阿荔車仔麵

营业中

休息中

👍🏻 原骨湯底車仔麵（油麵加牛腩汁、南乳汁、小辣、多蔥粒、芫荽、火辣辣菜脯）會一會佢哋既車仔麵先💁🏻‍♀️呢度嘅配料都幾多款式 肉類、海鮮、丸類、素菜大把選擇 我哋鍾意食車仔麵嘅原因就係因為可以按自己喜好選擇 而我哋試咗幾款後最推介☺️✅辣玻璃魷魚：魷魚爽脆 辣辣地勁惹味✅香滷雞翼：滷汁微甜 雞翼入味✅清甜蘿蔔：超甜 份量多✅粒粒墨魚丸：爽口彈牙 食到粒粒墨魚肉👍🏻 秘制牛筋牛肋腩蒜油撈（幼麵、多蔥粒、芫茜、火辣辣菜脯）店員推介佢哋嘅秘制撈麵 麻辣同蒜油口味中 我哋選擇咗後者 麵就固定選擇幼麵 食落蒜香好重 而且味道均勻😇牛筋炆得軟滑 膠質很重🐮牛腩超驚喜 又腍又軟又入味 建議大家試試！👍🏻 椒鹽炸燒賣 (5粒）外脆內軟椒鹽粉裹得均勻👏🏻無理由唔好食👍🏻 黑松露醬炸單骨雞翼（5 件）單骨雞翼本是微微香辣 搭配黑松露醬非常夾！注意事項⚠️- 餐廳使用QR code落單📱

星期六晚諗住懶少少唔煮飯，求其揀左間鋪頭食一餐，食完快快趣返屋企睇英超早場。點知落完單黎左一碗，第二碗等極都未有，其他後到客啲麵都上枱了。第一碗黎左之後，等左6-7分鐘未有已經覺得古怪，無理由車仔麵會咁耐，叫啲餸除左烚菜都係煮好既。咁就問下外場張單係咪甩左，佢哋睇完order system話有單，跟手就問廚房姨姨。其實張枱同個開放式廚房好近，好清楚聽到姨姨話無收到第二碗既單🥲但外場可能太忙（？！跟住就無理過🥲催完第一次再過10分鐘，結果我麵都就食完，第二碗都係未見影，就再催多次我頂🥲個廚房姨姨話：真係無單啊，外場話有，而家先讀返第二碗車仔麵係要咩餸，叫姨姨即刻煮🥲🥲🥲🥲咁大個人，第一次食車仔麵食左成個鐘同咁谷氣谷氣係在於其實出單同入單係兩個system黎，只係by network同步接收唔同動作，system A無事唔代表system B無事，當個客話漏單，其實係咪要兩個system都要check?淨係check一個有咩用呢？唉，認真，食物質素係值得可以覆焯，但一個極差既服務體驗，無下次啦⋯⋯🥲🥲🥲

睇戲前係附近醫醫肚先，見到呢間新派車仔麵，裝修新淨簡約，好光猛乾淨，就入黎試下😛佢有傳統車仔麵，亦都有啲餐廳推介嘅新式麵食，每樣都好吸引，最尾揀左一個撈麵一個沾麵，再加啲小食😋 沖繩黑糖豬手麻辣撈麵聽講豬手係呢到招牌菜，果然超有水準!! 豬手炆到超淋+入味，豬皮係有少少彈性，feel到充滿骨膠原嘅感覺🤣個黑糖汁甜甜地配埋個豬手真係好夾👍🏻推介!麻辣撈麵揀左拉麵要中辣，都真係幾辣下，但唔係死辣係好香嘅辣椒油味😛麵質中等唔會太淋，份量幾多～阿荔特濃沙嗲車仔沾麵車仔沾都真係夠晒特別，第一次聽🤣估唔到食落好有驚喜😍餸可以自選，麵揀左讚岐烏冬，值得一提個沙嗲汁，超濃花生香味，有啲擔擔麵feel，超惹味😋😋玻璃魷魚同牛柏葉都新鮮爽口，肥牛正常，蘿蔔清甜!小食嗌左黑松露醬炸單骨雞翼，麻辣香滷三寶，腩汁通菜，全部都幾好食😂 仲要都算平，加廿幾蚊就有～飲品試左佢地自家製冷泡烏龍茶，清新好飲，解辣一流😝下次再黎試下佢地個麻辣車仔麵😋

