陸金記瓜子大王

营业中

休息中

鮮肉月餅 ($30)✅好特別，喺香港第一次見到哩款月餅🥮✅剛剛出爐，新鮮滾熱辣🔥✅酥皮十分鬆脆，層層相扣🍰✅似皮蛋酥又似太陽餅☀️✅豬肉肥瘦均勻，有肉汁但唔會油膩💦🔎如果拎返屋企食，就要放雪櫃❄️📝 7/10金華火腿月餅 ($35)✅基本上係加強版嘅鮮肉月餅🆙✅除咗有鮮肉月餅嘅優點之外，仲多咗一浸火腿嘅香😌✅金華火腿嘅味有少少似臘腸咁，同豬肉好夾🙌🏻✅仲明顯見到一絲絲火腿🐷📝 8/10⭐️總括而言…有肉嘅月餅真係第一次食😮，作為食肉獸，覺得真係幾好食，比起甜到痴線嘅蓮蓉月餅🙊，我可能更中意哩款鮮肉月餅🥮。咁有特色嘅上海月餅，絕對值得一試😋雖然同中式糕點去比較，價錢有啲貴，但你當佢月餅咁買就唔算好貴，而且6個咁買仲會有平💰。如果唔現場即食，要拎返屋企食，就要放雪櫃❄️，食嘅時候再用微波爐/焗爐翻熱，熱食月餅可保存1個星期，其他口味嘅常溫月餅可保存1個月。

豬肉月餅同棗泥餅真係好jeng！薄薄的酥皮包著一大塊豬肉，救命，同我係上海食嘅味道一模一樣！！係香港食到地道的上海美食🥹 豬肉一點也不肥，全是瘦肉，酥皮也不油膩，薄如蟬翼。熱一熱滋滋冒油的時候，用吸油紙吸一吸，入口剛剛好，滿口肉且肉汁充盈的口感很滿足！棗泥很細膩，不甜，很清香，用料實在。皮薄餡多，酥皮一碰就散，入口即化。價錢有少少貴，不過對得起用料，人工同舖租都係成本。如果可以買三個有折扣咁樣，我覺得會鼓勵回頭客。

幫襯咗好多年！年年都係荃灣店買瓜子！今年買嘅和味紅瓜子！好似溝咗啲過期貨落去！有啲食到好重油‘益’味！可能呢兩年生意冇之前咁好！食得唔好浪費！所以溝咗啲過期野！老字號品牌咁樣做！好失望😞

小女子見識少😅，嚟過荃灣好多次都唔知有間老舖賣呢啲小食，今日朋友話被屋企人吩咐要去辦年貨咁我又跟埋去睇下。原來好出名，條龍好長，一箱箱貨由貨車搬緊落嚟，咁啱年尾，瓜子特別好賣，其他仲有合桃，花生糖，開心果……，入到去舖頭有啲暗，員工都忙於pack 瓜子，一條U型路，一條龍，沿途見倒咩就攞上手，U嘅盡頭就俾錢出門囗，無人行回頭路，埋單只收現金。應下節我都買2款瓜子同屋企人分享下，紅瓜子有好多款，有啲好似要成200蚊斤，我買最basic 44蚊半斤嗰種， 黑瓜子就買五香醬油半斤，兩款都用紙袋入好。其實我細細個剝瓜子就好叻，紅瓜子幾好剝，不過味呢就無乜特別，黑瓜子有驚喜👍，除咗好剝，係微脆嘅，而且係幾香😋，值得排隊。見倒檸檬王又買咗包攞返工有時攰可提下神🤣，清涼檸檬王又真係幾清涼😂

本人今日去買瓜子，排我前面的男人一路行一路試瓜子，跟住我問佢啲員工「現在疫情關係仍可以試瓜子」，第一位員工答我可以，跟住到我去俾錢嘅時候，收錢係一位年青人，跟住我再問佢同一句說話，佢答我no,見唔到有人試，跟住我同佢講排我前面嗰個男人由紅瓜子試到黑瓜子，我有同你啲員工講過，跟住這位收銀年青人答我，我都係收銀員工😅😅，我真係冇話可說😅😅😅，原來今時今日咁嘅服務態度都可以....，我以前每年都會幫襯，但經過今日我以後唔會再幫襯！

陸金記瓜子大王 is an old school stores that sells roasted seeds for new year such as pumpkin seeds, sunflower seeds, Chinese olives and other old school snacks.This shop is popular just before the new year when people stock up these seeds to serve guests when they visit during Chinese new year!Anyway, the seeds were very aromatic when you take it out of the bag, they are crisp and easy to deshell.The peanuts here are also good but I know how to make them now as well as roasting seeds!

