雄興美食

营业中

休息中

啱啱入到去時間係晚上9:15左右，店裏面仲有幾張吉枱，我同我老公兩個人，佢叫我搭枱，我哋問佢可唔可以坐後面嗰張，佢話可以，之後有一塊牌，佢問我做乜移開佢，佢話一陣間如果有客嚟要搭枱，OK冇問題，當時疑似老闆娘嘅人已經好似好不滿咁，咁都冇理佢諗住繼續嗌嘢食，點知問大眼雞時價幾錢，疑似老闆娘話賣晒跟住行開咗，嗰個moment係落緊單，冇唔緊要點解要行開叫第二個職員過嚟？？？當時嗰一刻冇人入嚟又冇人嗌嘢食？定係佢自己好不耐煩，真心唔明白？？好在未嗌嘢食，點解要受你氣？嗌都未嗌起身要走啦，態度極度唔可以接受要去嘅話認真要諗諗可能淨係對熟客好啦其實我都係第一次想試吓食咁嘅態度唔食好過食😒

依間所謂用心三十年既鋪打冷，食到一半發現個飯有一忽有陣驅風油味🤮叫個肥仔侍應過嚟聞下，佢聞完答我係喎，然後企左係到之後冇反應，再叫另一個啊姐過黎同佢講，叫佢聞下，佢話有咩直接講，咁我就直接同佢講個飯有驅風油味，之後佢拎走左，然後就一個疑似老闆娘（攣毛）捧返碗食咗一半嘅飯返嚟（整走咗最重驅風油味嗰舊飯，但依舊有陣味）話返我轉頭，話我自己整咗啲滷水鵝汁落去，又話我唔知邊度整啲嘢落去，叫佢自己聞下，仲要話叫我自己入廚房聞👍得，伏一次，即埋單走

嘿，美食愛好者們，街坊們！今天我要帶你們探索黃大仙一家充滿潮州風味的打冷餐廳。我聽說這家餐廳以其幽默風格和口語化的服務受到食客們的喜愛，還有傳統正宗的潮州菜餚餐廳環境：一踏入這家潮州打冷餐廳，你會被熱鬧的氛圍和潮州的特色裝潢所吸引。餐廳充滿了傳統的潮州元素。擺滿了各種美味的潮州菜餚，讓你彷彿置身於潮州的街頭小巷，感受到濃厚的地方風情。1. 鹵水鵝片：這道菜以嫩滑的鵝肉片為主角，搭配潮州特色的鹵水調味，口感鮮嫩多汁，入口即化。每一片鵝肉都充滿了鹵水的香氣和濃郁的味道，令人回味無窮。2. 潮州蠔餅：這款傳統的潮州小吃絕對不能錯過！蠔餅外酥內嫩，裡面夾著鮮嫩的蠔肉和香脆的蔬菜，一口咬下去，彷彿能夠品味到潮州的海洋風情。搭配特製的醬料，味道更加美味。服務評價：這家餐廳的服務絕對值得稱讚。服務員們充滿活力和幽默感，他們快速、周到地為每一桌客人提供服務。無論你對潮州菜有什麼問題或需要特殊要求，他們總是樂於給予幫助和建議。他們的熱情和友好態度讓整個用體驗更加愉快。總結：如果你是對潮州風味感興趣的美食愛好者，這家位於黃大仙的潮州打冷餐廳絕對值得一試。無論你是想瞭解潮州風味的正宗鵝片或是品嚐道地的潮州小

昨晚2024年6月14日下班去東華醫院探朋友的媽媽後已八點多，行過去鳳凰邨找吃的醫肚，行吓行吓眼前有一間潮洲打冷小館入面座無虛席，跟據食肆定律似乎有料到，二話不說就决定入去試試。點了最傳統的韭菜豬紅，潮州雜拼和仔粥，果然味道古早有驚喜，而且當今時勢，價錢竟然回到80年代，真的不可思議。老闆笑笑口說，這家打冷比我年紀還要大，咁睇得起小弟，心諗糸真吾糸？比個like你。最最重要糸吃完無口渴，下次吹雞組隊去吃佢一大餐先得

黃大仙廟行上少少民居地帶臥虎藏龍，今日就知道間好好食嘅潮州打冷舖，真係街坊價錢但係就質素非常高。潮式凍烏頭比想像中大份，比想像中大條，鮮甜，難得係冇泥味，加埋普寧豆醬就超正。滷水拼盤比想像中細份，可能比條烏頭影響到啦，其實佢個size同出面其他地方差唔多價錢嘅係份量差唔多嘅。滷水入味，入面有墨魚紅腸豬大腸生腸豬頭肉同蘿蔔。叫咗個中size蠔仔粥，雖然大嗰個多$10大兜好多，不過因為我哋得兩個人所以叫中嘅就OK，想食多啲其他款式嘅嘢，啲蠔仔都幾大粒而且好新鮮。蒜蓉白菜仔炒得幾香而且啲菜幾新鮮。雞腳花生就比想像中差，啲雞腳似乎係交貨嚟炸過嘅鳳爪，所以啲皮同啲肉就有少少分離，用呢個煮法去處理就效果麻麻哋

