陸陸雞煲火鍋 (已結業)

陸陸雞煲 @66hotpot_hongkong 唔駛多介紹～之前係鋪頭食過...無得堂食唔緊要..🌚🌚🌚仲可以外賣係屋企慢慢嘆一拎到袋野..已經勁香～😋🤪味道一流..基本上同係鋪頭食無分別🤤🤤叫左一隻雞～有3盒..另外仲叫左手切肥牛同半肉片☺️羊肉片好淋好好食😋仲有竹蔗茅根，清甜👍🏻👍🏻另外好窩心..仲有蔥，蒜頭，辣椒🌶️俾你自己調味～最後車手好有禮貌～會提早同你夾時間交收👍🏻👍🏻👍🏻一大班人諗唔到食咩😋絕對係個好選擇😀

【陸陸雞煲火鍋 66 Hot Pot】重開後，即刻訂位Book 枱黎試一試。.店內共分兩層，有大枱細枱，情侶2人撐枱腳，或者一班朋友聚會都岩晒，.入席後，店員介紹可在iPad 上自行點餐，有六款湯底供選擇，今次一行多人，選兩款：❇️陸陸雞煲(大）❇️清酒蜆煲食完可再加湯做打邊爐湯底，肥牛 /響鈴 / 餃子牛丸更係唔少得。整體湯底好夠味👍🏻食材新鮮但.....雞煲太好味， 洋蔥蒜頭都唔放過，要食晒。d 味好勁，件衫吸晒味😂千奇唔好著冷衫去打邊爐😂.驚喜：埋單時，店方話多謝支持，主動比85折❗️🙌🏻🙌🏻多謝

又有人生日做乜好呢 咁梗係去食一餐啦 😋😋 呢間叫做陸陸雞煲 係好出名既黃店🤣🤣咁顧名思義梗係食雞 我哋叫咗一隻雞分量都好多 湯底好濃郁 雖然有啲辣但係都可以接受嘅 我呢啲少食辣嘅都覺得好吃😚😚最緊要係啲雞好嫩滑 如果鍾意食雞嘅人一定會喜歡 食完雞之後淨返個湯底 用咗嚟打邊爐 因為有雞湯做底所以啲嘢 十分好味 🥳🥳牛肉十秒就搞掂 可以保持肉質嫩滑 🤪😜生蠔幾鮮甜 不過要俾啲耐性等佢解凍 😭響鈴索曬啲汁外脆內軟 味道很好 🤩🤩最緊要叫竹蔗茅根水 咁就打邊爐都唔使怕熱氣啦🥰🥰

雞煲太多油多油到你唔敢相信雞件又大嚿好似冇斬過咁個雞煲底又鹹超級無敵唔好食唔值288呢個價錢 非常之不開心嘅體驗唔會再嚟西瓜汁又唔凍雞煲個底又多渣到唔知想點太失望

放假夜晚經過唔算多人所以就入咗去食叫咗雞煲小辣另外叫多個西瓜汁、響鈴、同埋手切肥牛先講雞煲因為叫咗一隻嘅關係所以份量都算多除咗平時會見嘅洋蔥呢度仲落咗燈籠椒因為小辣所以辣度都唔算好勁而且好濃味食多幾舊就覺得有啲鹹得滯嘅感覺至於響鈴大細適中不過就冇咩特別手切肥牛唔似平時食開嘅肥牛呢度係細塊啲同厚身啲嘅所以煮嘅時間會比較耐不過呢度嘅肥牛唔會太肥唔會食完有種好肥膩好多油嘅感覺西瓜汁好飲!配雞煲好夾可以解辣解渴

好似好耐冇食過呢一種雞煲啦🐔🍲咁啱經開白布街嗰邊又咁啱晚飯時間☺️見到人少少未有人等位所以就走咗入去食〰️因為兩個人食又冇乜配料特別想食〰️所以今次就嗌咗個大雞煲🍲一碟大嘅手切肥牛🐂同埋響鈴卷〰️仲有蜜桃菠蘿嘅特飲🍑🍍好耐冇食過所以唔敢嗌好辣🌶嗌咗最少嘅辣🌶水準依舊惹味十足〰️ 雞煲夠味夠麻〰️份量都好足夠👌🏻不過就真係比較多油〰️都撇咗兩碗仔油出嚟〰️但係入面嘅青椒洋蔥吸晒啲汁都好食😋手切肥牛都好靚〰️唔會太瘦又唔會太肥👌🏻

呢間雞煲疫情前都一直難book，疫情後生日差左就可以book到，都唔知好定壞☹️雞煲真係食得出足料炒，兩個人嗌例牌都好夠，而且d香料都真係夠香，不過唔食得辣就要小心，揀左小辣但咬到辣椒都幾🙈除左雞就大推佢地既自家餃子，皮薄函靚🤤仲食得落真係值得一得一試😆同埋水魷！本身有情意結加上佢地會點制介花，就算魷魚肉都唔會無乜口感😜特別推介陸陸新出串燒，雖然每次order都兩串起，但即燒加上味道既配搭，抵！

