阿叔泰麵 (金殿臺漢宮閣)

营业中

休息中

自從上個月搬咗屋之後要重新開始响地鐵沿線開始揾好嘢食呢日我就去咗太古食泰國菜正值中午放飯時間排隊的人龍都唔短都要等咗大約10分鐘至入到去職員安排了一個靠牆的座位給我便親切的為我推介食物蝦功拌飯蝦膏蛋黃醬鋪上面賣相金黃非常吸睛蝦🍤算大隻厚肉彈牙而飯量可真不少拌埋醬一齊食十分惹味開胃泰式綠奶茶在 OP 留意到已經心心眼所以我忍不住要點佢一飲之下帶有陣陣的綠茶味又不失奶香冰冰涼涼的已經好快飲咗半杯果然係無點錯～

如果喺太古坊附近番工，都會發現有間極高人氣嘅泰國菜，日日lunch hour都逼爆…“阿叔泰麵Asok Thai Noodle”主打泰國船麵和其他泰國街頭食物，Asok餐廳嘅面積唔算大，但佢嘅signature dish都好高人氣，包括”阿叔牛肉船麵”、”蝦功伴飯”、凍飲”泰式綠奶茶”等。午餐時段會抵食啲，除咗包嘢飲，部分菜式會比晚市平少少。另外佢唔收加一，同樣係優點。阿叔牛肉船麵 (lunch $88連飲品)呢度嘅signature。多料 (牛肉外仲有花生豬皮等)，湯味濃而不渴，最適合就係襯煙煙韌韌嘅金邊粉。蝦功伴飯 (lunch $128連飲品)呢度嘅隱藏絕技。好多隻鮮甜彈牙嘅大蝦，連同極鮮味嘅咸蛋黃蟹黃醬，食落去好有咸香，用嚟撈飯，唔使形容啦啩？泰式綠奶茶 (lunch set +$12)Matcha Latte飲得多，但用綠茶葉沖嘅奶昔奶茶就比較罕見。飲落有啲泰式奶茶嘅甜味，但同時有綠茶嘅茶葉味，幾特別，外形都討好。炭燒豬頸肉 (lunch set +$25)Lunch set加少少錢就有嘅小食，份量一啲都唔少，而且每一件豬頸肉都大件，炭燒味唔錯。佢本身跟咗個甜酸汁，不過個人覺

外賣嚟講，$54冇投訴. 香葉肉碎煎雙蛋飯但係如果正價要$72 ，咁又真係唔會食啦。肉碎係有炒過吓嘅，但係啲飯好明顯係飯煲出嚟完全冇同啲肉碎混合過，飯亦都偏濕唔乾身。煎雙蛋，兩隻蛋黃都全熟. 成個飯唔似泰式飯囉，完全冇應有嘅香味外賣每日最早11:30先至可以落單，有時仲要冇開機冇得叫外賣. 又試過落到單，但係被取消，佢哋話嗰日冇嗰樣嘢賣（signature 的豬手飯喎！），但係佢地又上咗餐牌可以落到單。另外，又一定要加$2外賣包裝連埋餐具，好唔環保。有待改善。

🍽️食物方面：🦐蝦功拌飯💲128好出色 好送飯 但大份要share 蝦大隻彈牙🛶阿叔牛肉船麵💲88湯夠濃味好飲 啲肉夠腍 有得加湯staff建議落埋醋 糖 魚露🐖炭燒豬頸肉💲25香口 燒得啱啱好 🪽飛天通菜💲35爽嫩 鍾意夠多汁 少少辣🆓斑斕薏米水(Lunch set)清熱去濕 唔太甜📷打卡方面：木系裝修杯靚 燈都幾特別🔈環境方面：多人排 要等位/搭枱Staff忙到出煙都好nice 💬其他資訊：📍阿叔泰麵太古太古城道26號太古城金殿臺漢宮閣地下G409號舖💰Lunch人均💲140

