陞記刀削麵

营业中

休息中

這間新開的陞記刀削麵，舖面光猛乾淨，餐牌選擇頗多，有上湯/乾拌的刀削麵套餐，還有很多配料可加配。溫泉蛋黑木耳上湯刀削麵套餐，大大碗$50,另加$15 金錢肚及$10 萵筍，湯底清甜不油膩，刀削麵厚薄適中，有咬口，金錢肚夠淋身入味，每樣配料份量都頗多，很飽肚。紅油溏心蛋牛展花生刀削麵套餐＄60, 另加$10 手撕雞，手撕雞撕得幼細，份量頗多，撈上蒜蓉青瓜絲，清新開胃。牛展軟淋，溏心蛋剛好，紅油微辣惹味。

今日去深水埗陪屋企人買電子零件，經過呢間新開嘅刀削麵，就入咗去試吓！出奇地大件夾抵食😛一試完返到轉頭！！🤣醉雞紅薯粉，醉雞好入味，酒香濃郁，雞皮爽滑，雞肉一啲都唔鞋，推薦！！！另外叫咗個刀削麵，配料有牛筋腩，豬肚，豬大腸，全部都好新鮮！豬大腸亦都清理得好乾淨，牛筋腩好出色，炆得好入味！好好食！！小食叫咗一碟菜同東坡肉，東坡肉簡直係我香港最好食嘅東坡肉！！入口即溶，肉質鮮嫩😍極力推介！😍😍

黎深水埗買完電腦揾野醫肚😜行到去馬路邊見到呢間裝修得好光猛好企理，仲要座無虛席，一於等位試吓先🎉🎉四川擔擔醬湯刀削麵加豬軟骨肉，肥牛和金沙骨🤩，我自己是偏好刀削麵（寬粗麵愛好者），湯頭好清甜，豬軟骨經過炆煮，每塊也軟嫩入味，滿滿的骨膠原，以肥牛同金沙骨係另外上，細心嘅做法，金沙骨可以保持脆口，肥牛可以保持嫩身✅✅過橋湯刀削麵，呢個簡直係雜錦多元化，選擇困難症嘅人最啱嗌呢樣，大大碗咩都齊晒，魚蛋貢丸牛丸，炸醬，豬頭豬耳😙😙大大個pat炸醬最有驚喜，有少許嘅腐乳味道，用嚟撈麵真係一流☺️麻辣手絲雞，講到明係一人份量，但係上枱真係有驚喜，我覺得都算好大份😙😙涼拌窩筍，呢個涼拌好入味，而且好爽口🥳🥳

麵條入口外滑內筋，柔軟光滑美味😋，配菜也很有特色，新鮮即叫即做。值得一去，簡直就是港版正宗山西刀削麵，不錯，吃完之後逛街都比較有勁，從深水埗D1出口往右走就到了。款式也有好多樣選擇，各種配菜都看起來很開胃讚讚讚

這間位於深水埗區的刀削麵餐廳，衛生整潔，服務態度友善。😄😄這次點了一個上湯刀削麵，一個撈刀削麵。兩碗刀削麵細嫩有嚼勁，口感十分爽滑，讓人吃得津津有味。配菜也非常滋味。墨魚丸有嚼勁，墨魚料實在，帶有鮮美的墨魚香味。牛根腩肉質鮮嫩，經過燉煮後更是入味，搭配刀削麵口感更佳。豬軟骨同樣鮮嫩，軟骨煮非常徹底，可以一咬即碎，我個人就十分喜歡。也點了一個小食麻辣萵荀，萵荀清爽開胃，BB辣味十分適中，很能刺激味蕾。整體而言，不論是刀削麵，還是小食真的值得推薦給大家。

