阿爺燒鵝餐室 (已結業)

今晚嚟到西灣河附近食野，見呢間 阿爺燒鵝好似幾多野揀就去左啦！餐廳都係主打燒味、常餐咁，一個人食都唔怕個d燒味舖😄 我地就揀左個2人餐啦！另外加5蚊轉左鵝油撈面🥰燒鵝係靚仔嘅！皮脆肉嫩，只係肥左d🌟🌟點番個醬會解到膩👅 叉燒就半肥瘦嘅，外層皮都燒得幾惹味，個角位仲有焦香！ 瘦d嘅位亦唔會好柴🤩 另一個係超邪惡嘅金蛋🥰🥰用左咸蛋黃同雞蛋一齊炒，非常好送飯！味道甜甜地嘅，又食到蛋黃咸香味，必試喔。撈麵正常發揮啦，麵幾有彈性！😜油菜都幾新鮮，份量都ok. 2人餐仲包左飲品🤩食完好飽🤪

今日去左太安樓附近買野，之後行去筲箕灣方向途中見到《阿爺燒鵝餐室》，見到掛住既燒鵝幾是正咁播，叫左一份古法煙燻燒鵝下庄$138同埋半斤靚叉燒$55外賣🥡番屋企做Dinner, 分開左2個外賣盒裝住。終於到晚餐時間，整番熱燒鵝同叉燒，燒鵝充滿住好香濃既古法煙燻味道，脆皮下舖滿薄薄既鵝脂，鵝肉特別鮮嫩，再點埋附送既甜酸醬汁增加口感，送飯一齊食一流！😋😋 而半斤叉燒都好瘦，沒有太厚肥膏，切得好厚身，竟然好鬆軟，唔好太韌，味道岩岩好唔會太咸，食出啖啖滋味！😋😋+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

最近路經西灣河見到一間餐廳門外排滿人招牌閃亮大字題上燒鵝餐室店家主打古法燒鵝由於實在太多人排隊,我就選擇外賣2盒三拚飯帶走去吃必點古法燒鵝,但同時又想試埋叉燒皇與油雞燒腩仔幸好尚有幾隻鵝,成功買到！店員說好好賣，所以下次想買最好早一點每次只燒八隻！鵝皮薄而脆口，沒有油膩感，因為幾乎一絲肥油都沒有呢～鵝肉帶濃濃煙熏香氣，跟我以前在中國吃到既好相似～好有回比既味道香氣更會在口腔中停留一段時間才散去，味道好獨特！叉燒香甜肉質軟身，油雞滷得入味雞肉嫩滑燒腩肉脆口帶肥,甘香可口#燒鵝#香港美食#西灣河美食阿爺燒鵝餐室地址︰西灣河筲箕灣道147號地下2號舖電話︰2618 8248

自從轉工來到鰂魚涌上班後，其中一個好令我好頭痛既問題，就係搵地方食飯既問題。越來越多既公司，因為成本既問題，由中環金鍾等搬到港島東或東九龍，而鰂魚涌就是其中一個重災區。人越來越多，但地方就得咁小，餐廳選擇係有既，但每逢午飯時間都定必爆滿。午飯時間比較充裕既我，就開始向外進發，發掘新既午飯落腳地，而今日就來到了西灣河。從鰂魚涌步行到這間燒味店，大概要20分鍾，乘坐電車的話，則只需5分鍾，雖然以步行來說，20分鍾的路程絕對不算近，但以性價比來說，絕對值得。一來餐廳算是衰離了商業重區，不需等候便已可安排入座，有時等位都唔止等20分鍾啦。二來這餐廳的燒味質素，實在尋遍整個鰂魚涌，也難找到。今日大約下午1:00到達，雖然是遠離商業區，但人流其實也不少，大約有7成滿座吧。座位以四方四人枱為主，空間感還算充裕。餐廳主打是燒味，但亦都有各式茶餐、常餐、早餐，都算幾多元化。比較特別既係餐廳既每週例湯，4款基本上係每星期替換既，即係每星期只可選一款。餐廳名字是燒味餐室，主打既當然係燒味，基本上唸得出既燒味都可以在這找到。燒味飯可以單拼、雙拼、甚至三拼，亦都有其他將燒味 fusion 而製既選擇，例如叉燒煎

五一勞動節假期在家無所事事，天氣不錯外出走走，行到肚餓在附近搵食，見到一間門面很大的阿爺燒鵝冰室，門外雜誌報道以古法煙燻方法特製，現在已經很少會這樣做，於是買份下庄返屋企慢慢享受，又見到燒排骨都幾好都買少少。燒鵝我真係食唔少，阿爺燒鵝優勝在有煙燻香味，與別不同，燒汁肉汁都豐富，惹味滋味，配汁慷慨，下庄份量不少，但如果與米之蓮推介的一X或X記相比，肉質稍遜，但阿爺比較平，性價比依然高。燒排骨都好，燒得好味道好，但就不見得與其他店有乜唔同。整體合理，店內環境其實都好企理，下次再來堂前。

