陶源酒家 (已結業)

轉眼已係公司渡過第 11 個年頭，我既青春呀﹗望望有咩鮑參翅肚，原來跟某年某日一模一樣。藍色桃園金月萬壽宴，即燒原隻奶豬、原隻鮑魚伴玉掌、高湯美國龍蝦伊麵、綠野仙踪玉帶象拔蚌、宮庭雞煲翅、清蒸原條金花尾、鮮蟹肉扒翡翠、脆皮黃金雞、杏仁茶、松露帶子炒飯、高湯鳳城水餃。Moran，樓下買幾支紅酒邊食飯邊飲飲，百多元一支，質素變滿意的。即燒原隻奶豬，是否真的即燒呢？就真的不知道，不過真的熱辣辣端上。大家都好肚餓，飲杯飲勝，殺呀﹗竟然每位都抑壓著情緒，保持高貴的儀態，慢調斯理溫柔地推轉盤只夾一兩件。不如讓我先來吧！客氣生疏真係食少好很多架。前中後每個部位都夾少少，再沒收埋對豬腳，識食梗係要食晒所有部位！驚喜的味道與質地，鬆脆不油膩的豬皮，薄薄的油脂甘香滑嘟嘟，還要併上鮮嫩多汁瘦肉，咸味得宜開胃，不過份不混濁，調得美味剛剛好！添砂煻一個味，添乳豬醬又另一個味，各具風格同樣出色。何解從來未見過片埋豬頭肉比大家食呢？方便又不會浪費。原隻鮑魚伴玉掌，十個一圍可以食多碟，多謝各位厚愛！最後我吞左 2 隻鮑魚、4 粒西蘭花、6 隻鴨掌咯，滿足暢快！薄薄鮑魚充滿鮮鮑味道，用鮑汁扣回，嫩彈有鮮味，當然不會出現

幾年前幫襯過陶源覺得味道麻麻，估唔到今次誤打誤撞入左黎飲茶，啲野食勁好味。不過首先講下環境，都幾舊，枱與枱之間有冷氣機滴水，情況有些少嚴重，啲枱布舊，有啲穿左窿。環枱與價錢落差幾大，不過好在碗碟筷子洗得夠乾淨唔油。食物方面:# 蝦餃 # ***** *** 8/10餃夠大隻，鮮甜，皮有少少煙un感，唔錯。# 奶皇千層糕 # ***** *** 8/10好香奶皇同雞蛋味，夠軟綿，很可以。# 山竹牛肉球 # ***** **** 9.5/10超軟滑，唔粉，好juicy，超好味，所以食完一碟又叫左第二碟啊!# 沙巴鮮蝦燒賣皇 # ***** *** 8/10好味，足粒，size唔太細。# 蜜糖叉燒腸 # ***** *6/10腸粉好軟滑，但我比較鍾意有少少咬口既同埋鞋口既腸粉，哈哈。# 蘿蔔千絲穌 # ***** **** 9/10好鬆化，入面好軟綿香甜，滿滿既幸福感!# 蜜汁叉燒包 # ***** ** 7/10OK啦唔錯。# 上湯灼菜心 # ***** *** 8/10好幼嫩既菜心，好鮮甜!可以再黎!

24/3 9.30上到酒樓，冇人帶位要自己搵位。禁見到佢地樓面得幾個姐姐同一兩個經理，大家都‘自助’斟茶水同自己搵人比單。但係我入坐既時候就見個經理同枱客social，其他姐姐忙到死。禁我都唔例外自己去搵個經理落單，見到個個經理重同緊同一枱social，我就好態度禁叫‘唔該靚女’，跟住佢冇理我，然後我左叫多次，佢啤左我一下然後搶走張單轉身走，態度真係極差，比錢買難受以前宜間野係高級酒樓，宜家覺得佢重cheap過個d點心鋪，環境又污糟

家人的baby百日宴，擺左4圍，食物再次有驚喜。乳豬保持水準，鮑魚好好味(雖然有部份人話唔夠淋身)。驚喜: 鮑汁伊麵、荷葉飯唔油膩，蟹肉花膠翅加了金華火腿咸香適中。特別驚喜: 法式鵝肝卷(類似沙律海鮮卷)，清新的青瓜配搭香濃的鵝肝，全場讚賞！店員細心又主動幫忙！希望下次再來有其他驚喜。

