茶咖啡等刺激飲料她又怎會點呢?最後理論了一會那店員還說我們找事來吵而惡言相向最後女友怕吵下去不好就說當自己倒霉之後那店員一直在放冷言冷語,送餐又棄碟到桌上這時我真是火光非常已經一肚火，吃到口裡的麵也超咸不知這家店為何以這服務態度及質素都可以存在說實在我那麼多次食評都不會說到服務態度份上這家店絕對非常過份,而且加上食物質素偏底完全只可以說去一次就入黑名

因為媽媽早上要叔叔拿衣服及弄佛枱的事，所以便到他樓下的餐廳吃早餐。我叫了：餐肉煎蛋通粉－不錯，個湯底好好味，不太鹹，而且通粉亦不會太淋，好好吃。媽媽叫了:煙肉＋火腿扒＋煎腸仔＋煎雙蛋早餐－亦不錯，很好味，而且有一些車厘茄及生菜絲伴碟，很好呢！服務態氷不錯，抵讚，下一次我會試下其他小食，如雲吞麵此類的食品！

上次到次店買了個蛋治，不錯，所以決定再買，今次買的是鹹牛肉蛋治。其實早日我都買過一次，不過今次是買第二次。第一次買時候我還以為滑牛蛋治，因為我問佢有什麼蛋治賣，佢話有餐蛋治及牛蛋治，我便買牛蛋治，食落先知係鹹牛肉蛋治，不過唔緊要，反正我其實都想吃鹹牛肉蛋治！好好味呀，好滑，而且味道清清淡淡，不太鹹！希望佢會出茄蛋治！