阿婆糖水

营业中

休息中

對面明記咁啱冇開，行返過太安樓買糖水平時幫襯開美姐，成日買宵夜行過都見到佢閂左，今日難得撞啱有開就trytry試下佢，以為依檔擺得喺太安樓又推晒車咁應該冇死總共買左各一碗芝麻糊、紫米露、楊枝甘露加左兩粒湯圓前面兩碗係水溝糖，完全擺唔落口楊枝甘露又係咁，仲有陣藥水味，西米數到得廿幾粒最正常係個兩粒湯圓，不過佢都係入貨入返嚟㗎啦🙂最後每碗食左一啖，之後一齊去左大海喂魚希望唔好再有人中伏真係好難食好難食好難食

叫左碗椰汁紫米露，打開冇椰汁，撈底無紫米，得「糖水」，又稀又無料。俾左24蚊飲糖溝水，本身成本都唔高，仲要比啲咁嘅野人。如果係賣哂就同人講賣唒而唔係比啲水人。以後唔會再幫襯。

真係好難食！呢間糖水開左好多年，以前有食開，一段時間無食，今日買左杏仁茶、芒果紫米露。兩碗都稀到無人有，杏仁水同紫米水，淡而無味，係幾無心機先可以煮啲咁嘅嘢出黎/____\ 無言😑😑😑😑😑😑😑😑😑😑😑😑😑😑😑😑😑😑😑😑😑😑😑😑😑😑😪😪😪😪😪😪😪😪😪😵‍💫😵‍💫😵‍💫😵‍💫😵‍💫😵‍💫😵‍💫😵‍💫😵‍💫

昨晚（17/3/2023）於中環欣賞完演唱會，橫掂人在港島區，便去一直想去的太安樓買夜宵回家醫肚。買了咸食的宵夜，就進攻埋甜點，發現了一位叔叔在賣車仔糖水，見到家庭式經營，被吸引過去😇😇😇買了芒果紫米露糖水🥰🥰🥰買了大碗裝，外賣$38。叔叔比左半碗芒果再比紫米露。😋😋😋清甜可口，完全沒有死甜的味道，非常好食🤤👍🏽👍🏽👍🏽👍🏽👍🏽真心推薦，連另一伴唔中意食甜點，都話好味😋

尋晚同朋友係太古城食完野，行行下就打算食個糖水先返歸，我就提議行去太安樓個度搵阿公食阿婆糖水🤣🤣不過如果想食糖水嘅朋友要留意，啊公係差唔多晚上8點半開檔，佢會推住糖水車過黎，就開係「東記小食」旁邊，之後阿公就會將餐牌掛係東記小食個度同埋最近嘅入口，方便啲人知道佢哋開左鋪👍我就叫左佢哋最出名嘅 南瓜雪耳露，好香南瓜味，南瓜同雪耳切到好細粒，糊狀得黎又有口感，係出面嘅糖水鋪好少有，啊公仲同我講，「得我呢間南瓜糊嘅南瓜切成幼絲咁有口感架！」下次一定會再黎食😋

早前去太安樓掃街，聽朋友介紹有一間叫做阿婆糖水，但係搵極都搵唔到，原來係夜晚九點先開檔，見到阿婆同阿公兩個推住車仔，有一筒筒糖水，鋪仔細細，種類好多，仲有分熱同凍椰汁南瓜雪耳露：南瓜和雪耳被打成茸，入口軟滑，加上椰汁，整個質感很豐滿，我食完之後也在買多了一碗外賣回家😋😋

其實阿婆糖水呢檔嘢係四叔阿媽開架.早年係下午已經開檔.之後先係夜晚九點先開. 呢糖水質素比其他大舖仲正.好似楊枝甘露咁,就係同美姐甜品同一款式,唔似松記,滿記隻色偏黃.而美姐甜品係九十年代初先開,同埋開舖早過阿婆. 阿婆糖水既喳窄中既芋頭軟硬適中. 多面好多舖頭都做唔到. 太安樓好多小食店都係做得三幾年貨仔.但係阿婆糖水就做咗最少四十年啦. 

我真係冇乜機會過香港搵食，但如果有機會，我一定會特登搭叮叮去太安樓幫襯佢哋嘅桑寄生蛋茶，講真，呢款糖水的確冇乜難度，但係就食得出佢嘅嘅住家味。我去好多糖水舖食過桑寄生蓮子蛋茶，一係就太甜，一係就冇乜桑寄生味，雖然呢間冇乜其他料(蓮子嗰啲)，但以價錢嚟講，性價比的確好高，不過係要8點半後先開檔真係太夜(對我呢啲新界人嚟講)，如果可以開早啲就好啦😅PS: 檔主好好禮貌好好招呼，我想自己開枱，佢都即係過嚟幫我開😆

南瓜又高纖又高營養價值, 味道香甜, 所以一向都很喜歡這食材, 你們喜歡嗎? 我就會經常用它來烹調不同的菜式, 有整過南瓜湯、南瓜沙律、南瓜盅、南瓜包等等, 吃極都不會生厭, 連外出都要吃它, 真係可以稱得上是一個南瓜迷。今晚來到太安樓這個小美食天堂, 沒有揀大熱的焦糖燉蛋班戟, 也沒有等手抓餅, 亦沒有吃出名的海南雞飯, 又沒有吃排長龍的雞蛋仔……卻去找亞婆。亞婆!? 不是我的婆婆, 而是去找亞婆糖水。*****************************亞婆糖水都有幾大選擇, 正正有我喜歡的南瓜, 不用多加考慮就要了一碗熱南瓜雪耳露 ($15), 順便應下節，咩節？萬聖節囉🎃！其實係想滋潤一下。熱辣辣，勁多綿綿的南瓜茸 和滑嘟嘟的西米，唔止呀！仲加咗爽口的雪耳碎，雙重口味，而且唔會好甜，的確很有家的感覺🏠，仲要比家煲的更足料，好味！**留意：1）開晚上9:00-1:00⏰2）賣糖水嗰位唔係阿婆👵，而係阿叔👴, 哈! 

