隨心華人喇沙海南雞

营业中

休息中

《隨心華人喇沙海南雞》📍鰂魚涌海堤街龍景大廈地下舖，以東南亞美食為主。呢度美食，有皮滑肉嫩的招牌海南雞、多款惹味的喇沙、串燒、小食及甜品等。🥢雞絲木瓜沙律青木瓜絲、紅蘿蔔絲、車厘茄、配上酸辣泰式醬汁，木瓜絲清脆爽口，味道酸酸甜甜又帶辣味，開胃前菜。🥢吉列蝴蝶蝦外層炸至金黃，入口香脆，非常惹味😍🥢火山骨份量相當大，以長型豬脊骨，高高堆疊而成，火山骨上枱後，店員會再淋少許玫瑰露，再點火燒一下，令整個菜加添香氣，仲可以影相打卡😘。每條骨都用上肉瘦脂肪少的豬脊骨，配上以多款香料調配的醬汁。豬脊骨炆至軟腍，肉質鬆化，加上酸酸醬汁，惹味開胃，香而不膩。朋友即時用手抓起火山骨食，話這食法更有味道（店員亦非常貼心，上菜同時，亦會送上作洗手用的檸檬茶）。拉茶、話梅柑桔拉菜，茶/奶味道分明，入口滑溜鍾意柑桔飲的我，今日就點咗加入話梅的話梅柑桔熱飲，味道鹹鹹酸酸，暖胃又可解膩。

來到鰂魚涌又有新發現，今晚品嚐到超級美味嘅海南雞喇沙湯麵，高質素之餘，重要價錢優惠，值得大推！呢間<隨心華人喇沙海南雞>主要提供嘅係馬來西亞美食，而佢哋除咗可以散叫之外，仲有抵食嘅二人套餐供應。二人套餐一啲都唔貴，可以選擇兩個小食同埋兩個主食，仲包兩杯飲品，都係$218！！~<海南雞喇沙>海南雞已經去曬骨，而且就算是雞胸肉都非常之嫩滑，喇沙湯底味道非常之濃郁，帶有好香嘅香料味道同椰子湯底味道，微辣惹味。<新加坡炒貴刁>新加坡炒貴刁帶有濃香嘅醬油香味，而且材料都好豐富，配有大蝦仁、芽菜同臘腸一齊來炒，非常香口美味。<雞肉串燒、豬肉串燒>串燒烤得微微焦香，入口仲帶有肉汁。<鳳尾金絲蝦卷>用麵條包住蝦肉來炸，炸得非常金黃香脆，咬落去仲彈牙好食。最後配上馬拉拉茶，拉茶入口帶有香濃嘅茶味同埋奶味，仲有特別嘅香料味道，必試之選！餐廳除咗食物質素非常之好外，餐廳嘅環境亦都非常之舒服，下次值得再來。

一向都喜歡吃馬拉娘惹菜的我今晚一次過食晒叻沙肉骨茶同炒蘿蔔糕三款美食，呢間主打叻沙同海南雞嘅餐廳味道還可以。叻沙就真係好一般，無乜蝦味，只有好重嘅椰漿味同咖哩味，幸好佢d米粉都索到d叻沙汁。肉骨茶都係一般，唔係重胡椒味又唔係重藥材味，舊排骨都ok嘅，油炸鬼薄就薄d不過係脆嘅。最好食係個炒蘿蔔糕，話就話係小食不過份量一d都唔少。外曾應該炸過，因為都幾脆口。

隨心(華人喇沙. 海南雞)鰂魚湧海堤街6至16號 龍景大厦4號地舖 坐港鐵鰂魚涌站B出口，行步行3-4分鐘就到，門面寬廣吸引，室內光線和氣氛柔和，店員有禮貌和笑容及介紹食物等。 火山骨：豬脊骨， 玫瑰酒、 香茅、 檸檬、薑蔥切幼粒，買相好靚😁😋份量重，店長叫我們小心他要倒玫瑰酒，然後點火，火山出現眼前💥令到豬脊骨更入味😋碟上已經滿滿酸辣醬汁再加上後來玫瑰酒更美味。每件骨都有肉，質感非常軟綿綿，同三五知己一起食更多笑聲! 吉列蝴蝶蝦：炸得好脆蝴蝶蝦，入口鬆軟有蝦味道，炸蝦嫩肉，入口有汁和豐富。 咬入口好脆和蝦肉重，真的好食。吉列蝴蝶蝦：炸得金黃色脆的蝴蝶蝦，恰到好處😊入口鬆軟有蝦肉味道，蝦汁又豐富。和食了令人回味!最後:我們叫杯熱拉茶、滑溜和充滿奶茶味及入口易飲。另一，朋友叫了熱話梅金桔茶，好飲，酸甜是這餐好滿意的一餐😋

