陳記燒臘飯店

营业中

休息中

#陳記燒臘飯店 喺網上多咗好多人品提呢間陳記，話佢嘅性價比幾高，坐落喺旺角新填地街街口位，價錢唔算太平民，燒味雙拼飯$52，燒鵝$88以上。叫咗肥叉燒肉飯，店員話叉燒盡量肥但唔係同我講，係同我之後嘅客講，$52嘅雙拼飯賣相幾唔錯。叉燒算唔算肥見仁見智，但最起碼夠腍見到有燶邊。燒肉佢畀咗更受歡迎嘅腩仔，可惜唔啱我杯茶，因為我唔鍾意腩仔嗰種特別嘅味道，我就係鍾意燒肉少少瘦得嚟帶鹹香。本身冇包例湯，加一碗要$10。非常足料滾熱辣，紅蘿蔔夠甜係靚料，雞腳入味，青紅蘿蔔湯味道唔錯，單論呢碗湯$10抵比。如果淨係食呢間餐廳，$62食到一個唔錯嘅雙拼飯加一碗熱辣辣又足料嘅湯，性價比確係高。但如果對畀埋唔同區分較有名氣嘅店舖，好似柴灣新桂香，上環龍邦等名氣店，同樣嘅食物呢度就比佢哋貴。整體嚟講食物質素都可以，冇比較冇傷害，一比性價比即降低。仍然努力追尋心目中最愛嘅燒肉味道。陳記燒臘飯店旺角新填地街250-254號地下D號舖

叉燒望落去正正常常，一擺落口，嘩～～淋得嚟d肉有彈性～超好食～～腩仔肥瘦均勻～第一層係皮～再一層肥～一層瘦～一層肥～一層瘦～出現五層塔～～～簡直係無得彈！好食到唔記得影相😂😂例湯用料足～兼且無味精～雖然呢間鋪頭細細～員工唔係好多～～但個個都好nice~招呼好好～～咁啱食緊嘅時候見到有人送貨嚟～全部都係煲湯嘅材料～～難怪碗湯咁好飲～～～～～啱哂我呢啲無乜湯水嘅人士～我會將佢列入我嘅飯堂～～～～～

2個月內嚟過陳記兩次，頭一次食叉燒燒鴨飯（$52），另一次就燒鵝瀨（$58），兩次都出色。燒鴨：皮脆肉嫩多汁，媲美燒鵝，可謂「燒鴨價錢，燒鵝味道」叉燒：多汁軟腍，不錯飯底：失色左啲，飯煮得唔算靚，也唔夠熱。燒鵝：份量十足，唔會皮包骨！同燒鴨一樣皮脆肉嫩多汁，性價比很高。瀨粉：爽滑彈牙，湯底似福米的湯但暇不掩瑜！本人都是乜樂燒鵝瀨的支持者，無可否認佢個瀨粉同湯底真係一絕，好可惜佢嘅燒鵝有陣時皮包骨（據說話師傅斬到邊忽就邊忽到邊，睇運啦），而且份量比較少，每次食完都覺得唔係好飽。就咁睇相，呢度嘅燒鴨真係做到似燒鵝咁，味道也很相近。燒鵝是比燒鴨更肥美一點，那種皮的薄脆，配埋油香四溢但恰到好處的脂肪，同爆汁的鵝肉，完全光芒四射！5粒星！都唔好講性價比了，直情質素都比乜樂高。去開果欄，不妨試下呢間燒味，保證不失望👍

過返尋味啊，專做街坊生意冇廣告搶咗好多年，每一次食燒鴨燒，我都好幸福，因為佢啲皮好脆好新鮮熱辣，四寶飯嘅鹹蛋都超正，食過好多次都唔會話有啲腍啤啤或者燒燶燶嘅充數，價錢都唔貴一個四寶飯$58有燒鴨叉燒紅腸鹹蛋仲有兩條青菜添😘

收工經過果爛又肚餓，諗唔到食咩好，竟然見到有燒味飯食，即刻衝入去，舖頭都光猛，乾淨衛生，傳統嘅裝修感覺好老字號好正宗。試一記佢嘅燒味，就算夜晚都仍然有好多選擇，叫咗碟半肥瘦叉燒切雞飯加碗例湯，62蚊合理價錢。叉燒半肥瘦適中，夠沐夠入味，切雞亦都啖啖肉，好鮮嘅雞味。後來見到其他人介紹燒鵝，下次一定要再去試下，燒肉同樣都係咁吸引。地址：旺角新填地街250-254號地下D號舖港鐵油麻地站A1出口，步行約2分鐘

