閩味千里香餛飩皇

营业中

休息中

呢間舖雖然喺觀塘一個冇咁起眼嘅地段，但係裏面嘅餃子好有驚喜，尤其係煎餃子！幾乎每個月都一定會去食一至兩次。以下係我每次必嗌嘅菜式：1️⃣全家福煎餃佢嘅煎餃有分8隻同10隻，我個人8隻已經好飽。全家福係咩味都有一至兩隻，完全唔會中伏。2️⃣粟米小雲吞粟米好鮮甜，餃子皮好滑，配上佢嘅湯底，好好味！大家一定唔可以錯失佢嘅靈魂所在！就係佢嘅醬汁！ 通常佢上菜嘅時候都會送上一小碟嘅辣椒醬，如果佢唔記得俾你，你記住同佢講！或者自己去拎都可以，喺擺餐具嗰個位！呢個辣醬簡直為佢啲餃子同雲吞升級咗！如果實在要講佢嘅缺點，一定係佢嘅環境。 佢嘅裝修比較簡陋同埋舊。

幫襯呢間店已經有7年啦！只要經過又未食野一定會入去食番碗😋覺得呢間店值得一個好評👍🏻佢一路我都係心中嘅number one🥇佢地嘅價錢相對其他餃子餛飩店抵，最重要嘅係‼️佢地嘅量真系多好多‼️▪️全家福小餛飩（20隻）$41📌推薦‼️呢個包含咗：鮮肉、香菇鮮肉、韭菜鮮肉、玉米鮮肉同埋齊菜鮮肉五種口味嘅小餛飩😋個人覺得呢五種口味都非常出色各有千秋，粒粒食落都好飽滿，同埋食材都好新鮮，入到店入面經過會見到佢地包緊餃子同餛飩，透明度好高，唔洗擔心佢地唔衛生👍🏻📌熱烈推薦煎餃‼️（喉嚨痛關係就冇嗌到）⭐️同埋食得辣嘅話一定要點佢哋嘅秘製辣醬‼️

【觀塘區】【閩味千里香餛飩皇】去過幾次觀塘松記食糖水，每次都好想食佢隔離嘅呢間餛飩舖，但係每次都食唔成。的起心肝搵次我就真係特登走入去食佢，就淨係為咗佢先入觀塘嘅啫，咁就冇嘢阻得到我喇。入到去發現都幾多人，下晝都要搭枱先有位。嚟到就梗係想食佢哋嘅餛飩而非粉麵，不過都要睇有咩味。而最好嘅選擇當然係全家福，有晒鮮肉、香菇鮮肉、韭菜鮮肉、玉米鮮肉、薺菜鮮肉呢幾隻味，啱晒我呢啲貪心鬼，隻隻味都可以食少少，加上又唔需要做選擇，正呀。首先食 $33 嘅「全家福小餛飩」，有十五隻，以上講過啲味都有。而佢哋啲小餛飩都偏大隻少少，但都做到一啖一隻，味道上都幾好，啖啖唔同味，爽。咁淨係呢碗當然唔夠，叫埋 $41 嘅八隻「全家福大餃子」，確係唔細隻。主要係佢個餃子皮都幾實淨，食落都有飽足感，唔同嘅味道又豐富咗味覺。我再食埋 $45 嘅「煎全家福鮮肉大餃子」八隻，煎嘅就油膩啲不過別有風味，都幾好食。飲埋 $8 嘅「凍豆漿」就 $127 埋單，好似我咁食法都幾癲喪。。。（地址：觀塘康寧道34號地舖）#1amfoodie #foodie #hkfoodie #thatfoodiething #hkfood #fo

閩味千里香餛飩皇一兩星期我總會來這間店吃小餛飩，店舖雖小，每次中午來都是坐滿人，有些壓迫感，但小餛飩勝在皮薄餡夠入味，如果湯底香濃些會更加好，還有一個招牌滷麵都值得一試👍