嚟原本想食第二間茶記小茶館，不過無開行喺附近就搵到喱間潮州餐廳，人又幾多就入去試試，例牌點咗個蠔仔粥，蠔仔大大粒幾鮮甜，唔錯嘅選擇，因為兩個人都食唔到好多，唯有叫多個滷水鵝試試。不過喱樣就比較失息了，唔喺幾入味，肉質都唔夠嫩。環境嚟講都喺同一般打冷舖一樣，好多時人少都要搭檯，不過勝在出餐翻檯夠快，所以喺附近大排長龍時，又搵唔到岩食嘅都喺一個唔錯嘅選擇，不過不失似終打冷都唔會差太遠，價錢都尚算有少少偏貴的。

呢間潮州打冷真係大件夾抵食而且味道好好，好彩老友帶我嚟如果唔係真係走寶。基本上佢樣樣嘢都唔貴，有啲直頭係平得離譜，例如炒個菜先至$50。蠔仔粥d蠔又新鮮又大粒。滷水大雜拼入面有墨魚豬大腸鵝腸紅腸豬耳仔生腸等等，不過最正嘅係墊底嘅蘿蔔，好入味，下次再叫一定叫佢俾多幾嚿蘿蔔我。呢條凍烏頭$95 ，真係抵食到爆，而且都好鮮味又大條。呢個係鹽水雞，我叫抬抬都叫咪叫嚟食吓囉，又真係幾好食而且超級抵，$65半隻。最後叫個蒜蓉白菜仔，食返啲菜啦。

揾宵夜食，行過見到潮州打冷就試下，食左炒通菜，鵝腸、韮菜豬紅(豬紅普通，因為唔太入味）同蠔餅呢個蠔餅超正，係啊，唔係港式炸蠔餅，同老闆傾計時，講開好掛住我之前返鄉下食的煎蠔餅，佢無出聲，拎到出黎就係煎既，食返個種味道，不過老闆話人多就整唔到啦，超正

黃昏收工之時，相約各同事於地鐵站，結伴步兵到雄興飯店，嘟下安心，掃下針咭，入座坐低，環境一般比較狹窄，不過一早預咗無問題。經過昨晚拱橋，翌日個人有點暈眩，頭不痛喉嚨不乾，果然係XO。向各位同事表示，本人今晚吾飲啦，同事們唯有飲藍妹，呢度無D乜妹，只有潮州大媽。鹵水鵝肉，要砍件不要切片。鹅肉切片可能係香港人發明，為香港人服務，你依架去潮汕一D鄉下地區，真農村果種，佢哋係吾識起片架。鹵水鹅肉正宗入味，鹵水吾咸剛好。伴碟豆腐軟滑可口，鹵水入味。咸菜門鱔，一般。正式潮州家庭餸菜，咸菜係潮式，不是咸酸菜。雖然好多咸菜，但門鱔太少，既無門鱔魚春內臟等，咸菜又浸泡到無曬味，淡而無味，無咗咸菜果種酸味加魚味。春菜，過得去，翻煮更軟淋入味，最好煮到菜莖葉變啡色，溶為一體。炒蜆仔，我哋老潮叫紅肉。正宗，用幼細果種，不是大粒蜆肉。薑葱伴紅肉，既有海鮮貝類鮮甜味，又有薑葱爆香味，佐送潮州白粥一流。胡亂豬肚湯，香港黎講都叫正宗好味，不止豬肚，仲有豬粉腸，吾錯。如果吾用普通豬骨，用豬扇骨，更加正宗。湯有濃香胡椒味，胡椒粒沉沒碗底，吾似其他用胡椒粉，有良知。始終不合小編口味，白胡椒粒整碎，裝於豬肚內扎實，新鮮豬肚煮

今日去了一家位於黃大仙半山的潮州打冷店，性價比極高，很想跟大家分享。二人行點了四個菜真的有點誇張，更誇張是連白飯加汽水竟然才三百多元，真的令我們吃得份外高興。四個菜包括煎蠔餅、蒜蓉白菜、鹵水拼盤和一尾潮州凍魚。潮州凍魚是鹽焗烏頭，很大條且鮮味非常，推薦。鹵水拼盤內有墨魚、豬大腸、豬頭肉、豬耳、生腸、紅腸、鹵水蛋、豆腐卜和大豆芽菜，鹵水香而不鹹。煎蠔餅則有點失望，可能是因為頭兩道菜太出色的關係令蠔餅比下去。此蠔餅是炸不是煎，是炸粉不是薯粉，而且似乎炸得太乾身，令此蠔餅變得硬而不脆。蒜蓉白菜有鑊氣而且很大碟。

