阿牛哥清湯腩.咖哩專門店 (已結業)

昨晚一個人行經淘大花園，忽然想食清湯腩河，見阿牛哥門面都OK，就立即入內試試，我點了一碗清湯腩河，河粉上枱時賣相唔錯，可惜一入口就知衰啦，湯底勁咸兼勁多味精，牛腩又唔淋，幾經辛苦才 完一碗，之後勁口乾一個鐘內飲咗2支水沖味精，唉.....絕對無下次。

男友話留意咗間嘢好耐,每次經過都好想一試,所以連食評都無睇就去食嚕,點知就出事了...男友點牛筋麵,我唔太好牛筋,對咖哩又無乜興趣,最後點咗魚腐米線~~再另加一碗淨雲吞~~等咗好耐先上菜囉... 牛筋麵 >> 男友話係史上最多味精嘅麵... 雲吞 >> 唔知做乜湯底有好多冬菇... = = 而雲吞亦唔好味... 魚腐米線 >> 魚腐唔好味...而湯底就淡而無味...最後男友將我啲米線夾晒去佢個碗度,米線完全吸收晒佢個湯底嘅味...味之素果然好勁!! 另外,佢哋飲品係熱飲+6...凍飲+8...嘩...你唔好去搶吖...唔會再嚟了,唔想再中味精毒呢...

早前買咗恆隆coupon(只付$29就有$100現金券），所以我哋就嚟囉。呢度環境一般，枱與枱之間距離很窄。我哋四個人坐一張圓枱都ok啦。我哋order咗招牌牛腩河加牛丸($31），咖哩牛腩飯($39）和常餐($32-凍飲加$2）。招牌牛腩河加牛丸 - 牛腩有少少韌，味道ok，河粉也不算滑，湯底也冇乜持別。咖哩牛腩飯 - 咖哩可算辣度，份量都幾大，味道就不過不失吧。常餐 - 有滑蛋多士，牛肉公仔麵和飲品。滑蛋ok多士唔夠脆，牛肉公仔麵就普通啦。整體食物一般，埋單($105)，coupon加$5就得嘞，我哋實際畀咗$34，今次有coupon真係超抵。

先唔好比個總評影響~ 我一入到黎就見到咁多"喊"我都呆左~其實阿牛哥我都去過好幾次.又唔係想像中咁差.今日去到就見到有個清湯蕃茄牛腩鍋, 只係$48,加幾蚊有埋碟菜, 的確幾抵食,女友另外仲叫左個咖哩牛什飯~ 個鍋d湯係清, 不過d肉就幾咸下, (不過本人食開清淡的)另外牛舌好好味, 唔會有雪藏味.碟腩汁生菜都幾大碟, 味道唔錯,咖哩飯我地就叫左小辣, 不過對我們來說已經夠辣了~牛什不算入味, 味道還可以~講一講d待應, 有個呀叔其實幾好禮貌,反而係d女待應撞聾. 叫極都唔應....

計埋今日...我前後黎過3次阿牛哥第一次係新開張既時候可能真係剛開張, d 人比較熱誠d...記得第一次我叫咖喱牛腩飯小辣既時候..佢問我食唔食得辣..因為佢地既辣真係好辣如果食唔慣辣既 建議我叫個微辣試下先咁我最尾都係叫左小辣~因為我覺得我食得到第一次食既時候 種辣味真係唔錯!! 不過算係幾辣...當時我覺得幾好食...咁之後~隔左一個禮拜同個朋友黎食晚飯因為朋友唔太食辣...叫左個微辣佢話d 咖喱牛腩淡到水咁..好難食我食落又覺得係偏淡...但未致於淡到水咁...事隔一年幾...今日我lunch黎左阿牛哥見到出面塊牌寫住 咖喱牛腩飯 30蚊...咁我咪入去再試...入到去..都幾多人..得返 2張台冇人坐我行入去...有3個waitress...但係冇人理我我就揀左張角落既位置自己坐低..之後見到 d waitress 完全係無視人既態度我自己拎起餐牌睇完就諗住落單...之後我叫個waitress落單佢唔知有心定無意 聽唔到..於是我又等到佢 企係度冇野做 先再叫佢...佢過黎寫單~我問...咖喱牛腩飯係咪30蚊?佢好疑惑咁拎起我張餐牌睇...：um...好似唔係wor!我就話：