久唔久幫會去幫襯，今日叫咗份煎餃，食咗2隻無嘢，第3隻咬落去好粉D肉咬唔碎，吐出嚟D肉粉紅色，用筷子扯唔爛舊肉，我叫丫姐過嚟佢話熟架，唔理我走咗去，叫咗丫叔過嚟佢都係話熟架，我隻佬咪試一隻都係咬唔到，有香音丫叔話新鮮豬肉係甘架，態度勁差唔理走咗去，我都唔係叫你換，2隻餃值咩錢，點解e間食店甘無良，明明餃未熟入面豬肉會答我係新鮮係甘，甘都嗡得出幾無良，做咗幾十年人生同熟都唔識分咩，不如煮都唔好煮就俾客食算啦，d肉咪夠新鮮。

又同朋友游完1000🏊想食番個宵夜先番屋企 好日都唔去觀塘 發現完來夜晚有咁多寶藏💎💍經過呢條街發現又有酸辣粉又有串燒又有甜品正當我唔知點揀個時發現左呢間餃子店 未入去係門口已經閒到陣煎餃香味♨️ 所以就決定係你啦😍夜晚11點幾仲係坐足八成 唔講以為係做緊晚市同朋友share咗個雲耳白菜鮮肉煎餃子因為佢係即叫即煎 🍳所以都等咗大約10至15分鐘先有 不過等待係值得嘅 佢上到嚟嗰刻仲feel到佢啲蒸氣升上黎 而且有生菜喺下面墊底 吸緊少少油 👍🏼 都feel到佢嘅皮比較薄 而且餡料都多 不過少少美中不足係佢嘅內餡唔夠味 如果加醋同辣椒醬去點嘅話肉同菜嘅味道只會被蓋左🥲🥲 不過佢煎到非常脆所以我會話不過不失 宵夜嚟講都係一個唔錯嘅選擇😌🥘🥘🥘🥘🥘🥘🥘🥘🥘地理 7/10環境 6.5/10味道 7/10服務 7/10🥘🥘🥘🥘🥘🥘🥘🥘🥘

一路都食開佢嘅餛飩，味道不過不失，夜晚去叫左兩碗餛飩，我唔記得叫走青，所以入去同老闆娘話幫我走青，後來餐攞左出來，同我話，你自己返去撩出來啦，我好言懇求老闆娘可唔可以幫我重新裝個湯，因為我對芫荽嚴重過敏，老闆娘話，冇可能，你自己返去整，我就走了，唔會再有下一次幫襯，我只是請求個湯重新裝一碗，我唔想掉左個餐咁浪費，你個餛飩跟湯分開，重新裝個湯好難為你嗎？就算你要加我錢我都接受㗎，咁嘅態度真心接受唔到。

餃子店其貌不揚，但朋友說是寶藏小店，還得意帶我去嘗試。詳盡介紹「餛飩」發展史。主打餃子和雲吞，選擇不是太多，價錢算很便宜。手寫order後直接給侍應就可以。雲耳白菜鮮肉大餃子🥟 10隻 $39餃子很大隻，但餃子皮很厚，鮮肉比白菜多，餃子味道很厚實，清湯沒有什麼味道。（煎）薺菜鮮肉大餃8隻 $43煎餃香口好多，菜肉均勻，個人覺得煎餃比水餃好食。（煎)韭菜鮮肉大餃8隻 $38正常韭菜餃子，個人感覺薺菜鮮肉大餃比較特別一些。鮮肉小餛飩 20只 $38雲吞非常細隻，味道還可以。街坊生意，價錢不算太貴，餃子🥟覺得還可以，所以客人還是非常多的。有外賣生餃子。

🍜🥢閩味千里香餛飩皇🥟🍲觀塘工業區都食左好多間唔同lunch time選擇，今次要試啲舊區嘅小店☺️🔸全家福小餛飩 - 就係一碗20粒，有齊所有味道既小餛飩，鮮肉，香菇，薺菜，韭菜，粟米。呢隻小餛飩其實好似福州小雲吞，因為佢係細細粒，所以叫咗20隻，但係其實都好夠飽😋其實佢仲有水餃配陽春麵，同事叫咗覺得水餃都唔錯。不過要提一提，就係呢度嘅環境唔係好好，似聽到有客人見到有曱甴，不過小店其實都少不免，只係昆蟲走唔走出嚟俾你見到😆

