長江海鮮酒家 (已結業)

今天是平安夜, 心情自然十分期待放工, 因為一放工就是兩天的假期. 假期前的工作氣氛當然淡薄, 來到下午荼時間, 就跟朋友吃碗麪消磨一下時間. 來到這間餐廳, 其茶樓的部份已經下場, 只剩下西餐跟麪食的部份. 以往都經常吃西餐下午茶, 故此今天就點了麪食試試. 見它雙拼都是加HKD5, 我倆都點了雙拼. 紅紋牛腩雲吞河的牛腩些微結實, 但肉味紅燒香味皆香濃, 雲吞鮮甜, 河粉爽滑. 魚蛋魚片紅妏牛腩麪中魚蛋及魚片都很彈牙, 麪質結實. 每碗麪收費HKD34, 中庸價錢, 份量適中, 味道可以. 

呢間酒樓比較古怪，喺佢門口有一間叫簡單廚房嘅茶餐廳，再行入去先係酒樓嘅部份。睇佢嘅食評，無論食物質素定服務質素，都一直為人垢病。除咗酒樓同茶餐廳，呢間長江亦都有外賣自取嘅服務，無論炒粉麵飯，定晚飯小菜，都可以打定電話落嚟，叫咗之後落嚟拎，唔駛等咁耐。今日叫咗一個欖菜蓮藕炒爽肉，配埋一個例湯同埋一碗白飯，盛惠$48。講真呢個價錢，有酒樓煮出嚟啲餸仲連埋湯，都唔算貴。個餸其實好入味，但傳承一般酒樓嘅作風，味道係相對較濃小小的，蓮藕好爽口，爽肉夠入味，要挑剔嘅係佢比較油少少唔想煮飯嘅話，耐唔耐叫一次呢個小菜，其實都幾方便。

話說呢間鋪係男朋友屋企附近，係酒樓入面有個叫"簡單廚房" 有下午茶粉麵炸脾食, 好吸引就走入去試試.叫左個出前一丁蘿蔔餐肉+熱奶茶$29諗住最簡單既野都冇可能會難食, 但個蘿蔔係鞋口仲有好多根仲加左幾條芽菜... 都係第一次食麵咁既樣. 不過杯奶茶就正常.男朋友叫左杯菠蘿紅豆冰，拎到黎係紅豆水加菠蘿飲落去勁奇怪，同個侍應講未落奶，佢拎番杯野番去，廚房嗰個就好大聲咁話：係咁㗎！邊有奶ga 之後男朋友就話要換其他野，廚房先肯加番奶D 味道先正常番dd....等左5個字先出隻炸脾！成碟野都勁油，一拎起隻雞脾，骨都想甩落黎咁. 咬一啖，又鞋又老，成口都係油個廚師有冇心去煮野食，一食落去就知. 而呢個係睇個樣都知本黎我都同男朋友講好又一餐唔好又一餐，但佢話點解要比錢食垃圾本來好好地既食物比佢地煮到壞晒最後係取消左呢份餐. 希望佢地可以改善一下。尊重食物! 其實只要比番小小心機，炸野果陣去睇住個時間，或者用個計時器. 炸完既野印一印或者等一等先出比客人, 成件事就唔同晒

成班中學同學諗住一齊gathering 咁就諗住喺馬鞍山嗰間酒樓喇 咁就揀咗呢間酒樓喇貪佢方便就腳馬鐵站隔離咁我哋就貪圖方便就嗌咗個套餐 首先呢個燒味拼盤味道都還算ok但係之後嗰啲就真係麻麻地 佢個蟹鉗 都ok 但條魚就真係好一般呀兩條多寶魚 然之後佢個下面真係唔知佢係咩玩法真係真係好一般 個炒飯真係炒飯囉完全冇咩味道個蟹就真係得個 蟹殼 呀冇乜肉食蒜蓉白菜仔叫做正常少少 青椒炒蜆 正常 其實來咗碗翅嘅但係飲咗落去之後真係唔知飲咗啲咩囉入面係有 蘆薈 囉唔知咩玩法最高分係高官都係幾識我唔識講 最高評分應該係個馬拉糕其他嘢真係一般一般一般

