阿爺燒鵝餐室 (已結業)

屋企人好鍾意食燒鵝，今晚家庭聚會，買燒鵝係斬料首選。聽朋友介紹，話西灣河有間新開燒味店，次次經過都有人排隊，應該味道不錯，我今次就去試試。鋪面好光鮮，非常艷麗奪眼。服務員嬸嬸態度好友善，好有禮貌問我食乜嘢。我叫咗半隻燒鵝，$200 ，價錢合理。半隻燒鵝份量好大盒，未開外賣盒，已經聞到陣陣燒鵝香味。一開飯，大家就搶住食，燒鵝半肥瘦，唔太多肥膏，而且燒得非常香。朋友的確冇介紹錯，下次值得再幫襯。唯一美中不足，就係師傅斬得略為大件。

阿媽叫大家今晚回巢食住家飯，我即時飛奔去斬料加餸！老豆話想食燒鵝，我啱啱喺太古城做完嘢，於是就坐地鐵落西灣河阿爺燒鵝，由地鐵站行過去都好近！ 雖然未到晚飯時段，我見到鋪頭已經坐咗好多客。廚窗掛咗一排大大隻燒鵝，幾壯觀吓！因為老豆鍾意食鵝脾， 我特登買咗一份下庄嚟試吓，真係好大隻髀喎， 裝滿成個盒！close up睇下，皮薄啖啖肉！我見到個廚櫃仲掛有叉燒、燒排骨、腩仔、切雞、油雞同埋乳豬，樣樣都似啱啱出爐咁。我加買咗盒脆皮腩仔，要讚個師傅細心有要求，我見到個盒特登開咗個窿抖氣，唔會焗住濕氣搞到個脆皮淋哂！腩仔真係做到脆皮效果喎，肉質唔韌， 兩層肉之間夾住薄薄一片脂肪，一啲都唔嚡口!

今日同親戚朋友慶祝～咁就緊係唔少得「斬料斬大舊叉燒」啦！剛好見到呢間餐廳斬幾多人在外面等位又買外賣咁咁就去睇下d燒味靚唔靚仔先～🤤🤤🤤好似又真係好正咁，所以忍不住了！決定一試！燒鵝應該是招牌正菜，我自己就當然叫左個「下庄」啦！點知見到燒排骨同叉燒都燒得好正咁（閃閃令又多汁咁🤤）最後都忍唔住買多半斤叉燒啦！🤤🤤🤤🤤最期待的時刻來到啦⋯（閃閃發光的叉燒我來了！）果然熱熱暖暖的叉燒，外表還是有那微微的脆感半肥瘦，唔太肥又不太乾～重點是那蜜味😋😋wow~~~~最後當然唔少得燒鵝！🤤🤤🤤🤤睇到那反光的外皮都已經覺得不得了啦⋯除左燒鵝的陣陣香氣～食落！有驚喜，味道比外面一般的有獨特的味道，是種開胃的感覺，那種味道好特別⋯可惜在下詞窮形容唔到⋯就是這店有自己的燒鵝味！肉質彈牙，唔會放左好耐果d咁，應該是說夠新鮮吧！😋外皮又是微微的脆！超級多的肉汁！呢次真係一試難忘！🤤🤤🤤

晚上在 工聯會落堂 行返去西灣河地鐵站路過見到新開的 阿爺燒鵝 有好多人排隊就想加個餸 隨便叫個半肥瘦叉燒 和燒腩仔外賣等緊外賣 睇吓堂食的menu 都好多選擇燒味外 仲有 早餐 和 茶餐 等左一陣 店員將外賣交比我開開心心 回家返到屋企 急不及待打開個盒香味十足 叉燒仲係暖暖的半肥瘦 厚切 肉好淋 外表好夠味有d頭尾位 有dd 焦 送飯一流燒腩仔一樣好掂 到夜晚 個皮都咁脆鹹香味十足 肥膏和肉都鬆化晚飯前大家已經偷食，食飯時大家無咩comment 但不停夾盒燒味 都唔夾原本的餸行動已經證明 大家非常欣賞阿爺燒鵝的燒味 食剩一舊半舊 第二日午餐ding返來食都依然好好味下次加餸 都要去搵阿爺lor

聽朋友講西灣河開左間新派燒味店，仲要有讚冇彈，今日甘岩有機會路經此地，而且佢地點都近地鐡站，好就腳，甘就等我去見識下先！裝修非常有霸氣，非常搶眼，所以老遠行緊去已經俾佢個裝修吸引住，特別係佢透明櫥窗D又肥又美嘅燒鵝同蜜汁叉燒，未食都已經流曬口水🤤！可能係下午茶時段，成間鋪都坐滿曬人，佢D下午茶係好似幾抵食。仲好多元化，真係估佢唔到，燒味店有三文治、多士食😆！不過難得黍到，梗係食最出名嘅阿爺燒鵝皇，識叫一定係叫下庄（鵝嘅下半身，燒鵝脾嘅位置）唔錯唔錯😌，份量都好大份，而且一打開個外賣盒有陣陣嘅燒鵝香味，要一讚嘅係佢完全唔似其他燒味店；好肥，好油，佢個燒鵝反而油脂分佈唔多，肉多過肥膏，真係食幾多都冇罪疚感，不過佢又竟然可以保持到鵝嘅香味，勁👍🏻！

