陳家菜 @Freshlane (樂基商業中心) (已結業)

諗日去開西營盤，見到網上面話附近有個叫Freshlane嘅地方可以order好多唔同餐廳嘅外賣，咁啱呢排OT又好攰想早啲返屋企休息🥱，就快快手簡咗間食中菜試吓。Freshlane嘅位置西營盤地鐵站大約2分鐘⏰，而入口記得要喺商業大廈旁邊嘅樓梯行上去（搭lift嘅話會去咗後門）。我哋今次揀咗Freshlane 入面嘅陳家菜，佢嘅原因係因為可以早啲去whatsapp落單，一去到就即刻有得攞📱，非常之方便。佢亦都有好多選擇，有小食，滷水，主菜等等。我哋諗住自己返屋企再煮個菜，所以淨係order咗一個餸加兩個白飯。有選擇困難嘅我最後揀咗秘製啫啫雞煲（$148）🐥，佢個雞嘅份量都唔少（半隻雞），拎上手都好重吓，熱辣辣，拎到返屋企都仲暖暖地😆 個汁唔會太鹹，又唔會太油，撈飯一流，而啲雞嘅肉質都唔會好鞋，仲幾入味添😋 兩個人食一個餸再煮碟菜已經好夠飽。下次想加餸都可以黎呢度，試埋其他嘢😊

😋陳家菜（外賣自取）好味指數：🌕🌕🌕🌕🌗【泡菜豬肉炒飯】炒得有小小飯焦感，不會太辣，第一口食其實覺得還好，但唔知點解唔覺唔覺就係咁食😂雖然用泡菜炒但味道無過濃！【豆豉炒雞】呢個就係港式口味，味道閃偏濃味，略嫌油左小小，但相當野味！配飯食一流！總括：港島想食外賣住家菜是不錯的選擇！😋😋😋😋但記住只有外賣沒有堂食哦！地點是西營盤一出行幾分鐘就到，雖然西營盤站本身都要行幾耐，但住附近可以一試！😋

上環有一間叫freshlane的kitchen,可以經外賣平台預先點餐,等order完成後上去自取,非常適合在上環上班的朋友放工黎買外賣回家品嘗,上到去似智能櫃的提貨點,裡面有兩部平板電腦,只要你輸入你的點餐編號,就可以係提取櫃拿你的食物。完全不用接觸到裡面的職員,疾情嚴重,可以減少人和人之間的接觸,服務真的十分貼心。今次order了"陳家菜"外賣,佢哋主打川菜,但都有唔辣的選擇,適合屋企不同人的口味。今日就order了兩個餸,一個辣一個唔辣。1.豉椒炒雞肉$93 (1人餐）食得出是即叫即炒，豆豉味道濃，超級好吃，雞肉是無骨的,而且唔會食到有雪味,因為醬汁十分之入味,配菜有青椒和洋蔥,加上白飯一齊食簡直係一流。2.水煮魚片 $93 (1人餐）魚片完全是無骨的,每一片都是大大片,而且十分之嫰滑,魚片好入味, 配料都好有誠意, 有好多薯粉同娃娃菜,將所有香味吸晒. ,而味道方面, 十分適合香港人口味,味道是少辣, 唔係好辣,但花椒味十足,味道麻麻辣辣,配合白飯一齊食非常之開胃。

陳家菜智能櫃用得多，原來連買外賣都可以智能櫃取貨✅今次在陳家菜買外賣，第一次見識呢個咁特別嘅攞外賣方式👀落單後餐廳就會在指定時間將外賣放到智能櫃，過程衛生方便.🌀麻辣雞煲🌶醬汁夠麻辣，雞肉嫩滑而且煮得好入味，火喉控制得啱啱好花椒、八角令香味更提昇，配料有三色椒、雲耳，吸收左麻辣醬汁好惹味，好適合送飯😋.🌀口水雞🌶愛辣嘅我地仲叫咗口水雞，份量足足有半隻雞咁多，辣汁超正，而且食落唔會油，麻中帶辣，同嫩滑嘅雞肉係perfect match🙌🏽.餐廳有同其他外賣平台合作，Open Rice 🍚或者其他apps都可以落單，整體感覺幾方便👍🏽