昨天去了長江酒樓食午飯酒樓環境舒適，清潔我們叫了一個粟米魚肚羹，這個羹材料很豐富，魚肚厚身，食落口也不錯有一定水準還叫了兩個齋羅漢齋和豆腐干，羅漢齋材料很多芽菜，筍，雲耳，菜，每樣都很新鮮爽脆，豆腐干炆得入味十分好吃還烝了一條石斑魚，不過這條魚就一般般，因為食落口就已經知道不新鮮，魚肉是林，若然是新鮮魚食落魚肉一疏疏魚肉是彈牙的還叫了一個象拔蚌帶子炒甜豆，象拔蚌和帶子都很鮮甜，甜豆亦很脆這個不白切雞還可以雞肉滑嫩，還有一點鮮雞味

住喺呢區，冇得選擇，勉為其難，食過三次，有一次食花甲，仲要有沙。想不起有什麼好食的菜式，不過都欣賞佢為街坊服務，就算幾難食都叫做係有間茶樓。如果用心做好，可以返吸引返大水坑的生意回流。

年初一的拜年，先到附近食飽飽。幸好親戚早己到這酒樓霸位，成功佔有轉轉盤大枱。新春餐牌，即是新春價格。可能款式都是一樣吧！大家點了很多款點心，放滿整張枱，夠墟冚。   蠔豉豬骨粥　長輩點的，易消化。不過粥品没有附帶匙羹，如何分享？　脆皮燒腩仔　　好乾，燒豬皮又硬又脆，中間上醃料的腩位好鹹。最好就整件品嚐。       腸粉　粉皮不太滑，又厚身。 煎臘味蘿蔔糕　　看到蘿蔔糕就心有餘悸。事關未到初一，早已經食左几底蘿蔔糕。現在又有蘿蔔糕？　四寶滑雞扎　芋頭和腐皮是最美味的。蟹柳留給小米。蝦餃燒賣鮮蝦菜苗餃　蒜豉蒸排骨     蜜汁叉燒包    新春佳節，就會預左好擠迫。食過享用午餐，快快到親戚家～玩。大人有大人玩Majok，細路有細路玩具。

黃昏果時係灣仔食完碗米線返到屋企,爸爸話等細佬放工一齊去留下酒樓食飯。去到八點,叫左川味香辣雞煲,鐵板瑤柱琵琶豆腐,京都一字骨,椒鹽鮮魷,栗米汁脆魚柳,海皇翡翠豆腐湯,整體一般最好食係雞煲,好川味麻辣果種但雞好少半隻份量雞件吾係好多。個豆腐湯幾好飲好清飲左兩碗,鐵板豆腐個豆腐底好burn,可能個鐵板太熱,所以一般,個粟米汁脆魚柳個皮好鬼炸,個粟米汁分開上,要自己點吾係煮埋一齊,真係有好有吾好,不過我都係鐘意中式個種粟米斑腩林林地上面淋有粟米汁😆最後值得一讚可能吾係太多人服務都吾錯👍

上個星期日, 難得一家四口都係香港, 一早話左中午去飲茶, 本來係想去石門既 石門而家有三間酒樓但我星期日病病地, 唔想突登由大水坑搭車過石門飲所以轉左黎樓下呢間長江自從富安間酒樓執左做大快活同百佳,同區既私人樓又入左伙之後我係無再黎長江飲過茶架, 都有3/4年無黎叫左五個小食, 兩樣點心BB鴿做緊特價, 叫左兩隻全部小食廚房一早做好, 啲姐姐一收到單一"筆"起就係啦咸菜胡椒豬肚粉腸: 咸菜唔夠咸, 應該係煲之前浸太耐, 雪藏豬肚粉腸太腍,飲啖個湯, 都係唔夠味沙嗲蘿蔔豬皮魚蛋: 完全無沙嗲味個魚蛋外面有色但無味濃湯枸菜牛柏葉魷魚: 其實係白灼同有豉油所以唔存在唔夠味成餐最對辦係籠燒賣同做promo既乳鴿岩味 岩size埋單$349,其實佢啲小食同點心仲貴過馬鞍山海港但人地啲野食好食過佢好食不過無計, 而家大水坑區係得佢一間酒樓唔想搭車焗住幫襯佢, 懶惰累事

