陶源酒家

营业中

休息中

看得出員工為每個菜式製作及效果下了不少功夫！而且廚房師傅烹調的味道有水準！為菜式擺盤錦上添花~令到每道美食呈現為一件藝術品！真心為愛打卡人士而設！這個一定要點讚的！

20年老牌酒家原來除咗鮑魚出色大閘蟹都值得一試📍地點：荃灣🍽️菜式：中菜💰人均消費：放題HK$528起🔖服務費：✅🧻餐巾/ 濕紙巾：✅ 🪑座位類型：方枱 / 圓枱📝落單方式：侍應生落單 / 點餐紙落單【大閘蟹放題】💰HK$528起農曆9月至11月係大閘蟹當造季節，食大閘蟹梗係放題先夠過癮，今年就揀咗陶源酒家嘅大閘蟹放題，五百幾蚊可以無限添大閘蟹，大閘蟹都有三款口味，【清蒸大閘蟹】、【太雕大閘蟹】、【油鹽焗大閘蟹】，小編最鍾意清蒸可以食到蟹嘅原味，同埋油鹽焗就好香口。.大家最關心應該係夠唔夠多膏！訂枱前小編有上網做research，睇返早一兩年嘅comment，都話陶源嘅蟹公質素麻麻哋，不過由於屋企人蟹公蟹乸都鍾意食，所以就抱住不妨一試嘅心黎試吓。放題唔可以揀公乸，現場實測公乸比例大概八比二，不過呢個實測只限小編呢一檯。另外小編自己就拆咗六隻蟹，只係有一隻比較少膏，呢個比例絕對可以接受。.呢個放題另外仲有片皮鴨及多款小菜任食，成晚都好忙不停食，120分鐘略嫌唔足夠。.甜品有紅棗糕、脆麻花、馬拉糕、楊枝甘露、蕃薯薑湯等....食完蟹飲返兩碗薑湯成個人舒服晒。.不得不提荃灣分店侍應態度相當良好

【 冬至相聚慶團圓。陶源酒家 】 🍷冬至將近，又係時候與最愛的家人親友相聚慶團圓，一家大細做冬，食中菜就最啱喇！可以慢慢品嘗豐盛美食，又可以同摰愛談天說地。🐟我哋今年係「陶源酒家」訂咗一圍 #冬至歡聚宴，係有9道菜的滋味中式佳餚，每道菜式份量都好足料，食材矜貴又高級，菜式擺盤精緻，滿足哂所有人口味。🦞陶源酒家有信心保證的鮑魚，肉質彈牙，非常入味！即燒脆皮乳豬十分香脆，我哋勁快清碟。上湯澳洲龍蝦伊麵，伊麵完美吸收晒龍蝦的鮮味，小朋友鍾意到爭住食。仲有老人家最鍾意嘅大壽桃，色香味俱全，為呢個晚宴畫上完美句號，每個人都食得好滿足呢！ #冬至歡聚宴✅即燒脆皮乳豬✅蠔皇鮑魚伴大花菇✅上湯澳洲龍蝦伊麵✅紅燒花膠蟹肉翅✅翡翠炒帶子蚌片✅清蒸海虎杉斑✅脆皮黄金雞✅蟲草花珍菌泡菜苗✅生炒糯米飯💕一家人開開心心相聚係一件好幸福嘅事，預祝大家冬至快樂，幸福美滿！

天氣轉涼❄️到咗食蟹公嘅時候啦!即刻book枱去陶源酒家食放題💨💨大廳環境超靚! 枱與枱之間好闊落!放題本身包咗無限嘅大閘蟹🦀🦀🦀每位送原隻鮑魚! 超大粒!不愧為鮑魚專門店🫢厚切黑毛豬叉燒! 好好味! 記得趁熱食🤤金湯遼參! 蟹粉豆苗! 蟹粉米餅! 清晒!!🤤🤤仲可以無限食片皮鴨同6款點心添!20隻清蒸大閘蟹一次過上!! 📸📸📸📸每隻都有拳頭咁大! 新鮮而且好多膏!密密拆! 2個鐘頭我居然食到9️⃣隻! 😎✨特別令我覺得好滿意! 餐廳職員服務好好!!上菜好有禮貌! 中途問吓蟹嘅質素如何？臨走前仲會好細心咁提你飲碗薑茶先走💯💯💯

