阿霞餛飩

营业中

休息中

佢係一間正正常常嘅餛飩店，如果中午過後，經常可以見到店內職員同朋友坐低喺度食嘢，佢哋都好隨便，不過服務態度算係殷勤，嘢食嘅味道亦都正正經經。舖頭環境唔算特別乾淨，亦冇乜令人感覺好污糟。奇怪嘅係，佢哋枱面係冇胡椒粉供應，問佢攞就係一個大缸俾你。特別欣賞佢嘅小餛飩，餛飩肉唔多，調味不濃不淡，但都食得出係新鮮嘅材料，最正係個皮好薄好滑，口感相當討好。最好嘢係佢個湯底，淡淡咁但係亦都食得出個味道係唔錯。如果你係鍾意呢種福建口味嘅小餛飩，就一定要嚟試吓，因為咁鄙薄餡靚嘅小雲吞，唔係周圍都有。

今日早咗放工，終於得閒去深水埗逛下，順便睇吓啲電腦同零件。過年睇下出幾多花紅，都想買部快啲嘅電腦獎勵吓自己，依家部電腦打機好似窒住窒住有啲唔暢快。行行吓出到黎竟然落起雨嚟，天氣涼涼哋快咗肚餓，見到有間雲吞麵人少少即刻入去試吓。呢間雲吞麵舖有唔同種類嘅雲吞，小籠包，煎餃等等。林羅滿目，諗唔到食乜，叫咗一個蝦仁雲吞麵另外再叫多一碟清蒸餃子有6隻。雲吞雖然細細粒，但有咬口；麵底係上海幼麵；夠煙靭；碗麵個清湯有啲紫菜同蔥花，都幾好味。至於蒸餃要等20分鐘。皮同涵都一般，沒有驚喜。兩者比較蝦仁麵抵食啲。行過想食餃子都可以一試。

朋友介紹深水埗這間小吃店第一次品嚐了福建的小店去到門店服務態度不錯，整潔企理而且地理位置方便，距離地鐵站不到5分鐘選了套餐，福建鮮肉小雲吞及蒸餃套餐❤️小雲吞味道真的鮮味不錯 而且最驚喜是他的湯底 🤭有紫菜做打底及海鮮的味道 非常之鮮味肉餡新鮮 皮薄～另外齊菜鮮肉小雲吞面～不過不失和平是老上海雲吞沒有什麼太大，不過面底非常多！兩個人share一碗都可以了下次經過深水埗可以再吃為食指數：🫶🏻🫶🏻🫶🏻

位於內街貌似平平無奇的小店，估唔到係甘好食，仲要係香港好少有的福建輕食。試左炸醬面同小雲吞，炸醬面的肉伴面勁香勁好食，雲吞細細粒、一口一啖。呢兩個都值得試。除左係味精重左小小，其實真係幾好食。

我想講一到lunch hour深水埗間間餐廳都爆晒棚！同幾個同事經過行仔見到呢間嘢，惜福件嘢咁啱我哋有個同事係福建人想食家鄉菜就決定入去試吓🤣我哋叫咗一個四人餐，有涼拌嘅炸嘅煎嘅湯嘅滿足晒貪心嘅我哋！涼拌麻辣前菜有海帶花生豆乾等等既雜菜，勁福勁惹味！雲吞有香炸同埋上湯兩款，兩款都係意料之中嘅味道！值得一提嘅小雲吞有20粒😂😂大癲！另外，仲有10隻大大隻嘅韭菜餃！我估應該係舖頭自己包嘅皮薄餡靚，個人來講都幾鍾意❤️福建蠔仔煎，蠔仔新鮮大粒，而且應該即叫即整上枱熱辣辣點啲辣椒油都好好味！最後仲有一個招牌鹵麵，呢種面我都係第一次食！有啲海味鹹鹹香香嘅鮮味，都幾特別！咁多嘢食埋單都係一人50幾蚊，值得支持😆