這天晚上我約了家人在太古吃晚飯，經過網上的推薦，我們便決定來到這間泰國菜餐廳試一試，店內環境明亮和清潔衛生阿叔牛肉船麵($88)金邊粉非常煙靭，十分新鮮，用花生碎灑面，豬皮脆口，通菜爽口，牛丸十分彈牙，牛腩香稔軟嫩，非常新鮮，湯底經過長時間熬製，非常入味，味道清甜冬陰功海鮮媽媽麵($88)冬陰功湯底味道挺辣，青口稔香軟彈，魷魚軟彈煙韌，蜆清鮮甜美，蝦爽彈鮮美，十分足料，媽媽麵十分軟身，味道酸辣炭燒豬頸肉($78)豬頸肉稔香軟彈，肉味非常濃郁，非常新鮮，配上酸中帶一點辣的醬汁，份量十分多飛天通菜($65)通菜十分爽口，非常新鮮，用炸蒜頭，辣椒調味，份量非常多泰式奶茶($30)奶滑茶濃，十分地道，十分有泰國風味整體來說，食物的質素非常高，食物的份量非常多，食物的用料非常新鮮，食物的賣相非常吸引，食物的選擇十分多，食物是即點即煮，價錢相對合理，而店員亦有良好的服務態度和積極，所以我認為這間餐廳是值得再去惠顧

太古城新開張的阿叔泰國麵. 這一間泰國麵館並不是在太古城中心商場, 而是在住宅區的地舖. 太古城近日商舖變動繁多, 這一個路段的住宅地舖大部份也變動了.阿叔泰麵是一間小店舖, 新開張. 裝修簡潔, 沒有太多泰國的裝飾. 食物款式也不多.我們吃了signature 阿叔船麵及豬手飯及飛天通菜. 食物質量中規中矩, 價格也是中庸之道. 坐位較窄, 是小店, 明白的. 阿叔船麵材料不少,湯底和麵質也可以. 豬手炆得夠腍, 味道適中. 飛天通菜也算惹味.

去完鰂魚涌開會，同事介紹有一間特色泰國菜在太古城附近，話佢個咖喱非常出色，所以就會來一試！店舖面積不大 ，但卻有正宗泰菜味道！青咖哩雞撈米線🐔青咖喱充滿不同的香料，辣味非常有層次！雞髀肉也是鮮爆香十分惹味！還有粟米仔豆角和泰式茄子🍆紅咖喱 牛肉配飯🐮紅咖喱味道不會太辣，反而有一點偏甜味，牛腩有香濃牛肉味不會被咖喱蓋過！飛天通菜有新鮮蒜頭，炸蒜頭和辣椒做配料，把通菜味道炒得非常惹味！炒通菜，最緊要夠鑊氣！荔枝梳打荔枝梳打好夠氣，食咖喱飲梳打夠晒清新！芒果糯米飯配雪糕🍦食芒果糯米飯配上雲呢拿雪糕，雪糕上有一點花生碎將雪糕味道更加突出！喜歡食泰國菜的，不要錯過這個泰國咖喱！

約咗朋友係太古放工一齊食飯， 除咗太古城中心之外，其實屋苑入面都有好多優質食肆。 東隅酒店行前少少， 新開嘅泰國餐廳， cp值高而且唔使加一。泰式酸辣鳳爪冇骨鳳爪酸酸辣辣， 而且數量都唔少， 質感爽脆彈牙， 清爽又開胃。泰式生炸蝦餅每次到泰國餐廳嘅必點菜式， 蝦餅飽滿金黃， 外層鬆脆 口感彈牙， 加埋酸甜醬味道更加好食。醉貓豬頸肉炒河這個真的值得推薦， 新鮮嘅粗河粉， 質感非常煙韌彈牙， 厚薄適中而且嫩滑， 辣辣地 夠香口有夠鑊氣， 重點係豬頸肉嘅份量很多。青咖哩牛肉 配白飯原本以為係青咖哩配牛肉片原來係配牛肋條， 好感度大大提升， 而且配豆角 、泰國茄子、 粟米仔 、小蕃茄， 真係非常豐富。