中秋佳節月餅🥮不可或缺，今年收了很多雙黃蓮蓉月餅及奶皇月餅，但臨近節日我總會去買些上海月餅與友人分享。鮮肉月餅是必吃的，餅皮酥脆酥脆，鮮肉餡料感到鮮及香，今早去買時還是熱辣辣的，真的喜歡它的鮮、鹹、香味道，上海月餅於市面較少機會買到，鮮肉月餅只會賣到八月十五，要品嚐便要趁早呀。

噚日（21-3-2020 Sat）晏晝,同老公行經呢喥,見到有蝦子花生,於是坎入嚟買,因為之前食過元朗合興(https://www.openrice.com/zh/hongkong/r-%E5%85%83%E6%9C%97%E5%90%88%E8%88%88-%E8%8D%83%E7%81%A3-%E6%B8%AF%E5%BC%8F-%E5%94%90%E9%A4%85-r651484)嘅,覺得冇乜蝦子味,於是試吓呢間,比較吓.重見到有其他嘢食,就連齋雞粒都有,咁我又買.然後睇到有$3.00一個嘅麥底酥,咁買一個俾爸爸啦.返到屋企,我就自食吓$24.00嘅齋雞粒,佢做得比較大舊,口感就唔算太硬,入口甜甜地,有啲辣,食晒成件,辣味就越嚟越重,辣到入喉嚨.太辣啦,從未食過咁辣嘅齋雞粒.味道: 0.5分而$22.00 4安士庄嘅蝦子花生呢?好明顯,呢個嘅鹹味係比元朗合興嘅唔同,食到點點蝦醬味,唔係只有鹹味咁單調,呢個惹味啲,但又唔會太鹹.味道:5分至於麥底酥,我睇返我之前嘅食評: https://www.openrice.com/zh/hongkong/review/%E8%B2%AA%E9

我唔係好鍾意食甜嘢, 今年就突然諗起上海咸月餅, 第一次買黎過節。不得了, 用鑊煎番熱後食(有焗爐更方便), 酥皮香脆, 鮮肉月餅($27.5/個)同金華火腿月餅(唔記得好似$31.5/個)都勁好食, 金華火腿就多少少咸香味, 總覺得比甜月餅健康同有新鮮感, 將會係我以後中秋節必買之選。全人手做傳統上海月餅香港不多了, 只有上海雜貨店有, 價錢合理, 老闆娘又風趣, 推介大家支持本地老店。盒裝12個1盒, 另有獨立個裝出售, 咸味得我買嗰2款, 甜味有好多選擇, 未食放雪櫃保存, 食時用焗爐或鑊番熱即可(千祈咪叮, 酥皮淋晒唔好食), 價錢每款不同最好即場先問價。

每一年中秋節，我都會同屋企人買一盒上海鮮肉月餅，回家過節。中秋節多數都會係食傳統月餅、冰皮月餅，或者係近年嘅流心月餅，但我發現原來唔係太多人認識鹹嘅月餅！陸金記嘅上海鮮肉月餅用一個非常傳統嘅紙盒盛載，對於年輕一代來講其實都幾得意有趣。其實鮮肉月餅就係一個用酥皮包住鮮肉嘅餅，食起上嚟鹹香豐富，肉質滿溢，每一口都有酥軟嘅感覺。

今日放工經過陸金記，見到有上海月餅賣，很特別，所以買了幾件回家食呀~~鮮肉月餅，甜的月餅試得多，鹹的真的很少食，鮮肉更加未試過！加上店員熱烈地推介，所以要買一件試試呀！原來這月餅真的是滿滿的一整舊豬肉，鹹鹹香香的，肉質頗油潤滑溜，加上月餅的酥皮，很特別呀！完全不覺得自己在食月餅呢~另外也試了金華火腿鮮肉月餅，比鮮肉月餅多了一份金華火腿的香氣，同樣有趣！除了鹹的月餅，也買了一些甜的，綠豆蓉，玫瑰，棗泥、百果及豆沙等~試了棗泥的，很香甜的棗味，煙韌的餡兒，用料絕不馬虎~其餘的口味，全都奔往一家之煮的肚皮啦~~ 因為這酥皮不能放久呀，要返工的我們沒有時間聚在一起試月餅，所以一家之煮就為我們"代勞"啦~~愛酥餅的一家之煮說，其他口味的水準也不錯，最不喜歡是玫瑰，因為味道有點兒人工化，剩下的，她都很喜歡~~

