開餐 (已結業)

就咁睇一個普通雜扒飯$57。加左日式咖喱汁$58。飯好似珍珠米咁，雞扒軟硬岩岩好，餐肉腸仔都唔係hea整，上餐仲係熱。涷飲加$3。落左單先睇到原來跟餐+$10 可以有茶飲，好過係出面買搖搖杯。

食飯有時無乜特別要求, 但俾錢要俾得值得. 係無出面食 2 餸飯咁平, 但室內坐,有冷氣, 唔迫人, 店內就是幾位年青人, 裝修感覺就是同聲同氣。2餸飯都有多選擇, 亦無行貨, 足料,有跟湯, D 餸好食,蝦也靚, 牛腩夠焾,入味, Ｄ 汁撈飯好食，飯和餸的比例也很好。只有湯面略略多了些油份。食完都好飽。

香港有好多嘢改變了我相信初心不變的餐廳，Menu都要改今日嚟到開餐，因為之前分店比較就腳，所以第一次來佐敦店，估唔到變咗兩餸飯餐廳，冇咗以前熟悉的蔥油同鹹蛋黃，真係有啲失望可能以呢個失望之心食飯，所以味道總有啲不習慣咕嚕雞球，雞球好食，雖然係兩餸飯，但係個雞球外層都係脆，咕嚕醬汁都好食，有四舊雞球都算多至於另外一個餸就揀咗西蘭花炒帶子，都知兩餸飯唔應該揀呢個餸，但係想食啲菜，值得一讚嘅係佢唔油，但係西蘭花好似白烚咁，帶子就細過我手指尾最前嗰一截，可能炒雞柳會好啲盅湯就係例湯放入個湯盅入邊，冇咩特別如果下次再要你食的話，可能就要再揀其他餸

書展去唔成，放假想搵個地方食下飯，休息下！咁就過咗嚟佐敦食個午餐！今次過嚟食個兩餸飯！因為佢哋嘅兩餸飯可以有好多種嘅配搭！今次小編做咗樣好大膽嘅嘢！叫咗兩樣好唔啦間嘅嘢！一個係豉椒炒蜆，另外一個係泰式鳳爪！首先講吓炒蜆，炒得都夠熱嘅！而且個汁唔算好辣，而且都幾入味！重點就係d蜆無沙，食落去都好有豉汁味。之後就講吓鳳爪，佢係一個冷盤嚟嘅，都幾大隻下！酸酸地辣辣地，唔錯嘅，如果有少少蘿蔔絲嘅話，咁就可以叫完美啦！佢仲有兩條菜心，都幾新鮮嘅！最後我講吓飲品啦！我叫咗凍檸茶！茶底夠清，而且都幾濃下，都好夠甜！服務態度方面：店員非常禮貌，服務親切！用餐非常愉快！

喺佐敦眼見唔少茶記，齋睇店鋪個樣就似茶記，以為都係普普通通㗎姐，點知一試竟然OK渦！最近都食過兩次，圖係第二次食嘅，第一次就冇影相啦（因為太肚餓😂）首先，D嘢食黎得快，同埋幾好食，加10蚊可以加嘢飲，成樽滿嘅，份量好夠，樽嘢飲D料整到望落成隻貓貓樣🤣加$7要埋個湯，都有幾多湯料，味道唔錯。另外，第一次食嘅雙餸飯、冇記錯好似係$56兩餸，餸嘅份量好多，飯嘅量都多，如果細食可以叫少飯😂味道幾好，可以一試！最後，大家如果好趕時間係極度推薦食呢間。

下午茶叫左個春卷,本來味道唔差,價錢尚可$27有4舊. 入座經理都好友善叫我掃針卡但到我賣單個陣要求如果可以有汁跟就好,佢本來笑口回應. 我一轉身佢就細細聲粗口話我以為我聽唔到,無問題宜家多D人知你幾好人

鹽酥🐥球：9 x ♥️炸單骨🐔翼：9 x ♥️燒原片五花🐷腩：9 x ♥️懷舊🐽油渣撈飯：8 x ♥️鹹蛋黃醬香蔥油撈🍚：9 x ♥️之前聽說這裡可以吃到特色懷舊豬油渣撈飯和鹹蛋黃蔥油撈飯，一直躍躍欲試，今天終於有機會過來開開眼界。個人而言，豬油渣撈飯普普通通，豬油渣沒有想像中那麼香，飯不夠熱，不能夠把香氣逼出來，有點可惜。反而鹹蛋黃醬和蔥油味道都非常好，就算只是微暖的飯，撈出來的效果和口味都非常之好。點了幾個菜，全部即叫即做，所以都新鮮熱辣。無論是鹽酥雞球還是炸單骨雞翼，都是燙口的，而且外皮酥脆又不會把肉炸的很干很柴，調味恰到好處，絕對是誠意之作。而燒原片豬腩片有三大塊，厚薄適中，油脂和肉汁豐富，醬汁味甜帶一點焦香，真是邪惡的誘惑。兩個人點了那麼多東西，還有兩杯飲品，埋單只是122元，實在抵食。

