阿爺燒鵝餐室

营业中

休息中

好耐無食燒味，大圍呢間阿爺燒味是我既首選。每次行過都好多人等外賣，我就覺得堂食先係至正，所以今日特登早啲來，食個early dinner 先1845左右來到，店內都已坐了6成位，門口亦有人等外賣中，果然好多識貨既街坊噢今晚先叫一個十級抵食既餐！超值套餐58元有頭盤涼菜、主食和一燒味小碟。叫左佛山燻蹄、脆皮燒腩配鵝油撈麵，和涼拌秋葵。爽口好食一主食真是好靚，估不到套餐都有咁多件腩仔！鵝油麵第一次食，原來好正呀！彈牙而且有鵝香和蠔油味，大愛清新又夠大條，好有口感，有點消滯膩的感覺。邪惡黃金蛋阿爺叉燒飯68元超爆正既咸蛋黃金炒蛋，入口真是一秒感動😹好很好食呀！份量好大碟，叉燒又夠多，仲要真係招牌，堅正！大圍食店的代表不行了呀配埋奶茶☕️真係完美的晚餐，好滿足呀

去沙田大圍幫朋友整電腦，整完已經是晚飯時間，朋友同我去佢樓下的阿爺燒鵝食飯，一入餐廳已經見到廚窗掛住燒鵝、乳豬、义燒，色香味俱全，令人垂涎欲滴！朋友話超值晚餐好抵食，58元包括主菜、蔬菜、小食、飲品。所以我們每人叫咗一份。朋友最愛鵝飯，食店招牌燒鵝煙熏味適中，不會太濃，棗紅色澤的鵝皮超薄，沒有厚厚的肥膏，肉嫩滑富肉汁，味道也沒有那麼肥膩。我就喜歡乳豬飯，乳豬皮薄、瘦肉多，肉紋幼細，燒出來的乳豬皮薄得可以透光。只要吃一件，已經好味得難以忘懷，皮脆得發出喀嚓一聲，瘦肉味濃而不過鹹，再配上獨特海鮮醬，絕對一試難忘！甜甜鹹鹹的蜜汁排骨，晶亮的醬汁包裹軟嫩的豬肋排，越食越滋味！鵝汁紅腸，鵝汁充滿鵝煙熏的精華，令紅腸味道提升不少！蠔油菜遠，菜心新鮮，青青綠綠好清甜，和鮮味蠔油好夾。凍奶茶凍咖啡，濃郁香甜！

大圍好多嘢食，茶記唔多見有，下午茶食乜好呢？又行過一間燒味舖，未試過食呢度嘅下午茶，一於食個超豐富又本土嘅下午茶啦湯水飲得出冇乜加味精，飲完唔會搶水飲燻蹄溫度剛好，又有咬口估唔到秋葵配麻醬咁好味㗎食咁多嘢飲一飲檸茶落一落隔先玫瑰油雞非常嫩滑，十分回味加咗鹹蛋嘅炒蛋味道好豐富，叉燒瘦而不糙，嫩滑依然，好得呀雖然冇預期呢度嘅西多士會整得好食，但冇期望有驚喜係芝士流心，好好味呀亦冇諗過呢度嘅奶茶係咁有水準行返出嚟，佢地嘅燒味同隔離酒樓掛出嚟嗰啲好大對比，隻隻燒味都非常醒神

今日收工來到大圍車站，又想加餸，慶祝開心星期五，老公和媽媽也喜歡阿爺燒鵝餐室的斬料❤️公司附近有這間餐室，性價比高😋👍🏼蜜汁燒排骨我和媽媽都喜歡吃燒排骨，排骨醃過後，很入味！蜜汁一層層塗上後，甜甜的，加上燒排骨的焦香感，超喜歡啦🤤雖然$65半斤的價錢還好， 一分價錢一分貨，性價比很高。五香牛𦟌我老公最喜歡的牛𦟌，一打開時有淡淡五香味🤨🙈牛展咬下時煙煙銀銀，難怪老公喜歡，下次可以買來和奶奶分享呢！脆皮腩仔$65半斤,抵！腩仔咬下時脆卜卜，帶有點點鹹香，加上腩肉半肥瘦，啖啖肉又滑嫩嫩😋🤤🤤🤤

同同事去開大圍做野，行到大圍道油站附近搵野食。見到呢間燒鵝鋪午市套餐幾抵食就走入去試。內裹環境幾好，座位夠寬敞，而且加左隔板私隱度提高左少少。阿爺燒鵝飯 (午市套餐) ($66)燒鵝好香，而且食得出有些少炭火嘅味道，不過燒鵝就略嫌有啲肥，整體都唔錯。麻辣鵝腎 (午市套餐) ($66)第一次食鵝腎，以為同雞腎差唔多，但原來沒咁爽口，可惜。胡麻秋葵 (午市套餐) ($66)呢個個人覺得最好食﹗秋葵點胡麻醬真是別有一番風味，秋葵夠爽口，唔錯。脆皮腩仔 (半例) ($48)燒腩仔啲皮超脆﹗脆到我直頭驚熱氣﹗不過食得燒腩仔就要預左比較肥膩，健康人士唔好食咁多哈哈。跟餐仲會包多杯熱飲添，超抵食﹗

