阿里山 (逸酒店) (已結業)

朋友之前介紹過紅磡有間古早蛋糕好出名又好味，今日經開梗係要買來試下啦，一去到門口就聞到好香蛋糕味，海苔肉鬆味蛋糕剛剛出爐，我就買半件試下先，蛋糕好鬆軟又好香蛋味，面頭勁多紫菜同肉鬆，仲有加左好多黑芝麻，令到味道更特出，好有口感，另外仲有好多款式可以選擇，如濃香黑芝麻，日本柚子蜂蜜，四重芝士等等..所以下次一定會再試。

< 阿里山 >📍紅磡之前喺ig見到有好多人試嘅古早蛋糕 今日經過黃埔 見佢新鮮出爐就買咗舊返屋企試下😋😋🧀芝士肉鬆古早蛋糕 $80應該係我食過咁多種古早蛋糕最滿意嘅一個🥰成個蛋糕好大個 應該有一磅重😆 蛋糕上面仲鋪滿肉鬆 望落好鬆軟 蛋糕好軟綿 而且充滿蛋香😛 蛋糕體好軟綿 好香芝士味 一切嘅時候仲有少少流心嘅效果❣️❣️ 配埋芝士好夾😛 芝士帶有鹹香令人忍唔住一啖接一啖🥰 好快已經食咗一半🤣 推介👍🏻👍🏻👍🏻 佢地每到六點之後仲有街坊價 原味古早蛋糕 $40起好抵😋

古早蛋糕在香港市場愈開愈多，口味亦開始多元化，剛巧經過黃埔，竟給我發現已有榴槤味，可惜當日沒有整，唯有試其他口味。位置：在黃埔一間酒店的地下，由距離地鐵站約十分鐘，一條直路走就是了。環境：空間小，只可以外賣，沒有堂食，大部分空間是廚房，只有一個走廊位是收銀位置，可於大玻璃窗看到師父製作蛋糕。晚市：在晚上六點後，所有蛋糕都有街坊價，簡單來說是有八折或以下，價錢真是好吸引。今次我就買了兩款口味，分別是榛子果仁和濃香芝麻味。兩個款式都帶有濃香的果仁香氣，當然芝麻比榛子更香。 濃香芝麻$40蛋糕不只在表層灑滿芝麻粒，而是在蛋糕內亦有芝麻粒粒的口感，但不會影響蛋糕的質感，依然保持軟綿濕潤，而我回家後在焗爐番熱，就抽乾了蛋糕的水份，變得鬆軟乾身。榛子果仁$50這一款同樣在表屠灑上榛子果仁，但內部則沒有，不過這款質感比芝麻更軟熟，帶有淡淡的榛子香。我還是較喜歡芝麻，價錢更便宜，香氣更濃。希望下次可以吃到我最愛的榴槤味！

午飯時間係紅磡返工的我外出放飯，經過見到一間粉紅包店門面的古早味蛋糕店，好香噴噴的，一於入去望下。店舖位於紅磡蕪湖街逸酒店旁邊，店名名為阿里山，真的是台灣地點名稱，另外銅鑼灣也有其新的分店，某個時段還有街坊價，比較抵食呢！店內的台灣古早味蛋糕味道都有多種選擇，令人有點選擇困難，這次選了兩個味道: 榛子果仁＆日本柚子蜂蜜， 正好有古早蛋糕新鮮出爐，香氣充滿了整間店舖，單單是香味已覺吸引。日本柚子蜂蜜味古早味蛋糕，非常香又甜的柚子味道，帶有濕潤的蜂蜜伴著，鬆軟又濕潤的口感令人一吃再吃，推介！榛子果仁味古早味蛋糕也是熱賣之選，其香濃的榛子果仁味道甜而不膩，粒粒果仁充滿在蛋糕頂，一啖硬下亦是濕潤鬆軟非常，古早味蛋糕真的令人吃到滿足的感覺，喜歡古早味蛋糕的值得品嚐一番。

古早蛋糕開到成行成市 自己都鍾意食古早蛋糕 我可以話係古早蛋糕達人haha ~一共15隻味 日日新鮮出爐 不過唔係每一日都有齊15隻味要留意番時間。可以選擇合併味試兩款。今日終於比我等到西班牙橙味朱古力🍫🍊啖啖朱古力加上粒粒朱古力零舍有口感， 西班牙橙嘅酸酸味味，令成個配搭唔會因為朱古力嘅甜味而好膩 👍🏻👍🏻好特別！ 推介！推介！另外我仲嗌左日本柚子蜂蜜柚子皮係面，加上蜂蜜味，成個感覺好清清淡淡唔會太甜！蛋糕本身比較柔軟好海綿咁 絕對一流！一盒大大俠價錢又相宜，大家真係可以一試 高評！👍🏻👍🏻

