阿久根和牛拉麵屋 (已結業)

平日經過見到好多大係門口排隊早兩日心血來潮想食，12點鬆d就即刻去，但我好似去得太早，岩岩開門，門口個牌都未放出黎🤣為免拉麵無傳說中甘好食，叫多左個餃子做備份。拉麵上到黎，先飲湯，但，個湯邊鹹但隱隱食得出有好淡的蝦味在當中麵我個人喜歡食硬版的，但它質感是偏軟的🙈其他配料一般無唔特好食或唔好食餃子食得出一隻係豬肉白菜？一個好似有芥末係入面，但因為冇特別好食，我食完就算值得一提既係OpenRice 做緊推廣，用$80買佢$100 coupon ,起碼叫平$20，唔駛原價俾先。

較早前係OpenRice 度買左「阿久根和牛拉麵屋」的現金卷，80蚊買到價值100蚊的現金卷。今日Lunch又過開黎做野喎，諗都唔使諗就決定左試下呢間拉麵店啦！😊我擇左燒牛肩胛拉麵（濃蝦湯底），果然係人氣選擇呀！湯底超濃蝦味，After taste 仲有少少甜味，我超鍾意呀！😍麵度軟硬適中，幾掛湯，牛肩胛肉係一隻牛的肩膊位，有咬感之餘唔算韌，放入口咬兩下就KO左啦！每塊牛肩肉都配搭黑椒去燒，每咬一口都夾雜住黑椒的香氣，好好味！

《燒牛肩胛肉濃蝦湯拉麵》（$98）蝦湯濃郁，好impress 到我，睇到湯底顏色好深，睇得出好足料！配料亦好足，牛肩胛肉燒得好香，食到油脂香味🤤 拉麵麵質硬度適中，份量亦算多，整體不錯！《薄切生牛肉黑蒜濃湯拉麵》（$98）蒜味都幾濃，相對湯底冇咁特別，中規中矩，薄切牛肉肉質幾嫩，但味道偏淡。賣相雖然幾吸引，但冇燒牛肩胛肉咁香，我較為推介第一款！

前排拎左去佐敦維修既喼🧳整好左, 所以今晚放工後去拎返個喼順便到附近晚飯。揀左呢間評價不錯兼無中場休息既阿久根和牛拉麵屋 。我地點左濃厚慢煮薩摩雞拉麵, 慢煮安格斯牛小排濃蝦湯沾麵同可樂。見佢餐廳名叫和牛拉麵屋, 就好順理成章咁認為和牛係佢地既主打, 但點知只有好少和牛拉麵既選擇, 最想食既雞白湯底無得揀配和牛, 而我又唔鍾意食沾麵(唔鍾意沾麵既湯底太油膩太咸, 仲有沾麵多數都係熱湯凍麵, 夾埋一齊食變成暖暖地既口感我都唔鍾意, 覺得麵要熱辣辣咁食先好食), 所以我最後叫左雞湯拉麵。慢煮薩摩雞拉麵 - 第一啖先食拉麵, 煮得太淋。然後到湯底, 偏咸亦沒有雞湯味道, 反而飲到一陣頗為突出既蝦味。慢煮薩摩雞也普通, 不甚嫩滑, 金鶴拉麵的雞肉出色好多。牛小排濃蝦湯沾麵 - 老公第一個COMMENT係湯底唔掂, 太咸同太稀太水, 佢地沾麵湯底既濃稠度同我嗰碗拉麵湯底一樣, 但其實沾麵湯底應該要比拉麵湯底杰身濃郁D, 做出掛麵效果。牛小排有牛味亦唔韌, 但太細塊同薄, $138一碗呢個份量有D姑寒。阿久根和牛拉麵屋的湯底最令我地失望, 廚師落鹽落得太重手, 只有咸味, 沒有雞湯味也沒有蝦既鮮味

