陸陸雞煲火鍋 (已結業)

白布街/黑布街真係好多黃店呀🤗🤗又有#HeSheEat 又有#幸安東元祖奶奶雞🖐️☝️食完#JoyfulDessertHouse 既米🐷連拿破崙。。就岩岩好夠鐘入去#陸陸雞煲火鍋 食想食好耐既雞煲😋😋😋！叫左個雞煲。。大既。。中辣。。多麻！特大西瓜汁&菠蘿唔知咩特飲！一開波就總結左先👇👇多汁。。夠香。。夠野味。。夠辣度。。夠麻。。唔咸。。雞滑。。雞件大。。有軟骨個雞煲黎到好多汁👍👍有人會搞下之後焗下。。終於食得啦😋😋嗯。。好香！好野味！食食下feel到麻啦！辣啦！ 不過係舒服既辣...唔會食到流哂betty咁！最重要係唔咸，所以唔洗係咁飲野！D雞好滑，切得大大舊咁，D軟骨都仲食到👍👍👍

今日晚市堂食終於由6點放寬至晚上9點，即book 一直想試的陸陸雞煲。知道餐廳最近打算推出生酮雞煲，好想試，但仲係研究階段～甘就唯有照破酮，支持下黃店先。同朋友叫左個中辣雞煲，感覺上我地下次可以挑戰下大辣，仲要加麻～雞件好滑，d汁都好好味～另外，叫左響鈴，墨丸，豬大腸，青檸梳打，埋單520，最後會有一粒雪米糍送比你做甜品～呢餐最好食係豬大腸，又入味又淋。奈何而家仲限制緊同枱2人進餐，仲要只到9點。搞到火鍋餐廳晚市其實每枱只夠時間做一round客，希望大家有機會多d支持下外賣吧。

一蚊雞就唔係新鮮野，但一蚊雞煲我就第一次試。最近由於疫情，晚上無堂食，就決定試下呢間既外賣雞煲，呢度個一蚊雞煲是限時優惠，由於我地唔係太食得辣，就左半隻BB辣。落單既時候職員有問要唔要其他野，我地最後無要其他，但職員態度都好好，唔會黑面，呢個真心讚，而且外賣盒亦都唔收錢。返到屋企一睇，話雖係半隻雞，但份量真係幾多，似乎多過半隻，不過BB辣就的確唔係好辣，有D人會覺得唔係好夠力，食得辣既朋友最少要叫小辣或中辣。雞件調味得好香，惹野味又夠滑，質素相當理想，唔會話係一蚊推廣就求其做。呢個優惠唔知仲有無，如果無左，有番堂食時大家可以試下。 

今次諗住黎淨係打邊爐所以就冇叫到雞煲底，但係發覺就有少少後悔,因為發覺呢個養生煲底真係太淡，雖然有半隻雞喺入邊，但當係煲唔出味。野食都都係叫返一般打邊爐常叫既配料，好似肥牛，響鈴，水餃竹笙咁，呢度款式唔算特別多，所以多幾個人食咩款都可以叫到。佢地既封門柳好好食，肉質嫩但重牛味，值得一試。同埋提一提呢間火鍋店俾現金喺有海鮮送，所以大家不彷cash找數，不過佢當日送嘅鮑魚就有啲腥😅，海蝦就較為新鮮。整體覺得D野食野飲有D偏貴，食物質素就中規中矩。

好耐都冇食過雞煲 今次黎呢間都吾錯 不過眼寬肚窄既3個女仔叫到成枱都係嘢食 完全冇諗過每份都好大份 大家叫既時候要留意！店舖有2層 下層闊落啲 我地坐上層好逼 食完會成身雞煲味 著啲平價衫去食就好 雞煲叫左例牌 吾係好辣 朋友話之前黎會有得揀辣度 今次就吾見啦雞件好大舊而且斬得俐落 吾會有碎骨👍🏻食曬雞就梗係打邊爐 配料選擇好多 推介要叫啲特飲 30幾蚊勁大杯😳 整體黎講都幾抵食！

朋友聚餐, 提議來這裡. 由於一早BOOK左台, 所以不用等候.好多年前都黎食過, 當時質素不錯.多年後再來, 雞保質素保持高質, 但價錢偏貴, 加一後大約$300, 但雞煲的味道非常好, 而且雞肉保持到肉嫩.再點一碟手切肥牛(大), 質素非常一般, 沒有油花, 可以用差去形容, 完全不值這個價錢 ($300),鵝腸 - 份量小, 但十份大條, 爽脆, 可以一試.飲品方面差不多都是加大的size, 足夠整頓火鍋飲用.另外店員全都是年青人, 服務十分有禮

