陳福榮餅家

营业中

休息中

老牌餅家嘅麵包同唐餅都好有特色有時會有d連鎖餅店冇嘅款式😛今次就試左西貢嘅陳福榮餅家最出名嘅奶黃酥.🌟蛋黃奶黃酥 （$9.5)其實第一次去嘅時候係鋪頭行左成個圈都見唔到有奶黃酥賣🤔臨走諗住睇多次 好彩撞正有一底新鮮出爐先買到所以我同朋友都搵個位襯熱即刻食🤩奶黃酥酥皮名鬆化 而且裏面仲有滿滿嘅奶黃餡鋪頭仲有皮蛋酥都出名 下次都想試埋佢😚

嚟到西貢估唔到咁多嘢可以食，就連麵包舖都唔可以放過，一間麵包舖其實好多年前都開始幫襯！主要有兩款我哋會買嘅就係老婆餅$7.5同埋豬仔包$6😋😋老婆餅佢嘅餡超級多，而且好大件件，十分鬆脆，性價比極高！👍🏾👍🏾豬仔包有別於其他一般嘅麵包舖，佢外觀白白地，食落有的甜味，而且好鬆軟👍🏾👍🏾但價錢相比起一兩年前已經貴咗好多啦，豬仔包以前賣緊$4加埋$6，而老婆餅之前賣緊$6，而家$7.5，所以比例上加價幅度都幾大😥

係西貢做野 突然想想食個蛋撻都唔易因為呢頭好少餅店有蛋撻賣 （唔食連鎖店）呢間我有幫襯過佢菠蘿包 價錢尚算合理因為西貢咩都貴。不過味道質素都對得住個價錢講返蛋撻。係我中意既曲奇皮佢呢間亦只有曲奇皮賣我接近兩點去買 應該岩岩出爐一陣仲有微暖。5蚊一個 買4送1都對得住個價錢 個餅底幾好食 雞蛋都香如果新鮮出爐口感感覺更好不過我問過店員 佢話賣哂就出第二輪所以捕捉唔到確實出爐時間。睇彩數

星期五我沒有選擇出九龍，反而留在西貢墟裡面，偶然經過「萬年街」的主店「陳福榮餅家」，發現「陳福榮餅家」有肉類餡料，造型又很像美式薄餅的鹹味麵包食品，名稱叫做「煙肉蘑菇包」。「煙肉蘑菇包」外表是一塊被壓成圓形的厚薄餅麵包，再在麵包表面上鋪滿甜味沙律醬，還有被切細小方形片狀的煙肉火腿跟粟米粒，最後稍為加熱烘烤出來的鹹味麵包食品。雖然「煙肉蘑菇包」麵包以圓形狀態呈現，再在麵包上面灑火腿煙肉、蘑菇、粟米和沙律醬，令、「煙肉蘑菇包」給人強烈的「薄餅」第一主觀印象。但是「煙肉蘑菇包」實際上，食下去反而感覺有點像在享用，加入粟米、蘑菇、煙肉、沙律醬作為餡料的烘焙麵包多一點。「煙肉蘑菇包」整體味道偏鹹和甜，口感鬆軟反而不像在享用薄餅，像享用「餡餅」多一點。所以倒不如說「陳福榮餅家」廚房正在烘焗一個，加入了鹹味煙肉、甜味沙律醬，還有口感煙韌的煙肉，變成味道鹹和甜的煙肉蘑菇餡料麵包，名稱叫做「煙肉蘑菇包」好過吧。

西貢其實主要食海鮮 但係一早黎到 就當然黎到食個菠蘿包先 因為我見佢岩岩出爐 好新鮮 呢度嘅菠蘿包 皮好脆 超好食另外呢度個蛋撻都係$5.個好平亦都係我最鍾意食嘅曲奇餅皮 好有牛油味唔錯

入黎西貢 其中最出名嘅就係食新鮮出爐菠蘿包同埋蛋撻但一去到某店見到大排長龍就卻步一時醒起係我狗狗獸醫診所對面有間小麵包店 每次經過都聞到好香嘅烘焙味道就過嚟睇下佢有冇新鮮出爐蛋撻好好彩 真係啱啱新鮮出爐見到啲街坊個個都一打一打咁買睇嚟係好嘢喎$5 個 好抵食而且係我最鍾意嘅曲奇皮蛋味好夠濃 最重要係唔使排隊😂😂😂😂下次入嚟西貢想試埋佢其他麵包

我想說我在找幸福時，我位住西貢的朋友已給我溫暖及幸福，點解我咁講，因為在排萬里長城找幸福Pancake 中，她給我送暖，仲要係美食。一個由西貢街坊送我一個開業超過30多年的「陳福榮餅家」菠蘿包， 請救了我空虛的胃。天啊～陳福榮菠蘿包每個賣$5，大大個比拳頭還要大，味道不油不膩，面頭很脆而不乾，包身軟綿綿，質感有層次及彈性，好優質呀～性價比極高，可惜要入西貢才有。朋友話豬仔包都好好味，下次去西貢我必定會拜訪，如果想食又未有時間入西貢，就要勞煩西貢街坊買畀我食啦，哈哈哈。

去到西貢，見到呢間餅店既招牌寫住遠近馳名蛋黃酥我是蛋黃迷，所以毫不猶豫就買左一個試試。但極-失-望！皮超級的厚 完全唔鬆化，沒有中式酥餅酥脆軟化的口感。蛋黃亦不鹹香、唔似食緊鹹蛋黃如果肚餓 $8買黎果腹都可以但如果你係蛋黃迷 就可以免了。

