陳根記 (已搬遷) 新店位置

之前傳陳根記就摺, 我地呢班食開佢的中大老鬼就特登入沙田懷舊下第一碟必食緊係WASABI手撕雞啦!(以前好似冇蟹籽@@?)其他大排檔菜, 掛住食就冇影啦LOL而家知佢續到命, 恭喜哂!

吾經吾覺原來已經一段時間冇去過大排檔食地道小菜，所謂既一段時間我諗大概就系一年前啦，其實系出面食得多其他類型既菜式，偶爾都會掛住港式既大排檔、冰室等等。陳根記系沙田區一間受歡迎既大排檔，沙田人去幫襯就吾出奇，但原來呢間大排檔系位於沙田既禾輋邨，聽就聽過既，但去就真系好似未去過。以為去既路程會比我想像中方便，但實際上吾系咁由於本人系港島區番工，所以搭巴士去紅磡先，然後要搭東鐵(火車)去火炭站，跟住系火炭站仲要搭巴士去禾輋街市落⋯⋯幸好天氣吾系十分熱，如果吾系一定更加辛苦。長途跋涉終於去到了，正當以為可以舒舒服服咁食野戈陣，事實就話比你聽絕對吾系咁簡單去到勁多人已經系意料之內，但原來吾系平時戈啲餐廳咁攞飛等位，而系個個都系啲食緊野既客隔離企系度等！最尷尬既系，好多時去到啲枱，啲人好似就食完咁，但原來系岩岩坐低only⋯⋯只系啲野未執好。兜兜轉轉，有個女仔好心咁同我男朋友講：「你地系咪兩個人呀，我地呢度有位」，心存無數感激，但途中既過程我地奔波左足足45分鐘左右。大排檔食物種類果然十分多，但系大致上都同平時大排檔既食物差吾多，有海鮮類、魚類(其實魚都系海鮮？不過可能種類太多所以要分成一類)、

晚餐想食下大排檔，發現Open Rice介紹陳根記，滿心歡喜情況下去到，一到陳根記，安排坐位時已經好混亂。叫野食個時係自己寫，呢個idea其實都幾好，可能今日好多人黎食，所以有好多餸都無，但叫到野食後，好多野食都係微溫同暖，所以一致認為一般。

今晚難得同老公二人世界，選擇到平日帶住小公主不會到的地方……大排檔！位於沙田禾輋邨的 「陳根記」遠離人山人海的沙田市中心，從火車站走過來用上最少15分鐘。叫得「陳根記」別以為老闆一定姓陳！其實老闆名叫周恒，年少做過跟車、地盤、粥麵檔...直至1982年來到當年是雲吞麵檔的「陳根記」做替工，碰巧老闆找人頂手，周老闆接手又覺得檔名不錯所以源用至今。周老闆在菜式上加入不少家常小菜，吸引不少街坊。由最初只有一個炒爐變兩個...至今已經有八個之多。由當初檔口只可放25張枱，到35年後的今天已經擁有100張枱。由街坊生意慢慢吸引不少區外客人甚至遊客到訪，每晚人山人海非常熱鬧。零服務是這裡的特色! 自己揾位、自己下單、自己去攞汽水啤酒，效率大大提升，因此大排檔做到平、靚、正！小菜選擇非常豐富，粥品、燒鵝、鹵水、海鮮樣樣有齊。難得每個小菜只是幾十蚊， 海鮮大路而且價錢非常實惠，平過自己買餸煮飯，難怪大排檔人山人海越夜越熱鬧。【豬肚粥 $28 碗】粥底沒有味道……豬肚同樣沒有味道……非常適合病人食用……在大排檔都係不太適合叫粥……【紅燒乳鴿 $56】呈上的乳鴿實在太細隻又太瘦，跟鄰近專食乳鴿的龍華酒家真

近期，陳根記不獲領展續租的新鬧得熱烘烘，最新的消息是營業至2018年12月31日。雖然距離結業的時間還有一段長時間，但本著多年來對陳根記的感情，要食得一次多一次。不到晚上文時，全場已差不多爆滿，遲來的人唯有在旁邊慢慢等。今次點了五道餸菜，分別是紅燒乳鴿、孜然一條骨、豉椒炒蜆、炸腐皮卷和馬拉盞通菜。五道菜中，只有炸腐皮卷和孜然一條骨能保持水平，其餘餸菜不知什麼原因煮得十分走樣，如乳鴿又凍又細隻，炒蜆放了一會才上枱，馬拉盞通菜炒得一 pat pat。希望這是失準的一次，下次要重回水準。

