陳根記 (已搬遷) 新店位置

同成班同事都係沙田返工.當然要去陳根記試下啦.我地叫左椒鹽瀨尿蝦,Wasabi蟹籽手撕雞,孜然一條骨同埋椒鹽鮮魷,3個字:平靚正,同埋怛價比好高.OT完食個大排檔真係人生一大樂事.夠獲氣夠火喉

聽到沙田大排擋老店陳根記三月有機會結業就相約同事們去食拉 大既8點到左 等左廿分鐘到就有枱了 叫左5個菜 有一個小炒王無影到相既 全部都一般般 小炒王係入面黎講算出色小小 但椒鹽系列令人尤其失敗 賣相太差了吧 啊一古

星期五八點鐘黎到馳名陳根記 座無虛席 搵位絕對唔系拎票 系要靠自己物色就快食哂嘅枱😂Oh no !!! 8:40pm 已經無哂招牌手撕雞😣😣唯有下次再黎一嘗美食😅1️⃣煎蠔餅煎得香脆 不過食落就 d蠔去哂邊呢 勁少😣2️⃣椒鹽鮮尤做得出色 唔似出面炸到黑麻麻咁尤魚好厚身 好大碟!! 伴酒一流!!3️⃣招牌雞有雞潤 即系新鮮雞😅😅??唔知 不過雞好滑 正4️⃣腐皮卷見好多枱都點 不過小編覺得卷得太實 口感麻麻地5️⃣金銀蛋時菜正常水準 d菜唔老!

好可惜佢地就黎唔做，等左好耐位都值得嫁👏🏻😊所謂雞有雞味，講下笑姐，實際係佢好滑，可以話係啖啖肉😍，食肉獸plz go for it!😽😽那食大排檔又點少得蠔餅wor!!!每一啖都咬到大啖嘅蠔，佢已經放左魚露同胡椒粉落去調味，吾會太咸，好好食，可以話係大！滿！足！沙拉骨有少少芥末味，一舨啦🙂冬陰功湯煮蜆吾辣，但份量好多，個底仲有粉絲，d 粉絲索曬精華最正！！！🤗叫左6枝自製菊花茶🤣下下火呀四人食，埋單每人大約150😎抵食希望佢地可以搵地新地方做落去😭

聽講就搬 所以試下這間大排擋,閒日放工過去,經沙田廣場,再直行直行直行...印象行好耐差不多8點時間,嘩 人頭湧湧.....每張台都有人企係到等,用餐既人壓力都幾大我地最後都要等20分鐘先有位...第一時間點佐最出名既 wasabi蟹籽手撕雞, d料幾特別:海哲,蟹籽,青瓜絲同火腿  味道不錯, 幾入味見甘多人推介食黃金蝦就試下, $168 有八至十隻 我覺得咸旦蛋味幾濃 送飯不錯  不過蝦肉無乜味茄子煲 還好雲南小瓜 炒得夠獲氣腐乳通菜 無乜腐乳味估你唔到腸粉 個名幾搞笑 食落都仲有個蠔仔同蜆  都一般般...最後食埋個芒果一口酥,可能唔係季節,芒果有d酸不過價錢真係平民價, 每人只不過$120, 好抵

正常食晚飯時間就一定要等位，六點去就幾穩陣會有枱。Wasabi 手撕雞就一定要食架啦，唔洗諗有位既立即就叫左先，如果唔係咩都冇。唔好期望有咩人serve 你，啤酒，甜品自己去俾錢去拎！估你唔到砵仔腸粉，鹵水拼盤，腐片卷，羊腩煲超好食。海鮮都唔錯，開邊蝦，扇貝，烏頭，可以一試！搵返十個朋友去，叫返十幾個送先叫食過陳根記！叫左十幾個送，八個人埋單都係百幾蚊，咁抵食唔怪得中大學生個個都識黎，莊聚輔聚都一定要黎！環保小貼士，如果唔用膠枱布就好了。

Decide to visit the one of the most popular 'Dai Pai Dong' in HK before it close due to the estate development. The ambience made me feel like back to 90s, the settings of the tables and chairs and the central kitchen are the traditional Dai Pai Dong set up. Okiee let's back to the food. We've ordered around 8-9 dishes for 4 people. I would recommend the steam garlic prawn, fried oyster pie, wasabi chicken and the roast goose! In general their taste are a bit salty so highly recommend you order

▶️之前新聞報導講—沙田禾輋排檔陳根記— 就快租約期滿,趁早租約期滿之前去食😛▶️店內掛滿招牌菜式 介紹本店必點食的🤭▶️這個椒鹽九肚魚 整到金黃酥脆 炸到金黃色剛剛,好好味到不得了😯▶️這個金銀蛋灼白菜仔 好似無咩特別 但都好食🤣▶️這個不得不介紹這個招牌菜Wasabi 手撕雞雖然辣而不嗆 食落去過癮一陣陣Wasabi味道▶️店內燒味 掛住曬 看見很多人點燒味或滷味呢😂▶️一度晚上下午 很多人群 來食飯聊天和🍻😌

聞說陳根記就黎唔做，所以就相約左一班好友去個度食多次飯，懷緬下以前既美好日子。我地叫左幾個小菜同埋兩個粉麵飯。包括有椒鹽豬扒 (HKD 58)，魚香茄子煲 (HKD 58)，菠蘿咕嚕肉 (HKD 58)，時菜炒肉片 (HKD 58)，滑蛋炒蝦仁 (HKD 58)，楊洲炒飯 (HKD 58)同埋干炒牛河 (HKD 38)。椒鹽豬扒賣相唔錯，仲有青椒同紅椒，味道略帶微辣。魚香茄子煲就非常香，又足料，但略為油左少少。菠蘿咕嚕肉就賣相非常靚，又夠酸，非常好既開胃菜。滑蛋蝦仁就有好多同好大隻既蝦，啲雞蛋炒得好嫩滑。時菜肉片就有炒牛肉同埋菜心，分量都唔細。至於個牛河同炒飯，就穫氣十足，味道唔錯。