謙謙上完跳繩班話好肚餓近近地來到阿荔車仔麵食返碗再返屋企啦！🔯 阿荔特濃沙嗲車仔沾麵 ～ 選左讚岐烏冬加3個餸，分別係雪花肥牛， 辣沙嗲魚蛋和魚片頭。 謙謙話沾拉麵食得多，沾車仔烏冬好得意，仲要係港式味的沙嗲夠香濃，烏冬掛汁力強，魚蛋夠辣。🔯 沖繩黑糖豬手麻辣撈麵 ～ 我選左手工拉麵貪佢麵質彈牙， 個豬手唔好睇佢細細件分量幾多下， 炆到入哂味，滿滿骨膠原 ，愛麻辣人士呢碗絕對係好選擇，夠麻夠辣好刺激。🔯 黑松露醬炸單骨雞翼 ～ 單骨真係好方便，雞翼炸到脆卜卜，黑松露醬同炸物不嬲都好夾。🔯 惹味沙嗲三寶 ～ 有牛柏葉，豬皮和魷魚上層會加沙嗲醬。但我建議倒哂入沾麵到仲正。

阿荔車仔麵係由創辦人係荔枝角開設車仔檔，憑著秘製牛腩及招牌南乳豬手闖出名堂。講到明招牌菜，一定要試招牌南乳豬手，佢係用左經過混醬的南乳進行撈醬將香味迫出，再加入豬手炆煮約8小時，40年傳統味道，絕對是心機之作。再加上新派車仔麵，配以沖繩黑糖麻辣撈麵，鍾意食辣嘅不能錯過。另一款車仔麵叫咗菜底，配餸係牛筋牛腩同埋豬大腸，牛筋牛腩好入味，滷水豬大腸食得出係醃咗好耐。小食叫咗椒鹽炸燒賣同埋惹味沙嗲三寶，即係牛柏葉魷魚同埋豬皮，炸燒賣好有特色，沙嗲三寶都幾特別值得一試。最後加多個白灼菜心，都算幾大碟。沖繩黑糖豬手麻辣撈麵 $68椒鹽炸燒賣 $15惹味沙嗲三寶 $20每日靚時菜 $20原骨湯底車仔麵生菜底 $14秘製牛筋牛肋腩 $18香滷豬大腸 $13

呢間車仔麵想試好耐😂見今日諗唔到食乜，就來試下佢😝去到餐廳大概八點鐘，餐廳都坐滿晒客，所以我地最後坐近門口張吧枱😂餐廳光猛，都幾闊落~入面有一個「一生只想尋覓一個肯陪你食車仔麵的人」嘅打卡位，不過我地坐門口，就冇入去睇了😂坐低冇耐，staff會俾餐牌同單你，自己掃qr code落單~見餐牌都有幾多新花款野，沾麵、撈麵之類……但我比較鍾意食返傳統車仔麵，就冇試了😂🐷椒鹽炸燒賣 ($15/ 5粒)一上枱已經好大浸椒鹽味😳咬落外皮香脆，入面幾軟熟，唔錯😋🍲招牌南乳豬手、豬大腸、豬皮車仔麵 ($52)一上枱見到都幾多 食送😳🐷南乳豬手有4件，炆得好淋，輕輕一夾，舊骨已經甩出來，仲要好入味👍見餐牌有個黑糖豬手撈麵，可惜冇得單獨叫黑糖豬手，想試埋😢🐷豬皮細細塊，但幾厚，味道正正常常~🐷豬大腸，好多件，又大件，食極都仲有，仲要好入味，冇得頂😍🐮牛腩汁底都幾夠味，唔錯~🍜不過米線就比較幼，如果粗少少會好D😢同埋落單時有講想煮得硬少少，但食落又唔覺有硬到🤷‍♀️🍲蠔皇冬菇、甜酸齋、大腸車仔麵 ($48)🍄蠔皇冬菇細細粒，不過好淋，又夠味👍甜酸齋正正常常，冇乜特別~🐷豬大腸同上面一樣，就唔再講了😙湯底都係牛

