陳勤記鹵鵝飯店 (已結業)

第一次試叫左四寶飯有滷水蛋,腎,粉腸,五花腩仲有一小堆泡菜,惹味到不得了,好鬼好味!

劉華令人想起劉德華，無奈的是陳勤只令我想起民建聯的陳克勤，一句 "搓賣Breast" 被唱至街知巷問，西環陳勤記名堂或不及陳議員來得如此『響亮』，但這間位於潮州名店兩興附近的老店，確可算是臥虎藏龍的代表。裝修不大華麗，只有一個簡陋狹窄的閣仔，為的當然是招牌的鹵水美食。由好友發板的一席菜，先以必食的蠔仔粥作開場，潮州粥重米輕水，蠔仔多而且脤卜卜，味道鮮甜可口，絕對是新鮮處理。接著是凍魚，是典型潮州做法，情況不同於廣東的清蒸技倆，配的不是豉油而是麵豉醬，誰比誰好只是口味問題，是晚要了一條大眼雞，九十大洋並不便宜，魚身比較多鱗，個人覺得食用時比較麻煩，只是淺嚐過便算了。鹵水鵝腸、大腸、掌翼、腎拼盤及例牌鵝肉分別上檯，當中以鵝肉最出色，肉身肥瘦均勻，加上酸汁味道更突出。至於拼盤的鹵水小食大多在水準以上，我比較喜歡鵝腎的口感，大腸也十分乾淨，出品絕不馬虎。 香煎蠔仔餅是熱氣的食品，不是人人喜歡，但陳勤記油炸處理相當出色，蠔仔餅並不太油膩，乾身脆口，內藏的蠔仔份量頗足，十分美味。最後一道是沙爹牛肉炒芥蘭，表面上與潮州沒大關係，但吃過後小弟認為是不可不試的招牌菜式，沙爹汁味道相當濃郁，芥蘭新鮮脆綠，

食左這間鋪差不多有十幾年啦, 差不多係我既飯堂。老實講, 真係睇住佢既轉變, 由潮州街老鋪, 到而家這間, 我一直都有幫襯。我覺得最好既東西, 佢一樣KEEP島, 好似蠔仔粥, 蠔仔多且大粒, 洗得無沙(好多鋪頭這點都做唔島), 湯底食到出有大地魚乾和白胡椒味, 而且比其他店更香, 聽電視講係因為間野落左少少蒜頭油。鵝片就好多間都好好食, 不過這間鵝既肉質特別好, 你可以見到肉好似係一層層, 你咬落去好有咬感, 今時今日打冷鋪堅持用獅頭鵝既真係好少, 所以雖然價錢唔算特別便宜, 不過都可以接受。 至於那最出名既浸鵝鹵水汁唔洗講, 真係名不虛傳, 好入味, 老闆話已經熬製左70年啦!! 特別一提係個鵝腸, 真係又嫩又入味, 點一點醋, 就更加鮮味 , 不過好快賣曬,唔係成日有得食。如果你同我一樣都係潮州佬, 不彷試下我鍾意既鵝頸同鵝頭, 骨頭中先最有鵝同鹵水既精華。最近我發覺那些丸(除左龍蝦丸之外)做得都不錯, 算係新發現, 特別係牛筋丸做得十分出色, 我自己最鍾意牛筋丸, 食過香港好多間面店, 這間真係算係最好食既一間, 這間特別用左潮州人既做法, 放左中芹同用手打既方法,所以有特

一行3人. 叫左 1) 蠔仔粥 - 清甜. 蠔仔勁多. 細隻但飽滿 ! 2) 鵝片飯 - 我欣賞d飯撈滷汁正.3) 蠔仔烙-等左半個鐘先上. 不過值得等. 份量十足. 熱辣辣..一口氣食左1/4 份~唔理熱氣喇...大啖大啖擦落去! 過癮...提外話...免費的濃茶熱度剛好.又香濃..即時將剛才的熱氣一掃而空~

在潮式食品中，最為人熟悉及最受歡迎的，必定是其滷水食品，其濃、香、純的味道令人留下深刻印象。當然，潮式食物又豈止滷水食品而已...是日午飯時間，獨自乘車過來上環這邊，為的就是來嚐這家頗有名氣的潮州食品餐廳。店內環境一切以實用為先，簡單的摺檯和摺櫈便已是全部了。在店較入的位置找到了座位，想了一想便跟侍應下單要食物了。回說一下，其實在我進店時已能嗅到那極香的滷水汁氣味，不過隱約之間感到好像跟吃的滷水有點不盡相同，究竟那是甚麼呢﹖要到一會嚐過才能弄清楚了。不到數分鐘，一碟熱騰騰的碟頭飯便送上面前了。這個<<滷水鵝飯>>旁邊的一小堆泡菜，惹味到不得了。帶咸爽口少辣又香以及少許甜味，越吃越停不了，味道一流﹗ 這裡的滷水特別之處，就是沒有一般的帶甜味道，而是香濃純厚，就好像陳年老釀一樣，甘香純厚，入口細膩極有內涵。鵝肉未算幼嫩，但絕不嚡口，實在很不錯。特意來到這裡，又怎會放過<<煎蠔烙>>呢﹖蠔仔鮮味強勁而且多汁，鴨蛋之香味不斷散發，絕非雞蛋香味所能及之，讚﹗雖然只嚐到幾樣食物而已，但是相信這裡的其他出品也該有不錯的質素。如果時間還是