🍽️食物方面：🦀有三款 最好食係清蒸🦆片皮鴨大嚿肉即切即拎🐷西班牙黑毛豬少少肥一份兩件 要趁熱食👤每位1️⃣份蟹粉小籠包 皮太厚 肉汁👌🏻鮑魚椎茸 意外地唔錯想再食金湯小米遼參 唔知食緊乜放棄蟹粉豆苗 無乜蟹粉味當清下口🥢自助區啲嘢食唔吸引包一籠三件太多 驚嘥無試甜品區主要係2款糖水飲咗2碗薑茶地瓜驅寒出過一次芒果布甸但無奶小心燉奶個碗係爛嘅‼️🔈環境方面：冷氣超大 🚾要出去侍應服務💯有禮貌又細心💬其他資訊：📍陶源酒家 (荃灣)荃灣沙咀道6號嘉達環球中心地舖💰Klook優惠💲440, 收+1

因為在優惠訂購平台揀錯地點才來，看完reviews做足心理準備，好在冇評論中咁差點了3轉蟹，上蟹速度快又夠熱，除了個別侍應較豪邁（拋支筆落枱畀我哋），整體服務有禮，勤換碟倒殻，last order前又特登問要唔要添蟹可能reviews太嚇人加上地點較僻，客人不算很多，反而幾好坐幾舒服

早幾日玩OpenRice快閃遊戲，幸運咁拎到$10 Rice Dollar，就睇吓有咩著數餐飲券啦！見到陶園酒家原價4百幾蚊片皮鴨，只係需要$108就可以外賣返屋企食，平時外賣炒粉麵飯就食得多，今次有啲新意 - 試吓外賣片皮鴨啦！4個外賣餐盒有兩盒鴨肉，全部大大塊，一盒主要係皮，另一盒就肉為主，一盒青瓜、京蔥同醬汁，仲有一盒餅皮，值得一讚係每塊餅皮都用紙分開，唔怕痴實。片皮鴨當然要熱食先唔會覺得成口油，所以我蒸返熱啲餅皮同埋焗一焗鴨肉先開餐。餅皮有18塊，兩盒鴨肉加埋係有20幾塊，其實就咁食片皮鴨，一個人食4，5件都幾漏，所以個人覺得都有3-4人份量，$108嚟講係非常非常抵食👍🏼，不過一定要整返熱，咁就同堂食冇咩分別喇！

今日光白白，中午冇落雨就去呢間酒家，係仲諗住請人食餐好，點知食乳鴿，送菜員上菜後完全唔知有醬料跟，就咁上碟乳鴿，跟住問部長要碟懷鹽，等一輪便回覆，原來懷鹽冇存貨！醋都唔上一碟，就咁就不了了之！再叫肉絲炒麵，等一輪，原來話麵又冇存貨！唯有改咗碟瑞士汁炒牛河！跟住都唔敢再加物！乳鴿就皮軟肉韌，牛肉河粉就碎上！各位好友輕輕品嚐之後，唯有放棄！真係唔知點樣令香港人對香港食肆有信心，食市淨係識得怨天怨地，仲邊有下次敢打攪佢哋！

講食物，蝦餃唔得，皮厚又漿，其他嘅食物都仲正常。但係中間等食等到慘，間酒樓又唔係大，都可以要你等差唔多一個鐘點心，中間又漏打兩次單。想叫一叫面前經理催催單，佢明顯聽到，但就行過你，去同隔離枱賣券 喺酒樓1個鐘45分鐘，最後黎得4個點心，唔知以為食緊西餐。禁樣埋單200幾，真係相當後悔。點心紙又濕又有食物漬，真係無可能有下次。做街坊生意的話 與其揾明星拍下廣告，不如努力揾人落舖做好啲管理同quality control

每次入屯門上公路口時都經過，見到多人幫襯，好想試咗一段時間，星期日同老公得閒就去試下，一入門口企響度，黑衫女經理望住我哋都唔出聲，過咗幾秒我哋先問係咪自己入去搵位，佢先答「自己搵啦」😅星期日朝早11點，入座率大約一半人，我哋搵到位坐低之後就叫咗五個點心，惡夢開始…….叉燒腸粉：上枱嗰陣正正常常熱熱辣辣，但係一咬落去啲麵粉多到，一啲壞嘅感覺都冇，啲叉燒係鮮橙色嘅……但肚餓嘅關係，都勉強食咗唔記得咗乜嘢菌嘅潮州粉果：三隻粉果都好似水晶皮一樣見晒入邊嘅餡餡料，不過連埋張蒸籠子同埋粉葛果嘅表面，都好似油浸一大層厚油一樣。擺埋口連咬都唔想咬，成個口唇已經係油，忍唔住叫經理過嚟取消咗佢，當時個男經理都講句「嘩，乜真係油得咁離譜」牛肉球：想睇嗰陣都係正正常常熱熱辣辣，不過一食落去墊底嘅腐竹係酸嘅，啲牛肉嘅羹多到咬唔開….食咗兩啖就吐返出嚟煎餅：呢個本身預咗佢有少少油油地，但係嗰種油嘅方法係完全滲晒飲過包入邊，用隻匙羹一撳可以出油嘅……又忍唔住叫個男經理過嚟睇…..男經理都係講咗一句「個廚房搞乜嘢啊？」同一時間我仲有一個煎蘿蔔糕未嚟，但係我哋兩個已經食到好想走，叫經理取消埋個蘿蔔糕同埋埋單我老公走去買