今朝早醒，既然唔想訓返，咁返工前食個早餐吧！去開餐試下佢個沙嗲牛，都算唔錯！！多士又幾好食！$34蚊有呢個質素我比90分！牛肉夠淋，沙嗲汁唔係花生味重個種！麵質正正常常！要讚一讚嘅係多士！可以要牛油多或奶多！我梗係要奶多啦！牛油同埋奶醬係自己搽架！咁樣非常之好！！然後配兩個餸，我要嘅炒蛋、腸仔都整得唔錯！熱檸茶味道正常！整體來講feel到佢地製作早餐都好認真！下次一定會再嚟過！

佐敦白加士街食肆林立，惜疫情係関多過開，只好選咗開餐入去吃早餐，它的早餐時段去到11:30 am超貼地，店内算新净，座位坐得舒服新枱新凳。做咗安心出行入內，伙計位位后生，很有禮貌，像其他港式茶餐廳粗聲粗氣的大叔或者硬把把的阿婵。早餐manu大约每款$33至$36, 已有麵、多士、蛋、腸仔和奶茶。就叫了港人喜歡的沙嗲牛麵，麵質淋滑很有彈性，牛肉大體上都入味，但有一兩件徧靳，沙嗲味都算ok，中上之作，蛋和腸仔就一般般了，蛋不是即煎，凍而吃上來像塑膠，腸仔也是凍的，可能早上人流徧少的原因。整個早餐，最欣賞的是件多士，放在麵包籃裡加上一碟仔鍊奶和一件包裝牛油，擺設赢晒，件多士香脆有筋性，餐後飲杯奶茶一口多士，一樂也！最後一提的是餐具、manu和調味品擺放得井井有條，給人有吃得舒服的感覺。

呢間有驚喜！早餐有哂我中意既食物！蕃茄牛肉扭扭粉茄湯味道香濃咸甜適中，牛肉有咬囗，一塊塊的，不是碎上。扭扭粉煙un 好味！烚蛋x2出面仲有好多餐廳不提供烚蛋，呢度有！厚多士呢個正！飛邊厚身，仲做到外脆內軟！咖啡都OK 的！高分可 encore

開餐-喇沙帶子雞球油麵 喇沙湯底食得出有少少椰奶味 唔錯 但略嫌唔係好夠濃 比起坊間果啲略輸一籌🤔配料唔算太多 -酸菜魚湯河份量足夠 但味道普通 酸味亦唔特出 😔冇咩特別 河粉比較散 同埋魚 有魚皮 唔太適合唔食魚皮既人😫 -總結:不過不失 可以有更好既選擇 不過良心小店要支持！

起初諗住呢間餐廳叫「開餐」，睇食評餐牌寫係有《全日開餐》，諗住早餐都可以揀特式粉麵，點知去到只有早餐餐牌。本黎無咩期望同驚喜，都係普通茶記，點知又有驚喜喎早餐：豬扒麵+煎雙蛋(+$1)+奶油厚多士+熱咖啡 $35豬扒較薄身，不過好大塊，肉質唔錯唔會鞋口，幾好食。麵無咩味，比較淡。煎雙蛋有蛋汁唔會熟哂配埋厚多士，仲可以揀奶油多士，會比埋煉奶你，呢個餐抵食，會好飽。最後係食唔哂，要拎走兩片多士另一個早餐：配料相同，唔係豬扒而係雪菜肉絲麵，凍奶茶（+$3）呢個就普普通通，雪菜肉絲，無咩特別評價😆整體來講，抵食，呢個價錢有哂基本茶餐廳早餐有既食物，仲要厚多士。間餐廳有好好多選擇，佢既午市後比較多野選擇，可以再試

食的係人情味同style，第一次去d店員同食客我係分唔到xd🤣🤣🤣佢地好casual，大家都好nice野食方面，味道不錯，想heavy呢間真係唔錯，好多heavy野可以揀😆 最重要係佢幾好食我今次食呢個飯，蛋同蝦食落，蛋夠滑，蝦有另外煎過的香味

今日食咗個火車頭河午餐，真材實料。餸好多款式，有肥牛、牛筋、牛腩,好夠份量，湯底飲左唔會口渴。最正係佢嘅凍檸茶少甜。有啲餐廳嘅少甜只係減半糖漿，其實都仲係甜甜地。呢間係減到中和檸酸，剛剛好。仲要走飲管，配合環保時尚，好正!

Really excited to try out this place and lucky that I didn’t even have to wait for a table. Actually, I was worried at first because a queue is a staple in good places in Hong Kong but I was not disappointed by the food so I guess I was just lucky. Spicy fish soup noodlesPerfect amount if spiciness to get you through a workday. This is a nice way to scratch an inch without fully committing to a spicy fish soup. The noodles were al dente, and yes, it should be a thing for Chinese noodles too, not