開餐 (已結業)

係佐敦諗住周圍搵下有咩好食，點知突然比呢間文宣多到爆既港式茶記吸引左，既然係咁，就決定入去懲罰下佢！☺️嗌得呢個飯，本來都無咩好大期望，諗住都係出面食果啲雞扒飯。點知有意外收穫，一黎佢果兩舊雞扒大大份，差唔多遮哂成個飯咁濟，二黎食落肥美嫩滑，唔會好老好鞋，加埋個幾送得飯既燒汁，成碗飯好快就K.O.左🤣呢個飯都好足料下，事關佢條鰻魚真係大大條，而且食落係肉質嫩滑果種燒鰻魚。而牛肉就遜色過鰻魚，煮得比較乾身同埋唔夠軟腍。成個飯因為條鰻魚既關係變得好抵食，味道都不過不失。見跟餐有得加湯飲，一於試試，點知意想唔到，又幾得喎😆 個湯超多津白，一啲都唔孤寒，飲落奶油味好夠，仲有啲啲金華火腿既香味，值得一試！見第一個湯幾好飲，我地又嗌多個湯試試佢，不過今次係魚湯。估唔到呢個湯仲足料，雲耳同勝瓜多就唔出奇啦，但魚片都比我預期中多，食落仲啖啖肉，一啲骨都無，個魚湯仲要好鮮甜，又多料，呢個湯會再encore!😚我地仲嗌左奶香炸饅頭($17/2pcs)，見佢平平地就試下🤪 佢一上到黎就超級香，搞到掛住食，唔記得左影相😭 饅頭新鮮炸起，熱辣辣，外皮脆裡面軟軟地，係合格有餘既炸饅頭，仲要10零蚊就有，性價比好高👍

上次四人來, 無位, 見店內有一人都坐四人枱, 服務員沒安排一人食客轉位, 都是對的, 我們沒等位了。今次6:30 前來, 無咁多人, 終於有位, 我們三人,  選了三個飯再加他們自家飲品都是HK$201, 很低食,  因為只要加HK10 or HK$12 便有個飲品, 自家樽好特別,  我好喜歡萍果果醋, 好多果肉, 還有西柚及橙,  感覺健康又清新,  而 鹹蛋蔥油飯 的 鹹蛋黃不太鹹, 似蛋黃蓉, 蔥油又不會太油膩, 美味啊,  跟飯上自選茄牛娃娃菜可配飯當作湯飯吃, 即一飯兩吃,  囝的雞排飯, 雞排份量好大, 喜歡吃肉的他都讚不絕口。

又來這家小店了💛 之前試過鮮茄湯粉，真心覺得不錯，所以這次還是叫了 $𝟱𝟲 招牌溫泉蛋鮮茄牛肉湯通粉👅 湯底真的很濃郁，整碗喝完都不會口喝，很真材實料‼️牛肉不會硬，口感很滑‼️$𝟳𝟴 原條鰻魚牛肉飯👅 鰻魚油脂不算多，尾部位置略乾，配上甜甜的醬汁味道還是ok的‼️

味道：⭐️⭐️⭐️⭐️係香港人嘅食堂門口痴左好多文宣💛每次經過都會停落黎望一望👀❶招牌溫泉蛋鮮茄牛肉湯通粉 $56作為溫泉蛋既fans🥚一見到呢個餐就諗都無諗咁簡左！溫泉蛋做得好流心👍🏻不過如果係跟飯既話 蛋汁可以撈飯就更正🤩另外蕃茄湯味道偏淡牛肉就用左滑牛肉！份量都好多 食落好有口感🐮而通粉就係扭扭粉 撈埋啲湯食都幾開胃🍚❷解毒胎菊花蜂蜜 跟餐+$10超推薦！！呢個水樽好靚 而且仲可以重用！10蚊雞簡直係性價比超高😍味道就好似平時飲既菊花茶咁🌼味就都適宜 而且仲清熱潤喉👄Ps: 旺角、佐敦、灣仔都有分店📍

之前一路見到呢個香港人加油嘅水樽一直都好想去支持今次經過即刻衝入去試吓由於我係大約2點幾嘅時候去食都算係下午茶時間人流唔算多唔需要等位入面地方都算大有好多枱由於自己比較鍾意食重口味嘅嘢咁就叫咗酸菜魚河粉黎都嘅時候真係嚇咗一跳因為下午茶時段開頭冇expect佢哋嘅份量咁大碗點知嚟到真係幾大兜而且佢哋嘅酸菜魚份量都好多所以好抵食而且味道都夠味不過冇乜辣味所以食唔到辣嘅朋友都可以一試朋友就食咗炸豬扒油渣飯 但忘記影相豬扒真係好大塊如果係女士食其實真係可能會食唔唒加$10就可以有呢個香港人加油水樽嘅茶或果醋我當然都加咗果醋味道好好裡面仲有好多生果好足料水樽仲可以重用呢間真心可以支持