行去小巴站的時候，經過陸金記瓜子大王，見到櫃子中有很多不同口味的酥餅價錢亦不貴，只是三大洋就有一個迷你酥餅，十一大洋就有四件一向愛食潮式酥餅的一家之煮當然不放過~我們買了四件，芝麻、香芋、豆沙跟綠豆口味的~回家之後，試了今早在陸金記買的迷你酥餅看樣子，其實真的分不出那件是那件只知道佈滿芝麻的一定是芝麻口味吧~就先試它吧~皮酥但不脆，芝麻很香口~不錯~再試試下一件，咬開，噢，紫色的，是香芋吧~芋味不重，餡很粉粉的，不夠滑，不推介!反而綠豆不錯~豆香而滑，跟潮式酥餅真的是最佳拍擋~豆沙的我就沒有試LU~ 因為我不喜歡豆沙呀~一家之煮試完沒有投訴，應該OK 吧~十數元可以試四款口味，著實不能要求什麼~反正是用來解解饞罷了~

之前看過公仔箱食家主持的節目，介紹鮮肉月餅，不過是在九龍城的。 這晚經過陸金記，看見有上海月餅，便立即去看看有沒有鮮肉月餅。滬人嗜甜，當然少不了各式各樣的甜月餅，可惜家裡已經有數款奶黃月餅等著我，我只好繼續搜尋鮮肉月餅的蹤跡…鮮肉月餅索價二十四元一個，不算便宜呢！月餅放在暖櫃內，金黃色的外皮上，以紅色印上鮮肉二字，看起來很吸引！餅皮有點硬，可能我帶回家才吃，會差一點…鮮肉餡有麻油和醬油的鹹香，肉餡是一粒一粒的，很有質感，有肥豬肉的油香。我還是第一次吃鮮肉月餅，覺得很新奇呢，雖然我並不認為自己在吃月餅…

尋日(27-11-2010 Sat)同男友去北角前,諗住o係呢o度買豆沙燒餅當早餐食,但男友話搵個地方坐食少少o野,咁o係麥當勞食o左先,之後o係o度買o黎當手信畀佢家人食.o黎到,見到有好多唔同種類o既燒餅,但原來唔係我原本以為係奇趣餅家o個種燒餅,而係酥餅.不過唔入都入o左o黎,就買啦.女店員話買滿$20.00就有個盒,唔夠就用紙袋裝.男友就決定買兩盒,叫店員求祈執幾種.咁我o地畀一盒有五樣o野o既佢姑丈,但佢要去醫院檢查,所以唔要,咁就畀佢媽媽啦.另一盒就惟有跟我o地遊車河,拎返o黎我屋企食.我o地呢盒$22.00有每件$2.00o既紅豆酥餅X2,綠豆酥餅X2,芝麻香蔥酥餅(鹹)X2同$10.00一件o既棗餅.1. 我o地開頭o係男友北角屋企先試芝麻香蔥酥餅,好彩同佢一人一半,一食之下,嘩!果然係鹹點,真係鹹得好離譜,如果係我家人戒鹹前食,都可能接受到. 味道: 0.1分2. 返到我屋企,男友對棗餅好奇,話要試,好啊.佢切開o左,餡料近乎黑色.我試四份一件,一啖咬落去,好難食呀!L又係我童年時食過唔好食o既藍棗糕o既味道,但我記得我7月份食老闆o係上海買返o黎o既棗泥核桃糕好好食

瓜子大王唔係淨賣瓜子，原來仲有好多野買架，仲有涼果、小食、月餅等等…我買了個金華火腿上海月餅，細細個，都幾貴，24元一個，餅面印有「火腿」二字，咁就唔會拿錯，有肉餡、芝麻、火腿，味少少咸，有些油膩，幾特別。食前記得沖杯茶，都飽肚架。