陞記刀削麵

营业中

休息中

陞記刀削麵 深水埗今日去深水埗食晚飯，之前已經食過呢間刀削麵，大件夾抵食，一試完返到轉頭，今次再食！😚熱拌刀削麵，好香麻香味，我再加左幾個配搭，包括牛筋腩，豬耳，東坡肉，豬軟骨，全部都炆得好入味，好出色！東坡肉入口即溶，肉質鮮嫩😍極力推介！😎😎😎另外再叫左個醉雞，醉雞好入味，酒香濃郁，雞皮爽滑，雞肉一啲都唔鞋，推薦！😋😋😋

醉雞我食過好多，真正咁入味既醉雞真係第一次食！本身係想食刀削麵，見佢招牌《醉雞刀削麵$60》一次滿足哂2個願望就扑鎚。是靚晚有小確幸，竟然有肥肥大大既雞脾！唔食雞胸既我表示滾動。(ಥ﹏ಥ) 再來一口肉連皮，直情要流涕了！(TДＴ) 天呀，耶太巧痴啦啤！！！😳肉質鮮嫩不在講，雞油香氣洋溢，紹興酒既酒香直衝單田，暈得我一陣陣！好食到停唔到口！一件接一件。之前見到食評樓下有位ching 話唔係真刀削麵，因為冇波浪。我真好彩，我呢碗d麵係有既！應該係真麵啦😇 食埋個溏心蛋，飲埋杯熱利賓納，好滿足～💡事後介紹左個住港島既同事try try，佢食完表示過海都要返啅！

📍陞記刀削麵(深水埗)深水埗長沙灣道226-242號金華大廈地下9號舖今日經過呢頭，就諗起呢間刀削麵，真係食過返尋味，大份又好食，會令你一定回頭👉涼拌青瓜 💰$20😋😋😋😋.3/5青瓜清甜爽脆，醃到非常入味，夏天食呢個前菜真係無得頂👉花雕醉雞 💰$50😋😋😋😋.6/5呢隻醉雞脾真係又白又滑，肉質嫩到滑入喉，酒味好香好濃，非常入味，雞皮爽口彈牙，啜埋啲雞骨有啖啖酒味，想連骨都食埋👉郊外時菜 💰$20😋😋😋😋.5/5揀咗菜芯，叫咗全走，大大條，食到菜甜個味，健康又好味👉紅油溏心蛋牛𦟌花生刀削麵餐 💰$60- 涼伴木耳$10-手撕雞 $15-豬軟骨 $15😋😋😋😋.5/5呢度加配食物係另上，成碟小食咁。手撕雞有咬口得嚟又唔會覺得靭。豬軟骨嘅軟骨部份好多，好有咬口，好重骨膠原。涼伴木耳個醃味同涼伴青瓜有相似，都係咁開胃，好爽口。講返碗麵，我叫咗中辣，覺得比之前辣咗啲，好嘢味。牛𦟌醃到口感剛剛好，好重五香味，份量仲一啲都唔小。主打嘅刀削麵更是嫩滑彈牙，海量嘅刀削麵，一個人真係食唔哂☺️☺️☺️回頭：YESYES☺️☺️☺️食物大份又抵食💕💕重點食好食😋#kermit食在深水埗

今日去開深水埗，見依間刀削麵有幾多好評，於是就去試下啦。店面不大，大約十張檯左右，去個陣都坐得爆爆地，好在都唔洗等就有位，我地叫左兩個刀削麵套餐。手撕雞上湯刀削麵 - 刀削麵份量十足，淨係食麵都好夠飽，刀削麵食落煙韌，湯底夠味唔會過鹹，配埋麵一齊食剛好。手撕雞整得唔會un，加左啲蒜更加惹味。雞扒四川擔擔麵湯刀削麵 - 雞扒煎得好香口，非常惹味，擔擔麵湯不太辣。套餐仲有好多餸可以選擇，下次一定會再嚟。唯一缺點就係坐得有啲迫，但服務幾好既，店員都好熱情招待，大家去開深水埗可以嚟試下。

BB辣口水雞❤夠哂麻辣鮮香爽嫩，雞肉份量量大碟，而且肉質就好嫩滑，肥瘦岩岩好，大推!涼拌萵筍BB辣🤤雖然份量唔算好多，但爽口萵筍配上辣汁同青瓜，食起上黎爽上加爽!溏心蛋 真係流心😍 仲好香雞蛋味~麻辣(小辣)湯刀削麵加魚蛋, 牛肉溫泉蛋黑木耳湯紅薯粉 (BB辣) 加雪菜肉絲 豬扒🤪最中意就係佢地個魚蛋同牛肉 魚蛋同豬扒一D都唔粉，牛肉又夠鮮味! 而豬扒炸得香脆可口，作為一個早午餐，係夠哂豐富。