今次介紹下我返工附近既餐廳喇呢間餐廳可以話係我同啲同事既canteen🙈比起一般茶餐廳 佢地種類相對較少但佢地每樣野食都唔錯 絕對唔係求其整首先講下酸菜魚河粉喇 佢好受我地歡迎架我第一次見到有餐廳賣酸菜魚河粉覺得好新奇可能係我見識少😂 岩晒我呢啲有時想食酸菜魚又冇人陪既人唔想食河粉唔緊要呀 因為佢地係有得轉飯架酸菜魚飯 一試就返唔到轉頭😌另外佢仲有懷舊豬油渣撈飯配豬扒或者雞球又係另一款好受我啲同事歡迎既食物呀 仲有佢地既湯飯類呀 夏天冇乜胃口既話岩晒不論係餸定湯都非常足料 佢地既小食都唔錯架 絕對可以同朋友一齊去食嗌一兩款試下記得記得一定要試佢地既炸流沙奶黃包就算飯後食 攤凍左佢都依然係脆同流心架當然喇 趁熱食就簡直係無得頂呀👍🏻飲品方面都幾特別👀首先更係要介紹佢地個三款養生特飲喇佢地用咗可重用水樽裝住又足料又好飲然後除咗一般咖啡奶茶檸茶檸水個啲之外佢仲有潽洱茶 桂花烏龍茶可以選擇杯杯都有佢三角茶包係到架 飲完加水又可以再飲多杯😉六點後佢地仲有優惠套餐 非常抵食28蚊有飯有野飲 真係要幫趁下先得呀👍🏻佢地啲店員個個都好勤力又細心而且佢地餐飯好環保唔主動提供即棄餐具飯盒方面都唔係用發泡膠

之前比 dineinn_hk 嘅香港人水樽吸引咗，成日喺附近出沒嘅我終於有機會試吓啦！餐牌上嘅食物種類都幾多，有一種𝚏𝚞𝚜𝚒𝚘𝚗茶餐廳嘅感覺～個人覺得環境衛生有進步空間，坐低就有一種唔太乾淨嘅感覺🙈整體食物質素普通，不過見好多人都推薦佢嘅酸菜魚湯底，下次有機會再支持下！.saw the hongkonger water bottle from dineinn_hk before 😆 so always wanted to try it 👍 tons of food items on their menu! it has that fusion cha chan teng vibe to it 🤣 overall, the food was average and it was a super clean place either 😔 i saw a lot of people recommend their sichuan style fish soup base! might trythat next time!.💫整體體驗 𝐎𝐯𝐞𝐫𝐚𝐥𝐥 𝐄𝐱𝐩𝐞𝐫𝐢𝐞𝐧𝐜𝐞✨食物 𝐟𝐨𝐨𝐝 6.

呢間店大家都應該唔陌生😇一入門就已經有伙記即刻走埋黎探熱，畀潔手jelly，店入面都有幾枱無人。店入面都有唔少文宣同義賣嘅貨。一打開餐牌都有十幾種/麵食可以揀，加埋佢地改嘅菜名，同舖頭嘅概念一氣呵成。
果日叫左碗喇沙肥牛拉麵，一上枱記已經聞到好香嘅椰奶味，聲又多，口水麵流晒～可惜的比較鐘意酸酸辣辣嘅味道。如果鐘意鐘意食椰香味多啲，絕對會岩你！
黎到梗係要叫翻個五大素球黎話下癮，素球加左馬蹄，，好爽口！豬肉骨更加係一流，肉質葉軟，有濃濃嘅滷水味，好頂癮。

自從上年6月開始都少左食酸菜魚🐟始終出名整酸菜魚既通常都係中國餐館都唔知係咪良心小店😿又或者要一大班人先有得食到一大鍋估唔到係九龍區都有得以平民價一個人都食到😮.🥢酸菜魚河 $57以酸菜魚整成既湯底 比起要食一鍋酸菜魚更加飽肚🐠酸酸辣辣咁係超開胃而且呢個辣度唔會辣到食唔到🌶魚片份量亦都好足夠 食落好滑而且都幾鮮😋不過如果多返少少麻辣既味道會更加好.🥢喇沙海鮮牛麵 $58個湯底唔算好油🍜但好濃喇沙味 仲有少少椰子味🥥友人食落話唔係好辣 仲有少少甜味添個份量係好足夠🈵.🥢麻辣牛筋腩 $28個麻味係超重吞左舊牛啲麻痺先慢慢係條脷度散開黎👅超正呀牛筋牛腩都炆得好夠淋🐮不過食落口就相對黎講比較辣啲🌶.🥢素肉炒秋葵 $26鐘意佢係一個全素🥬加埋啲素肉炒秋葵係食落唔會好單調🥦素肉都好似真既肉豆豉加少少辣椒炒得好香不過就相對黎講油左少少 最後啲素肉都因為太油冇食曬🧈.呢間餐廳性價比真心高👍🏻而且仲有我最愛既酸菜魚一定會再返去食呀

