阿霞餛飩

营业中

休息中

喺大埔番工，近近地搵左間餃子店食LUNCH。星期一午餐時間好好彩唔哂等位可以直入。韭菜煎大餃子8隻 $45坊間有好多餃子店食煎餃都可以加配湯粉，但偏偏呢間就唔比加。如果佢餃子有荃灣餃子屋或者餃王咁大隻，唔加湯粉都可以食得飽，但佢D餃子無特別大隻，食10隻都唔飽啦😂我份人諗野就衰D，感覺似係想焗人叫飲品濕下個口或者消費多個餃湯粉食飽D。煎餃煎得幾靚仔，少少脆，菜肉比例大概1比1。不過幾油，如果唔飲少少野，真係會頂唔順😅。大湯餃子10隻$46雙拼+$2麵底+$10我揀左雲耳拼粟米，兩款餃都唔錯，個人偏愛雲耳餃，肉量較少，而且入口依然食到脆口嘅椰菜、餡汁鮮甜😋；而粟米餃肉餡實少少，但味道都唔差。湯底較清，飲落有少少紫菜味，米線偏軟，同譚仔米線口感無得比🤷。人均$50，可能我同同事都大食，所以食完唔會覺得飽😂。個人感覺食一次就夠，不竟附近仲有好多餐廳揀。

西洋菜餃拼韮菜餃（湯餃走青），各5隻。盛惠$49。湯底是紫菜湯，有味精。餃子size不算大，但內涵扎實。多菜少肉，合本人口味。餃子皮沒有北方的餃子皮厚，但有點嚼勁。

一開始叫左個雙拼餃子，洋蔥拼椰菜木耳然後黎錯咗韮菜 然後叫佢換返五隻走，因為我都唔太好韭菜，所以我食住另外果5隻先～等佢再玩另外果五隻俾我，但係呢5隻比起一開始第一轉果啲仲快左上菜食第一隻嘅時候冇睇到🥹好快食咗落肚，因為肚餓然後第二隻咬開一半想點醋，發現入邊啲肉仲係透粉紅色，我諗得6、7成熟隻餃子食物熟係餐廳基本原則啦，唔熟就拎出嚟仲要係豬肉喎..我唔知佢係懷恨在心要煮嗰個定係點你煮咗咁多年餃子冇理由判斷唔到佢唔熟下話 以後都唔會再幫襯

朋友曾極力推薦，剛巧星期六下午在附近，便特意找找，約3點，店內也8成滿座，數人在等緊外賣，店員十分忙碌。鋪面只得一人，收錢，包外賣，落單，聽外賣電話，可能這樣這名店員沒有耐性，也不大禮貌。這個鋪面很細，座位不多，環境衛生也一般，不過相信這店外賣營業額比例多。這裏水餃雲吞選擇多，而且有大粒及細粒，真係任君選擇，有放湯的有煎餃，可加麵底。這裏註明是用新鮮豬肉包，我食落都覺得是，調味剛好，不鹹。湯底不錯，還有紫菜配料，這店鎮江醋及辣椒油我都覺得幾好味，食材用料質數高，價格也合理。此店講明不設茶水站，可以叫汽水飲品。

下午茶時間去咗呢一間大埔小店，佢主打餛飩就梗係要叫啦，好多款式花多眼亂，結果加2蚊叫咗個雙拼，因為想試多D唔同野，福建鮮肉小餛飩拼薺菜鮮肉小餛飩，皮好滑，兩款都好食，不過薺菜嗰款如果薺菜味再濃D會更好。福建鮮肉小餛飩拼薺菜鮮肉小餛飩水餃又心思思想試多D唔同味，所以都係雙拼，粟米餃拼姬松茸餃，我就鍾意粟米餃多D，因為D粟米好甜。粟米餃拼姬松茸餃至於個招牌福建鹵麵就一般，可能係我唔識欣賞D家鄉野，入面有韭菜、蝦乾、肉碎、迷你帶子粒等，麵就好大碗，不過咁樣要$48好似唔係好值。招牌福建鹵麵

重味精得黎仲要唔好食我寄語一眾對粉麵有要求既大埔人不可一不可再唔好諗住一試無妨我食完一個鐘係咪飲茶都解唔到味精真係唔好浪費自己quota去食所謂鮮肉唔鮮亦無肉味

話說中午冇食飯，行行下嫂子話食過依間餐廳，佢平時唔係好食水餃雲吞都話好食，叫我一定要試吓，就好啦就坐低試吓啦，坐位約30個左右，感覺都清潔得乾淨！入到去有2枱客，人手得2個，但又幾多人叫外賣喎！坐左一陣已經三四個人外賣！我嫂子叫左一碗淨小雲吞，我叫左韮菜上海麵，同春卷，其實水餃款式不多我拎咗嫂子幾粒小雲吞食，湯好夠熱雲吞皮好薄，餡料新鮮，都算皮簿餡靚水餃方面皮唔厚，都覺得唔錯，最怕食D皮厚嘅餃子，個人覺得雲吞比較好食