今時今日乜都加價,去食個漢堡包又好米線又好，越來越細份，今日食到好反常態，乜都大大份而且味道都恰如其分，立即要推介俾大家知道。雞扒，豬大腸熱拌刀削麵 $62食物嚟到見到真係色香味俱全，件件雞都脹卜卜，個面係被煎得金黃色的，非常吸引，肉質鮮味加juicy，另外豬大腸好勁啾， 係超級乾淨，而且清潔得好瘦，仲好入味，我好少響小店即場向店員讚賞的。豬肚，炸春卷，炸雞翼麻辣湯米線 $65其實。。。。。。點解$65可以有大大碗嘅麻辣湯米線之外，仲有5條炸春卷，裏面係菜，一啲都唔油膩，炸雞翼勁大隻又新鮮，外脆內暖，同埋乾淨之餘仲好爽口嘅豬肚片，有種可口嘅滷水汁味道！麻辣豬頸肉 $60又一推介之小食，我哋叫左bb 辣，所以唔太辣，另外豬頸肉一啲都唔肥，少少軟得嚟，邊位係脆嘅，份量適中，兩個人食剛剛好！罐裝汽水/ 咖啡奶茶檸茶檸水跟麵只係加$3，依餐又抵又好味，每人唔洗一百蚊，十分推薦！

平時星期五放工通常去深水埗西九龍中心食飯，，今日行緊去西九龍中心中途，見到有間新開嘅刀削麵，有我最鍾意食嘅醉雞刀削麵，今日就決定食刀削麵麵香港有間好出名銘興刀削麵，原來陞記刀麵同銘興係一樣，用左另一個名開分店，質素有仲保證醉雞好滑，好香酒味，雞肉無肥膏，皮同肉都滑近排天氣熱，最鍾意食冷麵，加左豬頸肉，好彈牙好爽身另外老公要咗一碗雞扒擔擔刀削麵，麵條好有口感，雞扒香脆鬆軟凍檸茶值得一讚，查底好香，好清新，無苦澀味，高質

同朋友👩🏼‍🏫一齊喺深水埗，大家都係諗住簡簡單單食啲嘢，朋友👩🏼‍🏫比較熟悉呢區，咁就等佢👩🏼‍🏫揸晒主意去邊度食🤣，結果朋友👩🏼‍🏫就帶咗我嚟呢間刀削麵店開餐😆未講味道之前，先講份量，基本上每樣都係大大碟，童叟無欺，真係抵食🤩$60「花雕醉雞刀削麵」，包熱飲，要咗「熱檸水」：醉雞有花雕酒嘅清香🤩，雞肉嫩滑、雞皮爽滑🤩；「刀削麵」煙靭好食😋$50「口水雞」：要咗小辣，已經味道非常濃郁，仲加咗大量蒜蓉🧄，都係雞肉嫩滑、雞皮爽滑🤩$45「麻辣豬軟骨」：「豬軟骨」煮得好軟熟，軟骨嘅部份就有啲脆口😋，麻辣做法，都係落咗大量蒜蓉，惹味🤩$20「涼拌青瓜🥒」：青瓜🥒新鮮爽脆，涼拌做法辣辣哋，清爽開胃😋$20「郊外油菜」：油菜係菜心，新鮮爽脆，簡單幾好食😋

口水雞（走辣）口水雞份量大大份、味道唔錯！雞肉嫩滑。可以一試！口水雞刀削麵（走辣）口水雞套餐上湯刀削麵加牛筋腩湯底濃濃牛骨香味、牛筋腩唔算太韌剛剛好！上湯刀削麵加牛筋腩刀削麵煙煙韌韌👍即磨咖啡西洋菜蜜

🖤黑白配⚪️到訪時係3月，當時陞記刀削麵岩岩開，見Openrice已經有唔少好評🤩餐廳燈光光猛，乾淨企理，主要係食刀削麵，有上湯、熱拌、冷拌，仲有小食花雕醉雞刀削麵 $60起初都係以為幾舊雞仔🐣 點知半邊雞咁濟，雞翼雞脾齊曬仲有溏心蛋🥚酒味好濃，喜歡醉雞的朋友會很喜歡刀削麵煙韌彈牙，好有咬感熱拌刀削麵 $42 加豬軟骨 $10 加手撕雞 $10🖤黑白配⚪️嗌左走辣，拌麵會有青瓜絲、胡麻醬、四川擔擔醬一上枱又係比個豬軟骨同手撕雞既份量嚇親😱 只係$10竟然有座小山丘咁高味道方面豬軟骨炆得好淋好入面，手撕雞好重蒜香，眼見幾枱都有點呢兩個涼拌皮蛋 $20好多蒜泥淋係面，蒜蓉愛好者大愛❤️味道正常發揮，因為🖤黑白配⚪️當日唔舒服走左辣，相信加辣會更加惹味😋總括黎講真係覺得呢間好抵食，成餐飯不停同朋友講：份量咁多但呢個價錢會唔會執笠架?🤣 良心小店真心要多多支持👍

