阿來泰式地道風味 (已結業)

六月二十四日晚餐本來去左旺角嗰間店鋪，不過人太多，所以去左長沙灣。餸菜非常新鮮熱騰騰出爐，好好食😋。前菜鳳爪酸酸辣辣，pad tai 炒得夠火候🤗👨‍🍳，椒鹽軟殼蟹香口好食，係份量少啲，所以最後一人一個芒果🥭糯米飯甜品😝

今日我去咗食泰國嘢～雖然我係下午茶時段去嘅,但見到個餐牌之後我都係忍唔住叫咗佢哋個午餐去食佢哋個蠔仔煎蛋飯～以午餐來講呢個飯係相當抵食嘅,因為廚師用咗好多蠔仔去煎呢個蛋飯,起初我以為個飯會好乾,但當你配咗佢哋嗰個辣辣地嘅汁嘅時候,食落又唔係話好乾喎！加上佢哋煎到隻蛋嘅周邊都好脆,同埋成碟飯都好濃郁蛋味, 令人對呢道菜印象深刻～依度嘅飲品我建議會嗌少甜因為泰國嘢嚟講佢嘅嘢飲都算偏甜嘅 而呢杯凍奶茶奶味就好重,如果你嗌少甜嘅話味道既平衡就啱啱好喇！

金不換香辣肉碎炒河😛$53好大碟，好抵食☺️分量十足，而且辣度適中，非常惹味👍尤其係鍾意呢一款嘅炒河粉😚夠闊身，炒落有鑊氣，仲夠入味😝鍾意辣嘅朋友一定要試😜泰式豬髀飯🐷$53豬髀肉夠腍，肉質鮮嫩多汁😛而且份量相當多，味道亦不錯☺️跟餐仲配滷水蛋同泰式咸菜😆燒豬頸肉😍$68絕對係必食首選😋豬頸肉燒到啱啱好👍外面有層脆口嘅感覺😙內裡食落軟綿無比，肉汁豐富😋真係會食完一件又一件😆完全停唔到口🥰泰式炸魚餅🐟$68即叫即炸，新鮮熱辣辣😉香茅味道好濃郁😎好香又帶點微辣😚加埋酸甜醬一齊食😇充滿泰國風情，十分滋味😛龍眼冰😄跟餐加$6泰式奶茶🧋跟餐加$6阿來泰式地道風味 (旺角)旺角通菜街97號地舖

見到很多好評, 前幾日终於入食個午餐。叫了個红咖哩牛肉飯, 很快就到,賣相也不錯, 將碗餸倒入飯開始發覺只有七片又薄又细的牛肉,红咖哩 味道不正宗。 唯一特出是飯的份量很多。如果對泰菜有要求, 阿來就不是你杯茶。剛先知阿來還有其他分店, 連鎖的店更唔好有太大期望。

長沙灣呢一邊唔係好覺得有好多泰國餐廳，每次想食泰國嘢都會過嚟呢度。今次試咗佢哋嘅椰汁雞湯，推介，入邊雞肉超級多，椰汁味好香，食完鹹嘢飲返呢個湯中和非常好，飲洛口好順滑！另外叫咗生菜包，不過好似少咗炒米，食落口爭啲嘢咁，不過整體來講都幾好食，生菜都幾新鮮，個肉仲有啲汁唔會好乾跟住仲叫咗個炒粉絲，個味道都幾得意，有啲似茄汁，但係又唔係茄汁，叫做suki汁，鍾意酸酸甜甜嘅朋友可以試吓呢一個，整體來講都幾抵食！

見到門面都幾泰式就入左去食 ,叫左咖喱牛腩,海南雞飯,飛天通菜 .個場冷氣唔夠,忍左廿分鐘仲發覺佢漏單. 咖喱牛腩有雪味,分量唔多口咖喱偏甜.通菜遲落單冇晒,轉左炒耶菜苗.耶菜唔特別好味,但冇切細,成棵菜上.海南雞鞋口老雞乾爭爭,個汁要自己畢.正常味道,油飯唔油但冇味冇飯香.餸遲左落單仲要再提先再逐個上菜.食完飯先開冷氣兜頭吹你走.同區有水門海南雞,雞仔海南雞, 全日雞研究所,好食過佢.服務差,正評唔到佢.

