阿波羅

营业中

休息中

阿波羅嘅鮮果乳酪雪糕一向都係出色㗎啦今日30幾度熱死辣辣 經過阿波羅就梗係要嗌返個雪糕啦呢度嘅姐姐幾好人我嗌咗蜜瓜同埋菠蘿味佢份量都幾足 另外比多左幾粒俾我一如以往味道都係好味 賣相亦都係好出色

阿波羅係好多80後嘅集體回憶，佢最出名當然係佢嘅鮮果甜乳酪。另外，已經唔記得由幾時開始佢都開始賣埋撈麵，咖哩魚蛋，燒賣，芝士腸等等，呢啲學生哥至愛嘅小食。以前細個放左學都會同三五知己去阿波羅high tea完先返屋企溫書做功課。 今日經過其中一間分店，即刻入去懷緬一下。鮮果甜乳酪，固名思義就係用新鮮生果而制成嘅乳酪，生果方面可以揀藍莓，荔枝，芒果，西瓜，士多啤梨，椰子等等。每杯乳酪都可以選兩款生果($40)同埋選擇用杯裝或珍寶筒。如果想勁啲仲可以選擇雜莓口味($43)。 鮮果甜乳酪 - 藍莓+士多啤梨 藍莓味同士多啤梨味好夾，比較岩岩好，每一啖都會先食到藍莓味，而士多啤梨味會之後再出黎。 鮮果甜乳酪 - 西瓜+椰子 西瓜同椰子都係屬於夏天嘅生果，呢個配搭既消暑又解渴，夏天食完有一種透心涼嘅感覺！ 味道依然係細個果隻味道，咁好味嘅乳酪一定要回頭。