第一次食完飯係會想出反個post讚下👍🏻👍🏻拎左條魚魚去加工都係50蚊斤🙈🙈一🐟4味😋😋每碟都勁好味😋未夠6點已經好多人，如果想食就最好早啲去拎定位😉 雖然日日都好爆場但係食物一啲都唔參次，分量亦中規中矩👍🏻👍🏻

陳根記大排檔的招牌Wasabi蟹籽手撕雞$78例牌😋😋😋每次來陳根記都會擔心冇位，但每次也十分幸運地很快找到座位😗😗多年來週日也人山人海就是名不虛傳吧！Wasabi與手撕雞出奇地夾，蟹籽彈牙，Wasabi味不會太重，淡淡的幾易入口，例牌分量也算多，好味道啊💛💛雖然坐得逼，但這就是陳根記的風味。

好味嘅餐廳不斷被領展瘋狂加租而迫走，今次既受害者就到係沙田坐無虛席的大排檔陳根記喇，聽消息報道大排檔只會做到年尾所以趁有時間梗係要去幫襯下啦，留返 D 回憶。叫左炸蠔餅，中式牛柳，椒鹽鮮魷，蒜香豬潤同粟米魚肚羹。每樣餸味道都整得唔錯，有獲氣之剩而且份量又大碟，難怪呢個大排檔日日都爆場。炸蠔餅同椒鹽鮮魷無落太多炸漿，食起嚟唔會成口粉之餘又好爽口，必食 中式牛柳同蒜香豬潤好惹味，份量好多食極都有。粟米魚肚羹如果再多啲魚肚就更好。不過傳聞話陳根記會喺大埔再開，如果係嘅話大埔既居民就有口福了。

以前係附近嘅大專學校返學到成日食陳根記，到而家畢咗業，加上之前網上不停傳陳根記會係3月結業，好彩最後到12月先執。(雖然好唔想佢執，希望最後可以繼續食到啦！），決定約埋幾個舊同學一齊聚舊懷念下。陳根記小菜款式多而且唔貴！去果日雖然係平日，但晚上6點開始已經好多人，依舊都有好多人嚟撐場！我哋４個人叫咗５款餸，自己寫落去落單紙到比員工就可以，其實好方便食客同員工，一舉兩得！我哋分別叫咗椒鹽九肚魚﹑WASABI手撕雞(半隻)﹑沙拉醬燒骨﹑椒絲腐乳炒通菜同魚香茄子煲。1. 椒鹽九肚魚 ($78)味道比較咸，但係椒鹽味突出入味！外面脆脆地好好食～2. WASABI手撕雞(半隻)陳根記當中最有名的菜式，手撕雞配上WASABI的味道很特別，不算太辣，但好惹味！仲有小小既魚子仔好有咬口！極力推薦，5星3. 沙拉醬燒骨 ($63)除咗wasabi 手撕雞，每次嚟到呢到一定要叫嘅一定係沙拉骨！第一，因為佢個汁好多，味道可以入埋落肉到極好食！加埋唔太油，食到Lam Lam 脷4. 椒絲腐乳炒通菜 ($50)大大碟菜！特別中意食菜嘅我表示無得輸5. 魚香茄子煲 ($60)60蚊，茄子煲加白飯一齊食會更加完美加

黎呢度，係食氣氛同懷舊。食物既質素都好飄忽，不過多數都好鹹。頭抽雞係算唔錯，雞嫩滑唔會太老，個豉油既甜度同鹹度岩岩好；不過真係手快有手慢無，唔係成日叫到。呢個腐乳通菜係超爆鹹，你知通菜幾咁索汁，一放入口，四方八面既汁湧出黎，極度刺激味蕾；想食既朋友可以浸一浸茶黎食。椒鹽鮮魷就係咁，外皮咁淺色，其實係炸得唔夠透啦。魷魚有少少濕，如果再炸下會爽口好多。呢個係最正路既，魚片同豆腐都多，味道唔算鹹，呢個可以飲多幾碗呀。聽講佢會係大埔墟開分店，不過都希望佢地可以原永續啦。