今日先發現原來同伴娘都好鍾意食燒鵝😱我哋行完救世軍家品店之後出嚟，見到隔離間燒臘店D燒味好吸引，我見啱有兩位即刻二話不說拉咗伴娘入嚟話想食燒鵝😆😆其實我好耐冇食燒鵝喇，忍唔住被吸入點知伴娘話佢都好鍾意食燒鵝，尤其是深井嗰啲😱志同道合唯有一齊試吓佢餐廳名都擺明招牌菜係燒鵝啦，點會唔試吓呢即刻整個例牌😆再嗌一碟油菜加白飯一碗share，突然覺得好家庭式😁跟住再望吓餐牌有例湯，都只係$15嗱嗱聲叫一碗不過佢哋啲湯係每日不同，所以問下待應今日係青紅蘿蔔粟米煲豬骨湯先來個湯，好夠熱夠味又足料$15咁大碗超值👍🏻然後個主角同埋油菜出場首先燒鵝一嚟到已經覺得食香俱全佢啲燒鵝好鬼香，雖然冇左個鵝頭，但第一啖咬落去都好肯定佢係燒鵝，唔係燒鴨肥瘦肉比例剛好，肉汁跟燒汁好滋味，完全唔洗點佢果兩隻醬都已經覺得好得👍🏻搞到我想嗌多個白飯添🙈雖然伴娘話喊左啲啲，不過我覺得送飯一流而碟菜呢放左好多熟蒜係面，同啲油菜夾埋一齊食👍🏻好有中和感後記：因為我太耐冇食燒鵝所以我覺得好好味，我問伴娘呢間好食啲定係深井好食啲，佢話兩間都好食🤣不過唔同好食法😅

是日唔煮飯, 決定出街食,試下新開嘅燒鵝店. 去到人多等位, 決定外賣.見佢燒味睇來唔錯, 又以燒鵝為主打, 一於試下. 叫咗份下莊, 份量十足, 鵝肶大大隻!!鵝皮色澤赤紅帶光澤, 仲食到少少炭燒香味,而且油脂既豐盈又唔會太膩. 鵝肉有油膏但唔太多,三七比咁上下;肉質嫩滑, 大啖食都無罪惡感. 調味料亦唔太重, 肉薄位置都好好食. 另外, 仲叫咗個<<邪惡金蛋叉燒飯>>呢個同平日食到嘅叉燒煎蛋飯好唔同, 真係好邪惡!!滑蛋除咗雞蛋, 仲加咗鹹蛋, 但一樣炒得好滑好香. 加埋半肥瘦叉燒, 一絕呀. 啱哂我呢個叉燒控.畀多少少錢, 果然同平時食到嘅燒味飯好唔同呀!

買40蚊半肥瘦义燒外賣, 吾香無味無汁死實實, 肉質又乾完全冇半肥瘦到, 價錢又吾平仲拍住X興, 返到屋企打開盒子,火都黎, 明明講要半肥瘦,中伏😡😡😡以後不會幫襯👋🏻👋🏻👋🏻

昨晚第一食燒鵝乳豬飯等左最少15分鐘都未送到桌面1⃣️個人入去食地方細又要俾人搭枱燒鵝又鞋又無汁好似隔夜咁飲品紙杯上又唔環保唔會有下一次幫襯真係好失望😞好難食*

呢間亞爺燒鵝69蚊食個燒鵝乳豬飯，燒鵝6舊有4舊係骨，得皮冇肉，叫多飯就當我冇到，一樣咁小飯，街邊20蚊燒味飯都多飯過佢好多。味道就跟價錢不成比例，味道普通，只值40蚊

呢間野其實我已經黎過幾次.食物水準已經漸趨穏定.其實本人食野水平都幾低的,經常食街市d燒味,幾難食都食過. 例如: 柴既叉燒, 皮靱到好似橡筋既燒肉, 肥過肥媽既雞, 各式既燒味舖我都去過, 但好食既真係好少.大舖諸如廣東燒味, 其實同街市貨色也差不多. 要食好食既野, 要用把口去試, 唔係對住個Mon同埋個keyboard就食到.除左逼左少少之外, 第一樣我要講既係, 服務生態度比想像中好, 脫離了"傳統"燒味舖樓面既味道. 一般燒味舖, 態度差少少就變澳牛. 禮貌方面班樓面做到八九成, 要讚.燒味有汁? 講笑咩! 但真係有汁! 完全唔乾 (叉燒End Cut都唔會太乾), 唔點燒鵝醬/芥辣都好好食. 最驚喜既係, 燒肉皮係鬆化到一咬開就好似咬到啖沙咁,好多年都無食過咁好食既燒肉皮.仲有其他野食, 早餐既奶油多士, 份量十足. 邪惡金蛋叉燒飯, 係必食, 係必食! 食完就好似X完驢仔咁, 返唔到轉頭. 相信會成為港島東既名物.圖片略有不足,看倌們請勿浪費時間嬲嬲豬, 自己去一次更實際.

我叫左個燒鵝燒肉飯（燒鵝要另+$3） 打開有點失望，得4舊 .. 燒鵝可能真係相對貴 但係得4舊好似真係太過份 對比我買左另外一個切雞燒肉飯 ，個份量足足差一半 。，另外啲雞比較生。但整體都幾好食，飯香有，啲燒鵝又真係幾好食，燒肉都夠味，我自己鐘意撈薑溶食飯，所以整個飯都尚滿意。 我見佢款式都幾多, 而且價錢算係中等，50蚊雙拼。 下次會試下叉燒，因為今日去冇哂叉燒，希望下次會再有改善。 同埋新開張，應該仲有好大進步空間。