餐廳地方闊落，好岩大班人聚餐😂見到店員有啲似係泰國人，地道。「生蝦刺身」 $98雖然生蝦係出面買急凍果啲好平，但去泰國餐廳，點都會想食生蝦，呢度生蝦都幾爽口，新鮮，清新。「青咖喱雞」 $58呢個青咖喱我個人而言覺得一般，味道方面唔係話差，微辣有椰香，但係佢個質地實在係太水，太稀，我唔識正唔正宗，食開唔係咁水。「薄餅」 $25兩片薄餅原本叫黎配個青咖喱食，但可惜個咖喱水到好難配薄餅食，薄餅無乜特別，油膩感非常之重。「串燒沙嗲」 $78沙嗲味道偏甜，落醬大方好重手，肉質略帶柴口，感覺有點燒過頭。「炒馬拉盞椰菜苗」 $58性價比都高，平過一般泰國餐廳，馬拉盞味道好出，火侯夠，唔錯。「青檸梳打」 $22成餐飯油膩感都偏重，且重口味，飲返杯清新冰爽既青檸梳打解膩！

聽講阿來泰式地道風味嘅海南雞飯幾好食，早排試咗一次，果然唔錯。呢個海南雞已經去咗骨，方便食用，雞嘅份量算多，肉質唔嚡夠鹹味，配埋油飯，只賣五十蚊，性價比高。另外，泰式肉碎生菜包都好食，通常食親生菜包，食到最尾，都係冇哂生菜剩返啲肉碎😂，呢度嘅生菜就份量較多，肉碎調味亦夠，除咗鹹味同辣味，仲有我最鍾意嘅青檸味道。至於蒜蓉炒通菜飯同泰式炒粉絲就正常味道，唯一係個金柚子鮮蝦沙律認真麻麻，沙律太乾，柚子更有苦味。總括而言，呢度嘅食物味道較濃，重口味嘅人應該會鍾意。

返工在長沙灣，這兒泊車又方便，是泰式美食的常食店. 都忘了要寫食評，食到尾才補上兩張相。雞飯是有油香那種，不會只有薑黃色，飯粒分明，食落不爛，也有些飯香～另外的是冬蔭湯面。用的是甜茄仔，有甜味又食得，辣椒🌶️切得細小片，惹味得來又不太辣，合愛微酸辣的人。最後把湯飲光了～。有色有味又有香～算很不錯了～還有下午茶，豬手，豬頸肉，牛油雞翼，特飲有多款，加幾蚊就卜有，大大杯，不像出面的泰國舖要原價才一杯。絕對是做街坊生意～平民的美食～

｜聚舊推介必食泰國菜🤤👫🍚|好多時聚舊都想揾間坐得耐傾到計嘅餐廳，呢間泰菜館選擇多價格親民，cater都大家嘅口味，食得飽之餘仲可以傾吓計😙有7款大熱菜式小JunJun都覺得唔錯😋1️⃣泰式鐵板蠔仔蛋 $78金黃嘅煎蛋餅色香味俱全🤩🤩 最吸引係粒粒肥美嘅蠔仔脹卜卜咁，超推介👍🏻下底鋪有芽菜隔油😉2️⃣泰式滷豬脾 $78皮滑肉鬆軟冧！冇肥膏可言😆不過鹹咗少少，皮唔算厚同漿牙😝 整體中上3️⃣泰式肉碎生菜包 $68必叫啦，發揮正常，生菜擺設似盆栽🪴🤣4️⃣飛天炒通菜 $58飛天意指辣味，但個人認為馬拉盞口味更惹味😝通菜炒得熟冧，唔係爽口個種，不過都香口有鍋氣5️⃣泰式香芒蟹肉炒飯 $58呢款炒飯口味算清甜，唔油膩或鹹，配合芒果幾開胃😋，惟飯粒比較濕軟，蟹肉份量唔多6️⃣海鮮青咖喱 $68 + 薄餅 $25青咖哩椰奶味重偏甜唔辛辣，非常推薦比唔食得辣嘅朋友仔，配合薄餅或炒飯食都好滋味😋 海鮮配料新鮮有蝦蜆墨魚等頗多樣，份量正常7️⃣芒果糯米飯 $58 芒果熟冧清甜😆 糯米飯偏粘濕度高，唔算煙韌😂整體唔差

