鏞鏞．藝嚐館

营业中

休息中

放完sem break約同學嚟食嘢，呢度環境靚但價錢都偏貴少少。最後發現佢下午茶時段有tea set，兩個人有齊鏞鏞招牌嘅手捲雪茄、蝦餃、叉燒酥，仲有甜品同飲品，幾抵食！叫咗： 🥟 手捲雪茄 (脆卷配鵝肉，好特別！) 🥟 翡翠金冠蝦餃 (蝦餃皮薄餡多) 🥐 芝麻蔥茸叉燒酥 (酥皮夠香脆) 🍮 宇治抹茶鮮奶凍 (抹茶味道幾香)份量兩個女仔食啱啱好！以後可以帶屋企人嚟飲茶～

人均$300幾，以現今市況計唔算貴，適合商務宴請或舊友茶聚。服務都唔錯，見到佢有VIP房,有需要可以提前預訂，方便傾談。今次約咗幾個朋友，點咗幾道經典：秘製咖喱金錢肚，南乳味香濃不膩老干媽醬蒸鳳爪，醬香惹味迷你南瓜咸水角，酥脆可口 主菜必試「鴛鴦遠年陳皮牛肉」，兩食各具特色，陳皮香氣撲鼻。另配海底椰銀耳燉萬壽果，養生滋補。近年港式食肆少有如此用心，可見廚師功力。

琴日帶阿爸阿媽嚟鏞鏞食飯，揀呢度因為交通方便，又有電梯直達，最重要係夠闊落舒服。試咗個銀棯醬系列，帶子蒸豆腐同銀棯淮山炒海斑球都唔錯，魚新鮮，豆腐滑，老豆都話夠水準。叫埋個生磨杏汁潤肺湯，湯底幾濃郁。甜品揀咗個舊陳皮紅豆沙湯圓，幾特別，媽媽話紅豆沙香濃夠滑。侍應態度好好，成餐飯都見佢哋幾貼心服侍啲老人家。諗住帶家人食飯，呢度都係幾好選擇。

環境唔錯，係7樓望落成個風景其實真係好加分，服務好滿意，上菜速度快，燒鵝同鏞記比真係食唔出有乜區別，除咗燒鵝我更加推薦鮮鳳梨咕嚕肉，酸甜可口好開胃，至尊肥燶叉燒味道夠足，性價比嚟講都唔錯!

在這個舒適的環境中，享受著美食佳餚，加埋 happy hour的優惠，是一種難以抵擋的享受。無論是與朋友聚會，還是獨自放鬆，都是完美的選擇.我喜歡我杯熱的蘋果茶，酸酸甜甜，啱晒冬天飲嘅果茶，簡直要添飲。另一杯嘅玫瑰花Cocktail，係威士忌Gin,簡直係色香味俱全睇得又飲得，最啱女士飲。加上咁靚嘅環境同氣氛，實在太浪漫令人陶醉。再加上一啲小食，實在係令人回味無窮心曠神怡，所以我都推薦俾大家，好開心我今日發現咗呢一個地方，簡直就係打卡影相食飯聚會好地方。交通非常之方便，喺地鐵站上蓋。服務非常之細心，而且有禮貌，我好滿意。

咁啱就係K11行開街見肚餓，想食中餐就近離鏞鏞！點咗個招牌燒鵝確實唔錯，皮焦脆，好香，醬汁都好好味，推薦！清炒豆苗火候很好，豆苗夠嫩夠入味，一味看似簡單嘅炒菜睇得出功力夠！仲點咗其他菜就冇乜印象了，環境都幾好，靜得嚟仲可以睇埋風景！

環境：開得係K11環境就肯定唔會差嘅，整體檔次都幾高級下，行出露台仲可以睇埋維港靚景，打卡影相最啱啦點心：鮑魚灌湯餃，皮薄餡料足，湯水多多；碧玉鮮露筍蝦餃，啲蝦肉好新鮮，好彈牙,香菇燒賣就啖啖肉，好滿足，蛋撻個皮酥脆到癲，蛋漿滑溜香甜，好正！服務：態度好，即叫即到，斟茶換水都幾及時

超中意食佢哋個羹，好味得嚟又夠清淡，蛋花從口中絲滑到胃，口味淡到層次豐富，體現咗廚師嘅高級之處，應該係花咗唔少功夫係入面！燒鵝好帶有少少麻將，第一次食到咁特備嘅燒鵝，鮑魚酥個底好鬆脆，鮑魚比我想象中大隻，好入味，成個搭配好好食，亦都唔會好膩

琴晚系文化中心聽音樂，順便嚟K11七樓嘅鏞鏞食飯，呢間係鏞記係尖沙咀開嘅分店，基本嘅招牌菜呢度都有得食！簡簡單單叫咗四道菜，每樣都好出色，比較推薦嘅係手卷雪茄同埋兔仔餃子，當然一定要試嘅係佢哋嘅招牌燒鵝啦！

極力推薦原隻燒鵝比，作為招牌菜幾乎係每張台都係必點嘅，酥脆嘅外皮包住鮮嫩多汁嘅鵝肉，口感真係冇得頂！禮雲子超好送飯，口感細膩滑溜，同白飯簡直係絕配！大白兔糖奶凍造型好得意，搭配特色脆脆可以好巧妙咁中和甜味，作為甜品簡直滿分！

燒鵝簡直係一絕，太好食啦。雪茄手卷做得超逼真，泰酷辣。蝦餃嘅顏值都好高，非常之入味。煲仔飯雖然係等嘅時間耐咗啲，不過出品絕對係物有所值嘅，都係值得一試，仲可以將成個維多利亞港嘅景色一覽無遺！

Food is decent, but too expensive indeed. The tea does not taste like good tea. Ordered a chicken pot and a regular set of duck, can only say they are decent. The menu and the interior design convey a sense of superficiality…the waiters are nice and respectful. But what makes me angry is the female manager (perhaps). When I asked her to repeat, she just simply behaved impatiently and even disdainfully. As we finished order, she walked away with a concealed cold smile, simply laughing at us for n

我哋當時就係室外就餐，一眼就可以望到維多利亞港嘅車水馬龍。室內有120度嘅維港風景，餐廳入面整體空間都好闊落，店員服務態度一流。燒鵝脆而不膩，仲有搭配嘅梅子醬都好正！叉燒同金錢肚都好好食，火候功夫了得！

燒鵝，肉好香，皮脆，確實係正！至尊肥叉燒，雖然有啲肥，不過靚叉燒就係要肥肥哋要好食，太瘦反而唔係咁好。唐生菜，搭配係應該係腐乳醬嚟，又脆又甜！游水東星斑，非常嫩滑，魚肉鮮嫩，幾抵食！

呢度嘅點心全部都係經典港式傳統點心，每一樣都製作精良，用料扎實，尤其係咖喱金錢肚，搭配呢個芋頭都係十分美味。蝦餃好大隻，用料上乘，咬落去真係淡淡肉！如果係晚市嚟仲可以行出露台欣賞夜景打卡影相