▫️主食▪️原骨湯底車仔麵$14{配料:讚岐烏冬🍜香滷豬大腸•招牌南乳豬手•蠔皇冬菇•炸腐皮豬肉卷•炸厚切餐肉粒•紫菜}$94吃車仔麵最開心的莫過於把所有喜歡的配料集於一碗中😍剛好阿荔車仔麵配料款式多多😏最印象深刻當然是招牌南乳豬手🐖豬手夠軟淋惹味. 口感極佳😍但豬毛可能要多加處理便更好了🫣另外.不得不讚的是湯底濃郁香甜.配上少少辣味&腩汁更為津津有味👍🏻▪️阿荔特濃沙嗲車仔沾麵$68{讚岐烏冬🍜雪花肥牛•豆卜•辣沙嗲魚蛋•}沒想到Crossover日本原素的車仔麵可以如此的獨特😍煙靭彈牙的讚岐烏冬配上特濃沙嗲湯底超正👍🏻香濃花生🥜&甜甜椰漿🥥惹味萬分😻 豆卜更是必選😻把所有湯底的精華吸得飽滿😈咬下時更有爆發的衝擊力🤭yummy 🤭▫️小食▪️黑松露醬炸單骨雞翼$28黃金香脆單骨雞翼食用非常方便🤪一口咬定便完成一支.極為適合我這種愛吃又怕麻煩的人士😙雖然是單骨雞翼但內裏仍然保留了不少的肉汁😍吃下時更有鮮嫩的滋味🤪配上松露香的醬汁果然(無得輸)👍🏻▪️椒鹽炸燒賣$15外脆卜卜內軟淋淋🤫咬下還有煙靭回彈的口感😍過癮..過癮😈配上椒鹽的鹹香更為開胃🙌🏻▫️ 餐飲▪️特

【荃灣阿荔車仔麵 】🤑人均：$50-100荃灣真係好多好野食! 今日就試下創新既沙爹車仔麵沾麵。呢間阿荔車仔麵，睇返佢地社交平台介紹，係1984年係荔枝角街頭一帶擺車仔檔，招牌菜係南乳豬手、秘制柱侯牛。但今次就2樣都無試到。🏠環境 ： 乾淨舒服，當日都坐咗唔少客人，但竟然意外地清靜，唔會好嘈。留意到全部都係情侶食，好搞笑。🍳食物： 💥特濃沙嗲車仔沾麵 (包3個餸)  $68  (7/10) 我就揀咗牛柏葉、肥牛同蘿蔔，配公仔麵 (餐牌上寫出前一丁，但嚟到似普通公仔麵無咁粗身)。份量都算OK，肥牛未去到全熟，厚薄適中，有少少牛味，牛柏葉爽彈咬得開，而蘿蔔就超級甜，甜過日本蘿蔔，好似用甜水浸過咁，反而我就覺得一般。而重點特濃沙嗲湯底當然係另上，一食落係好香花生味，食得出好重料，但有少少偏鹹，個湯夠食哂一碗麵。 💥經典八寶嗱喳麵 (配油麵) $56  (7/10)辣玻璃魷魚、魚蛋、豬大腸、蘿蔔、豬紅、豬皮、冬茹、生菜。未食已經睇到份量算好足，冬茹係過節用嚟炆個種好大好厚個種，8樣野最好食係豬大腸，鹵得好入味，56蚊算好抵食。 💥小食 : 麻辣香滷水三寶  (豬耳/豬大腸/雞翼尖) $20 (

阿荔車仔麵係紀念創辦人爸爸昔日既車仔檔，同時加入現時流行既新派元素，係一間集傳統及創新於一身既港式車仔麵店😆 裝修都比較新潮，有霓虹燈，而且可以用QR code落單，方便快捷👍🏻🔸🍜阿荔特濃沙嗲車仔沾麵 $68可揀3個餸，我揀咗雪花肥牛、彈牙魚蛋、木耳。好創新既idea，將日式沾麵同港式車仔麵結合，港日風味並存🇯🇵🇭🇰 而佢哋既手工拉麵係本地麵粉廠度身訂造，好彈牙，掛湯力十足，所以沙嗲醬好入味🤤 最impress我既係個沙嗲醬，真係超濃郁，辣辣地，而且夾雜住好香既花生味，配埋雪花肥牛一齊食真係好惹味😋🥤樽仔凍奶茶 +$15比較重淡奶味～ 有少少似茶走🤍 幾特別🥰

今日同同事去試呢間新開既車仔麵，叫左兩樣野，一個自選一個那渣麵。1. 菜來了，賣相不錯但味道一般，無其他人講咁好食有點失望。另一個自選牛腩湯底無牛腩味，滷水雞翼冇滷水味，炸蝦棗粒蝦好細。加左兩支野飲，一支樽仔奶茶，得甜味冇茶味。另一支白桃烏龍茶冇白桃味茶味亦好淡。2. 餐廳環境一般3. 服務態度正常重點係4. 衛生非常惡劣，一開始已經見到一隻曱甴係牆上面，之後仲有另外一隻喺座位上面，我當堂嚇到彈咗起身！！！好彩已經食到尾聲，拿拿臨走人，唔會再幫襯……… 5. 總結：食物味道一般但價錢唔平，性價比極低而且有小強😵‍💫

諗起食車仔麵通常都係又迫同埋有啲污糟，呢間就唔同啦，環境舒適光猛🌞☘️啲餸又好味🔥滷水腩肉、滷水雞腎、滷水豆腐 好入味🔥之前食麻辣撈麵好惹味😋😋食車仔麵要食好多次先可以試晒佢咁多餸😆😆呢間可以encore😎