收工同朋友嚟咗係鰂魚涌地鐵站附近嘅隨心華人，位置好就腳。餐廳名入面有曬我地想食嘅喇沙同海南雞，問店員仲有無咩菜式推介我地，佢推薦火山排骨，呢道菜我係曼谷Jodd Fairs食過一次，決定係香港再試下~ 火山排骨: 上菜嘅時候職員會點火，火焰嘅效果令我地wow一聲，打卡一流! 份量都好大，舊舊排骨比我拳頭仲大。最有驚喜嘅係肉質，炆到好淋，一啲都唔韌，淋上香料，湯底微酸，味道唔辣，適合香港人口味。呢到嘅火山排骨比我係泰國夜市食嘅好食好多，我記得泰國夜市嘅排骨好韌，一味得個辣字，呢到就處理得好好多海南雞喇沙: 喇沙湯底好香，店員仲好好咁過嚟介紹話係老闆親自打磨南薑等等嘅香料，食得出啖啖心機。海南雞滑嫩新鮮，配嘅薑蓉打得夠碎得嚟又有薑絲，正。要特別讚下店員態度真係好友善，見我地食火山骨就主動問我地需唔需要檸檬水洗手同比紙巾同骨碟，非常貼心呀

經過門口比條大魚吸引咗入去食🐟入到去睇吓個Menu竟然有火山骨🔥毫不猶豫地揀咗佢！😍😍🌟火山骨一上枱俾佢嚇親，真係勁大碟😍店員仲會即場倒點左火既酒落去，打卡一流😍第一次食火山骨真係成座火山甘🌋醬汁酸酸辣辣好開胃，加咗少少酒嘅味道，成件事好夾😍 唔好以為全部得骨，但其實佢收埋咗好多肉，啲肉又夾住少少肥膏，但肥而不膩，再配埋啲醬汁一齊食，不得了阿😍而且店員好貼心，驚我地食火山骨嘅時候會整污糟隻手，仲俾咗兩兜檸檬水我哋洗手😍🌟新加坡炒貴刁佢同平時嘅炒貴刁好唔同，平時嘅炒貴刁得河粉，但係佢呢度係河粉加油面，個配搭好新鮮😍 有魚片頭有蝦之外，竟然仲有臘腸！蝦好彈牙好大隻🦐另外跟餐叫咗兩隻無骨鳳爪，醬汁酸酸辣辣好開胃，仲有啲蕃茄青瓜喺底😍嘢飲方面就叫咗凍柑桔檸檬🍋同凍檸檬薏米水🍋

行開鰂魚涌海堤街，見到一間餐廳好新淨，裝修有點似日本餐廳，睇真D原來係食喇沙海南雞🐔 ，於是決定試下，坐在舒舒服服的卡位上，選擇困難症，揀來揀去最終揀坐個＄218的2人套餐。套餐都幾豐富，有隨心海南雞飯 （無骨）跟白飯 ，鳳尾蝦金絲薯卷 （4件）， 熱檸檬意米水， 加沙爹串燒 4串，我們兩個都揀無骨海南雞🐔飯，鐘意啖啖肉，😘，份量充足，海南雞皮薄肉滑，雞有雞味，三種蘸醬，薑蓉醬油酸辣甜醬，每個餐有一杯仔熱辣辣香噴噴杞子雞湯，配菜有海帶青瓜車厘茄，葷素搭配最健康。鳳尾蝦金絲薯卷特別出色，炸得金黃香脆的薯絲，包住爽脆的蝦肉，鮮香味美，超級出品。👍串燒4條，雞肉加豬肉，點沙爹醬 ，超惹味。🤤🤤 檸檬意米水酸酸甜甜，油炸物的最佳配搭。2百蚊多D就食得非常滿意，超正。🥳🥳