昨晚同老婆前往食晚飯,點了菜後不久...1)發現?上電腦單落錯,即時叫他們更改,(但他們只是口頭同廚房說沒有改電腦單) (我們要的是菠菜餃+耶菜餃米線,他們落了菠菜餃+耶菜餃幼麵)回答我們已改了...2)等了約15min終於來了(我們是明白餃的處理時間是較久),=.=一看都是麵@@我老婆都算了!! 當食了一口麵後再咬一口餃=.=原來是九菜餃(我老婆不食九菜)即時叫他們換... (肯定沒有錯?號,因為侍應放下時說是菠菜餃+耶菜餃)3)好快又回來了=.=(心想那麼快),今次是米線了!!我老婆攪了兩下之前咬了一半的九菜餃還在\../再細看原跟本只換了米線d餃都沒有換...我餓死都不會再去這!!

時時經過問到陣牛腩味,心郁郁想試好耐今次終於有機會一試因為平時少食肉,所以我叫左碗雲吞咖哩魚蛋河;男友鍾意食牛腩,叫左碗瘦腩河.d雲吞都幾彈,有咬口! 咖哩魚蛋都ok,無乜特別.男友比左舊牛腩我試,幾好味! 夠晒肉地>>總括黎講,抵食! 可能我平時少食牛腩見識少啦~ 唔明點解咁多人話唔好食...我男友都話冇乜問題 可能我對食物要求低啦

30/4(五) 8.30pm6月13日的今日才能擠出些微的時間處理食評,way way behind得相當要緊!週五的晚上,8點才衝出上環,跟阿梁於乘巴士到九龍灣覓食.猶記這區有家牛腩專門店-阿牛哥.一於一試究竟!我倆點了清湯蘿蔔$10,蕃茄魚滑米線$26及牛四寶跟白飯$3x.清湯蘿蔔,蕃茄魚滑米線及牛四寶跟白飯,全部份屬俗品.過份"濃郁"的清湯浸淫了爽腩,牛筋,牛肚及牛脷,蕃茄魚滑米線只是苟滑地把蕃茄加入雞湯,魚滑及米線亦令人不太起勁!清湯蘿蔔甜意欠奉.虛張聲勢的阿牛!

行過見到個招牌寫住清湯腩, 咖哩專門店,就諗住入去試下,見到d poster寫住個清湯用乜野乜野整無落味精,就叫左個招牌清湯腩麵試下,諗住一黎就試下個湯有幾正啦,點知一飲就出中招,d味精勁重,咸到七彩,好似想局人叫野飲咁,跟住食牛腩,都算lum,但係唔算係好正,只係一般貨仔,個麵同一般牛腩麵店一樣,簡水味好勁,所以哩個招牌清湯腩麵not good,唔值得入去食,清湯腩都係大利好食d

啲食評冇寫錯, 真係咁差咖, 早知我就睇完先決定食唔食啦.個濃湯牛肉米線, 仲衰過 "大家食" 嗰啲, 宜家仲覺得 "大家食" 都幾好味添呀. 唔止湯, 粉,牛冇咪, 連個番茄都冇味. 番茄個蒂又唔切走, 一啲誠意都冇...個餐旦治諗住冇事啦, 又係冇味咖. 餐肉冇味, 雞蛋冇味... 畀喊面都益咗佢啦.