飲茶是我們家最喜愛的活動，每到星期日我們一家就會到家旁邊錦泰商場的長江海鮮酒家飲茶。我最喜歡他們的點心，如燒賣，鳳爪等。方便，價錢合理，不會太貴。所以一家都喜歡去，包括女兒同家中父母，老人家覺得飲茶，令大家更親密。這裡晚上有火鍋，上次都試過食，感覺只是一般，沒茶市那麼好。此外環境都尚好，服務態度都不錯，服務員有禮貌。雖然是獨巿生意，但都不會擺下姿態，對屋苑的住戶市民都總算有交待。希望他們能保持水準。

職員服務超級差，仲要食物唔係好食，點解可以唔執粒！買左外賣自取，等左20分鐘！職員叫錯左號碼仲要賴個客掛住講電話！講緊電話都聽到號碼的！對過不是我張單！無人拎都唔識叫多次號碼的嗎！仲有吹過一次單，職員話廚房整緊！根本無心幫客check單，是但敷顯個客！飲食業做到咁，麥當勞都不如，不會再幫襯！！快執粒！！

錦泰無野食, 又唔想食M, 試下酒樓入面既茶餐廳, 好似有別號叫"簡單廚房". 一入去就有位坐, 坐位舒適, 都寬敞, 不過好多野都好貴, 慳慳地叫左個常餐, 可惜性比價係其低, 份量好少囉, 味道又鹹, 隻蛋又好多好多油, 閃到呢...., 多士係凍既, 通粉係半熟咁, 凍檸茶同创冰無分別.... 員工態度同一般茶餐廳一樣, 食客要EQ 比較高.... 同埋唔吹得.... 唔可以阻員工傾計咁囉... 

年初一到這邊拜年，親戚早己到達酒樓入座，只是等待我們來到，才點菜下單。今天有賀新春點心，也有散點的正價點心。下單後，大家吹吹水，點心來到了，轉盤滿滿的，十分開心。多款點心，小食之中，對某几款的印象特別深刻。香麻叉燒酥　熱辣辣的叉燒酥，應該是鹹+香+甜。表面有芝麻及糖漿，層層酥皮尚算分明。而中間叉燒粒的鹹味，只用作吊味，淪為配角了。香芋鴨腳扎　比較喜歡外圍的腐竹皮及軟棉棉芋頭，鴨腳就留給親戚慢慢吮吧！燒汁煎釀茄子　　親戚表示這茄子比較鹹，自己嚐過醬汁，鹹味原來是來自醬汁。　煎釀茄子是十分正常，魚滑有微微陳皮味，配油泡茄子。唯有把茄子放在熱水內浸一浸，來沖走偏鹹的醬汁！以涫水淥碗時，發現餐具有明顯的污漬，噢！！！！衛生比低分。８位埋單合共六百元左右，但屋苑商場只提供很短時間的免費泊車優惠！無計啦，呢度係領展呀！

这间洒楼有一位女经理会在11:00前想你走，但是打边炉都要熟先食得架，佢就好似永远觉得我地挽手机唔食野，今次我食多了8分钟就比这位女经理影了我地相，还要黑面咁对着我地

黎過錦泰商場幾次，一直以為得老麥、茶樓同一間小食店。直到有次坐係老麥望過對面茶樓，發現下午茶時段咁多人係門口位...我就鼓起勇起行入去睇餐牌：P原來佢除左茶樓，佢地仲間左部分位置做茶記。質素算係咁啦～今日黎食左個下午茶星洲炒米＋奶茶侍應姐姐用車將食物送黎，雖然坐係個廚房隔離，個麵既外圍都已經開始凍 不過裡面尚算好熱：）辣味不太均衡。。。起初我仲覺得唔夠辣要加辣椒油。。。但食到最尾係有D辣既。個米份量好多，多到我食完夜晚唔駛再食。。材料有火腿同冇味蝦：(冇味蝦真係乜野味都冇，唯一敗筆之處。。。奶茶都好飲，比例剛剛好。