老婆在網上看到有人推介這間食店，假日又一於過嚟試吓！店內人山人海，但只得一個侍應和一個收銀員，根本做到踢晒腳；見有人客叫佢，佢都只能應咗你一聲，之後便好像完全忘記了一樣；所以如你繁忙時間到來，就要認真考慮清楚啦！叫了四樣網上推介的食物，薺菜鮮肉小餛飩、煎韭菜鮮肉大餃子、招牌福建莆田鹵麵及福建特色海蠣煎；小餛飩最出色，皮薄餡靚，值得一試；煎餃外皮煎得唔脆又韌，反而中間的韭菜幾好味，相信如改叫湯餃應該會更好；鹵麵份量超多，每人也可吃上一大碗，而且味道不錯；海蠣煎外層微脆，蚵仔新鮮沒有腥味，而且營養價值豐富，也可以一試；豆漿一支和一杯的分量相差不多，但就貴多2元，下次還是叫一杯抵飲啲。價錢合理，食物整體不錯，但如可在繁忙時間增加人手，相信會更加吸引！#薺菜鮮肉小餛飩-15隻#煎韭菜鮮肉大餃子-4隻#招牌福建莆田鹵麵#福建特色海蠣煎#豆漿阿霞餛飩地址: 深水埗福華街114號地舖電話: 25636899

因為朋友思鄉想食福建菜，特登上網搜尋，搵到阿霞餛飩喺深水埗開新店。之前已經聽過呢個名，但因為大埔太遠冇去過，見到深水埗都有分店，特登放假去食。本身約咗朋友四個人去，想去試下個四人套餐。點知朋友有事得兩個人去，又想食海蠣煎又想食滷麵。所以兩個人都係點咗四人餐，諗唔到份量勁足，本身食量唔大嘅人，其實五六個人都夠食。十一點半去到，已經有一半座位坐咗人。環境乾淨舒適，服務員客氣有禮。個海蠣煎同埋鹵麵完全係福建做法，如果真係有朋友思鄉，又因疫情冇辦法去福建食，絕對係一個好好解鄉愁嘅地方。啲小雲吞皮薄餡靚，全部自家製，真係冇得挑剔。因為兩個人食，個大雲吞唯有打包，但係齋睇個樣都應該冇得輸！如果鍾意食雲吞或者福建嘢食嘅，絕對值得推介

餃子餛飩愛好者一分錢 一分貨全手工打皮打麵冇添加防腐劑有自打麵/米線/刀削麵（推薦麵/刀削麵好好食自打最出名👍）人均30-50💰😋環境好坐的舒服👍仲可以飲到自制純豆漿加4蚊（唔會好甜剛剛好）😯仲有生料麵刀削麵賣好抵食打邊爐自已煮都定晒位於：深水埗福華街114號阿霞餛飩（新容記小菜王隔離）推荐：⭐️可以試試正餛飩原味福建最出名最便33小小隻同埋雙拼加2蚊可以試埋其它口味都唔錯😋⭐️有湯餃煎餃子🥟味道都好好👍特別韭菜煎好香好香⭐️可以試下麵條出面買唔到嘅麵條好有嚼勁好滑好食依家返唔到大陸香港仲有小舖可以試試⭐️

之前朋友係大埔買咗這餃子比我試，真係好好味，材料新鮮，每隻餃子都好飽滿，雖然價錢小貴，但真材實料都值得，不過大埔對我來説太遠，而且泊車都麻煩，好消息就係佢係深水埗開咗分店了，上星期就去咗深水埗分店外賣，品質冇變，仍然好味😋😋今次買咗3款，西洋菜同木耳餃子，還有薺菜鮮肉小餛鈍, 仲買咗麵餅，之前食過木耳同大白菜，今次西洋菜更加有驚喜，而且麵條有麵香又煙韌有咬口👍👍雖然去深水埗都要過一條隧道，但比起大埔已經近好多了😊😊