初三赤口，依然仲有好多酒樓，餐廳都末開，所以隨便選擇屋企附近的陶源酒家和婆婆飲茶。點心選擇不多，加上初一和二都不斷飲茶🙈🙈，所以就求其點左幾個點心加個炒麪，至在同家人團聚傾下計。蝦餃牛肉球 - 有D馬蹄粒，都ok芋絲春卷 - 不太脆鮮蝦菜苗餃 - 不錯野菌脆皮腸 - 料不是太多，腸粉不是太脆叉燒包金錢肚 - 味道正常，失望既係用左芋頭做底，不是蘿白❗️小插曲，可能因為新年有好多炒散part time, 單有D亂，我地叫左一碟春卷，佢就話我地入左2碟，不斷再送上第二碟春卷幾次😒最後叫多碟肉絲炒麪，肉絲炒得有D黑 ❌❌，麪就正常總括，點心一般，沒有驚喜。

足足一年無黎，裝修左又靚左喎，無似前咁殘舊咁娘氣。又一年Annual dinner！Menu 寫住彌月賀壽宴？真有趣。即燒原隻乳豬、原隻鮮鮑伴玉掌、高湯美國龍蝦伴伊麵、綠野仙蹤螺片珊瑚、紅燒大排翅、清蒸原條金花尾、鮮蟹肉扒翡翠、蒜香黃金雞、明太子炒飯、高湯鮮蝦水餃。全力以赴食到爆晒 quota，好飽啊！六七件美味香脆乳豬、兩隻半鮑魚、三隻鴨掌、五舊西蘭花、三碗紅燒排翅、六七件螺片珊瑚蚌、三舊巨形龍蝦球、三小碟伊麵、一小碟鮮蟹肉排豆苗、五六舊虎斑肉！頂多一件炸子雞！多謝我食唔落喇，滿瀉！仲有炒飯、鮮蝦水餃、杏仁茶、蛋黃蓮蓉壽包、糕點、生果，完全食唔落，哈哈。大家都好肚餓喇！已經 分仲未開得飯，最後八點幾先入席，個個坐定定再等到八點九先有得食，餓死人咩！有無時間觀念架，有無諗過其他同事架，成村人等您地幾個，離晒譜！鐵觀音，我真係唔想飲酒呢，嘆壼鐵觀飲夠晒，最後都係不能幸免於難，同事及老闆又出力狂隊我，勁無奈﹗我要留肚食野，唔想飲呀！每年都想免疫不需掂酒精，依舊走唔甩﹗未食野已要飲香檳加紅酒喇，慘慘慘。燒奶豬，侍應阿姐先帶隻未斬既燒奶豬繞場一周再攞返去廚房剪開，話唔斬用剪會更好。隻豬細細個

上個禮拜六，與家人預訂房間，舉行第四季生日盛會。每席優惠價$4xxx，最出彩當然是主角-鮑魚和子母蟠桃(壽飽套裝)。食物不油膩，味道剛剛好，一家人開心又滿足。雖然在Openrice發現好多負評，但今晚發覺其實並不差。值得encore！

今日去了黃埔的陶源酒家 。感覺就是普通飲茶feel。但價錢略貴了一些。食物質素普普通通。海蜇薰蹄～～～～海蜇都夠彈口，有彈力。薰蹄夠入味，肉質不算「鞋」，都可以的。羅漢上素蚊伊麵～～～～～旁邊有伴着兩條菜心。伊麵軟硬度適中正常。伊桃麵條鹹鹹的，普通沒有什麼特別。蒸排骨～～～～～可能排骨肥膏都幾多，所以排骨的肉質都幾軟滑。但正正因為肥膏多，所以排骨肉不算多。食完覺得和其他茶樓差不多，反而價錢覺得貴過其他茶樓。是地段不同吧？ ？ ？所以價錢不同？ ？ ？

