阿芳上海餛飩 (已結業)

Openrice一吓, 才知道阿芳餛飩原來有分店, 我常去的一間在柯士甸小路, 原來係新開分店, 而這間才是舊店, 食咗咁耐都唔知道.今天專登來這裡試一試舊店. 因早上的早餐太豐富, 到中午時仍然有飽的感覺, 只好叫一碗細的份量, 幸好阿姐說還有早餐供應.這店與柯士甸小路不同, 只供應兩款餛飩和餃子, 即係無得揀啦, 雙併: 玉豆豬肉餛飩和洋蔥豬肉餃子. 玉豆餛飩的皮較薄, 隱約看到內裡的餡料. 玉豆製的餛飩, 入口些少爽口, 與豬肉的軟熟, 成為最佳配搭. 洋蔥豬肉餃子, 豬肉的香味和洋蔥的微甜, 而用的餃子皮比餛飩皮厚得多, 但不失煙韌有咬口, 可惜舊店無提供煎餃子, 否則如此煙韌的皮, 煎過後應更好味.全港上海餛飩, 未食過比此店更好, 但無論如何, 不知是否先入為主, 食落味道始終唔及柯士甸店.

睇完網上食評才去幫襯, 知道叫淨餛飩比較底, 但今早食了兩次早餐, 雖然兩次都十分少, 仍然感到肚飽飽, 於是要了細碗午餐, 一碗有六粒, 三粒菜肉雲吞和三粒洋蔥餃子, 食得出新鮮, 豬肉口味不鞋口, 算很滑, 個人比較喜歡餃子多於雲吞, 一般人愛雲吞皮簿, 但我認為餃子皮厚少少才有口感, 而且洋蔥加豬肉, 味道非常奇妙, 洋蔥的甜味完全發揮, 有些少爽口, 出面從未食過, 非常好的配搭, 細碗餐還送一碟北方小食, 我要了拍青瓜, 對於愛辣的我, 當然不夠, 唯有自加辣油, 當堂唔同, 而酸味也不太足, 唯一可取是青瓜十分爽口新鮮, 可能未奄得夠時間就上台,

係紅磡返工五年來只幫襯過兩次，每日 lunch 時間都人山人海 ﹗雖然我係麵痴，但對白麵粉做既麵真係無咩興趣，口感偏腍、又淡口囉。舖位細、枱又細，都幾迫吓，服務還可以啦 ~ 睇個 menu 研究左好耐，但始終無樣野可以令我有衝動。糖醋排骨上海湯麵，乾爭爭、又鞋口既排骨啊 ﹗帶點點淡淡糖醋味。湯底味道好似蠔油、豉油加雞粉煲成，差 ﹗白色既上海麵，又腍又淡。

我地叫左雙拼餃,鎮江排骨面(算係最好嘅一個面),雪菜肉絲面(唔知咩嚟),牛展年糕(d年糕一pat pat 有一沉味),樣樣都細細碗,但一個餐要成$40蚊一個,$40一個lunch餐都可以接受,細細碗麵可以接受,但係貴得嚟細碗得嚟難食就不能接受,如果你貴,但係好味嘅就唔同.....唉......失望

難得我個HONEY可以陪我食早餐仲送我返工~梗係食餐好~~~XDDD好耐都冇去阿芳喥食餛飩~而我HONEY又未食過~咁梗係要帶佢去下~~冇食咁耐水準依舊,但係價錢就好似愈嚟愈貴.不過佢又真係好鬼死好食~久唔久豪一次~~都唔係好過份啫..我要咗一個餛飩早餐, 8粒餛飩配凍豆漿, 盛惠HKD28佢呢喥d餛飩真係好特別,因為通常餛飩都係淋gei,但係佢gei餛飩入面gei就用咗豆代替白菜.令到口感非常彈牙仲好爽, 好啱不嬲都鍾意食爽口嘢gei我~HONEY就要咗一個什菌炒蛋+多士配叉燒通粉,飲凍0 TEA, 盛惠HKD26呢個什菌炒蛋都幾滑~而且真係好多菇~~我哋兩個都覺得好好味~至於叉燒通粉~就係……叉燒通粉~冇咩特別~~不過即然影咗~就POST埋LA~食完個咁好味GEI早餐~覺得好美滿^^

係紅磡搵野食，行左去崇潔街見到阿芳餛飩，就入去開餐啦，叫左一碗餛飩米粉一碗水餃年糕，餛飩內有四季豆而水餃內有紅蔥頭皮薄料多漲卜卜，真係超級無敵非常好味道，36元仲包埋杯豆槳添，店舖還有新鮮餛飩及水餃買不過就要預訂架，一定會再次去幫襯順道買埋新鮮餛飩及水餃。