陳家菜 @ Freshlane (樂基商業中心) (上環)上環德輔道西103號樂基商業中心1樓Kitchen 6相信而家好多人要叫外賣，Freshlane嘅設置真係幫到你，外賣自取嘅方便放喺櫃，準時自己去攞。今日爸媽自己試玩新玩意，加送，嘗試自己落單買嘢食。水煮魚$100在家食水煮魚有冇想像過呢？而家都做得到，配料好充足，味道有川果，風味十足。魚質🐟白淨冇泥氣。茄子肥牛煲$88茄子🍆keep到鮮嫩，肉汁豐富，肥牛足料，有口感。

而家買外賣好方便👏，可以用手機落單，之後去到自助櫃跟返號碼拎，好似拎快件。😁今日就去到西營盤a2出口對面嘅freshlane ，攞中式私房菜外賣❤️💗陳家菜。🐔蒜蓉豆豉雞球雞球炒得有鑊氣, 蒜蓉豆豉調味惹味，令人胃口大開。😋雞球保留肉汁，啖啖肉yummy。🐟酸菜魚最愛酸菜魚，分量好多，一打開就聞到香味 。魚片冇骨，超多片，滿滿嘅一盒，最後 連湯都飲埋。🍴🍽️是日靚湯： 肉骨茶估唔到呢度都會有呢款東南亞美食，選擇真係好豐富😍 肉骨茶藥材味重，濃郁美味。每個餐都跟一碗白飯🍚，滿足的一頓晚飯。👍

📸 7.5/10 秘製啫雞煲 1人套餐 $79 -呢個比較偏向港式風味 雖然唔係用一般沙鍋上菜 但係都聞到 陣陣雞煲嘅香味😝 可惜雞件數量唔算多 好容易食到唔夠喉😂 但雞肉嫩滑而且肉比骨多👍🏻 📸 8/10 酸菜魚 1人套餐 $79-酸菜魚比較優秀☺️ 無骨魚肉分量多 湯底唔算特別濃郁重口 但藤椒味非常重‼️ 鹹度剛好 最後湯都飲晒😋 總括而言 餐廳位於上環商業中心口嘅fresh lane 主打自助式嘅外賣智能櫃😵 入邊集合左唔同嘅餐廳 用Apps下單 去到根據返自己嘅No.拎就得啦☺️ Btw呢間家庭式中菜選擇多而且出飯速度幾快🥰 一人套餐會跟一碗飯 食物質素唔錯 價格中等 多咗份家嘅味道🏠 鍾意中菜又想方便不妨試吓😝

高質住家菜，即叫即整好好味🥢無添加味精，食落味道天然舒服❤🔥紅燒金鯧魚花膠鷄湯🍍鮮鳳梨咕嚕肉金鯧魚非常入味，而且得大骨，最啱我呢啲鍾意食魚，但係又驚魚骨嘅人👍🏻花膠雞湯非常之足，料面頭仲有幾粒杞子，個湯非常香滑😙，而且入邊仲有一條原條花膠，啱曬鍾意養顏嘅女仔🥰咕嚕肉好有港式風味，用咗新鮮菠蘿，所以更加有果香。takeaway乾淨方便，唔錯推薦~#saiyingpun #西營盤美食 #外賣

好想食得健康 但係又唔想自己煮，聽到呢間店堅持不添加味精同防腐劑，就決定外賣試下！睇menu都幾多唔同嘅選擇，有滷水系列、麻辣系列、四川風味涼拌、花茶、本地特色小食等等，全部都幾吸引！最後揀左個二人fun享套餐！👉🏻藥膳醉雞煲 一開蓋就有好香嘅花雕酒味，睇到非常足料，有淮山、紅棗、杞子、龍眼肉，另外雞件都好入味嫩滑，所以湯底好清甜！真係好養生又健康嘅味道！而家外賣自取仲有85折，好抵食，支持小店！

這個外賣特別好味我地好鐘意叫外賣,因為真係太方便啦!而今日剛剛去完西營盤做完野…見到le 度有外賣,所以立即黎買外賣啦!今次我地叫左二人份量既晚餐秘製啫雞煲一人套餐$79熱騰騰且香味撲鼻,配飯味道岩曬!可惜我唔係太大食,唔係嘅話一定想加多碗飯!水煮魚片一人套餐$79魚片非常滑嫩,加上又香又辣又麻的湯汁,在炎炎夏日之下品嚐這個咁美味嘅餐,胃口特別好!我哋仲加咗蟹肉鉗,揸到好黃金，淡淡脆!啖啖肉，超級好食!一飯一餸,一人一份,分量岩岩好!而且外賣方式又方便，所以我第日都會多啲嚟叫外賣㗎啦!