屋企樓下有間泰國菜，以前都成日去食，餐廳環境光猛，枱與枱之間有足夠的距離，唔會覺得好逼。但之從疫情開始我就無係餐廳用餐，改為叫外賣番屋企食，今日lunch我叫了一碗泰式清湯金邊粉配滷豬髀，一碟阿來海南雞飯，另外加$10選雞髀，兩個餐都係飲熱柚子蜜。泰式清湯金邊粉配滷豬髀，滷豬髀好林好入味，但就太多皮，無咩肉可以食，金邊粉吸左d清湯非常好味。阿來海南雞飯，豪小小加$10要雞髀的位置，果然無揀左，雞髀大大隻好嫩滑，口感一流。

突然好想食泰菜，就去呢間點了串燒沙嗲，泰式肉碎生菜包同泰式香芒蟹肉炒飯。外賣自取依家滿$200有85折。串燒，豬肉同雞肉各半，個沙嗲醬唔夠汁，同埋都比較鞋口。泰式香芒蟹肉炒飯，芒果唔酸喎，但d 蟹肉拆得唔乾淨，仲痴住殼，食起上黎比較麻煩，一般般。生菜包，3樣之中最好食，菜新鮮，調味夠唔會太鹹，少少辣幾惹味。

點了兩款$38下午茶，除了主食，包熱飲，凍飲加$2。泰式海南雞喇沙米粉：湯頭又香味道又好，米粉不多，沾上湯頭，很好吃，海南雞有四五件，肉質比較鬆散，沾上湯頭也算好吃。雞絲扎肉雙拼喇沙米粉：有扎肉兩片，粗粗的雞絲兩三條，米粉同樣不多，一樣是湯頭取勝。飲品點了熱檸檬水和凍咖啡，咖啡味道不錯。雖然兩碗米粉的份量不算大，但因為是下午茶，只售$38 ，加上喇沙的味道很好，也算不錯。這泰國食店環境一般，沒有美麗的裝潢，不過也算坐得舒服。服務則很不錯，我們大概2:20到店，問侍應有沒有下午茶，她說2:30才開始供應，又說可先給我們看看下午茶餐牌。2:25她問我們想點什麼，雖然時間未到，還是讓我們點下午茶，真好。

我舊幾水買個泰式辣酱虾（個名大概係咁），有两隻虾開邊變4，我知道唔會係新鮮虾，急凍都緊要，但係你都急凍到黑曬頭就有d過份，肉都梅曬，我并唔係恶意，但我希望可以換位思考一下。

不會令我失望的泰國菜🇹🇭🌟最愛軟殼蟹咖喱法包😍每次食都必點🤣外賣堂食都一樣出色👍🏻👍🏻.🧡泰皇咖哩火山軟殼蟹法包外賣會將咖哩分開上, 好貼心. 收到都重係暖暖的. 不過今次軟殼蟹乾左少少, 要點番大量咖哩汁.🧡泰式鮮蝦冬蔭功湯朋友每次都必點, 超級足料.🧡泰式酸辣鳳爪基本上都係必點, 鳳爪好爽脆, 酸酸甜甜好開胃, 配菜都好新鮮.🧡泰式小食拼盤小食拼盤包左有泰式春卷, 炸魚餅, 蝦餅同雞翼, 十分豐富.最愛炸蝦餅, 好爽口彈牙