阿牛哥清湯腩.咖哩專門店 (已結業)

我明白為甚麼這裡會是零好評! 因為真的十分十分十分"普通"! 其實每次晚飯的時候, 我都會見到裡面有很多人, 所以心想應該不錯啦... 但是, 原來我錯了... 首先講講裝修, 不是很貴的那種, 沒有問題, 平民化呀, 但是, 地板可不可以不要那麼國內化? 今天有點雨的關係, 我還覺得我很有機會會跌倒...然後我們兩人點了一個清湯坑腩粉, 一個清湯坑腩雲吞粉和一杯豆漿. 我那個清湯坑腩粉的坑腩只有4-5件, 還要是細細件的, 收我25大元? 真的想用那些吃來吃去也吃不完的粉來"暫"飽我嗎? 清湯坑腩雲吞粉的雲吞不差, 坑腩就真的一般, 沒特色... 這個要了我29元最後那杯豆漿我就覺得太甜 (不過這是個人感受, 我一向喝無糖豆漿的...) , 大大杯的, 6元我朋友說他還會光顧, 因陶大那邊有好一點點牛腩河的店舖不多, 而我? 不用啦...

今日食完想返嚟寫一篇阿牛哥既食評, 開左呢板先知原來大家都一面倒話唔好食我其實一早已經想俾ok佢, 唔會受大家影響, 自己食左一碗招牌清湯腩河, 坦白講, 佢又唔係難食到入唔到口, 只係腩比較硬同乾, 但係河粉都唔會淥到淋哂, 牛腩我唔識分咩腩打咩腩, 只係知道肥既部份唔算多, 所以瘦肉多而令到我覺得難趙!湯比較淡, 唔似好多間柱喉到不得了既舖, 所以食既時候味道變得單調

新開左無耐見好多人排隊，諗住試下，點知就出事兩個人叫兩碗河 ＋一個小食 ＋一個豆槳，等左成十五分鐘 D 野食先到個所謂清湯腩河個湯底完全無味，感覺似一碗好油既熱湯D 腩又係無乜味，間野標榜賣清湯腩，但食完後覺得一般麵家都好食過佢個豆槳好稀，好似溝左好多水，仲有陣青菜味，好難飲唔會再幫趁

上星期經過,聽朋友講話好出名就同幾個FD試下LA,見到裝修都幾好,25蚊一碗粉其實都唔係好抵,仲要碗粉比我想像中少,諗住收得25蚊起碼都食得飽先LA,但係食完之後無人覺得飽,好似得4舊牛腩到,個湯我覺得都OK GE,有D藥材味,有一個FD叫左蕃茄濃湯米線,因為佢話即整所以等左好耐,但係黎到GE只不過係比我地果碗牛腩湯底多兩舊1/4個蕃茄GE湯咁都叫濃湯???我心諗之前係大快活果D都好似濃過你囉- -"而佢D米線都唔多,用筷子一夾可以夾起哂,平時係屋企附近食果D,17蚊碗又大碗D又多D牛腩,D牛腩又比佢果D好希望會有改善LA,如果唔係咁依個時候都恐怕...以咁短時間拎咁多哈哈喊好慘嫁..

係門口見到個餐牌 好似好多選擇 ~~ 加埋入面好多人，聞到好香於是同男朋友入去 諗住試下 點知 真係完全失望 ~~ 我地叫左一碗 清湯腩 + 雲吞河 ，同埋一 碗 咖哩牛腩河...等左好耐只係黎左 清湯腩 + 雲吞河...另外果碗等左好耐都未到...一食d河粉 好淋...散晒..個清湯完全無味..........牛腩仲衰過普通茶餐廳...唯一雲吞係入得口..不過勁細粒...男友的咖哩牛腩 一般啦..食完真係完全失望...唔會再去...

看見這裡的劣評如潮，甚感同意....本來那夜是要到利基大厦附近去吃吃頗有名聲的過橋水餃的，怎知去到才發覺已關門大吉了。是夜不想到臨近遷拆的下邨去找吃(因之前已去過數趟了)，茫茫然走到淘大，看到這新開的店子門外人山人海，太座好像甚感興趣。平常大魚大肉得多，間中來碗清湯粉麵來作晚餐，也蠻不錯吧....雖然裏面人是擠得水洩不通，但要找兩個位子還是可以的。拿起餐牌看看，除了有打正頭牌的清湯腩外，還有其他小吃如煎墨魚餅、炸雲吞等，而且還有番茄豬潤麵吃。看見如此陣容，登時令小弟想起上次由老友食家介紹過在荃灣的生龍清湯腩。兩店的menu真的尤如倒模般相似，不知兩者是否姊妹店 ?剛坐下便嗅到很濃烈的咖喱及洋葱香，登時又想起佐敦阿龍咖喱的味道，於是立定主意要來個咖喱腩。是夜煎墨魚餅售罄，就轉而吃吃炸雲吞。再加碗半肥坑腩伊及腩汁蘿蔔，份量是極足了....不過吃了一兩味之後，已是極後悔叫了那麼多了叫了坑腩，最後來了切腩，而且還是韌得黐牙的貨色，幸好邊位是帶點脂肪的，不然就真的是劣中之劣了湯底號稱是無味精的，喝了一口，的確是，但就有如在喝白開水一樣，丁點牛骨味也吃不出。老實說，真的是很久沒有喝過這樣差勁的牛腩