有時食燒鵝要去到深井，真係好遠。突然間想食，就會去附近搵吓🤪🤪🤪大圍呢一間主打燒鵝，亦有其他燒味。我哋每樣都叫咗啲嚟食。揀咗燒鵝拼乳豬，燒鵝肉味道唔錯，燒得幾香，唔會太乾。乳豬亦都唔錯，好新鮮。脆脆嘅皮配下面博薄薄嘅肥膏，真係好食。另外，有套餐。見好多人都叫。所以我都叫咗。揀咗叉燒飯，小食配豬耳。另外，仲有菜，而且仲包飲品。呢間餐廳比較平民，座位係新式茶餐廳感覺。食物質素性價比高，平價之選。

而家抗疫期間推出套餐，$58可揀一款燒味飯、加菜、加小食及飲品。午市晚市都有供應。我揀咗燒腩飯，燒腩皮好脆。而且燒肉肥瘦適中，份量估唔到都有咁多。超級抵食。小食揀咗麻辣鵝腎，夠爽口，麻味夠香。菜揀咗鵝汁菜心，菜唔錯，覺得幾好食。飲品揀咗凍檸茶，呢個餐真係超級抵食！另外，散叫咗乳豬拼燒鵝。乳豬皮亦都係卜卜脆。非常好食。燒鵝油又夠香。呢度最好嘅係全部新鮮熱辣辣，又平又抵食。不失為大圍燒味其中一個選擇。

這晚心血來潮想食燒味每次經過門口見到燒味，齊齊整整掛住的確令人垂涎欲滴，而且好多人叫外賣價錢唔算貴，更有價惠價滿100蚊加18蚊就可多半隻雞，可惜當晚燒腩仔賣哂最後就帶份燒鵝上庄，再加$18半隻雞，半斤燻蹄返屋企加料最鐘意佢地燒鵝 有煙燻味，同平時外面買的燒鵝感覺完全不同多了一份口感層次，很香口，而且啖啖肉，勁滿足優惠價半隻雞才$18，真係沒有不加的理由，雞肉來得滑味道也不覺不失燻蹄入口甘香，醬汁酸甜醒胃，配啤酒一流

今日去大圍做嘢，搞到成6點幾先放工，咁不如斬料回家吃吧！這間每次經過都人頭湧湧，而廚窗掛著滿滿的燒味好吸引，燒鵝大大隻脹卜卜，白切雞油雞一樣肥嘟嘟等。樣樣都想買今次不如買叉燒同燒腩先啦！阿爺叉燒阿爺叉燒非常之紅潤，燒得甘甜肉質嫩有咬口之餘也很腍身，每件都掛上滿滿醬汁很惹味。脆皮燒腩脆皮燒腩真的做到皮脆肉嫩，一層皮一層肉層次很分明，帶少許肥肉咁才是真正的燒腩肉。例湯 青紅蘿蔔粟米豬骨湯以為例湯不是很足料，原來不會的，例湯會輪流轉款，今日這個青紅蘿蔔粟米豬骨湯，很入味又清甜豬骨已經煲到入晒味又腍身。

久唔久，就會食下燒味，大圍食燒味，呢間正嘢。試勻晒佢所有種類，全部都係水準之上，有誠意的。乳豬叉燒飯 $70乳豬最緊要皮脆，呢檔掂，肉質夠滑，乳豬幾香口。級數同酒席乳豬全體同 level, 唔使等去飲都有得食叉燒我偏愛瘦叉，呢檔瘦得來幾淋身，好入味。切雞燒鵝飯 $62燒鵝肉厚而皮好酥脆，鵝味好濃，連食幾件停唔到口，超邪惡切雞緊緊熟，肉質好滑，配埋薑蔥食可以清曬成碟飯。燒味飯配檸茶真心夾，去吓D油膩。雙併飯加飲品大約七十幾蚊，質素不錯，物有所值。個人小小願望，如果送埋例湯就perfect 池了！

今晚同老爺慶祝生日，老人家要求一定要有雞我同老公決定試下阿爺燒鵝餐室買外賣望落去都幾乾淨企理啲燒味都好吸引，價錢都合理仲有埋飯盒買最後叫左一隻油雞、$50五香牛展同$50燻蹄油雞好大隻，份量好足，岩曬一家人食可以話皮光肉滑😆，色澤都唔錯食落都夠味👍🏻好快就俾大家分曬，老爺都讚👍🏻燻蹄都唔錯，配埋啲醬，酸酸地，好開胃。牛展最有驚口，真係好香好入味🤤未開飯已經俾大家食曬🙈唔似有啲牛展又硬又無味，阿爺牛展軟硬適中，入曬味，食完一塊忍唔住又食多塊😆