📍陞記刀削麵(深水埗)深水埗長沙灣道226-242號金華大廈地下9號舖喺附近返工經過見到呢間食店新開就嚟試下，店舖好光猛好闊落，用電話落單，非常方便👉花雕醉雞💰 $50😋😋😋😋.5/5原隻雞脾切件上，送到上枱見到得隻脾，覺得有啲貴。但咬完一啖就覺得係值呢個價錢，雞肉好嫩好滑，酒味好重好入味，雞皮爽口彈牙，連啲汁都好濃好香，值得一試👉郊外油菜💰 $20😋😋😋😋.5/5有菜心同生菜揀，我鐘意食菜心多，夠甜，份量一啲都唔小，有成十條，又粗又大條。我電話落單唔記得㩒全走，上枱後同店員講聲倒走豉油，點知佢成碟換過比我，服務一流👉紅油溏心蛋牛𦟌花生拉麵 💰$60😋😋😋😋.3/5呢碗我轉咗麵底係拉麵，可以試哂兩種麵。湯底可揀大中小辣，我就揀咗中辣，湯好香又唔太辣，係開胃個隻辣，牛𦟌滷得好入味又唔韌，溏心蛋都好好味，食完碗麵成個人精神哂👉紅油溏心蛋牛𦟌花生刀削麵💰 $60💰加 - 素食炸春卷 豬軟骨 手撕雞 各$10😋😋😋😋.5/5呢度主打刀削麵，當然要試下，麵質好煙韌好有咬口，唔錯唔錯。加餸係另上，成碟小食咁，豬軟骨好林，手撕雞又嫩口，春卷又熱又脆，抵食又好食回頭: yesYesyes!!!好食

今日，滿心歡喜去試吓呢間新開的刀削麵，不知中伏啊，真係讓我非常失望，專賣刀削麵的店，正一垃圾，1. 刀削麵硬過我條命，2. 手撕雞碎過擦膠碎，3. 麻辣湯底沒有味道，4. 原味湯底似滾水，5. 小食豬頸肉有怪味，懷疑油益味，6. 唯一正常嘅係黑糖醉雞，擺得入口，但係冇黑糖味，仲要價錢都唔平，冇加底完全唔夠食擔擔面醬料有肉碎，唔係肉碎係肉塊，平時食開係肉碎，點解黐埋一齋，落單比較繁複，老人家比較不方便食咗＄300，捐去非洲好過

位於深水埗的刀削麵店，主打各款刀削麵的麵食，包括上湯、熱拌、冷拌套餐，還有飯類、風味小食等等。鄰近地鐵站，地點方便，環境整潔、企理，燈光充足，枱面夠大。下單可以在手機掃碼。風味小食：麻辣豬耳 可以挑選辣度。豬耳大大條，每一條都行爽彈脆口，裡面還夾雜了青瓜絲，吸收了麻辣醬汁，麻麻辣辣，很開胃。上湯刀削麵套餐：加手撕雞、墨魚丸刀削麵麵條粗身、厚實，蠻有口感的。上湯湯底，有菜心，較健康，清淡。手撕雞分開上，份量蠻大碟的。墨魚丸彈牙，入面有墨魚粒。

陞記刀削麵 (深水埗)深水埗長沙灣道226-242號金華大廈地下9號舖今日要去深水埗買電腦嘢，好耐冇食過刀削麵，會掛念的味道，係咁方便嘅地理位置，入咗一間裝修光猛舒服嘅餐廳。四川擔擔醬湯刀削麵$45手撕雞，BB辣刀削麵選擇好自在，我鍾意食擔擔麵嘅調味，又鍾意食手撕雞，咁就可以自選配料啦，$45就可以飽飽，真係經濟實惠，唔好以為加料好細碟，分開上真係好企理乾淨。熱檸檬菜蜜跟餐加$3我鍾意甜，菜蜜剛剛好，檸檬🍋美白作用，酸酸甜甜，係圓滿一餐嘅味道。涼拌海蜇BB辣$45我實在太鍾意食涼菜，海蜇爽口冰凍，微辣嘅青瓜絲，係開胃同埋開心。

見呢間刀削麵新開無耐 環境光猛企理 就去食個快飯🍜點知份量好多 好飽肚刀削麵即叫即煮 麵質比較煙韌有嚼勁 比出面嗰d更厚身花雕醉雞上湯刀削麵醉雞好鮮 有酒味但又唔至於好嗆 雞肉好滑 仲超大碟 有雞腿有雞翼 足足有半隻雞咁上下 包保飽🤭溫泉蛋木耳上湯刀削麵+牛展+萵筍配料豐富🍲牛展肉質不錯 有肉味 萵筍就好爽口 溫泉蛋做到半流心蛋黃 加埋刀削麵食又幾好手撕雞 估唔到小食都咁大碟😳雞肉幾滑 全碟都無咩邊舊嚡口 配麻醬越食越開胃 入口好香涼拌青瓜麻辣青瓜惹味十足 食落非常爽口 $20算抵食啦