今日午餐，叫左3個餐試下。1. 溫泉蛋黑木耳上湯刀削麵套餐+豬軟骨2. 溫泉蛋黑木耳上湯刀削麵套餐+素食炸春捲3. 熱撈手撕雞刀削麵凍檸賓/凍檸茶(走甜)/熱檸茶湯刀削麵ok嘅，略嫌鹹鹹，食物粗糙些，份量好夠。但但檸茶係無檸檬的🤔有機會會再食，但不會太期待。

同事介紹呢間喺長沙灣道新開嘅刀削麵，有麻辣湯、雞湯、熱拌、冷拌刀削麵可選，又可以自己加餸自己配搭，而且每份餸既份量都好足料，質素亦都好唔錯，真♥️值得推介～🔸麻辣牛展（$60） 雖然呢份小食價錢唔算平，但係份量十足，牛展好香，配上麻辣醬，非常惹味～ 🔸麻辣湯刀削麵+豬軟骨+牛筋腩（$60）麻辣湯底我哋叫咗小辣，我覺得唔算好辣，刀削麵口感煙韌， 豬軟骨同牛筋腩都炆得好淋好入味，非常推薦！🔸熱拌刀削麵+東坡肉+金沙骨（$67）熱拌刀削麵有擔擔麵醬同埋胡麻醬， 雖然好邪惡但係真係好好味，東坡肉 肥瘦相間而且炆得好香， 而金沙骨就炸得香口，啱哂食肉獸🤣不得不提，提供免費嘅醃蘿蔔，啱哂我中意食酸酸甜甜既人，仲好解辣添！飲品方面， 我地就叫咗豆漿（跟餐+$6）同利賓納（跟餐+$8）

陪朋友去了深水埗買電腦用品，之後順便食埋飯先返屋企，兩個人揀了間比較抵食的刀削麵店。枱面放了酸蘿蔔，十分開胃。麻辣熱拌刀削麵套餐，本身已包了青瓜絲、胡麻醬及四川擔擔醬，另外加了個豬軟骨做餸，豬軟骨炆得又腍又入味，刀削麵麵質煙韌有咬口，而且帶點麻辣香味。另外加了份一人小食，麻辣手撕雞份量十足，雞肉下面墊上青瓜，帶辣之餘又有點清爽。朋友要了紅油糖心蛋牛腱花生刀削麵套餐加豬腸，要了中辣，辣度可以接受，牛腱夠腍，豬腸略有咬口，麵及餸的份量都十足，十分夠飽。涼拌萵筍爽口帶麻辣香。

首先，入去食以為係刀削麵，一來見到係普通闊面，連少少波浪汶都無，仲衰過係超級市場買，食完包你失望，食開拾味的我會俾0分。想試難食你不會失望其次，叫左2個小食1. 涼拌豬肚: 都ok，不過豬肚切得太細，另外個底汁有少少問題，食完有少少苦味2.涼伴萵荀，又係豬肚個底，完全唔夾，又係有苦味埋單好心同阿姐講，又係嗰啲，(我地無錯，只係你錯)，以為我又屈佢地，好心想佢地做好啲，不是有齊所有嘢就得。仲有個介面，希望佢地不只是做遊行生意，全繁體可以嗎完完全全失望，想打大佬就去啦

我今次去嘅係深水埗嘅陞記刀削麵，話咁快就要開口講番佢哋嘅食物份量真係大到驚人！我同呀囡一齊叫了紅油溏心蛋牛展花生刀削套餐，唔夠就再加$10配手撕雞，結果食出黎真係滿足到飽！刀削麵唔會太軟太硬，夠彈牙又有咁多料，牛肉鮮嫩，溏心蛋完美，花生醬香濃，真係一碗又一碗都停唔到口。除咗紅油溏心蛋牛展花生刀削套餐，我們亦試了熱拌刀削麵套餐，加咗青瓜絲、胡麻醬同四川擔擔醬，仲加咗$15金錢肚，食落一碗令人感到飽足嘅刀削麵。金錢肚有啲彈牙，有啲Q，加咗青瓜絲就係一種口感上嘅平衡，令人一次過品嚐到不同嘅口感同味道。最後，我哋仲點咗麻辣豬耳，真係太太太好味啦！豬耳唔會太脆，夠咬勁，加上麻辣醬，唔辣唔夠味，真係啖啖都係驚喜。總括而言，陞記刀削麵不但份量足夠，而且味道鮮美，真係一個好地方滿足你嘅肚子同味蕾。如果你係麻辣控，陞記刀削麵絕對係你唔可以錯過的選擇！陞記刀削麵 (深水埗)深水埗長沙灣道226-242號金華大廈地下9號舖#陞記刀削麵 #刀削麵 #溏心蛋 #金錢肚 #豬耳 #麻辣 #深水埗 #食評 #foodreview #hkfoodie #foodiehk #hkig #香港美食 #香港食評 #美食分享