與朋友聚餐，選址首推是較各人方便的旺角，支持小店經營，便到了陸陸雞煲火鍋，看到門外排隊的人，便知道水準有相當的程度。麻辣雞煲辣道和麻度都掌握得剛剛好，有店員幫忙看貨，所以雞件煮得香氣四溢，鮮嫩爽滑。各餸菜都非常新鮮，尤其海鮮。餐廳再做一個優惠，預備現金，即可免費送鮑魚兩隻或海蝦半打。我們一行六人，所有各樣也要了一點，這些贈品絕對不是次貨，全部都非常新鮮生猛，可見此餐廳非常重視食材的質素。首推爽鱔，輕輕一灼，美食佳餚，肉質鮮美，是魚中極品，鮮甜甘香，濃厚綿稠，豐腴質感。這個可愛企鵝🐧造型的是墨魚滑

雞煲雞煲，間唔時就會癮起想食😝！今次就揀左位於旺角既陸陸雞煲，好彩有bk定位，黎到就唔洗等😌😌😌。-除左雞煲，其實仲有其他湯底可以揀架☺️，但係今次我就嗌左個例牌既雞煲($158)，辣度就揀左小辣🌶，食得辣既朋友可以揀中辣呀😎。細心既位會有店員幫你炒個煲，食得就會叫你，唔怕d雞煮到過熟😍！所以雞件🐥食落口係超滑嫩，但係再入味d會更好。相反，洋蔥🧅同青椒就好入味，差唔多清哂🤣🤣🤣，例牌份量，3個人食岩岩好，食哂d雞就可以叫店員加湯，轉打邊爐喇🍲🍲🍲！-例牌美國肥牛($128)，普普通通，冇乜雪花，想食靚d，就要俾貴d既價錢喇🙈。手打墨魚滑($72)有驚喜，驚喜係因為佢個外形😍😍😍，冇諗過係企鵝造型🐧，超級可愛！食落好彈牙，仲有食到少少墨魚粒🦑既口感，推介👍🏻👍🏻👍🏻！-另外仲點左窩筍($32)，粟米🌽($32)，金菇($32)，午餐肉($42)，百葉豆腐($44)。窩筍切到好薄身，好快就熟，但係就差左d口感😩😩😩，都係鐘意食厚身少少。百葉豆腐係另一必點食物🤩🤩🤩，超級有彈性，有d似食緊魚蛋，但係豆腐又會吸到湯汁，好juicy🤤！-打邊爐又點可以唔嗌飲品，依到有酒，涼茶，特色飲品同汽水可以點

心血來潮問朋友有冇興趣即興去食雞煲，點知對方也一樣想食雞煲，那就事不宜遲，即係約出街！因為walk in所以要等位，等左成半個鐘，所以要食真係要預先book位！呢間陸陸雞煲是他推薦的，其實好多年前我都試過一次，但那時候覺得環境很擠迫，但這家店是新的地址，所以環境比以前闊落很多。我們點了一個大的雞煲，點了一份魚皮餃和汽水，就是這樣。因為我們一心一意食雞煲，不是想打邊爐！雞煲大大煲十分足料，雞件切得好大舊而且肉厚！全程其實都有職員幫我哋，所以我哋只係等食！最重點是個醬其實都算幾濃。餃子都算飽滿，用嚟吸個雞煲汁一流。我哋點左小辣，但其實都尚可接受，沒有想像中太辣。呢間雞煲幫襯嘅人都唔少，我都見到隔離枱係專程嚟食雞煲，而冇打邊爐！食完仲有一粒小小雪米糍送，清清喉嚨也不錯。整體來說這裏雞煲不錯，好唔欣賞佢哋用即棄餐具， 超級唔環保！

路過見到此店，主打雞煲。所以決定一試。雖然想吃辣，但又吃不到這麼辣的食物。幸好這間雞煲是用ipad點餐，客人可自選辣度。還可以選擇唔辣既椰子雞煲，不錯。但本人不能吃太辣，只好叫BB辣來嘗嘗。話說這裡蠻多款式選擇，既有麻辣小食，餐前小食，各式飲品，當然少不了火鍋配料。今次叫了椒鹽雞軟骨，手切肥牛，豬大腸，鵝腸，手打黑白墨丸，鯇魚件。在這個講求營養均衡的世界，當然得叫上生菜減少罪惡感用。記得職員上煲後先不要自己動手，職員會替你拿湯勺翻煲。焗2分鐘先可進食，記得別急著進食。待職員拿開煲蓋，即可享用。雞塊充斥著麻辣味道，還有超多配料。裡頭有洋蔥，有青椒。吃完雞煲後可要求職員加湯，有辣湯及雞湯。這樣就可以打邊爐。肥牛的油脂實在美味，鵝腸肥嘟嘟，滿口都是油香。豬大腸大大一片，加分不少。手打墨丸爽脆彈牙，口感真係沒得頂。鯇魚件大件鮮味，滿口皆是魚肉。要說缺點，就是雞軟骨炸得不夠香口，我愛偏焦香的味道。除了特式飲品，佐餐啤酒居然有藍妹生啤生啤果然跟樽裝和罐裝味道與眾不同，特別好味，單是氣泡就超多，啤酒果然是邊爐佳品。埋單仲有甜品送。