是日家裏沒有煮製晚餐，因而拉麵控太太的我下班後便打算自個兒吃個拉麵再歸家，記起早前同事推介了位於佐敦區的阿久根拉麵店，說是以專吃濃郁蝦湯湯底以及和牛為主，此兩者皆非常符合我口味，所以便選擇了到此光顧。餐廳入內需要先量度體溫，而且座位上亦設置有防疫隔板，可見措施做得充足。入座後便先可看見桌面放有三款醬料以作調味，分別是辣原味、蒜香辣、洋蔥辣，服務著實相當周到貼心。燒牛肩胛肉濃蝦湯拉麵湯底色澤呈現深咖啡色，是用上自家製蝦油、櫻花蝦、新鮮蝦熬製而成的，飲用時香甜鮮味，蝦香濃郁。而拉麵麵條纖長幼身，口感柔韌爽彈，掛湯力高。配料方面有溏心蛋、牛肩胛肉，溏心蛋是半熟的狀態，因而食用時蛋漿緩緩流出，味道馥郁鮮美，稠密滑溜。牛肩胛肉是牛隻肩膊部位，由於經常運動的緣故，所以筋肉發達，肉質亦相對結實，師傅配搭黑椒再進行燒製，入口不但毫無牛臊氣味，味道更牛味濃郁，煙韌甘香。吉列池魚豆池魚肉質豐腴，外觀細小，食用時正好可以一口一條。炸製至色澤金黃的魚身香酥爽脆，鹹香鮮味，內裏肉質卻仍能保持滑溜軟嫩，絕對是用作小食或佐酒的良配。總結而言，餐廳外觀裝潢已富有日本氣息，內裏則簡樸整潔、柔和舒適，而菜餚分量充足，製作

隨意喺openrice搵拉麵店！假日3點去到 只有一兩枱客人😂 可以慢慢咁享受下～ 霜燒美國安格斯牛小排魚介湯沾麵 $138牛小排好淋！ 咬落去都唔會有渣～ 要讚下個湯仲keep到好熱！ 魂之豚肉魚介湯拉麵 $88豚肉有三大塊 肥瘦均勻！ 炙燒豚肉好香口！魚介湯真係好濃郁 唔會好似得個咸字！牛肩胛肉濃蝦湯拉麵 $98牛肩胛肉煮得過熟 食落有少少韌！ 個味係okay 再配埋特濃蝦湯 一啲都唔咸！ 要讚下個湯底真係幾出色～ 應該用咗好多個蝦頭去煲～勁濃郁既蝦味！麵煮得好彈牙！好有咬口！不過本身自己偏好粗身麵 都係中意沾麵麵條多啲！

夜晚路經佐敦 想搵間韓國嘢食點知有啲嘢冇 冇心水情況下唯有食其他嘢諗住去佳佳食個糖水就算見到轉角間日本嘢變咗拉麵好似幾吸引就入去試吓估唔到竟然有沾麵天氣咁熱 食沾麵麵好過拉麵於是嗌咗個雞白湯A4和牛叉燒沾麵麵係粗麵 由於冇得揀硬度個人認為麵質偏軟 有下次會嗌返硬麵紫菜唔脆 少失望和牛叉燒軟滑 只係燒咗外面 冇乜油香味湯底比較家庭式 麵掛到汁 但唔好同座銀去比個人認為湯底可以鹹多少少始終沾麵靠點一點個湯就食 湯底唔夠鹹嘅話會比較淡$148呢個價錢算物有所值啦有機會會試返雞

之前有去過依間拉麵既旺角店 今日係佐敦食堆佢另一間分店 依然係湯底好出色！ 仲貼心仔有圍裙提供 店員都好helpful~🦁濃蝦沙招牌三色拉麵 ($128)真係好愛佢個濃蝦湯底 唔係道道都食到～ 麵質剛好 慢煮A4和牛嫩骨 口感一流！豚肉肥美 雞肉正常一次過有3款肉加埋溏心蛋好滿足😍🦁 雞白湯灸燒豚肉沾麵 ($102)雞白湯雖然淡味過濃蝦湯 不過好鮮甜！ 灸燒豚肉燒得好香 食完滿口油香！🦁 X-1493 辣粉枱面上仲有原味 蒜味同 洋蔥味既辣粉可以加。原味落少少已經好夠辣 超惹味😍 好建議試下

試吓叉燒拉麵以外的選擇，燒牛肩胛濃蝦湯面。送上來賣相扣一分，紫菜蓋住溏心蛋。伴菜木耳幾爽口，燒牛肩咬吓去幾韌身，熟得滯但應該可以處理淋些。蝦湯是濃厚。蝦湯一般都令到面好淋，這碗蝦麵面不會太淋。個湯面碗幾厚身，面份量算是一般。有些奇怪蝦湯面一般是福建或馬來西亞，不是日本名物，看看老板應該是本地原創。

橫街裏面嘅綠洲小店，拉麵店門口掛滿許願牌，膽粗粗入去試吓，估唔到有驚喜試咗佢餐單特別Menu嘅牛肩胛黑蒜油拉麵拉麵麵質適中，湯底不會過鹹，牛肩胛仲燒得好香比起好多所謂米之蓮好味