話說昨天同同事一行5人到陳勤記食lunch,佢地地下位座少,咪叫我地上二樓坐.一向都知道佢地手腳慢,order野食要等成十幾廿分鐘先至到,我地12點7到咪即刻order4個鵝片飯1個四寶飯,等到1點仲未有野食,咪追佢囉.當時有個女人同我地講,你地食碟頭飯不如坐樓下,d飯準備好.我地聽到佢話準備好咪大家相就一吓下囉,我同事話"如果無位就走",行到樓下,真係無位,咁咪走囉.點知個老細仲話d鵝片飯已經切好.真係火都起,大老無枱點食呀?唔通要企定定食?把鬼火行過隔離間常滿粥麵小廚,都唔知幾好招呼,order午餐又快到,連坐連食二十分鐘攪掂.我地成班同事決定,最少一年唔去陳勤記食飯.

2008-11-07一行六人來試潮洲o野，坐樓上多數人都叫了鹵水鵝飯($25)，我就想要鵝腸飯($30)。其實我以為係$25，因為menu 上有個大腸飯，我就神推鬼x 以為係呢個，輕輕問過個阿叔，佢無應我我又以為係……叫o個時佢話要等耐o的，我係想食，又會有幾耐？照殺其實都唔比其他人慢幾多。Anyway，腸有十片左右，味道不錯。與食肉獸同事1號交換o的鵝o黎食，但無換其他o的鵝翼/鹵肉，也是過得去。鵝都好似有八九件，睇落抵食o的食得飽又唔算差，呢個價錢絕對o岩咀形記住o係檯面拎張檯號紙落樓下俾錢

和友人到西環覓食, 因太愛馬拉mama的有關係, 所以去西環都一定會去; 今次要試下新野!! 行到呢頭, 有好多潮洲舖頭, scan完一輪, 選左呢間有貼出周中c父都讚的店...都不怕濕熱危機, 因為鵝太好食la@ 因離晚飯時間尚早, 很多位, 點了招牌的鹵水鵝片, ho仔餅及鹵水五花腩 (因為無凍crab, 2 bad)...鵝片一來到, 原本很多話的二人都掛住食, 很美味~ yum, 之後上菜的五花腩也很可口, 不肥膩又爽口, 我反而最愛五花腩 (但超肥~ 我注定都係鍾意食d 好肥但好味的食物) !! ho仔餅我曾食過廟街煲仔飯的, 炸粉多ho很少, 但這裡弄的粉不會咁厚又很多ho仔~ yeh yeh我地走時已有好多人(等位, 買外賣), 真係正宗小店係無失手~ 唔黎食堂食都要外賣呀@@

滷水鵝肉（50元）：滷水鵝肉地豐厚，香嫩味美！鵝脾部份，煮得肉微微離骨，這骨頭上的精華，和碟底的豆腐一樣，都是滋味無窮。這碟鵝肉，鵝香滷水香，好味得令人流淚！滷水掌翼倂腩肉：腩肉皮煙韌，掌翼有嚼勁，是送酒良伴。蠔餅：用料豐盛，每一箸都吃得到蠔仔。而且火路控制得宜，蛋餅不會煎得過老，又不油膩，但邊緣位置卻帶脆，想不到功夫會是如此到家！蠔仔肉碎粥（中-35元）：胡椒味濃，用料大方，蠔仔鮮味，芫茜清香，好味得吃完一碗再一碗！埋單一共190元，都是貨真價實，真才實料，就是每一口，每分錢，都知道花在什麽食物身上。就是衝着這份安心和真味來，已是值得一再幫襯！

十一月七日(星期五)今日我們一行五人打的過去比上環街市還要遠的陳勤記,可能對於附近的打工仔來說,就容易非常,但對於我們中環區的,就很遠呢...不過,為吃得好,我們不惜一切...時間呢其實只有我和老公仔今餐會吃什麼(其他三位同事都不知道呢原來)....他們被我倆拐帶到陳勤記,相信他們吃完都應該不會埋怨路途遙遠呢!我們五人坐在樓上,地方淺窄,不可要求太多呢我們最初看小了"大窩"的份量呢,叫了一個蠔仔粥和肉碎粥(大窩),沙嗲牛肉芥蘭,鹵水雞蛋豆腐,煎蠔餅,胡椒豬肚湯,當然不少得遠近馳名的鹵水鵝呢蠔仔粥先來,蠔仔很多,浮在大窩中,味道香濃,蠔仔一口咬下,汁也放了出來呢,美味非常!鹵水雞蛋豆腐當然好呢...鹵水弄得香!胡椒豬肚湯,也很清呢,陣陣的豬肚香味溶入湯中!煎蠔餅也做得出色呢,份量也不少,而且不油膩,此時,我們也飽了一大半了,才發現還有三個菜未到,開始擔心....吃得完嗎!?沙嗲牛肉芥蘭都不錯,唯獨是芥蘭有點老!鹵水鵝好吃,不過今次的位置不好,很多骨呢!!最後,肉碎粥是漏了單,是好事呢!!!我們下次會再來,還會帶多幾位同事來呢!!^^似乎很多人對鹵水鵝有興趣呢