雖然在太安樓裏面 但之前係手推車檔 依家和個炒麵檔笞埋一齊巷邊有d枱凳 可以坐低食 一直都好佩服老闆 點解就咁用保溫桶都可以保到d凍糖水 anytime 都好似係雪櫃出來咁凍叫左凍紫米露 味道對我稍微甜左d但好多米 夠晒咬口 份量中等 價錢不算特別平 不過勝在有得坐 整體乾淨企理和其他檔攤又近 選擇多

黎西灣河嘅美食天堂 <太安樓> 食完車仔麵，當然唔少得整番碗糖水，咁先叫完美啦~ 但因為太飽，所以外賣左返屋企食。「阿婆糖水」只係夜晚九點至凌晨一點先開，賣嘅都係傳統中式糖水，雖然檔口細細，但都有好多款式選擇，仲有分大同細size。糖水舖近門口位置，大大個招牌係街外吸引客人蛋白杏仁茶$25養顏必食嘅糖水，杏仁味香濃，但唔算幼滑，仲食到微細嘅杏仁碎，應該冇隔過渣，但就比較有口感。雜果西米露$22 雜果係用新鮮生果，細細碗畀足料，份量算多，甜度適中。

先解釋點解要放張相，因為亞婆糖水既舖位位於東記小食，日落前都係東記做緊生意，到晚上亞婆糖水先會出現。今次糖水既樣就冇影到，反正中式糖水個樣都係咁上下。我同女朋友一人嗌左一碗，分別係蛋白杏仁茶同埋芋頭西米露。好多人認為蛋白杏仁茶要夠幼滑先至好，而亞婆糖水既杏仁茶則不在此列，你絕對會食到有杏碎，亦因為咁，證明左佢唔係沖粉沖出黎既，所以杏味十分濃郁，I Like It！而芋頭西米露，我諗主角在於芋頭吧，芋頭都幾粉，整個西米露不會過甜，亦不會漿口。

阿婆糖水專賣傳統中式糖水唔賣花巧賣平實呢晚食完飯專登搭車過黎食碗糖水小小既檔口擺左三四張檯但係啲人多數都外賣拎走我地叫左喳咋同椰汁紫米露兩碗都係$14 (堂食)喳咋好足料 啲豆都煲到好軟腍再加埋微微既椰香 正!我自己就覺得甜左少少不過整體都係好食的食完好溫暖啊~

和哥仔晚飯後到太安樓掃街食宵夜。第一站鴻記格仔餅,第二站選了娥姐粉果。第三站去食糖水作結。這晚在"阿婆糖水"賣糖水的是一位公公😆剛開店沒有人，隨便找一張四人木摺枱坐下。晚飯加上之前的宵夜，差不多餵飽肚腩仔。所以2個人少少地只叫了:*喳咋(凍) ($14)*什果涼粉西米露 (凍) ($18)糖水雖然沒有雪柜雪住，只是用膠桶盛起，都仍然保持微凍的感覺，很好。喳咋的豆夠腍夠粉，可惜量不多不夠澎湃，滿足不了小吃貨。椰汁味也有不過不夠濃。唔，好像樣樣不缺，但樣樣欠少少，是朋友以上，戀人未滿的感覺。幸好這碗糖水還有一點點特別之處。吃著吃著，咬到一些爽口的東西。「喂喂，是椰絲呢」細心看，碗裏浮著一條一條幼幼的椰絲。爽口，夾埋軟熟的豆豆，又有另一番味道。咁就加番少少分啦。什果涼粉西米露 (凍) ($18)這個是哥仔和友人的推介。怎麼說呢，它既不是用料特別(只是涼粉加西米加椰果加爆珠等)，也不是極致美味。不過吃下去有種小時候的味道。對，就是大堆頭又繽紛，不過非常便宜的食物。哈！偶爾吃一下支持一下小店也不妨😊。今晚也算有個 happy ending 和 good night 了。Encore 度 6.5/

既然在太安樓展開了美食行程於是老公又推介他偶爾OT時會外賣的糖水這裡賣糖水都是從一桶一桶的保溫桶內舀出來的每碗賣十多二十元左右與老公分別點了熱南瓜雪耳露及楊枝甘露足料糖水,,每碗才14大元！我那碗南瓜雪耳露是普通飯碗size的份量但滿滿都是一絲一絲煲得綿綿的南瓜肉加上淡淡的椰汁香好味道且有「媽媽煲的糖水」的感覺楊枝甘露也很足料！芒果甜,,柚子肉的份量也不會是依稀幾條～雖然只是在走廊放將幾張摺枱沒什麼舒適環境可言但在這小店吃到好味道的足料糖水已很滿足>V<