次次經過都見到好多人...仲有smell到佢好香的蘿白味.就忍唔住揾左晚去食!人都ok多. 去到要撘枱,3個人叫左3碗清湯腩粗面,米粉同埋米線.上到枱,見到d牛腩都幾吸引!仲有d 肥膏d! 哈.我最鍾意,睇落感覺上係有d似坑腩..但1食落...em.... 只係好普通..食落都無平時經過smell到咁香...-3-我的粗面仲有陣鹼水味...真係ma ma.只係因為太耐無食牛腩..先至叫覺得ok...但成$25 1碗..仲要都幾細下.....俾我就唔會再答食啦...psssss. 之後係新假期見到介紹佢的報導..話好好味咩入口溶之類的說話...仲話1日賣過500 碗....-_-我即刻對雜誌講ga野有所質疑..以後呢本雜誌講ga野要小心分析...

年廿幾才開的店。最初被它的牛肉香味吸引，然後看了《新假期》介紹，好像不錯啊！結果是失望而回，是大大的失望一進此店，已經被它油膩的地板嚇怕，直情滑到可以踩冰，「媲美」國內名不經傳的小店。看著阿姐拿著熱燙的湯粉鑽來鑽去，好牙煙！坐下來，發覺張櫈搖搖晃晃，menu殘殘舊舊。開了不足一個月，已經搞成這個樣子！叫了一杯黑豆漿和一碗爽腩河。牛腩河是這兒的招牌菜，估計衰極有個譜。黑豆漿毫無豆味；牛腩算是過得去，但無過人之處；湯是最大的敗筆，無味道，純粹一碗熱水，無誠意！要求極低的朋友說：嘩！無下次！應該都好快執。可想而知有幾差。

食左一個清湯腩米($25)........我明明揀左坑腩一0黎到d腩小到呢.........得四小件兩件根d湯清到無敵清算啦..........唉仲叫左一個咖哩牛四寶分別係根腩舌肚侍樣好似有兩小件咁大把有5種辣度可以揀已經揀左最唔辣一樣辣到狂飲水雖然我係比較唔食得辣但我真係唔覺係"微辣"..................最好得服務有個哥哥同你講野真係會望住你會用心微笑唔同一d waiter, 由頭到尾都只係望住張單講野無尾音咁

話說呢日又去買外賣，經過呢度見到呢間新開的阿牛哥門庭若市，所以決定走來試下﹗間野開左幾個星期，日日都排大隊，仲有某某工友話好味，問一問個店員呢度有咩好食，佢介紹話係清湯腩或者咖哩﹗腩我就無興趣喇，所以揀左個"招牌咖哩薯仔雞扒飯"，價錢賣到好似0係佐敦食阿龍咁，$38，唔包野飲只係得個飯，我呢0的低收入人士俾錢俾到牙肉都痛埋，不過算啦，好食就得了﹗佢同我講個咖哩即叫即做，老老實實咖哩一早較定哂架啦，咩叫即叫即做？不過佢咁講我咁聽，坐住等啦，等呀等，等呀等，等到發老脾要追佢喇，再等待等左成十五分鐘先有得攞﹗咁樣做外賣生意真係遲早執笠﹗餓到胃都穿，攞到番地盤就食啦，打開盒咖哩聞唔到咩香味喎﹗食落口，個咖哩唔香不特止，仲要係酸的，有陣酸酸宿宿的味道，唔係呀嘛？用0的咁既咖哩o黎整既雞扒，好食有限啦，仲話係招牌咖哩，食蕉個蕉乎？呢個飯個名有薯仔呢兩個字，不過成盒我刮穿個飯盒底都只係搵到三粒咁大把，仲要係細粒如波子大少，搵笨程度有一百分﹗$38買左盒咁野返來，真係全日都耿耿於懷，請我都唔會再去食﹗

昨天晚上, 路過這店, 想著不如試一下吧雖則有點貴.....八時許, 也算其門如市, 打算試兩碗粉麵, 清湯和咖哩各一客~甫坐下來便聽到有客人投訴漏單和久等......不管了, 先要一碗清湯坑腩河試一下, 25元製作果然需時, 這樣簡單的一碗也要等它一個10分鐘清澈的湯, 喝起來也是一致地清澈如水河粉口感還算可以可是我點的明明是坑腩, 怎麼一塊坑腩也沒有? 來頂包的是三小方塊爽腩和兩塊牛筋, 合共五塊料, 真矜貴肉的部分粗糙且鑽牙縫, 還算有點肉的鮮甜味但牛味欠奉煮得晶瑩剔透的牛筋, 味同嚼凝膠, 一切與牛有關的味道都漂走了到差不多吃完的時候, 最不可思議的事發生了...... 怎麼碗底的湯會比較鮮呢? 天啊, 你們不是奇趣得連湯底也沒有一鍋備好的, 做麵時是用湯皇+清湯放在碗裡卻忘了調勻才奉客吧?!還會試咖哩牛腩?!Okay, this one is out.