放假天去了西灣河游泳，回家前順道買些燒味加料，知道附近有這間以燒鵝作主打的餐廳，一於走去看看。中午時份，整條筲箕灣道的食肆都很旺，這間「阿爺」也不例外，門外也有人等外賣。看了門外餐牌，燒味價錢只是中上，並非頂級，店子打正旗號賣燒鵝，又見燒味檔掛著的燒鵝樣子飽滿，顏色深沉，首選買燒鵝吧！想起家中兩小寶喜歡吃叉燒，也買一點回去吧！買了四份一隻燒鵝，要上庄，半斤叉燒，看門外貼著的報導，燒鵝是先燻後烤的，煙燻味非常吸引，與傳統的廣東燒鵝的味道略有不同，鵝皮是脆的，肉質頗嫩，肉味甘甜帶煙燻味，鵝皮下的脂膏不多，因燒烤時流走了，鵝油留作撈麵用。叉燒是柳脢部份，邊位帶點肥，軟腍中有點嚼勁，很滿意，蜜甜味不重，不合喜歡甜度高的朋友。我喜歡將燒鵝和叉燒置於熱飯上，讓熱力將鵝油和汁混在米飯上，也讓燒味變暖和，入口更美味。

外賣@阿爺燒鵝餐室 地址: 西灣河筲箕灣道147號地下2號舖 電話: 26188248 今日返了office training ，上完堂早放工，買燒味回家做晚餐加餸先半斤又燒$55，蜜汁全家都搶來食，因甜甜地加上微焦的芳香，放到白飯上再淋上鹹的豉油，甜鹹兩者相當夾，互相輝映。燒腩仔$55 愛鐘意食，芝麻皮脆卜卜，中間又肥美多肉汁，醃到鹹鹹幾開胃架！相信小女生似我專食肥肉。$40 油雞脾I will enjoy it myself

怎樣才算是靚燒鵝，我認為最重要是新鮮即製，脆薄的皮下帶著半溶鵝脂，再配合鬆軟入味的鵝肉，正就是完美的組合！清明鵝肥，擇日不如撞日，今午走到離公司附近不遠，以古法煙燻製造為叫號的阿爺燒鵝，找到了合意的。一個人的午餐亦可以這樣： 阿爺燒鵝脾飯 $105  （+$10 轉雞油撈麵 ） （+ $20 拼乳豬  （+$8 老火湯）眉豆花生雞腳湯眉豆花生雞腳湯先到，媽媽老火湯的味道，沒有賣相，亦不會有驚喜，但就是清潤醇厚，眉豆花生雞腳豬骨瘦肉的黃金組合，歷久不衰！阿爺燒鵝脾拼乳豬漂來陣陣燒味香，兩者同樣出色。好一只燒鵝脾，色澤亮麗，鵝皮多麼的薄，這件看來皮下脂肪不厚，入口方知鵝脂半融，倍增豐腴口感。這一件，清楚看到了半溶的鵝脂，皮脆肉嫩汁豐富，連骨之肉最嫩，鵝脾物有所值。乳豬亦不輸蝕，見樣子已經知道皮香脆，層次分明。雞油撈麵全靠雞油與鼓油之功勞，粗麵可成為佳餚，濃郁味香，口感非常好。冰室的環境，敏捷的服務，態度可以，地方企理，價錢公道，值得再訪。

番屋企前決定去斬料孝敬家人，聽過西灣河呢度有間幾出名嘅燒味舖，未試過就決定買番啲返嚟試吓啦。呢度出名係燒鵝，唔知買乜就買返隻燒鵝髀返去啦。要成$100，應該都有啲質素保證既，但係見到呢個份量唔係咁多，要餵飽家人我都再買多$50叉燒。等左10分鐘左右就攞得啦。舖頭出面都幾多人買外賣。攞住外賣返屋企途中一路都覺得好香，返到屋企都急不及待開黎食啦。叉燒係半肥瘦，表皮嘅蜜汁夠曬甜，咬落唔會好鞋。燒鵝髀係呢度嘅招牌，髀肉夠曬嫩滑，點一點最佳拍檔甜酸醬，鵝味出曬黎。燒鵝表皮係用咗呢度出名嘅煙燻製作，別有一番風味，家人試過都話好食!