佢開咗都唔知食咩，經過見到呢間拉麵，冇乜人排隊，入去試吓，服務態度唔錯，環境裝修唔錯，就將置身於小日本，佢而家冇得去旅行嘅情況之下，都算係很好的選擇炙燒豚肉拉麵， $85，價錢唔算貴，可以提供到呢個質素，算很好。三大塊豚肉，好肥美，好啱我，糖心蛋呢種半熟狀態，吸埋啲湯汁，很好吃。而且湯底好濃郁，每條面都掛上濃湯，好出色，如果可以配多碗飯就最好，不過食完咁大碗麵都好飽，可能因為佢哋的豚肉太大塊，好似食咗3件大豬扒咁

今日同個fd去開佐敦，所以順便去試吓這間由明星仔開的拉麵店！當時大約下午四時，店內無乜客人，店員任我哋自己選擇座位！坐下後我地就點了一個數量限定的慢煮安格斯小牛排濃蝦湯沾麵，燒牛肩胛肉濃蝦湯拉麵，吉列池魚仔同雞皮餃仔！首先個沾麵份量十分多，湯亦夠熱，蝦味十分濃，牛肉生熟程度剛剛好，有牛味，好好食！至於個拉麵，份量也是十分多，燒過的牛肩胛肉有很香的炭香味，湯底的蝦味也十分濃，上級之作！雞皮餃子就有好香的雞油香，值得大家一試！到吉列池魚仔，竟然有驚喜，一啖一條剛剛好，外脆內軟！店員的服務也十分細心，見到我朋友穿冷衫就即刻搋上即棄的圍裙，怕她被湯汁整污糟，外面有人抄牌又會問我地有冇泊車在外面，到離開時又會提醒我哋攞齊野！服務態度非常之好，值得在始一讚

小弟近排去咗佐敦上堂，因為疫情關係午飯時間有人數限制及有D食肆直情唔開，所以搵食艱難行行下俾間吃日本拉麵個拉麵湯底吸引，係雞湯底呀！平時吃D拉麵都只係猪骨湯底，真係從來無諗過會有雞既湯底，可能係我孤漏寡聞叫咗個午市套餐，猪軟骨雞湯拉麵同埋加個小食苦瓜餃子。湯底雞湯味濃，D麵夠晒彈牙爽口，份量足夠，係D配菜比較少。個苦瓜餃子真係吃得出D苦瓜味，好鬼特別，苦得黎又幾好吃，如果大家有機會幫襯就記得去試一試啦。整體黎講黎間真心推薦

同同事佐敦附近工作，未食晏，在附近搵餐廳醫飽個肚仔先，經過呢間拉麵店裝修好特別，決定入食午餐。睇到餐牌，湯底都有幾款選擇，有辣同唔辣湯底，仲有其他小食選擇同埋追加配料，餐廳環境都好舒服。～我選擇左雞白湯同蒜香湯，～雞白湯底好清爽，灸燒豚肉食落肥瘦適中，麵底食落唔會太軟同太硬。～ 蒜香湯底飲左一啖好香蒜香味，好喜歡呢個味道。～另外佢有三款辣粉提供，有原味辣、蒜香辣粉同埋洋蔥辣粉，辣度可以因自己味道去選擇！

早前去佐敦staycation check out後要揾地方食午餐 係嗰幾條街行左幾轉 最後都係決定食呢間🤣 12點幾撞正食飯時間都唔洗等位 啱哂我呢d沒耐性嘅人啊🥳🥳每逢食拉麵最驚就係好鹹 每次食都飲大量水 但呢間都唔算好鹹 有少少驚喜呢兩個人叫左一個沾麵一個拉麵🔸慢煮安格斯牛小扒濃蝦湯沾麵 ～$138面好大份 女仔黎講有d多 唔係好食得哂 走嗰陣嗰女店員都感歎我地食得哂個沾麵 其實係最後都係交俾男朋友搞掂😂😂大大份嘅拉麵相比起牛呢，牛嘅份量就小左d同有d薄 去到後面都冇餸配個麵 淨係喺度食麵 好彩我個人係鍾意食麵多個食牛姐🤣 但個牛都唔錯幾嫩🔸燒牛肩胛肉濃蝦湯拉麵$98呢個牛好有牛味 略嫌韌咗啲姐 呢個男朋友都讚好剛好遇上醫護人員買一送一優惠呢 所以抗疫優惠後好抵啊 下次經過再幫襯先Btw女店員好好人呢