聽到「陳記」以為佢係深井果間嘅分店，點知嚟到一睇個門面，應該唔會有關係⋯既然嚟咗咁就試吓，$58燒鵝飯算平，D燒鵝就好一般，反而D飯又幾好⋯老婆叫咗燻蹄拼燒鵝瀬，都係$58不過佢有脾，好唔公平⋯凍檸茶$15，但一D茶味都冇，例湯$10，幾夠料，味道一般而已⋯

由紅磡搬咗嚟新填地街既陳記。以前成日幫襯。因為佢地嘅燒味好好味而且價錢一啲都唔貴。今日終於嚟佢地既新鋪喇☺️好懷念大家。個個都冇變。非常親切！食左平時食既切雞燒鴨瀨粉。水準依舊好味。好滑！😋下次要食返佢地既燒腩仔。因為記得好脆口😬(新鋪仲多左好多款式嘅燒味)

餐廳：陳記燒臘飯店 (旺角)地址：旺角新填地街250-254號地下D號舖平時屋企唔夠餸你會點？我屋企就會去街市斬啲燒味嚟做餸🤤，今次行過旺角新填地街見到呢間陳記燒臘飯店掛住啲好靚號燒味😍，廚師仲要喺後生仔👨🏻‍🍳，一於試吓佢地嘅燒味如何中午食飯時間都幾多人，好彩早咗少少嚟唔洗排隊，店員介紹話佢地嘅燒鵝脾係最出名，雖然貴少少，但係講到咁就無得唔試啦😎叉燒燒鵝脾瀨粉 $118好耐無食過瀨粉，有幾次去茶餐廳/燒味店都話無晒貨，呢間終於有喇😋！鵝脾原隻上，肉質鮮嫩肥美，皮同肉之間帶有啲啲肥膏，食落更香口吸引，連埋燒鵝汁一齊食真係無得頂，不過個人就鍾意無咁多肥膏嘅😆燒肉叉燒飯 $52叉燒肉汁豐富，肉質比較多，中間帶有少少筋同肥膏🤏，咬落有蜜汁香，亦唔會好韌；燒肉唔會太肥，燒肉皮依然香脆可口，蘸埋黃芥末嚟食一流🤪，$52嚟講份量都幾多👍

聖誕假期前，相約舊同事見面，她居位在旺角一帶，我便去旺角找她。香港不少燒味專門店及快餐店供應種類多元的燒味，舊同事帶我去「陳記燒臘飯店」，食店人流很旺，被它的廣東燒味所吸引，打算進入「陳記燒臘飯店」外賣覓食。店內特高樓底，人多也不感覺侷促，空間感很好，環境舒適，二口子或一家人到來享受美食都適宜。飯店可以看到廚師預備給客人的各款食品，提供很多款式，看見師傅的手勢很好。餐牌上設有廣東燒味的款式及價錢，美食當前無法抵擋，放縱一下自己，吃得滿足一點，我們都很鐘意，價錢很相宜。我打算外賣玫瑰油雞半隻，燒鴨半隻及燒鵝及燒腩仔飯，選擇後，可以到收銀處付款。玫瑰油雞 (半隻)玫瑰油雞賣相討好，令人垂涎三尺，食落啖啖肉，肉質鮮嫰，口感細膩煙靱，厚薄適中，保持彈性，感覺很滋味。燒鴨 (半隻)燒鴨口感嫰滑，但又不會韌，皮肉有嚼勁，令人心曠神怡，感覺很不錯，口感卻截然不同，帶到另一個新層次。燒腩仔及燒鵝飯飯香有口感，燒腩仔很大件，厚身脆皮，紮實彈牙，肉質豐盈，燒鵝帶有光澤，啖啖肉咬下去鮮味撲出來，肉質爽口，唔會太過熟，恰到好處，仍然保留了誘人的味道，味覺和口感湧現出來，令我喜出望外。陳記燒臘飯店（旺角） 地址

My wife called me suddenly to ask me to pack some meat back home, thus i just went to a nearby roasted meat restaurant. 陳記燒臘飯店 was located at reclamation street, couple of minutes walk from Yau Ma Tei MTR.They are a traditional roasted meat store, with all types of assorted meat displayed on their glass window in front of the stall. They sold roasted pork, BBQ pork, suckling pig, roasted goose, chicken and sausages etc.  BBQ pork was marinated till juicy, sweet in taste. It was chewy as well. Ro