食完個熱狗後, 師傅到喉唔到肺, 於是繼續行下睇下有咩好食啦, 最後行到黎呢間食店門口, 見佢門口大大隻字寫住 『清湯腩, 咖哩專門店』, 就係咁師傅就比呢幾個字吸引左! 企左喺門口一陣都冇人帶位, 師傅就自己行入去, 坐底後全程都冇招呼, 於是師傅繼續睇下有咩好食!睇啱後, 師傅先開始搵伙計, 樓面伙計唔多, 終於搵到一個伙計幫師傅落單, 師傅就諗住柯打一碗坑腩河, 點知個伙計話冇坑腩, 咁師傅唯有改為爽腩啦;等左一陣就有得食, 但冇筷子, 見個伙計拉開個櫃桶就行開左, 連筷子都懶得攞比客, 服務態度之差可想而知! 爽腩河賣相一般, 先試下個湯底, 湯底十分清淡, 冇咩味道, 絕對惹唔起食慾; 而河粉唔滑口, 仲帶少少硬, 河粉唔滑已然差, 點知佢仲要硬, 失敗; 再試下個爽腩, 腩身係唯一做得似樣少少, 因為都算爽口, 其實爽口同韌真係差少少, 如果牛腩係韌, 就一定咬唔開, 趙唔爛; 而牛腩爽口, 就係有趙頭, 有咬口, 但會趙得爛, 不過呢種腩並唔係師傅至愛, 再食多幾件後師傅發現有幾件都幾韌身, 爽腩做得甚為參切; 而碗內蘿蔔唔腍且有渣, 甚差!總括黎講食物水準絕對唔合格,

果日我同幾個FD係九龍灣行完..之後經過呢間餐廳...見到有人係這鋪的門口SELL聽落又幾好味BO..之後就入左去喇..果時多人到..最後我地終於揀了坐門口的位置..睇睇餐..幾令牙..我的朋友..一個喊了清湯牛腩可..,雲吞面,加里牛四寶反...而我就喊了一碗牛丸面睇落去都幾好LA>>點知DFD 腩可好清湯,,旦係食耐左..有D甘甘地的味..有點怪..食唔慣..雲吞面一樣用清湯,不過同湯底都幾夾..兩樣加都幾鮮甜..加里牛四寶反就算係幾豐富..因為我個FD叫左個勁勒...之後見到佢出曬汗咁..就加左6蚊豆漿.好甜..>W<到我自己果碗牛丸面..佢呢碗野..同佢的湯底令牛丸好鮮甜..咬落去..牛丸入面有少少汁..口感幾好,,&^^^我D FD每人搶左 一粒..都大讚..牛丸都好食過佢地的招牌才牙..>W<

果次同屋企人叫左3個咖哩飯拎走,叫左大辣,點知唔辣不特止,仲要係完全冇味,淡到水咁,.得d黃色色素.....d送又係冇乜味咁,食左一次就冇再食~ very bad行過陣牛味又好蘇好臭.........

同成班同學食 ... 睇到《新假期》都讚過依間既牛坑腩正, 就試下啦可惜 ...《新假期》讚係一回事 , 普羅大眾食落又係另一回事 ...一入到去, 嘩 地下咁濕滑既 仲衰過d 10蚊粉麵店 d侍應既態度 ... 好似想叫我地自己落單再交比佢咁= ="叫左個咖哩牛腩飯($38) ... 唔包野飲 , 連水都無杯 ?_?當然好食的話係唔緊要啦 ...可惜 ... 份量少 ... 已經唔係主要問題 ...問題在於d牛腩 ... 又肥 又"un" 又唔稔好難得食牛腩食到要同棚牙角力, 仲要久攻不下 果時打算放長雙眼睇下依間食肆做到幾耐但係過左無耐開始見到佢有餐有野飲, 計落都平左幾蚊 ~不過, 最重要果樣野都唔做好 ...就算免費送凍飲都無人想去啦

叫左兩個下午茶餐..清湯腩米線..牛腩太"林",冇乜味,d米線好硬蕃茄濃湯牛河..個湯唔係蕃茄濃湯,就咁係個湯上面加蕃茄就算囉..唔會再去..