臨近中秋佳節，一家人又因限聚令下無法一同外出用餐，加餸斬料回家吃是最佳選擇。大圍有一間乾淨整潔的餐廳，小店外掛滿出爐燒味，吸引了筆者光顧。適逢仍在限聚令下，光顧晚市的客人並不多。所以筆者在下單後大約3分鐘便可取到食物，非常有效率。📍脆皮腩仔 $65 （半斤）師傅把發泡膠盒角落切了一缺口，讓燒腩能夠疏氣，燒腩仔在外賣回家後，燒豬皮仍保持金黃可口，相當美味。📍玫瑰豉油雞$78 （半隻）豉油雞烹調時間得宜，雞肉保持最嫩滑的程度。而且，豉油雞有濃濃的玫瑰露。雞肉帶點香甜味道，是高水準之作。👅 味道：5/5💰CP值：5/5🕴🏻服務：5/5🔰餐廳環境：4.5/5🍽 餐廳：阿爺燒鵝餐室🌐地址：大圍道1-35號金山樓地下11A2號舖

之前已經試過呢間餐廳的外賣，記得燒味好得！今日阿媽叫斬料加餸，當然返黎幫襯啦！夜晚六點幾去到，餐廳門口已經企咗好多人等外賣…價錢嚟講唔算平，算係中價偏高今日加料比較豐富，先要咗半隻玫瑰雞，玫瑰雞好香而且好大隻！味道唔會好似豉油雞咁鹹，皮唔會太肥，多肉！肉質keep到好嫩，食雞有雞味！半份燒排骨，燒排骨真係超級香！滿滿的蜜汁味！而家d肉唔靭，好易咬開，送飯送酒一流！半斤叉燒，叉燒屋企人略嫌偏瘦，但我自己覺得幾好，燒得好香好夠味，而且肉質好鬆化，雖然冇乜肥膏，但係都唔會有食柴的感覺，亦都唔會太乾，好高質！簡中有幾舊頭尾燒到黑哂邊，很有焦香！半斤燒煵仔， 放咗差不多半小時先吃，燒腩仔的皮仍然保持鬆脆！肉有點淡，但有唔點略淡～我哋仲加咗碟油菜，炸蒜好香

每年一度中秋節，今年因為「新型肺炎」，不能出去食，唯有一家人在家吃飯也是樂少融融。屋企附近新開一間中式餐廳。逆市中開餐廳應該有些實力才是吧。今晚中秋聚餐，不能堂食，便外賣吧。燒鵝髀$120，𢲡返屋企仍然脆皮，外脆內軟，肉質鮮嫩。吃落仲啖啖鵝肉香味，很是可口。買滿100元，可以加$18元換購「少爺雞」半隻，真係好抵，返到屋企先知原來一啲都吾少，還附送兩盒羗蔥，與雞肉係完美的配搭。除咗外賣，或者4人以下堂食，也有許多選擇。下次一定約朋友來試吓呢。

2020年9月23日 星期三今日突然之間要陪老婆返屋企食飯，不過外母話唔夠餸，叫我地加餸拎上去，臨時臨急都唔知買咩好呢個時候喺大圍火車站附近見到呢一間餐廳，出面見有好多人排隊等外賣原來係阿爺燒味店，餐牌有齊晒咁多款燒味，價錢都算大眾化，而且燒味仲可以要半斤添，於是我哋每樣要少少，打算外賣返屋企食返到屋企打開外賣盒仲係熱辣辣，首先叉燒唔會太肥，但係肉質又唔會太靭，幾有咬口，而且外皮嘅蜜汁唔會太甜，但係又滲到落裡面既肉，我老婆好鍾意之後有半斤蜜汁燒排骨，同頭先嘅叉燒有少少唔同，呢個燒排骨燒得更加香，肉味更加濃，撈飯食一流跟住有半斤脆皮腩仔，冇諗過份量都幾多，而且切得細細舊，方便一啖就食晒落去。燒腩仔外皮夠晒香脆，而且有少少鹹香，調味啱啱好，點埋黃芥辣一齊食就更加完美呢個只係半隻油雞，但係份量差唔多有成隻雞咁多，浸得好入味之餘，雞肉仍然係好嫩滑，色澤仲唔錯添，最重要係雞嘅肥膏唔算太多最後仲有油菜，冇諗過油菜上面會有炸蒜，一齊食味道又幾豐富，而且菜心一啲都唔老加料幾個一齊食$300都唔洗，仲可以令到老婆既屋企人咁滿意，值呀！！