見屋企附近新開咗間泰國菜餐廳，呢日特登過嚟試吓好唔好食先🤔🍜阿叔牛肉船麵 $88麵底揀咗要粉絲，送到嚟時店員仲拎咗盤調味料過嚟，分別係糖|魚露|白醋|辣椒粉，加落湯度可以提升鮮味😋整碗麵有5-6件牛腩仲要大大件😍肉丸爽口彈牙，炸豬皮啱啱食時好爽，浸落湯食又另一番風味😋由於我掛住影相搞到食咗唔夠3分1就得返好少湯😅店員見我碗麵無乜湯主動過嚟幫我加湯👍🏻👍🏻👍🏻🍖街頭豬手飯 $78豬手飯嘅豬皮好香口，豬手肉好軟熟仲好入味👍🏻最正係有得揀要多汁，本身個飯d汁都多，店員另外再比咗細細杯汁我地自己加😍整體份量都幾多👍🏻🥭芒果糯米飯配雪糕 $68同其他地方食到嘅芒果糯米飯唔同，呢度嘅芒果糯米飯係裝喺個細砂煲入面幾有特色👍🏻微暖嘅糯米飯加上雲喱拿雪糕層次感豐富，配合埋芒果嘅酸甜味真係滋味十足呀😍🍋‍🟩青檸梳打 $24🍍菠蘿梳打 $26泰式餐廳必飲嘅凍飲😋

最近得知阿叔泰麵搬咗黎太古😍 難得咁近當然要去會一會佢🤭 餐廳內部裝修簡約又美觀，主要採用溫和舒適嘅木系裝橫，令人好放鬆🤗 首先㨂咗個餐廳推薦嘅阿叔牛肉船麵🤤 麵底🐧 就㨂咗泰國特色十足嘅Mama 麵🤭 船麵本身個湯底都好鮮好香😆 跟職員建議，加埋糖、醋、麻油同埋辣粉一齊食，整體滋味更出眾🤩 真係好食到停唔到口🥳 牛牛無論係丸子還是肉肉都又濃又香，真係好高質✅ 多點了一件泰式奶茶蛋糕做甜品😆 大大件好抵食🤭 蛋糕口感偏似雪糕凍餅，冰冰涼涼好啱夏天食🥰 食落每一啖都充滿奶茶嘅醇香👍 唔會太甜恰到好處😘 兩杯飲品包括經典必選嘅泰式奶茶同埋咖啡😋 兩者都味道濃厚，甜美無比😝 喜甜人士必飲佳選🥰 

今日放工喺附近見到間新開嘅泰國菜🇹🇭最愛泰國菜嘅我一定要試吓❤️裝潢有種小清新典雅嘅感覺同一般泰國菜唔同🤪味道一樣有返咁上下水準有驚喜呢🤩⭐️ 香葉肉碎煎雙蛋飯 🍳肉碎炒得乾身濃郁嘅香葉香氣🌿口味好地道👍🏻煎到脆卜卜嘅雙蛋蛋汁流到飯入面🥚係簡單地道嘅味道⭐️ 青咖喱雞撈米線 🥘青咖喱雞香料味重辣度都好惹味🌶️雞肉帶焦香🍗好似沾麵咁嘅食法令到米線吸收晒咖哩嘅香氣🍜⭐️ 地道炸雞棗 🐔炸得超香口好有泰國夜市攤檔嘅感覺✈️靈魂係一定要配上辣雞醬🥫酸甜嘅口味有特色⭐️ 飛天通菜 🥬同樣係食泰國菜嘅必備☺️ 除咗辣度之外外呢度嘅調味同樣帶蒜香比較溫和🧄配飯食岩岩好⭐️ 芒果糯米飯配雪糕 🥭芒果甜度好新鮮恰到好處💛配上糯米飯既口感黏糯度適中帶米香🤍⭐️ 泰式奶茶 🧋雖然甜度同冰塊係固定🧊但係呢個比例控制得啱啱好茶香濃郁🍵甜度唔會太高喧賓奪主非常驚艷🍭⭐️ 青檸梳打 🍋‍🟩入口清爽感覺好Fresh🥤平衡返濃郁嘅泰國食物就啱啱好