今天經過荃灣沙咀道的一間中高檔的酒家"陶源"廚部師傅的食物出品是不錯!而且溶入一些藝術元素！當中包括了一些刀工及擺設!結合中餐及西餐完素！令到成個食品賣相變成了藝術品一樣！而且價錢合理可以說性價比高！而餐廳亦有比較適合寫字樓開高層開會議及傾談生意的房間！一邊傾談一邊可以品嚐到新鮮的美食！缺點是服務客人的人手太少!希望大廚能推出多一些中西元素的食物在餐廳供客人響用!入口前必定先打卡影相~

23年12月11日中午到臨餐廳午餐，一入去已經無人接待，只係見到個女經理不停追駡女職員。12點半坐低後發現，有好多空枱，人客比之前少。手機冇空，叫佢攞點心紙過來，態度惡劣，極度不願意再叫你用手機點餐，最後都係拋低在枱面，好冇禮貌，不知所謂。叫了一碟燒腩仔，肉都已經變色，食了之後發覺凍的，食了不會換，諗住同女經理善意投訴一下，口快講錯了叉燒又凍味道開始變，她說這不是叉燒，係燒腩仔便走了，真係黐線，不知所謂。其他的點心質素每況越下，根本冇人監管，完全冇水準，最後五個人食了1200元，其實陶園都算係 貴價 酒樓，點解可以做到這樣？終於明白香港人點解上大陸消費，若果唔係附近冇乜酒樓見客，一定唔會再去。

救命！！痴線，專登黎食大閘蟹放題！坐左40分鐘食唔到一隻蟹，食曬果d自助野都已經飽，問極d大閘蟹都係話蒸緊，好痴線，食餐飯都食到無癮😡好痴線，咁樣做生意，重點無乜人

見到klook有120mins任食大閘蟹又有片皮鴨食咁啱男朋友2樣都想食就同佢黎試下🙂網上買劵平過walk-in話就話分2個時段，一係6點一係7點9好彩打去book位果時多口問一問可以隨時去都得 入座起計時👍咁就唔怕趕唔到6點要餓到7點9先食得😂最後7點到🤭🤭🤭大閘蟹係細細隻，全部都係乸😥男朋友話佢平時剩係食公😂不過任食黎講都係唔錯 都算多膏😅同埋冇死蟹食完見到隔離枱反映有死蟹部長都即時處理👍最後2個人食咗30隻😂😂😂回到本啦🤭 但下次未必會再食😂如果大隻d 有公揀 會吸引d😁見到呢度大部份食評都話服務態度差🤢好驚出去食飯仲要受氣😶‍🌫️點知去度見到d員工個個都好熱心😅人未到齊又叫我照坐住先落單先開始計時🥰又主動留隻大碟比我地裝殼收碟又收得密見我地冇出去拎野食 又提出面d野食任拎😂又主動派濕紙巾最尾仲同我地講食得唔算多🤣上次有對情侶食9x隻🤣我地30隻就投哂降啦😅😅😅

👨🏻‍🍳陶源酒家 (荃灣)📍荃灣沙咀道6號嘉達環球中心地舖 「⚠️大伏⚠️大閘蟹放題可一不可再🥲」 又到食大閘蟹季節，想分享返上年食大閘蟹既經驗🙈呢間陶源酒家真系blacklist😿員工其實好好人，當晚佢地人手吾夠，食材都吾夠，場面一度混亂，食客個個都系到嘈，系咁鬧，feel到員工士氣都好低落😣但系都仲好好態度😿👍🏻🫶🏻 第一round既食客未食夠，個個都吾願走，餐單上好多都無哂，北京烤鴨都系食左2 round，仲要搶個種🤣連最基本既薑茶都可以飲到無哂🙈🙈應該系本身食材就吾夠🥲$498，全晚凈系食左4隻大閘蟹😿吾好講有幾多款味，有得食已經好好 (講緊坐左3-4個鐘😿)個個都系到催，我地無催，都系話有咩食物就上咩食物比我地拉🤣最後連點心都無埋🥲凳員工慘😿但系吾關員工事，系呢間酒家既問題🙁D員工都吾好意思趕我地走，佢地比人鬧左成晚😿 $498其實可以食其他，質素都差吾多，但系講到放題，食既吾多，食不飽🥲仲要食得4隻大閘蟹，不如自己買返屋企整😿其他食物都系一般般，大家今年慎選😣🫶🏻 #陶源酒家 #大閘蟹放題 #香港大閘蟹關注組 #arigato不了