之前話陳根記三月底就執 好彩而家延至12月 但時日都所剩唔多☹️希望會再有好消息啦！今日同一班波友打完波超肚餓黎左覓食🤣每次食完陳根記都會聲沙 唔係啲野食太熱氣 而係因為太熱鬧 講野要超大聲先聽到🤣六個人嗌左七味餸：1. 豉椒炒蜆 - 第一道上既餸 係好肚餓下既情況食suppose會更好味 但係麻麻地 個汁唔夠惹味同杰身得滯2. 西檸雞 - 勁耐無食！超醒胃 脆口！唔會勁大舊粉包勁少雞！好味3. 金銀蛋浸娃娃菜 - 第一次食娃娃菜版又好夾喎！食菜既時候有陣陣咸蛋味 湯底好正 撈埋飯食🤤4. 頭抽雞 - 雞肉超嫰口！豉油甜甜地又勁好味！必推5. 蠔餅 - 炸得太勁 食落有陣燶味 覺得好熱氣但同時又好好食 唯有飲幾杯清熱酷啦🤣6. 孜然一條骨 - 朋友嫌太乾身 我就覺得好惹味 辣辣地🤤7. 腐乳通菜 - 腐乳味好濃 菜都爽口！最後仲嗌埋個芒果一口脆 芒果係凍 個皮係熱又幾得意 不過芒果略嫌太細粒！ 好開心 不過今日wasabi手撕雞賣晒 下次黎一定要再食 飲埋啤酒 爽呀🍻

最近在網上看到沙田老字號大排檔面臨結業，於是約了一班老朋友趕在結業前來回味小時候大家一起的回憶以及味道。陳根記一如既往的旺場，在星期五的晚上，我們等了快要一小時才能就坐，可能因為當晚客人真的極多的關係，等執枱及鋪枱都等了快十五分鐘，而且侍應叔叔們的態度都不太友善。到了點餐的環節，當然少不了勁出名的wasabi 手撕雞以及蠔餅，另外我們還點了椒鹽鮮魷、西檸雞、魚香茄子煲、腐乳炒通菜、沙拉骨、辣酒煮螺以及餐牌沒有都能點的胡椒豬肚湯基本上以上每碟餸菜都各有特色，wasabi 雞夠嗆之餘雞肉亦夠嫩；另外，不得不提的是椒鹽鮮魷，雖然這道菜不是招牌菜，卻是我們公認最美味香口的菜色。雖然大部分菜色都很出色，唯腐乳通菜沒有什麼腐乳味，且味道偏鹹；而蠔餅雖夠酥脆，但可惜沒有魚露（餐廳魚露用晒），令蠔餅分數大大減低。整體而言，陳根記這老字號算是沙田最高質大排檔，希望在結業前可以再來encore!

一傳來有陳根記結業危機的消息，眾人就蜂擁前往湊熱鬧，平日嘅七點去都已經滿座，起碼都要等九個字先有位陳根記對於中大人黎講絕對唔會陌生，咩組聚食宵開sem飯，點都會去過一兩次。最出名嘅當然係 wasabi手撕雞，清新又開胃作頭盤就最啱啦另外西檸雞，椒鹽魷魚，沙拉骨 呢啲當然一定要食啦今日咁凍所以就叫番幾個煲仔暖下身，沙爹牛肉粉絲煲同魚香茄子煲都唔錯甜品要出counter自己叫，因為即叫即製所以排左半個鐘== 聽講個芒果一口脆 好出名，諗住試下，但食落覺得有點名過於實，反而 焦糖燉蛋 外脆內暖，幾出色。

同朋友兩個人5點幾已經到左，坐底吹下水，仲未好多人，多年風格無變，自己寫自己落單，好耐未食過當然要試wasabi 手撕雞，叫多個蒜蓉炒白菜，白灼螺，手撕雞味道比以前較淡，菜無咩特別，螺都好一般，係個價錢比較大眾化，6點開始見人多，坐就一定唔舒服，又有人企隔離等位俾壓力，整體普普通通不過不失，呢個價錢就有呢個質素，衛生環境就更加唔好講，之前試過見到有老鼠，夏天去食會食到一身汗，無冷氣得幾把風扇，可能故意等你唔好坐咁耐。

好多屋邨商場逐漸被大集團收購，好多細鋪美味都執晒~前排上網見到陳根記都會執，襯得閒就同朋友尼回味下！以前成日尼食，但都有一段時間無尼喇尼到依到，大排檔既熱鬧不減，等咗陣位坐尼即刻嗌野食依到既招牌不得不嗌喇，wasabi手撕雞，又無骨，加上陣陣wasabi味，好好味茄子煲又係好惹味既，都唔怕太油，味道又夠蒜蓉蒸開邊蝦，蒜蓉味重得尼唔怕苦 腐乳通菜，份量好多～味道唔會太重陳根記既小菜都唔錯，不過唔知之後再有無得尼食喇⋯