又到悠閒的星期日,得知太古城開了一間泰國菜食店,於是相約友人一試。店面是木色的窗框，店內約有十數張枱,不算很大, 但都乾淨整潔。由於是星期日,都幾乎坐滿了客人。我們先點了兩杯飲品，青檸梳打及菠蘿梳打，冰不是太多,菠蘿汁甜道適中可口。小食是選了泰式炸魚餅，有八塊都算多,配著泰式辣醬，魚餅有著冬蔭功味,微辣, 幾有特色。主菜就是蝦功拌飯，滿瀉的鹹蛋黃醬舖滿飯同蝦，賣相已非常吸引，蝦仁爽口彈牙，鹹蛋黃醬香濃而又不會有太油膩，恰到好處。當然也要嘗嘗甜品,我們選了芒果糯米飯配雪糕，冰凍的雪糕配著芒果及微暖的糯米飯，又冷又熱的感覺非常有趣,是不錯的甜品。

阿叔泰麵喺太古開咗分店 !! 咁近我緊係要黎食下啦 !! 店舖雖然細細間 , 但座位都幾闊落😌😌裝修簡約但舒適 ~ 阿叔牛肉船麵 ($88)有 3 粒丸 , 大概 8 塊牛肉 , 湯底好濃好香 ~ 我哋揀咗金邊粉 ~ 食食下發現冇晒 d 湯 , 抬頭就見到店員過黎幫我地加湯 , 原來食店用左新鮮金邊粉 😏😏 所以特別吸湯 ~ 蛋炒咖喱蟹肉飯 ($88)蟹肉大大增添左鮮味 ~ 蛋炒咖喱辣辣地 , 又有蛋香 , 食落好濕潤👍👍撈飯一流 !! 中間仲有啲洋蔥同蔬菜增加口感 , 好好食呀 !!炭燒豬頸肉 ($78)唔會好肥 , 點埋泰式辣汁 , 好惹味 !!青檸梳打 ($24)濃濃青檸味 ~ 梳打泡泡綿密好飲 ~蜂蜜菊花露 (熱) ($22)飲落甜甜地 , 食完辣野飲好舒服 , 好潤喉 !整體黎講 , 食店嘅選擇雖然唔係好多 , 但泰菜招牌嘅食物呢度都有😋😋所以一定揀到你啱食嘅 ! 味道好有泰國嘅感覺 , 份量都多 , 又唔使加一 , 性價比好高 ! 👍

今日下晝走去試吓 叫咗兩個船麵同埋一個炒河 個炒河好似用油嚟煮咁 河粉質地OK 不過真係好油 食完之後成個下晝個胃頂住 我唔知道之前好嗰啲食評係點樣嚟 但係真係唔建議大家去食 服務都幾好，經常同人斟水 同埋上菜速度都快埋單三百幾蚊 價錢唔係貴，但係真係唔應該俾啲咁嘅嘢俾人食

今日去太古城搵朋友，順便喺附近搵好嘢食。阿叔牛肉金邊粉湯頭香氣撲鼻，店員教我哋落少少醋、糖、魚露，就能夠大大提升湯底的鮮甜味道。牛肉鮮嫩多汁，肉丸彈牙，而金邊粉的韌性恰到好處，食完彷彿感受到泰式家鄉味。蝦功拌飯鹹蛋黃蟹黃醬非常香濃，絕對係今晚最大亮點。而且搭配新鮮的蝦仁，大隻爽口，第一次食咁好味嘅蝦功拌飯。泰式炸魚餅味道出色，軟糯香口，搭配著泰式辣醬，辣辣地好開胃。椰汁斑蘭糕靚到令人好想食嘅斑蘭糕，口感綿密，有椰汁的香氣，甜而不膩，我同朋友都好鍾意食！凍蜂蜜菊花露清新爽口，不會過甜，有滿滿的菊花香氣，喝上一口，瞬間感到心情愉悅。