.未入到間鋪已經聞到好香既蛋糕味🤤呢間都多款揀，問左12:00會出第一底原味，之後每隔一個鐘就會再出其他款.🥧 日本柚子蜂蜜 古早蛋糕 $95 (街坊價$55)呢隻係紅磡特有, 好夾😝 甜甜地又好Fresh，而且蛋糕底焗到好似雪糕底🤤 放入雪櫃1-2日都唔會硬，不過店主建議，始終無落防腐劑，最好一星期食晒啦.聽聞遲啲喺銅鑼彎都有開😝 而依家有儲印仔活動，五個印仔既話，第二件半價

位於紅磡一家酒店附近的一間古早味蛋糕店，口味及選擇蠻多，而且有些更是獨特的口味，例如養生紅棗桂圓、橙粒朱古力、榴槤等等。到了晚一點的時段更加有街坊價，平均便宜十多元，更划算。蛋糕口味：榛子果仁鋪面那一層佈滿榛子果仁，味道像是吃金莎般，粒粒碎果仁尤其突出，且相對較另一款甜。不過蛋糕整體甜度適中，質感綿綿，鬆軟卻不易散，摸上去有少許油。蛋糕口味：日本柚子蜂蜜柚子味突出，反而嚐不到蜜糖味。蛋糕裡還有絲絲的柚子條，邊吃邊嚐到澀青味，中和整體的甜度，相比之下更喜歡這款清新的。

古早蛋糕熱潮最近又盛行返~因為疫情影響大家都嘗試係家home made~不過通常在家整都係整原味😛想食下d特別味道又懶的話就會出外買🤩買得當然要揾d好味又有特式啦😎經過黃埔有間阿里山台灣古早味蛋糕🥧第一眼吸引我的係我最愛的紫色蛋糕盒😝使我望多幾眼😂跟住就睇下有咩口味😛呢間店好處可以選mix味一盒可兩味😛岩晒想試幾款口味但又怕食唔晒的人🥰選左日本柚子🍋同西班牙橙粒朱古力🥳日本柚子係使用日本柚皮製成的條狀~而西班牙橙粒朱古力就係用西班牙橙皮整成的粒粒兩款味道都唔太甜而且蛋糕好鬆軟~最鐘意就係西班牙橙粒朱古力入面仲有朱古力夾心👍🏻👍🏻唔係只係朱古力味的蛋糕😋內外都有濃郁朱古力🍫🍫朱古力控必試店鋪仲做梗promotion~如6點後購買可享街坊價😛好抵食(只限單一味，不設拼味)

近來這款台式古早味蛋糕很受歡迎，處處見到大排長龍。古早蛋糕主要賣點是質地鬆軟又濕潤，而且蛋味香濃。外表看似平凡滿蛋糕，但吃起來才知絕不簡單。一直都有在紅磡搵食，久不久到附近吃上海麵，是老街坊。在尋食路上見到阿里山古早蛋糕，應該算是近年新開的店，看起來很乾淨企理。我被Menu上寫著的「日本蜂蜜柚子口味」而吸引，古早蛋糕我吃過不少，但此口味算罕見！忍不住就購買一件回家吃。蛋糕表面滿是柚子皮碎，吃起來有咬口口感，然後蛋糕內裡是鬆軟濕潤，算是吃過不錯的一間。見到menu有寫6pm後街坊價$45一件😯好抵食。

我喜歡食特色的蛋糕，今次同姊妹出來，地點位於的「阿里山」，食蛋糕會令人開心，我希望把開心愉快帶給姊妹，在此同我一起分享快樂美好的回億。地理位置方便，環境很好，店內放置蛋糕，蛋糕各有特色，很多街坊幫襯買蛋糕。古早味蛋糕每日新鮮出爐，用心製作，天然健康美味，不同的時間推出不同的口味。店外可以看見不同古早味蛋糕的圖片，可以了解更多古早味蛋糕的口味。食品價值已寫在外面，客人可以方便留覽，選定食品才到店舖購買。我點選了榛子果仁古早味蛋糕，打算帶回家中慢慢品嚐。榛子果仁古早味蛋糕榛子果仁古早味蛋糕的蛋糕鬆軟及香滑，蛋香很出，甜度剛好，空氣感充足，比一般蛋糕口感更細滑芳香，口感豐富，瞬息之間便食了，真心很好味。即日未食完，店員提議可以放雪櫃，之後食仍然鬆軟，但需要3日內食完。集印卡 買滿$70有一個印章，買滿$120有兩個印章，逢星期一可以賺取雙倍印章獎勵， 集齊十個印章可以免費換一件蛋糕，印章卡有效期為三個月。阿里山（红磡）地址：紅磡蕪湖街83號逸酒店地下5A號舖     

