217
63
13
影片
营业时间
今日营业
12:00 - 16:30
18:00 - 22:00
星期一至四
12:00 - 16:30
18:00 - 22:00
星期五至日
12:00 - 22:00
公众假期
12:00 - 22:00
*最後落單時間:21:15
以上资料只供参考，请与餐厅确认详情
相关文章
呢間 AFURI，我以前層經去過一次，當時食左柚子塩味拉麵，食評係麻麻地，因為個湯太淡太薄弱，唔夠力量。今次再光顧，主因係今日身體狀態唔太好，想食碗清爽淡麗型嘅拉麵，咁 AFURI 就係一個唔錯嘅選擇。《柚子🍊醬油拉麵🍜》香味 (5/5) - 香味非常充足。柚子味，醬油味，燒烤味，鰹魚湯味於一身。我甚至於認為係我聞過最香，最有層次嘅拉麵。湯 (5/5) - 比起塩湯，呢個醬油湯真完全係兩個世界。湯色清澈，似普洱茶色。因為有左上次經驗之後，知道呢道個湯頭係清爽淡麗型，醬油嘅鹹鮮係淡淡然唔係濃厚嗰種，而且醬油風味獨特，雞骨味清楚地可品嚐到。個湯味道好之餘，餘韻仲有淡淡嘅八角味。整體來講個湯我係十分鍾意。麵條 (4/5) - 細麵，帶全粉小麥粉，直身，口感極好，爽口又有韌性。最難得係，佢個湯夠熱之餘，個麵係由頭爽到尾，唔會話浸到腍左。小麥味中上。整體個麵為我帶來相當不錯嘅滿足感。配料 (3/5) - 豬叉燒方面，係豬五花，有滷入味，而且爽口唔油膩，又唔會話一夾就散，幾好食，可惜只有一塊唔夠皮。荀方面，夠爽脆，分量係唔少，但切得都太幼身，滿足感差d。比較差嘅係荀味係好淡，唔夠味。溏心蛋方面，正正常常，偏淡，冇乜點加味，要食之前用水嗽嗽口先食到明顯蛋香。海苔方面，我幾鍾意佢嘅選料，幾夠甜。水菜，正常啦，本身水菜冇乜味，配淡麗風係幾夾嘅。食到最後，加埋黑椒粉，增加味道嘅層次。《豚骨濃湯餃子🥟》其實佢有好幾款餃子🥟揀，我見有豚骨濃湯餃子，諗住食餃子之餘又可以試埋佢個豚骨湯，一舉兩得。但，事實未如理想，個豚骨湯非常淡，因為個餃子嘅餡本身都淡淡地，配埋個冇乜力嘅湯成件事麻麻地，可能食返煎餃會好d。呢一餐雖然分量多，一麵一餃子，一個人食，但都食得晒。整體 - 值得推薦 👍👍👍👍 但大前題係你要喜歡食淡麗風，如果重口味人仕應該會唔鍾意。
继续阅读
拉麵🍜-柚子甘露沾麵，醬汁清新，麵條爽口彈牙，不太鹹，不油膩。小食-章魚燒🐙嘅醬汁係蛋沙律醬，好特別。餐廳😋-自助下單，出餐快，員工友善有效率，地方整潔。
继续阅读
有時去東京想食都好多人排隊，次次都冇食到。尖沙咀呢間有時都要等一陣，等嘅時間唔長可以接受。點咗柚子鹽味拉麵，加小食（炸豚肉餃子）同飲品（玄米茶）套餐$158。柚子味真係幾清新，個人不嬲鍾意唔係太鹹嘅拉麵，呢款真係啱晒。另外麵嘅質地順滑有咬口，唔錯👍🏻餃子外脆，肉質鮮嫩👍🏻
继续阅读
同朋友嚟尖沙咀行街，條街真係好熱，頂唔順行入The One食下午茶。行過見呢間餐廳清清靜靜可以傾下計，朋友又想食拉麵。我哋各自點咗一個自選拉麵組合再加多一個甜品，食物味道ok，小食同甜品幾好，環境靜靜哋都幾舒服。唐揚炸雞，雞肉又熱好嫩，個醬都好味。炸豚肉餃子，少食餃子嘅我都覺得唔錯。柚子醬油拉麵。豚骨鹽味拉麵，細細磅。太熱要飲啤酒。日式豆腐甜甜圈，上面好似係肉桂粉，好軟熟。日式豆腐甜甜圈配柚子醬，呢個口味大眾化啲。
继续阅读
又貴又難食，難食到嘔份量極少，一張紙巾咁大既紫菜，一塊薄到透既肉，無處理過既蛋，個湯好似就咁倒鼓油落去咁，自己煮出前一丁仲好食為足之體驗做左篇文“那碗難以忘懷的拉麵體驗絕對是我一生中最艱難的飲食體驗之一。這碗拉麵不僅價格昂貴，而且難以入口到令人忍不住想吐。份量稀少到令人難以置信，一張紙巾大小的紫菜、一片幾乎透明的肉，以及一顆毫無處理的蛋，仿佛是壓倒駱駝的最後一根稻草。而那湯頭更是令人匪夷所思，彷彿只是倒鼓了些許油的清湯，毫無味道可言。這樣的拉麵體驗實在難以忍受，甚至令人感到極端的反感。自己在家煮的方便麵都比這碗拉麵美味得多。希望這次糟糕的經歷能讓您更珍惜好吃的美食，並學會區分優質的拉麵和劣質的拉麵。期望您未來能品嚐到更美味的拉麵，讓這次糟糕的體驗成為一段難忘的回憶，為您帶來更多愉悅的飲食體驗。”
继续阅读
您可能会有兴趣的...