陸陸雞煲一直都想試，聽過好多朋友仔介紹，最緊要夠黃，咁岩係旺角行到都幾肚餓，咁緊係搵啲飽肚野食下，行去白布街食雞煲。個雞煲我地揀左小辣啦，勁太辣，上到嚟係超級香，辣度岩岩好，環境又乾淨，全程食得好舒服

𝙒𝙝𝙞𝙘𝙝 𝙤𝙣𝙚 𝙨𝙝𝙤𝙪𝙡𝙙 𝙄 𝘾𝙝𝙤𝙤𝙨𝙚?😌有沒有食得好多份量的朋友在？🙋🏻‍♀️嘩！係雞煲呀🐥 嘩！係火鍋呀😍陸陸雞煲可以一次過滿足晒2個願望呀🎐這是陸陸海鮮套餐，一開始會先食雞煲，怕食套辣的我們選了BB辣🌶剛剛好😋接下來再食海鮮火鍋拼盤配龍蝦湯底🦞在圖上也看很大隻的鮑魚及海蝦🦐當然還有必備肉類🥩、餃子🥟、蔬菜🥬等！它的手打肉丸🍡也是很驚喜，用心製作！份量同食材都超級有誠意💯同男仔食都一定夠食，一定不能錯過呀😋📍陸陸雞煲火鍋：旺角白布街16號

尋晚一行3人，喺無book位下去咗撐黃店，點知有啲失望。。。失望1:店內貼牆poster寫嘅like fb 就有任叫菜、餃，細問吓職員話book枱套餐先有，散叫無。。。但係張紙又無寫到。。。都無所謂，反正我哋食得唔多🙄，失望2:店內有百葉簾，我諗係防疫隔住空間用，但係拉起曬，即係無用？🤓失望3:我哋屎忽痕去雞煲唔係食雞煲，走去食聲稱3小時炮製嘅椰子花膠雞湯鍋。。。老老實實，史雲生比佢濃味！😅嗯。。。係我哋唔啱！應該食返雞煲！或者下次有機會先啦，不過機會比較微。。。

突然好想食雞煲，知道屋企附近有間黃店雞煲就馬上book枱食！一入去成間舖都好黃💛💛💛食物價錢可以接受，但無奈我地只有2個人，有好多野都想叫我地叫左bb辣半隻雞，一碟手切牛，竹笙，嚮鈴，娃娃菜，珍寶帶子，2杯巨型野飲全部都好好食！我地兩個最後飽到想嘔，好彩我制止左佢再叫野，我地食哂無浪費食物🤪我地total食左大約$800, 我覺得CP價高嘅，員工友善，環境清潔，搭枱的話仲有塊板隔開安全措施一流唯一缺點就係堂食限時90分鐘，佢仲要差唔多食到尾聲先講，唔係我坐低時講，搞到我地一聽到就好趕咁食，食完超級滯。食雞煲黎講90分鐘我覺得有啲趕，加上又唔係任食，如果你係任食的話我可以理解限90分鐘，但我唔係呀麻，至少都比我2個鐘吧....淨係個雞煲都已經等左10分鐘先上枱，先食雞煲再打邊爐，90分鐘邊到夠時間呢？

好多人點左陸陸雞煲海鮮套餐，種類多性價比幾高，我就比較鍾意散叫，其實價錢同食套餐差唔多。先黎半隻陸陸雞煲，唔食得辣既我毫不猶豫地揀左BB辣，秘制醬汁配埋芫茜、洋蔥、青椒，店員幫我地一邊攪雞煲，d香味就一直傳入鼻裡面，味道濃郁好惹味，雞件暫時係我食過咁多間雞煲之中最滑既已經，索曬醬汁精華，食到停唔到口。企鵝黑白墨魚丸，咁得意差d唔忍心食佢🥺彈牙爽口，食到一粒粒墨魚，好有咬口。心心眼之選手切黑豚花之戀，睇得出佢地好有心思，唔好睇呢度黑豚肉好似得幾塊，食落就發現份量好多，肉質軟腍。手切肥牛賣相一流，脂肪分佈得好靚好有條理，牛肉味濃有咬口。另外仲點左其他雜餃、菇類、菜類、響鈴等，每樣都好好味。