一行七人到這處吃朋友的慶生飯， 叫了半圍品味宴，再加多一位錢 ($280), 講明只有蝦和鮑魚才有增加一位份量，其餘都是半圍的份量，這是可以理解的。 我們一坐下便點多了一碟乾燒伊麵，叫侍應姐姐上飯的時候一起上，菜陸續來了：乳豬 - 皮脆肉嫩，份量亦相當足夠帶子象拔蚌 - 原隻帶子， 有咬口 ，象拔蚌雖然不多， 但亦起碼每人一件冬菇鮑魚 - 六頭鮑有鮑味，冬菇爽口蝦球 - 沙律醬味道恰到好處，蝦球亦爽脆翅湯 - 每碗都只是有幾條翅邊， 最重要是成碗湯鹹到冇朋友菜 - 可能真的是不時不食，成碟豆苗非常老，需要相當的牙力去咀嚼魚 - 大約20両重的海星斑，蒸得剛剛好， 非常滑一品雞 - 非常廋，但炸得很香脆 ，肉有點鞋福建炒飯 - 飯炒得很乾身 ，配料亦相當足夠，非常美味，我們吃到碟底朝天後加的乾燒伊麵 - 伊麵很碎，草菇很大粒 ，味道亦不錯，吃起來相當煙韌紅棗糕 - 味道不太甜，沒棗味，但相當煙韌不得不提他的招呼，實在很差， 一早叫的乾燒伊麵，沒落單 ，一碟食翅用的醋，叫了三次才有，叫他換碟，全枱只換了一隻總括來說，味道有點強差人意，埋單2160個大樣，亦都不可說化算

31/12早上10:30到上址飲茶、攞位等了10分鍾不到、有枱入座後、沒有人招待！開茶、再等了一陣見到一名老老地店员、招手她只係望了我一眼便走、沒有再理會客人、這是一間咩酒樓、把鬼火起身走人……不知所謂！！

難得飲早茶，到在家附近的這間陶源酒家。坐下已發覺餐具不太清潔，要洗兩次，才放心使用。點好食物，轉眼還要見到一隻曱甴，向部長示意後，答案是「哦，蟑螂。」然後，他若無其事走開，完全沒有處理的意識，行開便算，服務態度欠奉，還要是部長，印象極差，這裡收費不是便宜，但基本訓練不足，可見集團管理一般。食物不算差，基本的點心，沒有什麼驚喜之作，但是沒有了胃口，也沒有了享受早茶的心情，也不再想久坐，快快結賬離開。

食到我好嬲啲野食外貌差又冇特別食咗一個鐘唔夠飽諗住再叫野食叫咗三樣野落咗單半個鐘先到兩樣野孖寶個個排骨飯落咗單半個鐘先同我講話冇曬有冇搞錯 落咗單半個鐘先知啲野冇曬架咩？轉咗另外個腩片飯又等多半個鐘先到啲員工服務態度又差仲要唔夠員工做野拎咗一堆野食出黎就咁放上枱又唔打算派跟著俾單個經理落又係咁同個客傾計 叫幾次先聽

咁又一星期la 又係happy friday了。撞啱同事生日所以大家鐵定一早book陶源飲茶賀一賀佢感覺上黃埔好似好多酒樓但其實黃埔選擇唔多要坐得舒服d嘢食又好味一定係得佢 今日friday lunch唔算多人 埋位唔使點諗例牌叫咗炒飯 松茸餃 炸兩 叉燒腸 大大個壽包 鮮竹卷 菜 蝦餃燒賣等等 最正當然係果大壽包 新鮮熱辣 蓮蓉甜度啱啱好蛋黃亦都留有非常滿意！！！服務員態度唔錯主動幫我地影相 整體都唔錯餐具清潔 環境又唔會太嘈吵

呢間嘢喺我心目中不嬲都係 中上酒樓我一入到去見到啲窿窿檯布就知道佢已經淪陷啲枱布唔止有窿窿仲要有茶漬水漬雖然大致上啲嘢食合符番佢嘅價錢 但係已經唔夠以前好食其實佢已經好努力擺返啲中上價錢菜色入去好似柚皮咁呢味餸係超級難整好考功夫如果唔係老字號酒家絕對唔會花心思係呢味餸身上因為搵唔到錢呢個餸佢整到一咬就淋曬 一pat嘢咁仲要有苦澀味餃類蒸得太耐 有少許滴水情況真係一啲都唔合格反而乾炒牛河有驚喜河粉夠曬滑老實講我真係冇食過啲咁難食嘅涼拌木耳木耳非常乾身好似擺咗落個雪櫃三日咁腸粉唔夠滑反而乳鴿有驚喜夠juicy

不值一去的食肆，毫無服務可言，枱布有十數處污漬都仲鋪，柯打干燒伊麵一個鐘都未提供，服務生一點歉意都無，好似我地黎討飯吃，叫乳鴿無乳鴿，叫燒肉無燒肉，最後改叫半隻鷄，但九個字後先上枱，因為要等其他枱柯打另外半隻，等結業啦