這間小店　聞名已久　都是朋友耳傳　特點之一是天天只賣定數　三點賣完　令人往往望門輕嘆今天有幸合時經過　入內一試朋友點了淨雲吞　我就試水餃面瞄瞄旁人　都吃豆腐鹵蛋　大概比較有名和亞姐閒聊兩句　平易近人　生招牌加上家庭式的招呼　大集團沒有大既是令人引象深刻的原因吧食物來得快　賣相清逸　對喜愛清香食物的人很吸引雲吞嚐了一個　味道清新　和輕巧的湯味搭調我就比較喜歡水餃　包起來的一點濃香咸肉　在清新中　濃郁的配上幾口　有對比　感覺上豐富面是平常的白面　沒說很彈牙　填肚卻夠了最值一提　餃皮都很薄很滑　忍不住　水餃一個個的溜進肚子裡皮是否自做的呢？　有機會要問問亞姐下次再來的話　我大概會問亞姐拿支麻油狂加　香個死來活去　肥死也值得豆腐就平常的樣子　也試了白肉和牛展　印象一般如白面條能更講究一些　就更好　另外熱咖啡也欠力　然而小店一間　我就不太挑剔了總的來說　清香口味最吸引　不會過濃　城中稀有作為午飯的份量　足夠有餘相片大家都有　就不上傳

已很久沒有回紅磡吃午飯了, 多數時間都要上廠, 今天得閒, 轉了多個轉, 決定入這間紅當當的小店, 店內主打上海雲吞, 連名字都以上海話餛飩為名, 就決定試一試吧, 同場還見到名明噃, 是TVB大隊入內拍片, 見到小儀與金剛呀, 話說回頭, 這店的上海餛飩確實特別, 上枱了, 吃落有些少爽口, 看見用料並不是一般所用的白菜, 用手按過了一下, 應該是豆類混肉, 味道不濃, 淡口, 合我的口味, 混上的湯也清甜, 還有些小蝦仔在湯面浮遊, 加上麻油香, 一碗十隻, 快速被我消滅, 豆漿不算太甜, 健康之作!

聽同事講呢度有個好似澳洲牛奶公司咁的茶餐，於是去試一試。唔試猶自可，一試把幾火！首先個餐要成三十蚊，ｏｋ，呢頭食野係差唔多呢個價。但首先跟餐果杯頭漿又細到嘔，真係兩啖就清得晒！如果要轉茶啡之類，不論冷熱都要加兩蚊！有冇搞錯！？杯凍奶茶仲要連糖都唔記得落的，水吧有冇心機做野架！？個餐本身仲有一個叉燒通粉跟，呢點又係學足澳洲牛奶公司。弊在個份量得人地一半呢！又要整得淡貿貿咁！唯一入得下口的得個炒蛋，呢三十蚊你話俾得幾唔抵！！！我決定永久將呢間野列入黑名單！！！！！

雜誌介紹的一間小店, 位處於紅磡區的小角落, 專程坐45分鐘巴士來吃一碗上海餛飩, 值得與否, 試過才說, 碗內可見, 大大隻餛飩, 浮浮的在湯面, 漲漲的外表, 還有精神的蝦仔, 東菜粒蔥花遊遊, 香香的麻油, 一碗十隻, 到底是否可以完全吞下, 來一口了, 皮略帶些少粉, 但仍不失咬口, 材料有瘦肉, 吃得出不是雪櫃貨, 有豬肉鮮味, 而且沒有肥肉口感, 反而有些少失色, 應可加多些少肥部份, 使口感更為滑溜, 健康與否則見人見智了, 內裡見到綠色一粒粒, 並不是白菜, 而是豆角, 怪不得咬落有爽口感覺, 果然不同一般的實實口感, 不覺不覺, 一碗大大的餛飩, 就被消滅了, 只記得為小食拍了照而忘了主菜, 下次帶埋老媽子來試試才補回吧...

天氣下降了十度, 凍到唔想行出街, 如果不是阿芳的聲名, 更加不會走到遠遠來試, 約了友人下午茶, 本來直出尖沙咀, 但友人硬要先來吃碗上海餛飩才去, 無法啦, 各人叫了午市套餐, 大大的一碗, 滿滿的菜肉餛飩浮浮湯上, 灑了蝦皮和蔥花, 一陣麻油的香味, 雖然食過早餐, 依然食晒落肚, 早上的牛肉麵和多士加埋下午的菜肉餛飩, 我行唔到去巴士站了, 友人請搭的士吧!

