影片
营业时间
今日营业
11:30 - 22:00
星期一至日
11:30 - 22:00
以上资料只供参考，请与餐厅确认详情
間中週末經常都去荔枝角行D2 Place，朋友今次話想食台灣餐廳，喺二期行泡泡市集見到商場有間台灣餐廳，即刻入去食～🍜蕃茄牛肉牛筋麵（升級新竹米粉）去台式餐廳我較為鍾意食新竹米粉，因為質感好彈牙同埋掛湯能力很強。而且冬天梗係鍾意食啲濕濕地嘅湯麵🍜，易入口之餘又容易暖肚，我較為喜歡雙拼牛肉同牛筋，可以一次過食兩款。湯底整得非常好食，超濃郁蕃茄味仲有蕃茄粒粒。如果好辣既朋友可以加上餐廳自家辣醬過下癮。酸菜切到細細而且軟身好岩我。鹽酥雞便當有自家菜譜及麵筋作為前菜，鹽酥雞即叫即炸，外皮香脆。內裏雞肉粒超嫩滑！肉燥飯味道濃郁而且有咬口。♦️鹽酥排骨（需時15分鐘）賣相好令，表面加咗自家椒鹽粉。話明製作需時，即叫即製既結果係食到超香脆既豬排，肉質超juicy。台灣腸小食必點小食，配埋蒜蓉切片同大量蔥無得輸。🥤飲品：金鑽鳳梨紅茶（熱）呢款飲品超潤喉，熱烘烘🔥好暖肚。味道微酸而且底下有鳳梨粒粒增強口感。粒粒白桃紅茶（凍）大大杯味道甜甜好好飲
继续阅读
呢間係我近期成日幫襯嘅台灣菜，佢抵食份量又足。有時過到嚟都排晒隊。上次食完個牛肉麵🍝性價比都好高。🍝炸排骨肉燥拌麵便當呢度啲炸物都新鮮即炸，平時食開鹽酥雞，今次點咗炸排骨，需時⏳15分鐘，有3大塊，超薄粉、炸到口感夠晒酥脆💯💯💯，再配一大碗肉燥麵🍝，面嘅口感好煙韌，肉燥煮得好腍好入味又多汁🤩，仲有配菜三小格。芝士肉鬆蛋餅🥞呢度嘅蛋餅出名大份又足料，每舊都入口柔軟，充滿大量芝士🧀同肉鬆🌽。真係不得了🤩！芝士控必點啊👍👍👍！飲品：🍋台式檸檬紅茶
继续阅读
呢間台式餐廳，環境簡潔乾淨，衛生整潔。充滿着木紋嘅裝修。今日叫左以下食物同飲品，紅燒牛肉麵係厚切牛肉，而且牛肉相當之軟軟腍腍，容易咬開，而且仲熬製咗好耐，入晒味，實在太好味啦，個湯底特別精彩，鹹鹹地，有少少酸辣味，再加上好多嘅蔥花，都係我最鍾意嘅，而且個麵條非常之好味軟硬度適中，一定要連湯飲。滷牛腱否則係我叫牛肉麵嘅牛肉。古早味炸排骨外脆內軟，外邊好香脆嘅芝麻酥皮，包住裏面充滿肉汁嘅豬扒，口感非常特別豐富。粒粒白桃汁 (熱)有一點點嘅桃肉，係蔥出嚟嘅，啱啱好唔會太甜。冬天我都係覺得飲一啲暖飲會比較好。原粒烏梅汁(熱)外邊比較少有得飲，而且呢個烏梅汁我覺得好好味味道，好香嘅烏梅味。交通，非常之方便，附近就已經有地鐵站站小巴站等等嘅交通工具。服務：服務態度好好，又有禮貌，而且仲好細心。整體上網好滿意，所以推薦俾大家，價錢性價比高，而且相當之實惠。
继续阅读
今日在荔枝角附近找嘢食，在D2 place 2期找到間台灣嘢，叫阿木台灣麵。很想食蛋餅，所以去試下。 👉先嚟個肉鬆蛋餅，切開有六件，蛋香，包着滿滿嘅肉鬆，好味覺。 👉鹽酥雞肉燥飯定食，有3款前菜，肉燥選了另上，鹽酥雞份量十足。 👉家傳鹽酥肉，豬肉帶小小肥。 👉芝士岩鹽奶蓋炭燒烏龍茶，芝士奶蓋同烏龍茶比例啱啱好，飲完唔會淨曬D奶蓋在杯底。 仙草奶茶，正常發揮。 另外枱上有自制麻辣醬，幾好味，啱嘅可以買樽返屋企。
继续阅读
茘枝角 D2 place 一個文青好去處，間中有市集行，又可以買DIY用品做手作仔，今日行完，順便食埋lunch，冇乜飯癮，都係揀食麵😆Lunch time 都坐滿客人，好快安排入座。🍜蕃茄牛肉牛筋麵蕃茄🍅湯底濃郁帶有蕃茄香甜味道，有2件厚切牛𦟌同2條牛筋，滷得入味，入口滑溜，特別多加酸菜和蔥，加幾滴麻辣油，微麻辣增添風味，麵條Q彈夠掛湯。小食方面，好耐冇食豬大腸，來一份邪悪台式炸大腸，炸得香脆，應該滷過再炸，所以好入味，但係見到枱上有鹽酥雞粉，又加少少，提升台式風味。😆飲品半價叫左杯🍍金鑽鳳梨汁，甜甜地，飲落仲有鳳梨粒粒。
继续阅读