成日行過見甘多人,甘岩經過見冇乜人就入去試吓啦!牛腩飯$35蚊得六片牛腩仲要冇味靭到咬唔到!醉酒雞亦唔記得幾多錢等左好耐一來到4隻一試難忘,冇味但有雪味又細隻!雲吞河!有6粒雲吞但D雲吞細粒到我真係第一次見仲要唔好食.唔信嘅即管試吓啦!不過小心地下D油滑到你唔信.

之前行過見好似好多人幫襯, 睇餐牌仲以為係中環名店...今日同老婆特登過嚟試吓, 我叫左坑腩河, 佢要鮮茄"濃湯"豬潤米, 再加$24得7粒嘅"金魚"雲吞同咸檸蜜...腩河先到, 阿姐一放低, 我竟見到成張電腦order單就浮喺我碗粉上面, 然後佢先隨手拎開張單, 後來我見原來佢哋係咁認枱傳菜嘅.腩河: 湯底淡而無味, 牛腩五片, 每片約1/5係肥膏, 味道肉質都一般. 我一生人第一次要同豉油撈腩河先叫勉強食完.雲吞: 做得頗細粒, 上枱時近半有穿皮見餡(但冇漏), 入口好重麻油味, 蝦可能唔新鮮 (口感怪怪, 鞋鞋哋 又唔係霉), 但肯定冇挑蝦腸(食到有沙), 最大問題係條"金魚尾", 一"著"雲吞皮摺實左, 煮完硬堀崛, 到最尾食淨3粒....咸檸蜜...咸檸可能未腌夠, 篤極都冇乜味, 似淨飲蜜糖水, 咁又飲淨半杯....老婆個鮮茄濃湯豬潤米我無食過, No comment, 只見個湯唔濃, 但呢佢就話豬潤都OK喎.我諗新開舖頭, 食物質素未必好, 一場街坊應可再俾機會試下. 但我見佢哋服務唔好, 收錢都收到黑口黑面, 再加上定價太進取(好食就絕無所謂)...食完呢餐我好有俾

琴日同朋友放工行過牛頭角下村....見到好似冇咩好食...就走過淘大睇睇....一行過去....見到勁多人排向間新開的舖頭出面......我地比果陣好香的咖哩味引左入去....當時7點半左右....舖頭裡面好多人迫到爆.....好唔容易攝左2個位坐低....我地叫左 "金牌咖哩牛腩飯" 同埋 "咖哩薯仔豬扒飯"....$38 一個佢d 咖哩可以選微,小,中,大同勁辣.....落order 時...個waiter說佢地果d 係巴基斯坦咖哩會好辣....所以我地要左小辣同中辣試下....朋友的豬扒飯等左15分鐘左右黎左....豬扒有2塊(原塊)...薯仔得 3~4細粒....所謂的 "咖哩薯仔豬扒飯" 得 3~4粒薯仔...我都唔知佢叫lee個名做乜!!! 食落....D 所謂中辣的咖哩一D都唔辣!!! 初初食好甜....食下食下就好咸.....豬扒都 OK 冧.....但係好明顯係煮好就咁放落去 d 汁度ge....薯仔都係......而我個牛腩飯等左勁耐都未黎.......連我地搭枱個阿婆都忍唔住叫我地追單....我地追單果時個waiter 仲要唔負責任咁話 d 咖哩煮緊!!! 扼鬼咩

呢間野開左冇幾耐, 佢開正係淘大商場既其中一個主要入口, 所以人來人往。筆者有一次平日晚市時間行經上址見有好多人睇佢個meun, 亦見有人排隊等入內食野(可能因為新開好奇)。咁岩又未食晚餐, 而見佢又有乜Q番茄濃湯既招牌菜色都幾吸引, 就排隊等左5分鐘左右就入左去叫野食。即叫一個番茄濃湯既豬潤米線, 又叫個油菜。幾分鐘餐到, 嚇見番茄濃湯竟然係普通烚面既湯, 番茄只不過就切大舊D放在湯中根本就只係湯加番茄, 真正的番茄濃湯係起碼湯底既顏色已經滾到茄紅色湯中有溶溶既茄肉。我十分不滿, 不過只放在心中, 既然叫左黎, 就姑且一試....但味道只是一般到不堪, 全冇茄味, 豬潤的賣相不佳。稍後來的油菜, 一碟得幾條少過魚旦粉檔口, 又唔係平。正路筆者食一個米線都會飽, 但其質與量均不佳, 我另叫一個牛根河(牛清湯都係佢所標榜既招牌)。餐到, , 湯又係烚米線既湯, 牛根是其meun述軟滑之相反。最差係河粉, 佢地用既係粗河。河粉粗身,係用黎炒既, 而薄身先係用黎煮湯, 佢地諗住買一種河粉兩用還是求其待客, 或者係鋪老闆根本不知有所分別。