今次真係嬲到寫食評。陳福榮係做街坊生意，我久唔久行過都會買早餐。每次都係行過時，見到門口位置放一盤新鮮出爐既蛋撻就會覺得好香而買。今日都唔例外，點知阿姐就從一盤唔熱既架上面攞蛋撻俾我。我：呢d係咪新鮮架？阿姐：全部都係新鮮既我隔住膠袋摸左個蛋撻皮一下，凍既。Ok，咁可能大家對「新鮮」既定義唔同啦我：我可唔可以要盤上面果d？阿姐已經擺起塊面，再同一個女仔細細聲講野，我企係度真係好唔舒服，既然你擺得一盤熱既蛋撻係門口引人買，咁我想食係咪有錯呢？平時比錢找錢都係門口進行，一手俾一手，今日我如常係將錢交佢手中，點知佢找錢時將個五毫子掉係佢後面既台面，我要行去佢後面張台汁番果五毫子，果刻真係超委屈，覺得自己好似黑衣咁。我知我唔係大客，就算我以後唔食都唔會影響你，但我都係鍾意你地既新鮮蛋撻，點知好似受氣咁。平心而論，新鮮既蛋撻，係好食既，不過骨氣更重要，多謝你地既一流態度，我以後唔會再買。

簡左一個麥包，比左錢之後先諗起間舖出名既係蛋黃酥同埋甜既豬仔包，還定本身就唔會食果d高卡路里高油高糖高脂肪既酥，但係鍾意食麵包既我極想試下甜既豬仔包，不過要等下次啦，食唔落咁多麥包4蚊，唔細，份量ok，食落去一個就很飽架喇，但係味道麻麻，好似有d甜，但係除左甜之外就冇其他味道了，冇麥香味，小小失望

今日十月一日假期，諗住去西貢行吓，點知多人到呢？！揾極都冇位泊車，於是去陳福榮餅家買咗甜豬包同皮蛋酥就走啦！多年前嚟西貢，見到呢間陳福榮餅鋪，門口貼咗d雜誌篇幅介紹佢嘅甜豬包，見個樣又幾得意，於是一試，果然...愈食愈上癮，雖然係冇餡，但外皮硬硬哋似傳統嘅豬仔，包入面就非常柔軟，少少甜味，好味！之後每次嚟西貢，都必定買半打返屋企，但試過有幾次四、五點就賣哂囉！上一次買埋佢嘅皮蛋酥，點知食過之後念念不忘，因為佢嘅餡整得好好味，香滑有薑味，皮蛋約1/4隻，唔會太甜，仲好似有奶黃味添，外皮好酥有嚼口，正！

過往幾年情人節都是兩口子的二人世界。今年的情況有點兒改變了 --- 由當初甜蜜的二人天地變成了嘈喧巴閉的三人行。說老實話，真是有點不太習慣....經詳細考慮後決定一行三人走入西貢食頓海鮮就當是慶祝過了。在往餐廳的途中，小友忽然大嚷肚子餓，幸好剛好經過這一間已有相當歷史的老餅家，能馬上走入去買幾件餅讓他止止咳，不然的話我想他便立刻發作了....還好這次小友的大嚷可以令小弟可有機會一嚐這老餅家的滋味，是有點誤打誤撞的意味....先試一口新鮮出爐的蛋撻。撻皮是軟硬及甜度適中的牛油皮，口感鬆化異常；蛋漿起了蝦眼泡證明夠晒熱辣辣，缺點是味調得有點過份甜，不過總的來講，算是值七十分以上的出品....眼前這個驟看似菠蘿包的東西，原來是自己在外餅店很少見到的菠蘿蛋糕。說穿了其實是將平常吃開的菠蘿包外皮舖在一個牛油四方蛋糕之上而已，不過論創意倒是十足的。至於味道方面亦是挺不錯的 ---- 菠蘿外皮鬆脆不硬如石頭，甜味很足；底層蛋糕牛油味香濃而質感帶濕潤軟甜。怪不得小友是吃至停不了口呢....這兩件東西的止咳指數相信不是太強的。若要終極去解决問題的話，此時唯有加快腳步直奔去餐廳可也....

特登入西貢食早餐對我來說是數年難得一遇的事情, 人生路不熟, 要去的地方暫時未找到, 結果見到陳福榮餅家, 一家好像很老牌的餅店, 還是決定先去買點什麼來吃。如果只可以買一樣東西, 那必然會是蛋黃奶黃酥 ($6.5) 啦, 人家都寫在門口了。買了之後一面走一面吃, 皮和餡各自是 OK 的, 是餅皮厚了一些; 但兩者合在一起就麻麻地, 即是皮太厚, 奶黃又太乾不夠滑, 起碼夠甜。大大個倒又幾抵食的。

鮮有機會前來西貢，雖然只有少少時間，當然也要找點吃的。這條街有兩間麵包店並排而開，我見「陳福榮」名字比較地道，放是便走入內幫襯。談食物質素之前，首先要講講服務。在這類街坊舖頭，我當然不會期望店員有親切熱情態度，但至少要保持正常的臉容，我亦犯不著要忍受黑面的對待。即使我在付款時對店員說聲「謝謝！」，她亦毫無反應，木口木面。開頭我還以為這位店員心情不佳，怎料轉頭有一些熟客走入舖子，她便像蜜蜂「嬲」蜜糖般情緒高漲。可能我不常幫襯吧，所以在她心中不用理會。至於五元一個的腸仔包，是店中較為「靚仔」的款式。味道方面，不比其他舖頭出眾。要我再來一次，難了！

八月中旬‧晴原本這裡沒有什麼吸引，從外邊見到寫着蛋黃奶皇酥是「首創」的，值得拿出六元買件試試。酥皮不算鬆化，奶皇香甜但不算幼滑，真的是原只蛋黃藏在中間的，感覺「罪惡」，但好吃。找一次遇着剛出爐，再吃。