內在 幾乾淨企理姐姐抹枱都會噴一噴消毒液先唔係嗰條萬年毛巾抹完又抺QR code落單嘅好處係清楚有乜可以走同埋加試試佢兩大招牌必食推介阿荔特濃沙嗲車仔沾麵 $68上枱個feel少頹魷魚得好少 日本溏心蛋 雪花肥牛麵底揀咗手工拉麵 麵質煙韌用嚟做沾麵幾好味沙嗲汁又濃又多花生粒 都唔錯試一次無妨經典八寶嗱咋麵 $56乜都有 蘿蔔 冬菇 豬皮 豬腸 魷魚 豬紅 魚蛋菜最多 麵底揀咗鮮製油麵 全部無乜覺得特別好味 普通車仔麵水平 埋單收八達通

荃灣大壩街有好多新餐廳，行過阿荔車仔麵見到座位好舒適地方又光猛，二話不說腳仔就自然行左入去😂打開Menu 見到樣樣都好吸引，一時三刻唔知點叫好，幸好有靚女店員過嚟推薦一下，佢熱烈推介我地食牛腩同豬手，係40年傳統味道😂其實我末想像到，但應該要點推薦ITEM ❤️沖繩黑糖豬手麻辣撈麵（每日限量）這個我非常推薦👍👍👍✅豬手好軟冧中左化骨綿掌，有黑糖既甜味又香又滑，一份都有成半碗豬手，麵食可以選擇拉麵，麻辣撈我叫小辣係岩岩好，勁惹味😋自選車仔麵麵底我選擇左粗麵加原味豬骨湯底湯底，配料有甜齋、滷水豆腐、魷魚、豬腸同白蘿蔔，最出色係蘿蔔同豬腸，前者清甜後者濃郁，甜酸齋都好味🥰樽仔奶茶有點似牛奶糖既味道，都幾得意😎

醉鮮靚湯特色粉麵，同事力推，呢間嘅醉嘢同泡飯好好味，一場嚟到梗係要試吓啦～平時食醉嘢都係醉雞、醉蝦多，呢度居然有醉牛肉！湯底有豬骨湯同魚湯揀，揀咗魚湯，第一啖係好清好鮮甜，再食一塊醉牛，兩者好夾，魚湯嘅清甜可以中和醉牛肉嘅濃味道，認真出色！人流旺，有唔少食客係出面排隊@@認真犀利～叫咗秘製流心蛋治，佢個多士完全係今日VIP！吐司十級酥脆＋重牛油香味，配埋流心蛋味道更加一絕！Bluebottle jellyfish打卡一流，加咗蝶豆花同掛邊嘅煉奶，易入口，唔會太苦～

嚟介紹特色餐廳啦🍜繼上次介紹完石鍋薯粉🗿，今次又嚟介紹其他特色麵食啦🫡。今次想介紹嘅就係一間位於荃灣嘅車仔麵專門店😋，呢間餐廳始創於1984年，所以就咁睇佢嘅質素都會有一定程度嘅保證😍。環境方面☝🏻值得一提係雖然佢有好耐歷史，但係其實佢畀我嘅都係新派車仔麵嘅感覺🤩。環境我覺得都算乾淨企理🙌🏻，另外餐廳光線充足嘅緣故，所以食物嘅賣相都好似變得吸引咗咁🤣。食物方面✌🏻#黑松露醬炸單骨雞翼 ($28)喺介紹主食之前，等我先介紹咗樣小食先❤️。今次我就叫咗份黑松露醬炸單骨雞翼🐓，一共就有5隻。個人認為單骨雞翼嘅存在真係為懶人而設🤣，因為佢食起上嚟真係好方便。用個口推一推就做到骨肉分離嘅效果👍，另外點埋黑松露醬嘅效果都夠晒邪惡👾。#原骨湯底車仔麵（$47）之後就當然要介紹下我當日嘅主食車仔麵啦😬。嗰日我就叫咗個腩汁湯底，個原因就當然係同我叫嘅自選餸有關啦😎，見到餐廳係主打秘製牛腩同招牌豬手🤪，所以就當然唔會錯過啦。留意到佢嘅簡介先知豬手同牛腩都係40年嘅傳統味道嚟㗎👊🏻。講咗佢嘅秘製牛筋牛肋腩先🐂，牛肋腩煮得好入味👍，配埋腩汁湯底真係牛味都會濃啲🤤，啖啖都品嘗到牛嘅精華。而牛筋嘅骨膠原感十足，口感