第三次叫這家的外賣 煎餃送過來很脆 因為很有經驗 蓋子剪開了縫 煎餃皮很香 肉餡很足 有汁水 煮餃子也不錯 餃子和湯分開 不會因為時間所以泡爛 感覺這次的韭菜水餃不是很夠熟 稍微差一點點 玉米餡的沒問題 上次一次過試了所有口味的餡 各有特色 這家專注做餛飩水餃 愛吃的不要錯過 這次還叫了燙青菜 分量不錯 也不會過熟 生菜口感很脆 調味來說也不會很重 下次會再叫最愛的韭菜煎餃 晚上開的也比較晚 所以作為宵夜是非常好的選擇 下次要試試他們的招牌餛飩 推薦

觀塘市中心愈黎愈多野想少人d 今日行左上康寧道試下呢間餛飩/ 餃子店 佢呢到有分小餛飩 、 大餃子 （煎/ 湯） 小朋友先做選擇 兩個人當然要試晒兩款 小餛飩 有分鮮肉 、香菇鮮肉、韮菜鮮肉 、玉米鮮肉 、薺菜鮮肉 同全家福 吾洗諗 叫左20 粒全家福 佢鮮肉個底都幾濃味 比較特別既既係薺菜 薺菜味會出好多 大餃子方面 同小餛飩既餡都差吾多但多左雲耳白菜鮮肉 所以10只全家福煎餃 即叫即整 脆卜卜 我都係鐘意薺菜同韮菜 食落味道層次多d 炸醬麵 幼麵條 炸醬係肉碎佢底下都有少少湯 食落唔會咁乾 味道都可以

🤎閩味千里香錕鈍皇🤎如果大家有選擇困難症，可以黎位於觀塘嘅閩味千里香錕鈍皇，因為佢呢到有全家福大餃子，包括：雲耳白菜鮮肉餃、香菇鮮肉大餃子、韭菜鮮肉大餃子、玉米鮮肉大餃子和齋菜鮮肉煎大餃子，真係一家都係齊到。每款餃子都足料，煎得都好香，不過未到餃掂咁脆。呢到個辣椒油配餃子一流，唔會太辣，岩曬唔太食辣嘅我。🤍全家福大餃子 8隻 $40🤍齋菜鮮肉煎餃子 8隻 $42🤍玉米鮮肉大餃子 8隻 $33#boombu餃子#boombu觀塘

因為有時要返晚班嘅關係，每次放咗工都會頭痕食啲咩好，因為放工返到觀塘已經十一點幾，變咗好似冇乜選擇咁，同埋宵夜時段哩個位確實係有啲尷尬，因為好多時會覺得lunch已經食咗飯或者麵，到夜晚/宵夜嗰餐唔多想重複...會想食其他嘢，所以當我望到哩間嘢個名叫「閩味千里香餛飩皇」，嗰吓就諗「咦！OK喎！食餛飩咪得囉！一於試試佢啦！」未入到門口已經有店員熱情招呼咁問「係咪想食嘢有位喎」入到去覺得環境寬敞好夠冷氣我見到咁夜都唔少人嚟幫襯堂食外賣都有做我叫咗份「鮮肉小餛飩」真心我覺得係好味所以先想推薦畀大家大家未去過嘅就快啲去試吓啦！

位於觀塘康寧道嘅閩味千里香餛飩皇，店嘅外表同店面都平平無奇，行過都唔太留意得到小店嘅存在。入到去有幾枱客人，但環境非常安靜。平平無奇嘅小店內藏高質餛飩餃子。特別要推薦小餛飩＆煎餃子。小餛飩皮薄，入口滑溜，煎餃子外皮煎得好香口，而且鎖住肉汁，唔會煎到好乾身硬掘掘，大大粒，食得好過癮呀～「色」「香」「味」嚟講，除咗無「色」，賣相唔多吸引外，「香」同「味」都絕對有水準㗎～ 價錢嚟講，尚算合理，一行二人，食左5樣食物，飽到上心口，埋單$154。

昨晚第一次幫襯，透過外賣平台點了兩款餃子及小餛飩，味道很好。一心想下次一定會再幫襯，試吓其他的味道。可惜食完後，我和家人兩個都嘔咗成晚，我更胃痛到不能入睡。今日胃部仍然不適，不能上班，剛剛又再嘔。這是我第一次在這兒留言。本來不打算留食評，但覺得應該提醒其他食客及餐廳，希望以後不會再有食客食完之後感到不適。我們懷疑是食物未煮熟或運送途中受污染。希望店主留意番。因為未見有其他客人投訴，希望只是個別事件。