印象之中之前這間雲吞，都應該是雲吞麵的外觀，但要裝修過後才有興趣去。裝修過後的裝潢就好像深水埗或是旺角那些新式的中式餃子水餃麵店。變了一個霽菜水餃刀削麵，另外有一件大白菜煎餃。刀削麵不特別，因為起用預先整好交來的刀削麵，不是店方自家搓粉再刀片削的麵這樣，刀削麵就沒有那麼彈牙霽菜水餃都算非常之大隻，外皮不會特別薄，但亦都不覺得口到很離譜，內裏餡了不少，霽菜比較其他平時吃的白菜還是韭菜特別。辣椒油夠辣，但未免太辣，辣到嗆，再配熱湯難以吃下；比起一般餃子店用豆瓣醬辣得多煎餃就會亦都非常香，因為外皮不算太薄，煎來帶香味，其實挺為香口，夠熱的時候吃亦都不會顯得太過油膩。

今日下午四點十五分走入鋪頭，同個女服務員講要買生餃子外賣，佢對眼完全望我唔到咁直接同我後面女人打招呼，問佢要咩，個女人又答佢要一碗小雲吞外賣。最憎人打尖，唔明點解啲人仲可以咁樣打人尖同容許其他人打尖。我即刻叫我老公走人，話以後唔會再嚟。佢亦冇打算叫停我問發生咩事，好似唔憂做咁。鋪頭一眼睇晒有幾大，我仲專登行到最入企到佢面前同佢請卜，估唔到可以咁樣俾人無視。以後唔會再食再買，再好食都唔會再幫襯。好差嘅遭遇。

之前好中意食嘅三哥水餃執左😢😢自此一直都揾唔到大埔好食水餃。俾我發現巷仔開咗間阿霞雲吞，梗係要幫襯下啦。第一次食韭菜餃同埋雲吞都覺得好好食。本人對水餃要求好高。因為我自己包嘅好好食😁😁呢度嘅水餃我好滿意。脹卜⺊好足料，皮薄料又足🤩好特別仲有洋蔥水餃，估唔到出奇地鮮甜。仲好爽口🤩反而阿姐推介嘅擔擔麵有啲失望。得好少肉燥。下次再試其他口味嘅水餃先。

午飯時間,一班同事提議去食餃子,一試就愛上,我哋各自點了粟米湯餃,韭菜煎餃,西洋菜煎餃,粟米煎餃。餃子皮薄餡靚,食得出粟米每粒香甜,每粒煎餃都有豐富肉汁,本人最愛韭菜煎餃韭菜超足料👍🏻

一個人想食得清清地，又好耐冇食雲吞 就去試下呢間韮菜餃子🥟麵$34好香韮菜味 又大隻，嗌麵餐都有成五大隻；至於啲麵係上海麵，口感扎實又唔會煮得過稔，麵條爽口彈牙本來想食西洋菜餃但係餐牌已沒有了 唯有下次再試下其他餃

地膽同事話呢間水餃好正😉😉😉作為餃子控既我梗係第一時間去會一會佢😬😬😬點知第一次就摸門釘 餐廳應該係不定時休息想食既朋友可能打個電話黎會穩陣啲😉😉😉今日午飲時間黎到 五位等左十五分鐘左右仲要分枱坐 鋪頭其實一眼睇晒 多過四人晤建議黎食 基本上一定要分枱坐佢有分堂食煎餃同埋湯餃，仲有餛飩同埋麵類另外仲有外賣生餃番屋企自己煮今次叫左韭菜餃麵 有五隻 都幾厚身 好足料肉同菜既比例係一半一半 晤會太肥韭菜本身好香口 整體餃子好好味五隻分量對我一般食量黎講好足夠麵底正常 做得幾爽口32蚊有自家制餃子食 都算一個晤錯既午餐😉

價錢非常親民嘅雲吞店， 所有雲吞全部都唔味精，面咬落有筋勁係手打嘅面😋😋😋炸醬麵，只有肉碎， 蔥花同面，簡簡單單， 雖然冇乜汁，而且有少少油， 但係食落去就係嗰一種簡單古樸農村面嘅味道。餐牌款式種類唔算多，個人特別推介香菇小雲吞，同埋鮮蝦仁小餛飩😋😋😋😋😋所有嘅雲吞湯頭都鮮甜味美，絕對唔係味精， 每碗雲吞都會配以有生菜， 係健康之選。其實味道上唔係話好頂級嘅好味， 但係畀到我一種家嘅感覺， 好似就係曾幾何時媽媽煮過嘅雲吞麵一樣。

喺大埔專做雲吞同餃子嘅鋪頭都唔多，整得好食嘅地方就更加少呢度都算係好食又keep到水準嘅雲吞店，所以我間唔中都會過嚟食呢度除咗湯餃，仲可以揀煎餃如果驚唔夠飽仲可以加配麵仲有自家製豆漿呢度環境唔算闊落，所以枱嘅數目唔多好快就坐滿哂，冇曬位就要等位因為今日唔算好肚餓，所以揀咗十隻西洋菜豬肉餃子，再加配咗個麵同小朋友share食呢隻麵係上海麵，淥得啱啱好唔太淋，係我鍾意食嘅口感餃子好大隻好飽滿，入面好多西洋菜同豬肉啲皮唔算好厚， 淥嘅時間都適中，唔會搞到啲皮爛曬呢度唯一缺點真係啲位太少，有時都未必可以堂食有時唔想等位我就會買D生餃子同雲吞，自己返屋企整嚟食