下午食過一次上海雲吞, 感覺良好, 今早見隔離左右全未開門, 走來試試早餐何, 胃口不甚好, 只一碟多士和奶茶, 奶茶一般, 飲不出有甚麼特別之處, 而厚多士厚多士烘得不錯, 我不喜歡太燶, 微脆的外皮和牛油香, 內心軟軟, 有誠意之作, 期望下次再試個早晨全餐!

行來行去, 轉完又轉, 都未決定到食嘜, 於是手機SEARCH一番, 紅磡區的平價餐廳, 找到了這間名為主打餛飩的小店, 見三點半便收工, 於是急急腳走來, 上氣不接下氣, 坐低, 二話不說, 便叫了一個餛飩餐, 一碗上海菜肉餛飩, 因不想食太多肉, 所以配的小食要了一碟鹵蛋豆腐, 鹵蛋一般啦… 蛋質比較實, 豆腐不錯, 但鹵水味不太濃, 早知要”拍青瓜” …., 餛飩出場, 外觀一流, 氣味亦不錯, 陣陣麻油清香, 配料浮在湯面, 眼見有小蝦, 東菜, 蔥等, 餛飩皮不算厚, 可見到餡內顏色, 食落十分鮮味, 咬落口便知不是雪藏肉, 因為不是實實的感覺, 肉質軟硬度剛好, 加上肉菜的份量適中, 個人感覺認為皮可以厚些少, 不需太簿, 因為不是廣東雲吞, 厚皮可以增加有些少口感, 但當然不可以太粉, 非常滿意的午餐, 唯一不足是, 冷氣不足, 遠道走來的我, 今天是汗水配餛飩….

可能是唯一的一間自稱是專賣上海餛飩的店, 非常之十分難搵, 在內街的內街, 經過了紅磡廣場, 還要進入一條沒有車行的小街, 再轉入另一條沒有車行的內街才到… 不敢說下次都可以找到…., 中午一時到達, 多人到飛起, 入去被阿姐指了在角位的小枱角坐下, 問阿姐有嘜介紹, …. “都係餛飩囉…”… 好啦… “餛飩..就.. 餛飩..啦..”, 加了豆漿, 豆漿一般吧, 飲不出與其他的有甚麼不同, 比較上略為淡, 等了10分鐘, 主打的餛飩才上枱, 很重的麻油香味, 先飲了一口湯, 其實入口味道不重, 應該只是醬油味, 倒是餛飩的樣子很吸引, 咬落皮不太厚, ,餡料的瘦肉與菜都吃得出很新鮮, 不似街外一般的實實一舊, 還有那些浮在湯面遊水的小蝦和炸菜, 增加餛飩的味道, 不知不覺便吃完了… 太多人在旁, 不好意思拿出相機來拍, 下次吧…

小食店有3.9分, 算高了, 點都要試一試, 可惜這間店的開門時間一直與我無緣, 今天剛巧放假兼路過, 終於有機會了, 下午茶時段, 但沒有下午茶餐, 唯有叫午餐, 餛飩配薰魚和豆漿, 上海式餛飩, 只有菜肉, 沒有蝦, 碗未到已聞得陣陣香味, 相信是麻油味, 碗上有上海人喜愛的蝦皮, 蝦皮並非蝦米, 蝦米是有肉身而蝦皮沒有, 另有蔥花與雪菜配料, 在上海吃過的菜肉餛飩多是醬油水, 這間也一樣, 沒甚特出的湯底, 反而使集中力在餛飩, 一口吃不下一隻, 略為大了些, 餛飩皮算簿了, 應該太簿, 不似上海吃的, 有些少厚度, 咬落更有口感, 適合香港人口味乎? 咬落才知道其特別之處, 並非用白菜, 又非用傳統薺菜, 而是用豆, 但不清楚用那種豆, 切得太碎了, 豬肉食得出不是雪肉, 有豬用鮮味, 但吃不出的機攪的還是手剁的? 不過尚算混, 肉與豆的化學作用, 脆口與軟, 轉眼便吃完, 這間的菜肉餛飩要比跑馬地的高出多了, 另外, 小食薰魚味道略咸, 係人都知道, 上海薰魚當然不是薰的, 而是炸的, 這碟炸得鬆軟, 小骨也可以咬碎, 只$10, 實在底食, 豆漿的豆味一般, 但不太甜而且夠