今日放工想食返啲惹味嘅嘢😋星馬菜就啱晒我❤️聽到呢間舖頭出名海南雞同喇沙就一次過試晒兩樣😛原來仲有套餐既選擇包括野飲同埋小食🥹CP值好高呢⭐️ 隨心海南雞飯 🍗肉質嫩滑帶油香但係食落唔會太肥值得一讚👍🏻好地道咁配埋杯雞湯好清甜🍲⭐️ 慢煮咖喱牛肉喇沙 🥘喇沙湯底好濃郁又惹味🌶️ 加上咖喱牛肉口感好軟淋🍖質素不錯⭐️ 馬來串燒 🔥有碳烤既風味得黎唔會燒得太乾💛作為小食啱啱好⭐️ 班蘭椰絲球 🥥有種糯米糍QQ的口感🍡內餡係好濃郁嘅斑蘭Custard味道🌺好有熱帶的感覺感⭐️ 凍馬拉拉茶🧋比起一般嘅奶茶果然有種唔同嘅口感🥹入口Smooth D比較絲滑甜度唔太高🤗⭐️ 凍話梅柑桔 🍊柑橘帶酸甜嘅味道入口好消暑🍋‍🟩 加上話梅既味道就更有層次

今日放工經過一間平時好多人排隊嘅餐廳 一路都冇機會試 今日總於有機會試下海南雞飯海南雞好滑 雞嘅肥瘦都岩岩好 仲有個雞湯好鮮甜 淨係個雞湯都一流墨魚餅喇沙有墨魚餅 魚片 豆卜 超濃厚嘅湯底 配搭墨魚餅 令到我停唔到口沙嗲串燒串燒可以揀豬同雞 我地要雞串燒 串燒即叫即做 上枱熱辣辣 食得出廚師好有心嘅燒到外皮有少少脆口 食落層次非常豐富新加坡炒蘿蔔糕蘿蔔糕份量好夠 調味都好濃厚 做小食的確一流話梅金桔水非常有特色嘅飲品 有金桔潤喉嘅感覺 又有話梅味 岩晒秋天飲

今次是我第一次品嚐，首先海南雞份量足夠，雞頗滑，而飯亦甘香。額外加了錢點了湯及凍馬拉茶，都好好味。今次經openrice預訂自取有優惠，性格比高，值得推薦一試。

鰂魚涌超抵食$218 四道菜連飲品套餐海南雞飯/海鮮喇沙/串燒/烏達/拉茶/薏米水套餐主食有十幾款揀，隨心海南雞飯（無骨）真係唔錯！雞皮下有層透明啫喱，雞肉嫩滑，無論雞脾定雞胸，都好入味，配上甜醬油、薑蓉同酸辣汁，附有雞湯和木耳絲，加上油飯香味十足，唔油膩，味道有層次還有日本帆立貝喇沙，裡面大大粒帆立貝、大豆卜、魚片、蟹柳等，湯底濃郁，粗幼粉吸收咗湯味，口感豐富！湯底有椰香同微辣，好醒胃！沙爹串燒四串，烤得幾香； 另外仲有烏達，外層香脆，裡面較腍，幾惹味。必試自家製熱檸檬薏米水，酸酸地，健康又養生

再月尾嘅時候，想食番餐平啲嘅晚餐咁啱約咗個朋友喺鰂魚涌，佢推介話呢間泰國嘢都幾抵食，入到去，我以為入錯餐廳（因為見到條鯛魚裝飾，所以唔係好肯定係咪食泰國菜。）用手機點餐嘅時候見到二人餐只係$218 ，我不禁問了一句：真係咁平？然後望吓，可以揀海南雞飯同喇沙，都幾好喎！仲要包兩杯飲品，仲有小食，所以就本着試一次的心態叫咗啦。過海南雞飯不過不失，喇沙不是太濃味，但啲魚蛋魚片都幾正，我個人覺得個斑斕椰絲球好食，整體意見，計埋+1 ，$250有找，都算係咁啦，可以係月光族嘅恩物。