聽講陳根記快結業 要食趁快嚕🙈是日優惠呢 係醉翁烏頭係凍食嘅 食嘅時候點啲花雕酒食 好味道👍🏻wasabi蟹籽手撕雞 $80呢到嘅招牌菜 有淡淡wasabi味配上蟹籽 青瓜絲 同火腿 口感不錯例牌分量都唔少👍🏻除左小菜之外 呢到嘅甜品都好多選擇👍🏻芒果一口脆 $36外脆內冰凍 爽呀❄️可能芒果唔係時令 酸左少少不過我是很like的💓👍🏻再叫左個熱食甜品 椰香西米焗日式紅豆布甸 $36佢嘅外表好似焦糖燉蛋 好靚好多西米 要食到中間先會有紅豆注意呀⚠️要自己揾位同落單要早去喔 唔係有排等🤭環境的確有點逼 同埋好多人穿穿插插呢到食嘅係風味喔🙈

最近同朋友係沙田行完山，突然醒起有間叫陳根記嘅大排擋，因為早前係FB見到有報導話可能就快要結業，所以即刻決定去支持下第一次去到見到有好多人等緊位，尤其當日係星期六晚，十分熱鬧，我同朋友周圍問人先知道係自己搵位搭枱坐，好彩我地得兩個人，好快就搵到位我地想叫網上話最出名嘅wasabi 手撕雞，可惜一坐低已經聽到話賣晒，唯有試下其他菜式啦，我地點左椒鹽瀨尿蝦同沙爹牛肉粉絲煲，我諗太多人幫襯嘅關係，等左一段時間先有嘢食椒鹽瀨尿蝦炸得好脆口，份量都足夠兩人食，不過略嫌唔夠熱，同椒鹽味不足另外嘅沙爹牛肉粉絲煲就十分惹味，份量好多，有大塊牛肉、青紅椒、洋蔥等配料，可以送好大碗飯，值得一讚到最後我地想試甜品，原來要去另一個位排隊，當日我足足排左半個鐘先輪到我，可惜大部分甜品已經賣晒，芒果一口脆、芒果河粉等等已經冇晒，令我好失望，我唯有點左個焦糖燉蛋，質地好滑，但細細個嘅份量已經要$36，覺得有點貴大家下次如果想試招牌菜，真係要好早嚟食，今次就當感受一下大排擋風味，希望陳根記可以繼續營業啦，因為好有香港特色

去左幾次沙田大排擋先知原來呢間煮得最好食最有鑊氣初試大排擋都要排枱等位野食唔錯 但員工態度服務都麻麻衛生情況亦一般 -先介紹下食左咩先～人少少叫左三道餸食下冬天食蜆最肥美而且都清潔得好乾淨食落都冇咩沙 鑊氣都好足 仲配左三色椒一齊炒！-黃金蝦係我第一次試鹹蛋黃包住蝦 真係一啖肉一啖黃而且一啲都唔油膩食完到而家都回味無窮！-椒鹽白飯魚就對比前者較為普通但都可見廚房師傅功力一樣係唔油膩 外脆內軟每條都好完整-可惜太遲去食唔到wusabi手撕雞已經賣唒

最近聽講陳根記差唔多租約期滿，唔知仲續唔續到牌。我真係有啲擔心，因為都有唔少好正嘅食肆真係面臨結業嘅命運。今日同朋友都講起呢件事，就決定一齊用實際行動支持陳根記，去食餐晚飯。今日係星期六，都估到人會多，7點45分去到，真係幾乎張張枱都有人等緊，周圍行左都5分鐘，突然見到有一枱成圍人一齊走，我同朋友即刻閃左過去，最後8點順利坐低左，同另外3 group人一齊搭枱。眼見啲伙記已經好忙，唔太得閒理我地，我都唔執輸，一拎到落單張紙就快快手手落單。首先黎左腐乳通菜先，$50都幾大碟，黎到好青綠，我地又已經好肚餓，所以好快就食左好多，口感都幾好，不過係覺得唔夠腐乳味，成碟菜都見唔到有腐乳渣。然後就到椒鹽九肚魚，份量都好多，而且入口好酥化，外層脆卜卜，內層好熱辣辣，連啲骨都食得到，真心覺得唔係度度大排檔都做到嘅質素，正呀！最後亦係最期待嘅薑葱田雞煲，真係落左好多薑葱黎屈啲田雞，想唔好食都唔得啦，好夠穫氣，不過朋友就覺得有少少唔夠味，我個人偏向食得清淡啲，所以覺得岩岩好。陳根記我都食過好幾次，平均都好好食，質素好好，可唔可以唔好執????

呀妹介紹 齊齊去食其實今次係第一次食陳根記但一定要encore!!!又平又好食 雖然等左半粒鐘但值呀！蠔餅滿滿蠔 脆口蔥香唔會好多粉槳 蒜蓉蒸蝦 滿滿金蒜半飯燒鵝 皮脆肉嫩水煮牛肉 稍欠辣味蒜蓉扇貝 大隻非常5個人食左$600咋 抵食

大排檔風味一行8人食左9碟餸，每人$150有找，係抵食既！想燒鵝就要早D去啦，通常未夠8:00前就沽清...小小貼士如果未有位，建議話外賣（應該都可以俾你有枱先上）🙂見到手撕雞都好多人嗌，但係當我有位時已賣哂了，大家快啲去試下啦！聽聞陳根記就快唔做㗎啦！ 🍺可自㩦飲品🥤