影片
招牌菜
近日都未能外出旅游，开著车游车河来到锦田红砖屋下车看看市集，而吃饭的人群非常多，便等了一会儿点些食物吃吃看。泰式金边粉（$35）有鱼蛋、萝卜及五花腩，河粉滑而有口感，汤底浓郁。我们自行加了辣椒干，整个汤底变辣更好吃。潮洲炸豆腐（$32）有八块，炸得香脆可口而豆腐嫩滑，蘸上韭菜盐水真的美味非常，绝对推介！反观原味奶茶（$20）则奶味较重，茶味相对较淡不够突出，没什么特别。期望不大反有惊喜，性价比颇高，来到附近可以一试。
继续阅读
红砖屋前身系洋蠋工厂，用红砖砌成，外型有少少似横滨嘅红砖仓库，而内里就系周末市集，售卖各式复古家私、摆设、收藏品、饰物等等，充满复古欧洲风。虽然只有吊扇，无冷气，夏天去会有啲热，不过坐喺复古家私叹美食，阵阵自然风吹送，尤如置身欧洲嘅街头，非常写意。红砖屋内每间小店都各有特色，呢碟咖喱羊腩配猪仔包看似普通碟头饭，不过就好有人情味，店员走过嚟同我哋吹咗好耐水。我哋提佢未收钱，佢都好似唔急咁，仲系度同我哋讲吹自然风，享受大自然有几好𠻹！当然呢碟咖喱羊腩亦整得好用心，每旧到炆得好腍又唔膻，配埋脆卜卜嘅猪仔包就更有口感。如果食得辣嘅朋友仲可以加埋佢哋嘅秘制辣酱，提升咖喱嘅惹味𠻹！唔食羊嘅朋友可以拣牛腩咖喱配饭，牛腩一样炆得好腍又无筋，咖喱惹味得嚟又唔辣，捞埋饭食就够滋味！店员话佢夏天会挑走晒啲脂肪等客人食落无咁腻，但冬天会刻意留返少少，食完个身暖啲，真系好细心！另一间小店卖街头小食，呢个潮式炸豆腐就炸得外表香脆内里软滑。韮菜饺粒粒饱满，虽然系煎，但入面仲锁住好多肉汁。相比之下炒面就较为普通，就系一个普通炒面。食饱系时候行下街，红砖屋嘅小店唔少都收藏咗店主嘅宝物，好似呢间就有好多世界各地嘅迪士尼乐园襟章同麦当劳襟章，而且价钱都唔算贵，大家不妨嚟揾下有冇自己嘅心头好！
继续阅读
星期日中午同老公打算去锦田睇吓有乜嘢食，上open rice search见到呢间红砖墙1号好似几特别就过来试吓，去到见到有个花园仔好似几特别，点知入到去觉得怪怪地，所谓好特别嘅红砖内墙房间，原来系几间屋嘅外墙夹埋嘅一个天井位，只系个天花板加咗个半透明塑胶板天花，仲要好多蚊而且有唔系好干净嘅感觉…即刻同老公转返坐出面，之后叫左个6＂菠萝鸡肉pizza（＄40，不饮品）同埋酥皮牛肋条饭加一杯即磨咖啡（＄80），等左成20分钟先有嘢食。其实个Pizza同牛肋条系好味嘅，不过唔值呢个价钱，而且杯咖啡好难饮。
继续阅读
今次系第二次来红砖屋！第一次来，是星期日来的，好热闹，好多小档仔，有卖园艺的，装饰的，食的⋯ 感觉去左欧洲啲跳蚤市场今次来是平日，红砖屋冷清清的，只有依间餐厅有开，就坐低食野。间餐厅好家庭式feel, 应该主打做私房菜吧！餐厅有室外，有室内，我选择了室外，静静的坐下，叹杯咖啡⋯ 慢慢享受宁静的下午好好feel!见到咁家庭式既餐厅，我就紧系点家庭式既食品～～ 鸡翼公仔面味道真系有啲似自己屋企煮的喜欢宁静环境的，可以来这里走转
继续阅读
上网周围揾野食，揾到呢间cafe，有人讲到好好，又有人讲到差爆，所以同个朋友去证实一下到底系点!!我重来都未食过食评，但我真系火到都要写。我地都系去到锦田红砖屋揾呢间野，呢间野都几多人去食，我地去到个阵1点几都好爆下，但都好彩有d 2人位可以即刻入去坐，环境都同其他食家放上黎一样，都几有风格。望一望个餐牌都系写K&K cafe ，所以就去问个女店员，佢话同一间野，而家叫K&K cafe。所以 K&K cafe = 锦田红砖屋 Red Cafe甘我就有第2个问题，点解个餐牌唔同左既? 又问个女店员，佢话转左lu，转左用手写，我就对下同之前其他食家放上黎既餐牌，其实都差唔多，有d 野冇左，同加左价lo。(真黑仔)眼见墙有张野贴住d较中式既𩠌又走去问个女店员，问佢包唔包餐，佢话包热饮同一个饭，我谂佢心谂点解我甘多问题问佢，但我眼见成间铺得佢一个落单，有个呀姐就汁碗，唔问佢我问边个，但佢又冇咩野既，态度都ok，又唔会话好差。但人手真系严重不足!!我地2个人叫左个黑醋猪扒饭，卡邦尼意粉，豉油鸡翼6只。重点黎啦，我等左45分钟!!!!!!!我就去问个女店员，话帮我入去睇下，我见佢开左个厨房门问我d野食得未，哇哇哇，听到有把后生仔既声系入面劲大声用粗口回应个女店员，煮紧啰，唔洗煮呀宜家，#*$^%， .........我同我个朋友对望，呆晒，d 火即刻上到去头顶，我就睇下你煮d咩要甘鬼耐，个女店员走个黎同我讲话煮紧，我话ok。我就好好奇问佢系米PT，佢话系。如果系我，我就一定唔会做。除左我地既野未到，仲有大把人d野都未到，个女店员就比人系出面小足甘耐，当然得一个店员，都系个句唔问佢我问边个?食花生一提(唔关我事)，有个客佢话等左成个钟都未有得食，个女店员又入去问，个厨房先话佢听，冇晒啦，你同个客讲转其他啦，个女店员好火同入面讲，你唔好等到出年先同我讲冇，你自己出去同人讲，但都系个女店员走去同个客讲，结果比人黑面，比人插。d饮品 都系叫返冻柠荼隐阵d，所以冇咩特别。足足等左一个钟，我d食物终于出现第一样，豉油鸡翼，外貌都ok既，虽然我系唔满意厨房，但讲句公道说话，鸡翼真系几好味，好滑好入味。另一个重点黎啦，我食完鸡翼又要等多20分钟先出现黑醋猪扒饭，d 猪扒一 d都唔好食，又唔入味，又干，d饭又硬又冻，点食呀大佬? 终于卡邦尼意粉出现la，我见个后生仔一次过拎左4碟出黎，但佢仲要好大力放落收银位，我同个朋友都吓亲lo，但讲真既，卡邦尼意粉好多汁，真系好好食。但如果等到一肚气，我就唔会推介其他人黎食lo，食一个lunch要用3个几钟，真系认真够夸张。埋单$209，价钱我可以接受，但要我等既时间我真系接受唔到。如果你预自己可以慢慢等，但你就安排半日系到啦!
继续阅读
您可能会有兴趣的...