長洲角酪

营业中

休息中

之前去長洲，幫襯過長洲角落嘅總店！依家喺市區都開咗啦，唔使特登搭船去長洲就可以飲到美味嘅乳酪～✨士多啤梨乳酪味道比較酸，但係酸嘅程度可以令人接受到嘅，飲完之後好開胃 ，仲有幾片士多啤梨添～

午飯時間同同事食完lunch 行陣街既時候經過中環街市，肚仔未算好飽🙈🙈，禁啱見到呢間長洲角酪幾多人排，應該幾好飲就一人買左一杯試下！😊［經典角酪］原味乳酪味加上紫米，酸酸甜甜又有啲野咬下，唔想飲肥仔水可以揀呢間健康之選👍🏻［甘露角酪］問下店員先知甘露係楊枝甘露既意思！ 甜甜地有果肉，唔會太酸，好好飲，仲可以揀少甜同少冰！ 非常唔錯鋪頭周圍都有一兩個打卡店，店員都好友善禁邀請我地去打卡影相！👍🏻☺️

之前去長州已經飲過一次，估唔到係中環街市都飲到，即刻叫番杯招牌莓莓角酪🍓，酸酸甜甜，仲有滿滿既果肉～但唔知幾時開始加左紫米，感覺乳酪冇之前濃郁順滑，都係鐘意之前既味道多啲🥲因為三月頭突然氣溫急降，見到有冬日限定，都買返杯蜂蜜薑奶暖胃💛 薑既味道唔會過於強烈，加上有蜂蜜嘅甜味中和，係寒冷既天氣下有暖胃養身既感覺，健康飲品👍🏻🤣

🧋乳酪飲品💛 🥡外賣 🐻#甜食控 ——————曾經喺長洲飲過，經過中環街市發現分店已經開到嚟中環啦😆，🐻🐻‍❄️就即興叫左杯😛🍓莓莓角酪$42飲落依然酸酸甜甜，有啲紫米咬吓，仲有2片士多啤梨🍓感覺幾健康😝不過…飲落似乎比長洲店嘅時候「稀」，🐻🐻‍❄️個人口味鍾意濃郁啲嘅乳酪，依家呢個稀度就似返平時飲嘅台式飲品～招牌「長洲」打卡地鐵牌當然…都有「皇后大道中」版🤣考考大家眼力去搵啦😝～

長洲角酪嘅乳酪味道係唔錯嘅今次我叫咗兩杯自家製乳酪🥤芒芒角酪🥤草莓角酪草莓或者芒果味濃乳酪嘅味道都好足夠做到酸酸甜甜嘅效果但成杯飲品係偏甜嘅解渴就唔得㗎喇純粹坐低同朋友飲杯嘢傾吓偈係唔錯嘅選擇價錢嚟講大概40至40幾蚊一杯價錢都可以接受

同事介紹，食完lunch之後就叫啲嘢飲！今次我哋就揀咗長洲角酪，飲芒芒角酪同埋莓莓角酪，佢有本身Default嘅甜度同埋冰度，而且仲有啲紫米係底，飲落去口感豐富！芒果味🥭同草莓味道🍓🍓相當濃郁😆😆而且有果肉，咁落去飽肚感十足佢本身預設就係少冰嘅選擇🧊🧊🧊甜度亦都顯出店家調皮❣️❣️幽默同古靈精怪嘅性格，🤤🤤因為係寫住同你一樣甜，返工返到攰見到呢杯咁幽默嘅乳酪🍦、都會即刻開心返🤣🤣🤣

呢排成日都過黎中環呢邊，所以發掘左好多不同既小食店同餐廳而呢一間飲品店都可以話係近來既寵愛之一除左乳酪飲品外，佢地仲有果茶同其他人氣既飲品選擇不過黎得呢度，當然就會推薦佢地既乳酪飲料啦今次試左店鋪既甘露角酪 $42， 入口酸酸的，食得到啖啖既西柚果肉味道帶一點點苦澀，係好天然既西柚口味，另外乳酪入口都唔會太濃稠入口順喉唔會太過甜，啱曬一眾不好甜既女士口味

未試過去長洲飲長洲乳酪，中環街市開咗就試試喇。點左草莓乳酪，芒果乳酪，和期間限定的玫瑰乳酪。我最鍾意就係芒果乳酪，連埋啲紫糯米，好新奇有趣。10分好飲，10分值得推介！但侍應服務有差劣，問多兩句都不太耐煩回答。

今天來訪大名鼎鼎的🏝️長洲角酪🍹，出品果然無得輸👍。鎮店之飲—— 苺苺角酪🍓完全被它的外觀和口感所征服！😍它由純白色的原味乳酪和粉紅色的草苺乳酪層疊而成，再以紫米茸做底，又香又有口感。賣相和味道都是💯。🍊甘露角酪🥭楊枝甘露+乳酪的組合🍹手拆西柚、碌柚和芒果肉，果肉飽滿多汁，好豐富既味道！💡總結：@cheungchaucorner 酸酸甜甜，真材實料，健康有益。唔怪得口碑咁好啦💛💛

☝🏻長洲角酪@中環街市天氣熱熱地，除左珍珠奶茶之外，乳酪係一個唔錯既選擇，今次試左出名既長洲角酪，今次係中環開分店，叫左杯招牌莓莓角酪（$42），打卡一流次餘仲好好飲，心形士多啤梨加上紫米，令層次更豐富又夠渴更加健康，店內仲有好多選擇都好正咁，下次再去！

長洲角酪，出左黎中環啊！🤩一直都想入去長洲會一會佢！再係佢幅特色牆到打個卡😊但又一直都百般藉口無入到長洲😮‍💨呢次好啦！唔使入長洲！事關佢哋出左中環啊🤩🤩分店係中環街市二樓😊因為乳糖不耐，唔敢試奶酪類飲品今次試左#桃桃梳打 同 #奇異果梳打 入面食到啖啖果肉😊甜味自然，唔係糖漿既死甜清爽嘅口感同味道拎住一杯，係中環街市都行下，掃下街落一樓搵個位坐下都幾chill 架😊行過可以整返杯啊👍🏻🫶🏻

之前已經喺網上面聽到好多comment覺得好好飲，所以一場嚟到中環街市就諗住去試一試。點咗個莓莓角酪之後勁 Instagramable, 已經心心眼😍 但係飲咗幾啖，一時疏忽（太好飲）唔小心倒瀉咗🥲（已第一時間通知客服幫忙清理🙏）之後想再買多杯，結果店員知悉事情後，二話不說免費整多杯畀我哋🥹好多謝店員們 (少爺同其他兩位美女)。宜家小心翼翼品嚐中，點知真係好好味! 唔係得個樣😌😌極度推薦😝辛苦了中環街市嘅清潔員工🙏

之前入長洲，都會慕名而來試吓佢杯乳酪，的確幾好飲，知道佢原來係中環街市開咗分店，就好想去試吓～我哋叫咗角冬雪酪 ($52)，聲稱一日限量20杯㗎咋，打卡嚟講呢就100分喇👍🏻佢下面係滿佈新鮮嘅紅桑子，加上香滑嘅乳酪，上面仲加咗一層餅碎添，真係好似佢嘅描述所講，陣味好似芝士蛋糕，加上佢嘅紅桑子都唔少，令到呢杯乳酪唔會得個甜字，而係非常有層次😌講真$52一杯嘢飲的確唔平，但係佢都好真材實料，相當好飲😌👍🏻