黃到出面既餐廳，店內店外裝飾都好黃！不同造型pepe同連登豬公仔，牆上枱上貼滿文宣貼紙及Memo紙等，我好似好耐無去黃到金既食店開餐（羞）其實我想試經典豬油渣撈飯，但唔太餓就揀左喇沙雞球帶子湯麵 $58，原來都好大碗！喇沙湯幾香濃，不過雞球明顯睇到未上色，唔夠入味，不過肉質夠嫩。帶子係細細粒果種，幾爽口。朋友點生滾蠔肉碎湯飯 $58，都好大碗，蠔仔幾大隻，勝瓜仲好大舊，味道唔錯。仲附送油條，唔夠脆口，不過浸湯食都夾既。另外點左個素肉炒秋葵 跟餐加$26，幾好味，個素肉碎撈飯應該好夾。最後加$10叫樽特飲，明目圓肉杞子蜜同解毒胎菊花蜂蜜，前者朋友飲完話即刻眼瞓，堅治失眠，哈哈。後者我覺得有點甜，不過都好飲既。重點係可以帶走個香港人加油 水樽循環再用

終於比我擁有到呢個水樽喇💛疫情關係真係無乜點出過街，不過一有機會都會幫襯黃店，外賣自取有9折抵😊·喇沙雞帶子湯麵。都幾多雞，喇沙唔算好辣，味道唔錯😋牛筋腩飯。牛腩都幾淋，牛筋都入味，份量都ok👍🏼炸菜魚片湯飯。估唔到佢有埋油炸鬼，可惜拎到返屋企已經淋左🙈，魚片都算多炸單骨雞翼。凍左無咁脆，不過單骨易入口，味道唔錯香港人加油(明目圓肉杞子蜜)。唔會好甜，飲到圓肉既味，都幾潤😋·有分湯唔使浸到d野食淋晒👍🏼

Boyfriend and I decided to find a place called 開餐 (English name: Dine Inn) as we had heard it was interestingly decorated. Located in Jordan, there was a few people waiting for a table. We waited but as people did eat quickly, we didn't wait too long.Menu is in Chinese only. There is no 10% service charge and you pay on your way out. The place serves various rice  bowls and soup noodle along  with double boiled soup and side dishes.If you order a rice or noodle dish, you can get a healthy herbal

二零二零年八月三十日星期日晚上六時黎到佐敦 "開餐"舖頭入面比較細 但都坐得ok探熱消毒唔小得有喇沙麵 有魚蛋粉 有飯 椒鹽單骨雞翼葱油飯炸得好香脆 一啖一口得黎又唔會食到成口油 葱油配飯簡直係可以食幾碗都唔過份咸蛋葱油飯加五大素球 $62係珍珠米 份量足夠葱油咸蛋好香同夠油份 送飯一流素球就係用豆做嘅meetball 好飽肚杞子圓肉蜜$10 跟餐價鮮果蘋果醋$12 兩樽香港人加油茶飲 一路飲都覺得好有意義而且唔會太甜 如果大支d仲好果醋飲左會好開胃 會越食越多整體價錢一d都唔貴 大家要多多支持再encore

一早已經想幫襯呢間小店好耐.但又唔想假日人頭湧湧出街.最後終於等佢開咗旺角分店同埋平日放假就去支持一下😊差唔多兩點去到等咗5分鐘到就可以入去，其實餐牌都有好多嘢食選擇，普通茶餐廳賣嘅食物都會有、日式又會有，最後就揀咗想過口癮好耐嘅🌟酸菜魚湯河🌟.🌟五大素球🌟.同埋🌟醬油豬軟骨飯🌟。首先個🌟酸菜魚湯河🌟，魚嘅份量比想像中多，愈食愈feel到個辣味，如果唔食得辣嘅朋友最好好問問有冇得少辣。⭐️醬油豬軟骨飯🌟,,,本身對佢冇咩特別期望，點知個豬軟骨有驚喜，送飯一流，朋友全部白飯都食晒，哈哈。最後order咗個小食，名稱係🌟五大素球🌟，好特別。個甜甜酸酸嘅汁撈埋一齊好好食，食肉獸嘅我表示好滿足😍飲品就可以跟餐加十蚊換到一支💛圓玉杞子蜜 💛同埋💛胎菊花蜂蜜💛，兩款都好好飲，好解渴，感覺仲好健康養生添。個水樽仲可以帶走重用，超級抵！總括來說，呢個午餐食得好滿足。下次一定會再嚟試其他食物😋..

職員態度幾好，店舖內籠比較細，位於位之間較迫。喇沙雞帶子湯麵，$58，喇沙湯ok 帶子可以，太太麻麻地油面。鹽酥豬扒豬油飯，$57，豬油飯好食，豬扒有點硬。值得一提是加少少錢可以飲咸檸七$6，或凍檸水$3。兩個人晚飯$124，抵。開餐  佐敦白加士街19號地舖