相信近年大家都用多左食物外賣app～呢日想試下啲特色小菜，就係app搵到呢間小店！唔係特別肚餓，就叫左個拼盤、湯同飯黎試🤤無論係普通一餐定斬料加餸，都好合適～🥘麻辣滷水拼盤 Marinated Assorted Meat in Chilli Sauce ($138)呢個拼盤好豐富！份量啱啱好兩個人食～入面有雞翼尖、豬耳、豬大腸等，全部好開胃🤤聞落麻辣味香，但食落又唔會過辣，真係好過癮！🍲花膠煲雞湯 Conch and Chicken Soup ($48)如果平日少飲湯水仲可以叫碗湯～花膠雞湯呈金黃色，聞落花膠味香濃，好吸引🤤怕太油的話可以將油舀出，但我就覺得okay～

用手機App叫外賣好方便，我哋揀咗「陳家菜」私房菜，有好多款式嘅小菜揀，而且佢哋專門做外賣。下單後，到陳家菜外賣自取，近西營盤地鐵站A2出口，行2分鐘就到，去到餐廳地址掃QR Code，喺自助櫃拎食物，好方便！沙嗲肥牛粉絲煲🐮取外賣時，已經聞到沙嗲肥牛粉絲煲嘅香味，粉絲索晒沙嗲味道，主角肥牛好嫩滑，配爽脆嘅金菇，好有有嚼勁，惹味呀！手撕雞肉🐔雞肉香嫩，連雞皮都好滑啫啫，配上麻油及芝麻，好滋味！陳家菜 @ Freshlane上環德輔道西103號樂基商業中心1樓Kitchen 6

由用外賣程式下單，到店掃QR Code後自行到智能櫃取食物，全程智能外賣新體驗。我揀咗2款川菜，有辣子雞丁丶 酸菜水煮魚同埋兩碗白飯，拎嘅時候都係熱辣辣😍！辣子雞丁🐔雞丁大大粒，外脆內嫩，麻辣味道，配菜有黑木耳、三色椒同埋芝麻，好惹味！酸菜水煮魚🐠一打開盒，就聞到勁香嘅酸菜味，酸酸辣辣嘅湯，湯嘅味道濃郁又唔會太油膩😋！好多塊魚肉，肥美又嫩滑，索晒香濃酸辣湯嘅味道！配料有大豆芽同埋酸菜，口感好豐富！陳家菜📍上環德輔道西103號樂基商業中心1樓Kitchen 6

復活節假期完結，不過依然都唔想煮飯，今日都仲未開番晚市堂食，所以就叫外賣。今日屋企人去左西營盤呢度買外賣返屋企食，餐廳位於商業大廈，呢度主要係做外賣生意，唔講真係唔知有個咁既地方。返屋企都要一個鐘，但係都keep到好熱，值得一讚。我地叫左兩個餸，同埋兩個白飯。沙爹肥牛粉絲煲：份量好豐富，肥牛都好多，仲有粉絲，金菇和蔬菜。沙爹汁微辣，撈汁送飯一流，另外粉絲索哂沙爹汁，非常惹味。雞翼麻辣香鍋：呢款菜式偏辣，不過辣得非常惹味，份量亦都好多，有蓮藕，薯仔，木耳，雞翼。我本身好中意食蓮藕，呢度蓮藕夠爽脆，正！非常滋味。雞翼亦都煮得好淋身，而且係單骨，食得好方便，木耳同薯仔都好好味，麻辣味真係好香，食得好開胃。呢度外賣份量好夠，都好抵食，而且外賣亦都保持到高質素。

晚市堂食仲未開，平日收工咁攰梗係嗌個外賣就算。今次去咗上環Freshlane拎外賣，好方便又快捷，過程唔需要同人接觸，好安全。兩餸+2白飯冷油雞雞肉外表油亮光澤，內裏鮮美嫩滑，仲有濃郁蔥香，雞油香氣溢出，肉質細嫩又入味。份量幾多。表面白芝麻令賣相更加美觀。炸魷魚炸魷魚好有懷舊街頭味道，一打開蓋已經香味撲鼻，望住流哂口水食落味道酥香脆口加上椒鹽十分惹味，做送飯小食好適合😉白飯粒粒分明，香口軟熟😌😌