影片
港铁黃埔站 B 出口, 步行约5分钟
继续阅读
电话号码
23652148
营业时间
今日营业
06:30 - 22:00
星期一至日
06:30 - 22:00
以上资料只供参考，请与餐厅确认详情
自從轉左工，就成日同朋友食埋晚飯先走，是晚來到紅磡的阿德廚房試試，見佢卡位幾濶落，食客又多，應該不會太差吧。🥢例湯仲有中湯同西湯揀嘅茶餐廳，中湯忘了是甚麼啦，西湯就係羅宋湯，幾足料，味道都幾好。🥢自制回窩肉煲朋友點的小炒，佢對自制兩字好有意見，佢問有咩小菜唔係自制，唔通交黎咩，哈。味道正正常常，八成椰菜配上少量豆干同五花腩肉片，都ok嘅，幾十蚊有湯有飯有餐飲。🥢焗茄汁豬扒飯自己點左焗飯，個盤意外地大。茄汁甜甜酸酸幾好味，仲有瀜左嘅芝士，塊豬扒就薄切同無乜味，飯底有炒過，仲焗到有少少飯焦，唔差。☕熱奶茶&熱檸水正常茶水，唯個杯好黏立立。價錢唔貴，味道正常，卡位幾好坐，ok啦。
继续阅读
搬左後第一次去食，諗住試下懷念下，去到兩點下午茶叫寫野食下午茶，用手指指住個下午茶餐牌叫左個和風牛肉飯（$四十零蚊）之後就到比錢，先發現伙記落左係原價的和風牛肉飯（$60蚊），之後搵伙記講番，可能落單個個唔係到，另外兩位剩係不停講：你已經食左啦喎/抄大份左比你/你坐左好耐真係係我錯，唔應該幫襯，我入到去應該自己時刻小心保持警惕，對清楚張單如果要入去食，建議小心時刻對清楚張單，以免落錯單到時口同鼻拗
继续阅读
【九龍城區】【阿德廚坊】最近嘅生活非常忙碌，但係都幾希望係進入最後直路，因為當啲書讀完，又放低埋一啲公職之後，就可以得閒好多。雖然呢番說話喺我人生裡面講咗超過十次，但係今次我決定寫出嚟，逼自己實踐，成件事好似踏實啲。不過再忙都係要食飯，今次喺紅磡食呢間，其實好耐之前我就已經見過，之但係係喺另一邊。原來佢哋而家搬咗過嚟檀香山個舊舖，好耐之前我反而好似都講過檀香山，個雜扒超級大份，直接擊敗咗我，所以我今次都食扒。佢哋個扒類系列係「扒王之家」裡面嘅「歐陸扒餐」，個名唔緊要啦，食個「牛肉眼扒」，鐵板上嘅，要咗「五成熟」同「蒜蓉汁」，跟「薯菜」，味道都算幾好。配「牛油厚多士」同「羅宋湯」，感覺成份嘢唔差。加埋杯「凍奶茶」，成個餐就 $85，茶記食扒係咁上下價錢，而佢質素唔算曳，我覺得算係咁。咁但係 1am紅館 系列我好少淨係食一次就算，所以夾兩個朋友去食多咗次，今次仲睇咗連登仔介紹，話佢哋下午茶同咖喱唔錯。但係我都係食個「特價常餐」，「蒜蓉雞扒」配「米粉」，正常水準，加埋份都係一般嘅「脆脆豬」搭「黑松露炒蛋」，加埋「凍檸茶」走甜 $49 只係唔算貴囉，冇亮點。反而兩位朋友都係食「歡樂下午茶」，好似特別啲。有位叫咗「咖喱豬扒火腿飯」，佢讚咗啲咖喱幾次，好似真係幾好咁，配埋「凍檸茶」$41 好似算抵食。另一位朋友食兩份，「餐肉蛋公仔麵」配「凍檸茶」同「吉列豬扒沙律」配「凍檸茶」都係 $37，但佢冇乜感覺，大家自行判斷。。。（地址：紅磡寶其利街81號大利大廈地舖）
继续阅读
有日無端端想食扒，hea扒梗係去茶記食嫁啦，行過見到間野正正常常又有人坐以為無事，又寫住扒王之家，點知入到去坐低叫左個鴛鴦扒雞加豬薯菜，鐵板菜心，勁！扒唔好食好似無腌過咁，菜心焦左。。。真係有料，食鐵板薯菜落菜心，我真係第一次見🤮🤮🤮🤮
继续阅读
琴日星期五晚，黃埔間間有堂食嘅餐廳都排曬隊，見到呢一間唔洗排，入面又坐左幾枱人食緊，以為伏極有限，諗住快快手入去食餐飯然後走，點知出事……首先衛生問題，啲匙羹攞左兩三支先有支係冇飯癡喺上面、叫乾淨啲，好彩佢有畀杯暖水可以洗下，係普通茶記常見嘅情況。食物方面叫左個海南雞飯，另外送個湯加杯野飲就叫左紅湯同熱華田。首先個湯偏鹹，飲得出係罐頭/包裝湯味再加啲茄汁。之後上左個油飯，每粒飯都係油光閃閃，食落應該係撈左豬油嘅味。以上嘅食物我覺得都勉強可以，但係碟白切雞真係令我嬲左，雞胸肉又乾又嚡，隻雞翼嘅肉竟然可以同雞胸一樣都係乾，而且切唔到底，每舊雞都同另一舊雞藕斷絲連，可以成排夾起。仲有啲雞上面放左啲花生，粒粒都係淋嘅…… 最後，杯華田係淡嘅，仲飲到水喉水味。愈食愈嬲嘅一餐，仲要成67蚊！下次都係唔好是但食……
继续阅读