🥢蠔仔粥 （中）嗌左個中既夠我哋分6細碗左右蠔仔同肉碎都算多都唔會食到有沙🥢煎蠔餅一碟有兩大塊🦪煎既啲邊邊位好酥脆配埋魚露或者豆瓣醬會更加野味🥢韭菜豬紅冇乜特別 都係平時食到既味道不過比較多油浸住d韭菜都好入味 好香🥢鹵水拼盤有半隻蛋，紅腸，朱腸，牛腸，鴨腸，等⋯乜都有d 都算多 但鹵水唔夠入味，有啲淡可以沾少少辣椒酒食✨-難得一家人食飯即刻嗌翻支啤酒啤下😂🍻不過可能因為近母親節去價錢升左之餘 客人都比較多上菜方便比較亂

買左盒鵝腸併豬腸 平時一向買開都係有跟辣油同醋 今日買完同個亞姐講要辣油同醋 個亞姐吾理走入間鋪 跟著就同個老闆娘講話我攞完一樣又一樣 個老闆娘就走黎同我態度惡劣咁講（要咪攞5蚊黎攞完一樣又一樣 無吖 要就攞錢黎吾要就走）你要收錢可以講吾係咪當人乞兒 咁吾願做就快啲執左佢啦 今時今日咁既環境吾需要再受氣食佢

同男朋友去第一次食，點左一碗大既蠔仔粥$55豉椒炒新鮮蜆$75大滷水拼盤$80呢三樣食物都好食，滷水汁都好入味，唯獨蜆上枱時有煙出唔夠熱，暖暖地，個汁係幾好食，粒粒都有肉，見到好多人點滷水鵝/鵝片，我地就再後加一碟滷水鵝片$90，上菜時鵝片只要6-8塊薄片，無連皮既肉片既打橫鋪係底既豆腐面，個底有5-6條長條型既豆腐，見到自己既同人哋唔同，都無特別去問，但最後發現$90都應該係同其他post既份量一樣既，就發現呢間鋪可能係見我哋第一次黎唔識野所以求其俾我哋，當中幾個店員上菜後行嚟行去望下我哋都已經覺得奇怪，埋單時$300，啊姐收錢後都無講嘢，亦無講多謝，我覺得因為無影相既關係所以無證據，我會再去因為都幾好食。

稱唔上菜館，坐位超迫，見鄰枱有啲要迫6人坐張粉麵舖嘅3-4人圓枱，舒適度超低。屈質都有屈質嘅風味。不過先嚟嗰碗豬皮蘿蔔就大打折扣，蘿蔔完全冇其蘿蔔香味，豬皮亦都係浸泡太耐浮屍膚質狀態。之後嚟碟汕頭煎蠔餅就加番分，蠔仔超多，均勻分布蛋漿，唔會出現有啲只得蛋皮冇蠔嘅失落感。即炒豉椒炒蜆嚟到係微溫，唔多似「即炒」，不過味道可以，豉椒味偏淡，起碼冇成碟殼走甩肉。秘製鹵水鵝就合番cp值，鵝味濃，鹵味夠，切得粗幼剛好，只墊少許豆腐俾番足件數啲鵝，唔似得有啲舖墊低菜仲多過碟鵝肉。有份煮嘢食嘅員工時有拉低口罩，傳菜姐姐上菜時亦插隻手指頭落碟餸度拎餸，衛生意識就一般。

👉 煎家鄉蠔餅🦪($60)蠔餅外面脆卜卜，內裡係軟淋肥美的蠔仔🦪肉超正👍🏻不過感覺上好似唔係用鴨蛋🥚所以冇咁香咁🙈👉 名師蠔仔粥🥣($55)鮮甜蠔粥除左有肥美蠔仔🦪外仲有豬肉碎啱曬中和返，不過同屋企食的都係差少少🤏🏻，粥唔夠綿～👉 潮洲烏頭魚🐟($85)E個我其實唔算好推薦大家試🙊因為正宗的潮州凍烏頭的開法、煮法同佢都唔同，最緊要係佢都唔係「凍」❄️，冇黃油都算啦，上枱個刻d魚油係流動的同微溫的🙃👉 鹵水大雜拼($75)雜拼有齊鵝腸🦆、紅腸、豆腐、墨魚🦑、鹵蛋🥚等等，整體都入味😌👉 蝦醬炒通菜🥬($45)有驚喜😍通菜爽口有火氣🔥，加埋蝦醬🦐又唔會太鹹，單食都👌🏻～👉蘿蔔炆豬皮🐽($40)普普通通就唔特別介紹啦🤪