雞煲嘅醬底用成三十種香料自家配方熬成，有種四川麻辣🌶🌶🌶嘅味道，濃郁嘅麻香，淨係聞到陣味都已經食欲大增！食落去雞肉充滿濃烈嘅汁醬，肉質本身都好嫩滑，而且數量都好足夠，啖啖肉都係惹味濃郁麻香，正呀！就連D配料好似青椒同洋蔥，都因為索晒D醬汁，而變得好好味！‼️好味指數 8/10‼️推介指數 8/10期間店員會主動過黎幫手攪勻雞煲，令味道更均勻，亦防止食材黐底。食完D雞仲可加湯打邊爐,食到最後勁滿足呀✅✅✅🍽 雞煲火鍋 66 Hot Pot📌 旺角白布街16號（港鐵旺角站 E2 出口, 步行約7分鐘）☎️ 23638466⏰ 星期一至日18:00 - 02:00

已經有大半年冇同朋友去雞煲，今次忍唔住要出山。揀咗幾間最終揀咗呢一間，佢啲雞煲份量好足。雞肉夠滑，而且麻辣醬底嘅花椒好香好麻。佢地嘅4寶餃都好好食呀。飲品方面西瓜汁是首選

除了實體店外，現在還有提供外賣服務。味道濃郁，雞件足但多頭尾。加點了小食椒鹽魷魚，十分惹味，送來時買有少許脆口，有驚喜。*預訂滿500元才提供送貨服務。*

上網話有hkd0雞煲優惠，打電話去訂就話無得訂要自取，專登去到，竟然話無左優惠。本地牛肉hkd228，竟然得7小塊，叫左千幾蚊，蝶蝶都好細蝶。問店員野，態度好傲慢！

今日係做冬兼且父母嘅生日，疫情關係冇得出去食就決定叫d好食嘅外賣。一日前上網搵左幾間雞煲，咁啱search到陸陸可以訂外賣雞煲，加$60仲可以送到屋企樓下（運費視乎地區而定）。送貨時間好準時👍🏽。送到嚟果時d嘢食仲好新鮮。兩位大人咁耐以嚟都未食過雞煲火鍋，佢地都讚好好食。 今次個雞煲要左BB辣，外賣都加送蒜蓉、辣椒、蔥等配料。極力推介🔥陸陸手砌肥牛、日本廣島蠔同埋白鱔片！本人唔係雞煲嘅常客，印象中已經超過4年無食過陸陸，但記得以前試過堂食都幾唔錯～ 無諗過外賣一樣咁good咁新鮮~

今日自入冬以來都冇食過雞煲今日就喺旺角試吓好出名嘅陸陸雞煲佢有限時兩個鐘頭嘅入座時間因為好早 六點幾就嚟到所以即刻就Walk in都有位首先係雞煲佢係真係落足料 啲雞好滑亦都有麻辣味我就覺得麻度夠 但可以再辣啲下次會想再試下辣度再勁啲店員好貼心會間中過嚟幫我哋搞下等佢唔會黐底鵝腸幾好味幾新鮮落耐咗都唔會話好難咬廣島蠔好好食淥耐咗都唔會縮到得返一粒佢青檸梳打好大杯啱晒用嚟打邊爐我就鍾意佢淡淡地唔會好甜但可能有啲人就會覺得佢太淡個豆腐淥落去吸晒啲湯嘅味 超惹味墨魚滑感覺都係好新鮮覺得黑色好似再有鮮味啲竟然冇影到最鍾意食嘅芋頭真係超好味淥耐咗溶咗又吸左啲湯嘅味冬天最適合就係食芋頭

同朋友慶祝生日，見天氣涼爽左，就好想食雞煲打邊爐。叫咗小辣嘅雞煲，隻雞都算唔錯，我尤其是鍾意嗰隻辣汁，又唔會辣到唔能夠繼續食打邊爐啲嘢。陸陸雞煲啲打邊爐嘅食材都算新鮮，整體都唔錯，我特別鍾意杯嘢飲 （青檸梳打）非常之大杯，可以邊食邊嘆！仲有值得一提嘅係，好難得環境好清靜，食雞煲打邊爐可以靜靜地同朋友傾吓計。

🇭🇰💛陸陸雞煲火鍋 66 Hot Pot👩🏻同朋友book 6點 所以早一日打電話去book都仲有位😆限時食1.5hr 正苦垃圾招數要趕做多幾轉都明不過個半鐘都岩岩好夠食 👌🏻👌🏻座位之間都分得好開有安全感最近用緊即棄餐具 事前會有調味架比客人先調醬油的🥰🥰-🥘例牌陸陸雞煲(💰$198)👩🏻家姐其實本身就麻麻地雞煲不過的確要讚陸陸雞煲 第1係佢地既辣度🌶分好多級 唔食得辣可以揀BB 辣有辣香味🌶但完全唔辣 雞煲一上台份量都多上台後店員仲會主動過黎幫你攪勻雞煲 唔洗自己動手💁🏻‍♀️用左好多香料好煮 平時好少食雞煲好唔鐘意食到骨頭成日吉親咀👄多骨少肉又唔滑今次真係有驚喜 呢道雞煲既雞係超肥美👅肉質好滑唔會話骨仲多過肉 終於係肉多過骨 好感動😆雞肉入哂味惹味 油份重有光澤😍重點係真心覺得佢地既雞斬得好好👍🏻唔會話有尖既骨頭/ 食到好多骨頭碎💯💯-🍡手打四寶丸(💰$120) 必食‼️手打🦑墨丸完全做得爽口彈牙🐃牛丸質地唔彈牙的 超有牛味 好juicy🦞龍蝦丸都好新鮮-🥖百花+咸牛芝士釀油條(💰$76)第一次食覺得幾特別 最好反轉滾三十秒內外層係油炸鬼質地 入邊就釀左咸牛芝士/百花魚肉🐟魚肉🐟新鮮