一向都鍾意食刀削麵嘅我呢今日去咗深水埗食呢間新開張嘅陞記刀削麵地方好闊落好光猛坐得好舒服好乾淨用電話落單 我哋叫咗醉雞刀削麵同埋清湯刀削麵配豬頸肉炸雞翼，仲叫左糖心蛋同炸春卷做小食最低唔多識半截底油油雞髀又有雞胸，黑糖醉雞，整醉雞一定要加番啲糖去中和返個味呢度就做得非常之好！醉雞雞肉，10分嫩滑！炸春卷有八條，熱辣辣正！刀削麵粗幼適中，彈牙感剛好，湯底亦係有誠意！糖心蛋真係做到溏心，配刀削麵食好正呀！價錢都好合理，經開深水埗會再食！

係深水埗辦完年貨搵野食，見到呢間都幾唔錯既刀削麵，人流不斷，價錢又抵食。。坐低叫左個「熱拌刀削麵配豬軟骨及手撕雞$62」。「麻辣湯米線配豬大腸及豬頸肉$60」，熱拌刀削麵會有麻醬辣醬青瓜絲，豬軟骨手撕雞足料又多，鋪滿成碗麵👍🏼麵底非常有咬勁，QQ彈彈咁。/ 麻辣湯米線就比較淋身啲，索晒個湯汁既味，豬大腸好乾淨又多。。小食就加左個「香脆炸雞翼$45」同「郊外油菜$20」，鍾意炸雞翼，好脆又好食！✅

深水埗返工，開張個日啱好經過見好多人食，今日揀下午茶時間黎試下。嗌佐個麻辣牛展米綫，個麻辣湯底好好味㖞，刀削麵有得免費轉米綫/拉麵/紅薯粉。（下次再試下刀削麵）招牌花雕醉雞勁大一份（必試）有免費嘅酸辣蘿蔔食，酸酸辣辣好開胃，好正呀。跟餐熱飲免費送，凍飲$3，已經好少見會有咁平嘅跟餐飲嘢。員工嘅服務態度好好呀！讚！！！！！！位置好近深水埗地鐵D1出口，行一分鐘左右就可以到。見外賣自取會有個九折優惠。好抵食

陞記刀削麵 (深水埗)話說深水埗開咗一間刀削麵餐廳，食過佢集團其他鋪頭，又抵又好食。咩事今日中午有時間就嚟食一食佢😄溫泉蛋黑木耳上湯刀削麵套餐$50加生菜$10，手撕雞$10叫咗個溫泉蛋🥚黑木耳套餐，估唔到加份手撕雞大份都要另上，蒜蓉味好重我好鍾意！刀削麵嘅湯底都唔錯，飲咗幾啖唔係味精湯嗰隻味！😆麻辣刀削麵套餐 $35加雞扒$10朋友叫咗份麻辣刀削麵套餐，$10嘅雞扒炸到大大份，即炸出嚟，雞扒好Juicy🤤雞扒外皮香脆，味道偏濃😊除此之外，我哋重點咗小食溏心蛋$10麻辣東坡肉$45涼拌青瓜$20麻辣東坡肉有驚喜！🥳辣度揀咗小辣，東坡！肉半肥瘦，肥瘦均勻得黎，一入口即溶化，完全唔會咬唔開😁溏心蛋都值得一點

叫咗朋友陪我喺深水埗買啲小配件，買完之後，諗住搵間小店食啲嘢，路過呢度，見到係新開🎊，乾乾淨淨，朋友就話不如喺呢度食飯啦。我哋叫咗幾樣食物一齊食。🌶️麻辣雞刀削麵套餐 $60麻辣雞 同 刀削麵分開上；刀削麵要咗湯麵、微辣，已經好好味，辣度又啱我哋胃口；麻辣雞 少少麻少少辣，雞肉嫩滑，上邊仲加咗啲花生🥜、蒜蓉🧄、紅椒🌶️，好惹味。飲熱港式奶茶☕️：要咗多奶，夠香滑。🐓花雕醉雞$50雞肉又係幾嫩滑，雞皮就有啲爽脆，所有雞件都有淡淡嘅花雕酒香味，份量亦都幾多。🍵淳•茶舍+$8🐷麻辣豬軟骨$45有三大件，每一件都頗為巨型，朋友同我見到都已經好開心😀；豬軟骨有肉嘅部份炆煮得好腍，軟骨部份就軟軟哋脆脆哋，一啖裏邊又腍又軟又脆，口感豐富。🥬涼拌蒿筍 $30相當大碟，蒿筍新鮮、好爽脆，落咗大量蒜蓉🧄，好香口。呢間小店每樣食物份量都幾多，食得朋友同我非常飽飽🤰😆。