今日經過上環，知道這間潮州食店都唔錯，平過隔離兩間，於是就走入去試吓，兩個人食飯，叫左以下三款來試味：1. 蠔仔肉碎粥很好味，夠鮮味！蠔仔份量很多，每一口都可以食到蠔仔，雖然叫蠔仔，但又不是很細隻，有9/10 分！2. 滷水鵝片都好，有鵝肉味之餘又有滷水味，而且不會太咸搶了鵝肉味，還有豆腐鋪底，d 豆腐都很好味，滷水汁入晒味，有9/10分！3. 腎就麻麻，又貴又少又一般，得6/10分！這個下次可不叫。都算冇去錯，下次還要試吓其他野，例如：凍大眼雞魚、韮菜豬紅、煎蠔餅等等。

要到中環找些資料，想起已一段時間無到過滷水起家的小店，趁有時間就來吃件滷水鵝。午市依舊是上班族飯堂，好不容易霸了近著門的位置，老闆娘依招呼客人依舊無帶尾音，非新奇事，來得街坊老舖早就預左。想了想，吃唔落飯但又沒有鵝併白粥，於是就來個鵝麵，要了幼麵。等了等有得吃，滷水鵝浸在鮮濃肉湯中，有腩位有髀位，廿三元計份量交足功課，略甜滷水將鵝滷得軟腍美味，已近重陽肉味比起年初更「厚」，幼細鹼水蛋麵又爽又有蛋香，卻沒有鹼水味，很佩服廣東人出神入化的麵技術，是碗很好的湯麵，當然滷水鵝放湯有點浪費，用作撈麵下多些滷水汁的話一定美味得不得了。下回來，識叫了！

一進店，迎面飄來的是那窩熬進不知多少心血的滷水香味。店鋪不大，裝修簡單，木方枱面還有不少補釘，真不知原來還有人懂得修鋪這項工程。即使是簡單的一碟鵝肉飯，老闆也出手大方，滷鵝有十大塊，足足掩蓋了半碟飯面。伴碟的還有數段青菜，和非常好味的菜脯豆干。滷水汁芳香撲鼻，是花椒八角桂皮的功效；滷鵝肉香美味，雖然瘦了些，但仍然吃得人津津有味。二十五元，換來這樣一碟“連骨都吮埋”的滷鵝飯，吃得又飽又滿足，認真超值！

今日終於食到bb喜歡食既滷水野啦~ hahahaaa有d不負責任~ 其實我都好鍾意食lor! kee我地都豪食架, 兩個人叫左個中蠔仔粥, 因為佢冇肉碎所以比左超多蠔仔我地, 我每不一羹就有至少一隻蠔仔lor! 唔好以為佢唔新鮮, 都好滑同唔細隻架!! 呢個粥好特別, 起初我覺得佢賣相麻麻, 因為水還水米還米咁~ 但係一食係好味架~ 好重味精同糊椒粉添hahaha~~不過兩個人都差d食唔晒呀!跟住叫左個滷水鵝片~ 其實有埋豆腐係裡面, 呢個係好食, 但唔係預料之外所以冇乜驚喜! haha.. 鵝片同鵝肉都幾滑同好入味呢~~最後就係煎蠔餅~~ 本身我已經好鍾意食呢樣野架啦, 點知佢整得鬼死咁好食呀, 好大碟但都比我清晒!! 有d好似魚肉咁既物體撈入去一齊煎, 口感好好呀! 煙un d唔會太多粉咁! 味道岩岩好! 同埋熱辣辣, 十分令我回味~ 我諗bb都鍾意食!不過如果呢度d野可以出平d細碟d咁我就可以試多幾款lu!anyway 呢度好味都幾靜, 夜晚撐枱腳唔錯丫!!

偶然經遇發現了這間實而不華的老店,1) 這裡沒有華麗的裝修, 但環境還是頗衛生的,2) 這裡沒有熱烈的招呼, 但店員是頗有性格及人情味,3) 這裡菜式種類不多, 但每樣食物卻是實實在在不花巧, 充滿懷舊,4) 這裡沒有加一, 價錢頗便宜,5) 這裡食物樣子不大漂亮, 但充滿了老板的心血及架己人情懷.來這裡不僅叫菜吃飯, 還享受到五六十年老舖感受.