今時今日2百幾蚊竟然仲有二人晚市套餐，仲要有半隻海南雞半隻雞、兩碗肉骨茶湯、仲要有埋小食同油飯，可以選擇雞湯或飲品，喺港島區嚟計真係超值！二人海南雞餐包咗半隻海南雞、兩份肉骨茶，你仲可以選擇揀油飯定白飯，沙嗲串燒可以揀淨雞或淨豬四串，飲品嗰度我哋揀咗碗杞子雞湯同凍話梅柑桔水，特飲要加多$4，飲落去酸酸甜甜，勁開胃！半隻海南雞份量足夠，每一啖都軟滑，連埋雞皮食，簡直無敵咁正，連配料醬汁都好夾。肉骨茶嘅藥材味比較重，但係真係足料到見到勁多杞子同紅棗，絕對冇揸流攤，另外仲會俾埋醬汁同油炸鬼俾你送埋一齊食！沙嗲串燒嘅肉比較細串，肉質較乾，沙嗲醬偏油，呢個小食我覺得就可以啦，一般般。但係整體嚟講成個套餐真係幾抵食，二百幾蚊約埋朋友過嚟靜靜地仲有卡位坐，真係幾唔錯！

濃郁喇沙海南雞 x 咖央多士以前喺北角 附近學樂器嗰陣 都有留意到呢一區 附近都有好多特色小店， 今日難得經過鰂魚涌，又見咁耐冇食過星加坡菜 ， 就試咗呢一間 餐廳， 見到餐廳名就知道要食咩啦🐰🐰🐰👉🏻海南雞喇沙 喇沙香料濃鬱椰汁味好香濃， 海南雞都幾嫩滑嘅 雖然睇落去份量唔多 但係食落份量其實都足夠🐰👍🏻 加上有啲生菜芽菜做配菜口感不錯， 最緊要係佢唔會辣到飛起 如果唔係我應該食唔到喇， 味道對我嚟講啱啱好🤓👉🏻港式奶茶掙扎咗一段時間應該叫馬拉拉茶定係飲返港式奶茶， 最後都係揀咗港式 唔錯呀同茶記一樣咁濃厚🐰👍🏻👍🏻👍🏻 👉🏻甜品：斑蘭咖央多士見到其他嘅食評 都有推介斑蘭咖央多士， 忍唔住叫咗，估唔到嚟都係咁大份㗎😂 佢厚厚嘅牛油同埋濃郁嘅咖央醬好令人滿意🐰❤️❤️❤️如果多士嘅麵包可以薄啲嘅話會更佳， 純粹個人唔太鍾意食厚多士🤓

日本帆立貝喇沙足料👍🏻正首先上桌的是日本帆立貝喇沙。這道菜的湯底濃郁，帶有淡淡的香辣，完美融合了椰漿的香氣與香料的滋味。帆立貝的新鮮與嫩滑，搭配湯底的醇厚，讓每一口都充滿驚喜。湯中還添增加了口感的層次感#### 隨心海南雞飯（無骨）接下來是隨心海南雞飯，這道菜以無骨雞肉為主角，肉質鮮嫩多汁，搭配的醬油和辣椒醬更是提升了整道菜的風味。米飯則是用雞湯煮成，香氣四溢，與雞肉完美搭配。每一口都能感受到雞肉的鮮美，讓人忍不住想再來一碗。沙爹雞串燒沙爹雞串燒是這餐中的另一亮點。串燒的肉質鮮嫩，外焦內嫩，搭配的沙爹醬香氣撲鼻，讓人一試成主顧。每一串都烤得恰到好處，肉的鮮甜與沙爹醬的濃郁形成了絕妙的對比，讓人回味無窮。燒椒醬皮蛋燒椒醬皮蛋則是一道不可或缺的小食，口感滑嫩，搭配燒椒醬的辣味，讓人感受到獨特的風味。這道菜既可以作為開胃菜，也可以作為主菜的配角，為整體用餐增添了層次感。杞子雞湯湯品方面，杞子雞湯是這餐的完美結尾。湯底清淡卻不失鮮香，杞子的甜味讓湯品更加滋補。每一口都能感受到雞肉的鮮美與杞子的養生效果，讓人感到十分舒心。凍馬拉拉茶飲品方面，我選擇了凍馬拉拉茶，這款飲品以其獨特的風味和清新的口感