話說昨日晚上, 經過西灣河同筲箕灣交界. 見到呢間燒味舖門外仲有人排隊等攞外賣. 就入去睇下食下. 入面應該有40 個座位左右. 我自己叫咗個一人套餐 轉鵝油撈麵. 等咗十分鐘左右就上齊菜. 是日例湯係花生眉豆雞腳湯, 個湯渣都不小 比街邊嗰啲例湯有誠意得多！個油菜有驚喜, 火喉剛剛好,除咗蠔油之外亦加上大量嘅炸蒜, 口感幾好.燒腩仔到夜晚都仲有少少脆,燻蹄肉比較多,但係我都係比較鍾意食皮!與此同時我偷咗友人嗰啲叉燒食！ 本人感覺叉燒不俗比起灣仔再興嘅叉燒有過之而無不及. 鵝油撈麵, 面質彈牙又好香嘅鵝油味.係呢間餐廳我會强推鵝油撈麵同油菜

夜晚約左朋友食飯，朋友介紹左位於西灣河既燒味鋪～雖然餐廳入面坐滿食客，但等候時間唔算太長，大概等左五分鐘就有位入得。餐牌上好多選擇，但黎到燒鵝餐室當然要點最出名既燒鵝脾啦（由於個人比較偏好食湯麵，所以將飯轉左做米粉）。另外，再叫左一碟例牌叉燒加$8 轉做例湯。例湯係花生眉豆雞腳湯，好甜好好飲燒鵝脾既賣相非常吸引，而且食落肉質鮮嫩多汁，醬汁方面甜甜地唔會覺得太膩，非常值得一試另外，叉燒幾大碟，唔會燒得太燶或太乾，都好好食呀！

🔎西灣河筲箕灣道147號地下2號舖*「燒鵝唔駛再去深井食了」- 阿爺燒鵝餐室.燒鵝+油雞脾飯($75)聽講呢到最馳名就係燒鵝，絕對唔駛再去深井食。皮脆多汁，價錢都算大眾化。油雞嘅蔥油香勁香，而且大大件唔錯。海哲+腩仔+乳豬($70)少見D燒味店有海哲，而我自己本身都幾鍾意食，見到即刻要個雙併。腩仔唔算肥，份量一般，加少少錢仲有埋個乳豬。$70咁大碟燒味飯真係唔錯，我食唔哂仲拎咗第2日帶飯添。佢哋都幾多人幫襯，所以我就外賣拎返比屋企人走了。🍽6/10

位於筲箕灣道文娛中心行過小小呢間阿爺燒鵝飯店，聞名已久，今日奉老婆之命去斬料，買咗燒鵝四分一隻，下裝有燒鵝脾果D！門口燒臘櫃掛咗好多燒好嘅燒鵝，义燒，乳豬、油雞等等，好吸引！等咗冇耐，斬好燒鵝入盒帶走，$138唔算貴喎，返到屋企，煑多兩味，有魚有菜，加埋燒鵝，兩公婆夠食啦！嘩！一打開個外賣盒，香噴噴，立立靚嘅外觀，已經好吸引，入口就夠皮香肉滑，而且好入味，感覺色香味俱全，而且價錢唔貴！整多杯冰凍啤酒，就真係very good嘞！

今日經開西灣河，諗起上次d師奶介紹過呢間，話諗唔到煮麥果陣麥斬料或者買個飯盒囉。 又有一次lunch time 見呢度食山人海，咁當然系繁忙時間之前，去買靚料喇餵。 30蚊雞脾 有白切同油雞脾可揀，咁我食開油脾。大過手掌，皮薄肉嫩。其實一個人都食到一隻。 20蚊紅布腸 呢個系老公指定要既，我就覺得偏鹹。不過可能食開腸仔既人都鍾意食咸野，所以渠狂話正，送飯一流 50蚊燒骨 呢個系小朋友指定既，因為甜甜地 ，好好食。 50蚊買到小朋友喜歡既食物，勁抵。 50蚊叉燒 呢個一家大細都岩，餐廳用既汁幾惹味。加上多人光顧就好新鮮呀。

今日剛巧在西灣河開完會，就在附近搵下有咩好食，見到呢間燒鵝皇好多客人，好受歡迎，就想買燒味外賣回家嚐下。餐廳門口可以見到入面掛满的燒味，有燒鵝，燒肉，叉燒等，光澤鮮色，賣相吸引。我買咗一份燒鵝脾，$100, 油光鮮艷，呈深啡紅色，香氣撲鼻，外皮香脆，肉質嫩滑多汁，鮮甜美味，咬落油脂香味散發，肥瘦適中，不帶肥膩感。貴妃雞，半隻，$70, 份量多，雞肉嫩滑鮮甜，白色厚肉，雞皮都唔會好肥膩，雞肉味濃郁，咸度適中，點薑蔥食味道好夾。