最近公司搬左係黃埔附近，今日收工經過sav酒店樓下聞到陣陣蛋糕香味，原來係賣古早味蛋糕，我揀左濃郁朱古力同日本柚子。蛋糕高密度，超級軟棉棉，蛋香味濃。濃郁朱古力蛋糕好香好甜，面層有好多朱古力粒，增加口感。日本柚子蛋糕好特別，清香嘅柚子味夾埋香甜雞蛋，令到人食完一件又一件，完全唔夠得膩。蛋糕食唔哂我放左入雪櫃第二日拎出黎有另一番口感，凍凍地好似雪糕咁，完全唔會硬。銅鑼灣都有分別啦，以後想去食都好方便啦。

/ /新鮮出爐古早味蛋糕🍰今日咁啱去開紅磡呢頭，見到呢度有新開左一間古早味蛋糕，台灣阿里山好似好正宗咁，咁啱最愛嘅朱古力味又出爐，於是就買咗半條返屋企試下🤩半條份量，兩個人一人兩舊就啱啱好食晒😍份量唔算太多，啱啱好啱晒我呢啲小鳥胃，但又想試唔同野嘅人蛋糕食落好鬆軟，超香濃朱古力🍫中間仲有一粒粒嘅朱古力粒估唔到擺到第二日都仲好濕潤，做早餐一流如果真係好怕食唔晒成條，怕浪費左✨建議大家都可以買半條試下！

阿里山一盒古早味蛋糕可以選擇兩款口味， 好抵食！ 😍日本柚子蜂蜜味$95 蛋糕有好濃嘅友仔味非常香甜，  仲食到一粒粒柚子，蛋糕質地非常軟綿綿, 微甜，  不會太油膩！🥰🤤😊 濃郁朱古力味$85 朱古力味非常香濃， 好吸引， 仲有一粒粒朱古力係上面增加朱古力嘅味道口感， 食到黑朱古力嘅苦味， 不會太甜！🤤😍 保存期：盡快享用，口感更佳，室溫存放一天，冷藏存放三天！ 而家阿里山仲有集印卡，  第七個印仔就可以一件蛋糕有半價優惠，  第十個可以任意換領一件蛋糕！遲啲阿里山仲會係台灣有新分店同文青cafe！ 😍

早兩日晏晝, 我去紅磡探朋友, 打算買少少食物上去朋友屋企一齊分享, 途經”阿里山”專賣古早味蛋糕, 遇到流心朱古力蛋糕剛剛出爐, 在外經過都超級香, 實在忍唔住走入舖內睇睇。店員熱心向我介紹剛出爐的流心朱古力蛋糕, 太香了, 就買了半條流心朱古力 加半條阿里山原味道”。店員話每晚6PM後, 所有蛋糕都會有街坊價優惠, 而且有印仔卡儲印仔, 集齊10個印可以獲贈蛋糕一個, 好抵買~帶到朋友家中, 朋友知道我買了阿里山蛋糕, 佢讚我識貨, 原來佢都好鍾意食呢間店嘅蛋糕。朋友仲特登沖壺靚茶, 齊齊品嚐蛋糕。流心朱古力蛋糕: 朱古力味好濃, 可能係放涼咗, 流心效果不太明顯, 不過真係好香。阿里山原味道蛋糕: 充滿蛋香, 蛋糕比較濕潤, 味道唔甜, 適合不嗜甜的人, 我覺得這間比我之前食過嘅其他香港製嘅古早味蛋糕更好, 我下次會再來幫襯, 試下其他口味

古早味蛋糕係幾好食，但係成日比人覺得$70以上買左海綿蛋糕好唔抵咁（我個人係覺得咁大個都算抵🤣）今次呢間每日6pm後會做街坊價！最平只係$45！！最特別嘅味都係$60，比起原價真係平左好多呀～.阿里山原味道一行過店舖就聞到新鮮出爐嘅蛋糕香味，要試一間蛋糕店好唔好食，食原味就最品嚐到。果然不負所望，好濃郁蛋味，很鬆軟，朋友一致讚賞🥰.濃郁朱古力一向都覺得朱古力古早味蛋糕最好食～獨愛半溶隨意攝在蛋糕中的超濃郁朱古力，種甜味係品嚐朱古力本身嘅香甜，而不是糖的死甜。蛋糕整體偏濕潤，也很鬆軟🤩