燒味 陳記燒臘飯店 地址: 旺角新填地街250-254號地下D號舖電話: 27143386==================唔知有幾多人似我咁，好鐘情於廣東燒味，一來自己是一個食肉獸無肉不歡，另外就是小時候家中環境並不富裕，要過時過節或有喜慶先會有燒味加餸半隻玫瑰油雞$65 ，好抵，過時過節加餸岩岩好。撞正年月聖誕又唔可以夜晚出街食，都幾多煮婦買。$128 一斤蜜汁叉燒，好香架蜜汁，要了略瘦位置因家母年紀大，唔想佢食太肥，有啤酒紅酒我一個人可以食曬一大盒。切成大細一口一大粒，富有肉汁惹味，甜味加豉油撈埋好下飯架 ! 呢盒2個人食到兩餐，中午煎隻蛋仲可以自家製黯然消魂飯。

星期六同呀媽行完街，佢唔想煮飯，所以我哋搭車返屋企前先買啲嘢食做晚餐🥢。油麻地地鐵站附近有間新開嘅燒味店－「陳記燒臘飯店」。店舖果然係新開張，因為招牌都仲係封住紅紙，但眼見好多街坊幫襯👏。餐廳環境正正常常，好傳統嘅燒味舖裝修。我哋食得唔多，所以嗌咗一盒飯，同再斬料。師傅即刻斬，外面玻璃望入去廚房都幾乾淨👍。燒鵝髀切雞飯($128)，一盒飯果然夠我哋食🍚！燒鵝髀好巨型，肉厚，而且鵝肉香味真係明顯比鴨肉強。燒鵝皮拎到返屋企微脆，可想而知堂食應該更出色。🐓切雞白𠽌𠽌，但味道唔會淡，鹹香度剛剛好！蜜汁叉燒($128/斤)，半斤叉燒份量都好足，🐷叉燒係半肥瘦，個樣超靚，食落同樣美味。叉燒多汁，調味唔會太甜太重口味，肉質唔鞋，整體係幾正。餐廳仲有好多臘味賣添！總括嚟講，雖然餐廳係一間平平無奇嘅燒臘店，但燒味味道完全唔失禮。我幾時都話靚嘅餐廳都不及好食嘅餐廳。因為前者你只會去一次，但後者你就會再三幫襯，就好似陳記😋。

陳記燒臘飯店係油麻地新開一間街坊燒味店，大除夕有得放早，放工經過見倒啲燒味幾正咁，就斬料返屋企加餸一家人食餐好啲嘅。燒鵝上庄($110) - 外賣燒味比堂食平少少，其中燒鵝上庄就只有外賣冇堂食的。個人唔係好鍾意下庄太肥又冇肉，所以肥瘦適中嘅上庄就啱晒我。鵝肉細嫩，鵝皮下面基本上冇乜肥膏，唔會食到成口油。我要求唔好淋汁，所以拎到反屋企，鵝皮仲帶少少脆口，絕對唔比人氣燒味店差。蜜汁叉燒($128/斤) - 叉燒我叫左$90，有大半斤都幾大盒。叉燒肉質鬆軟富蜜味，只係略嫌切得薄左少少，切返厚少少口感更好。

屋企人真係好鍾意食燒鵝但是一定要搵隻燒鵝先叫過癮其實幫襯咗呢一間陳記燒鵝好耐真係好鍾意佢外邊嘅傳統裝修環境勁乾淨同埋實在好近果欄所以好方便因為買完生果就可能即係過去價錢唔貴 二百幾蚊半隻激大燒鵝.✅原隻燒鵝勁大隻有甘香有油香 好香又惹味唔會有油膩感 有少少青草味點埋酸甜醬真心好正燒鵝好多肉勁大隻 性價比好高😘😘✅蜜汁叉燒入面夠晒滑外面夠脆 叉燒好鬆軟入去好juicy好香蜜汁.其實老實講我已經成日食不過唔想大家忽略咗呢啲隱世美食🙈

尋晚經過油麻地見到呢間燒臘餐廳幾吸引😍諗住買外賣返屋企食～餐廳主打燒臘，有燒鵝，燒肉，切雞，油雞，叉燒等等～感覺都幾正👍🏻燒鵝拼切雞$140好香嘅燒鵝🥰外皮脆卜卜🤩大大嚿😆仲有燒鵝髀添☺️食落啲燒鵝肉汁流出嚟，幾正👍🏻白切雞幾新鮮💕而且啖啖肉～肉質幾爽口🤗送飯一流😋燒肉$68半斤好鍾意食脆皮嘅燒肉😍呢間餐廳嘅燒肉皮好脆🤩燒得幾香☺️而且又唔會有好多肥肉😆食落都冇咩罪惡感🤣幾正👍🏻