雄記川燒 (已結業)

來到佐敦..朋友二話不說想吃串燒..心大心小之間最終去左雄記..印象中我去過雄記3次..已經有大半年冇去..但今次的確有少少不同了..到步後..本來想坐室外..因為室外冇咁重油煙味..但是職員話出面唔開..唯有照坐室內🙄兩人點了十三款食物（蒜蓉燒蠔忘記拍照）整體上除了濃烈的調味料味，根本食唔出本身食物味道..今次師傅好重手😅但唯一翠玉瓜是真心好食的..咬落充滿水份😝另外點了生蝦..我覺得一般般🤔不過始終不是泰國餐廳..期望就別太高..仲有點了酸辣粉..都是一般啦..沒有特別..

朋友的飯堂，今次假期前的晚上，等左一陣才有位食第二次依然好味，因今日我倆都唔太餓，友人主要來飲啤酒，所以都叫了一些輕盈食物來佐酒今次先食蝦刺身，辣醬對我來說算辣，我只點wasabi，蝦好新鮮又甜之後叫了牛舌，有孜然粉，好夾又淋又軟熟，好食到之後有encore茄子係要必叫的，因為燒得剛剛好，茄子肉一絲絲撕下好好味，今次叫了一隻唔辣，一隻辣，辣的好野味，但我唔太食到個辣度，所以都係小辣以下啱我，蔥係點題之作，好味道之後都有叫韮菜、秋葵、牛柳粒、雞中翼、蒜蓉包等等，都係好食、朋友常叫的串燒，但飲兩飲，我地一路食都忘記影相啦，蒜蓉包的蒜蓉之多正合我意，又係必食

一講到食串燒不得不講雄記，平靚正就完全岩晒佢，每次一到7點外面已經要排隊，等左30分鐘左右就到我地，一黎就叫左必叫嘅燒三文魚頭，燒到外皮卜卜脆好香好多汁，同一時間都叫左條燒青魚，條青魚鮮甜肥美完全冇魚腥味，燒牛肉粒同燒豬頸肉都燒得岩岩好，肉質香嫩又彈牙，加埋5香粉簡直無敵，同埋佢哋嘅燒茄子亦都係好出色今次叫咗蒜蓉燒茄子，吾知點解條茄子可以甘多汁及蒜蓉香，我每一次嚟到都會叫返碗酸辣粉，佢哋啲粉非常彈牙，又辣又香.完美嘅一餐

去過幾次，對熟客就OK，其他客人服務態度就麻麻。同埋啲嘢食都比較等得耐，我上次，問一問都俾佢鬧。唔等得就叫我現在埋單。嘢食都比較味濃。裏頭坐嘅位置比較迫，但係都可以接受位置都叫做方便，可以泊油麻地停車場。但係如果以服務態度來說，我就唔會再去

行開佐敦, 突然 好肚餓!由於無檯, 只好坐外面!  可能熱少少, 我唔介意另外, 老闆有好介紹 燒羊架  及三文魚頭 (真係要必食)! 燒秋葵及脆玉瓜都係我既至愛!再配 啤梨味 Cider , 成件事無得輸架!!  

好味又抵食的串燒，非呢間莫熟，次次都盡情點，超級滿足！我黎過呢間好多次，雖然舖位細細，座位好頰窄，但每隔一段時間都會想再黎的，今次因為舖裡冇位，所以職員安排我地坐舖外。而且食物每次都有大中小辣揀，我怕辣不過都食小辣，因為好惹味，呢度飲品價錢合理，所以一於唔理咁多😂蟹子丸及芝士豆卜，豆卜香脆，內裡釀了芝士，好味👍🏻👍🏻👍🏻燒鯖魚，夾開魚肉有魚油，冇燒到乾曬，側邊的醬汁比較辣，所以我冇點醬😁羊架，係我每次黎到必點的！因為廚房燒得好好，不會太生或太熟👍🏻😋燒菠蘿，好甜好多水份，但略嫌份量比較少😋大家聽過芝士怪，但係蒜蓉怪又聽過未？我就係蒜蓉怪喇！每次食親呢個蒜蓉牛油焗金菇都好興奮，因為超多蒜蓉喺入面，好香呀🤤煙肉車厘茄👍🏻👍🏻👍🏻芝士焗西蘭花😋😋😋

放工後搵食 ，平時這裡經常客滿坐到出門口 ，星期六晚上9:30去到竟然不用排隊，正啊 ! 川燒花竹蝦，夠大隻長度如手掌般，味道鮮甜，蝦味道特別濃郁。@$40 豉椒蟶子，點了中辣，十分惹味又鮮甜，特價買2送1$80就有3隻了，都幾抵食。 燒烏頭，魚身有淡淡的香茅味道配合酸辣汁，有點泰國風味，但是略嫌魚肉油脂量不足。 因為所有食物都點了中辣，2人一共飲了3款飲品，邊吃邊喝就是爽啊～

天晴…我好鍾意食川式燒烤！以前香港比較難食到呢類型既燒烤！要食就要返大陸！其實好有風味！無論食物或者”環境”不過今時今日係香港就不難搵到呢類型既燒烤餐廳！ 亦有好多都會加入日式元素係入面等食客多D選擇！雄記就係其中我覺得比較正宗既川式燒烤！我亦比較常去呢間！因為性價比比較高！*當然都會加入小小其他菜式滿足不同食客口味去雄記主打會點燒茄子，聖子，韭菜，燒饅頭，豆卜，雞翼！燒茄子，雄記做法相對地比好多餐廳做得好！燒得夠時間，茄子燒到夠”淋”夠爛！好多餐廳都做唔到！因為要夠爛夠淋需要幾長時間！聖子會碎上！好新鮮同唔貴！燒饅頭就好脆！同埋要試下豆卜，入面有芝士！如果狀態好會加多碗酸辣粉！味道就一定唔夠大陸好食！不過唔係成日去大陸！呢碗都可以止下咳！最緊要就係價錢相宜！不過就地方窄d同大油煙d！

Friday night,食飯就邊樹都多人，好在朋友訂到枱，唔使等店舖細細，只能坐廿幾人左右，因為我哋2個人，就要搭枱坐啦！點咗以下食物保留到九菜嘅水份，入口香爽牛脷+牛肉粒兩款入口都感覺少許油膩，牛肉粒肉味香濃，燒得夠腍，牛脷就唔太食到牛脷應有嘅香酥味，但都合格嘅~食燒烤係會有啲漏漏哋，叫呢個中和一吓唔錯，味道夠泰feel，但唔算好辣，勁開胃呢個真係比5粒星，外面燒得夠香，燒得功夫好，將裡面肉汁鎖住，入口肉質嫩，無雪味，正呢味芝士豆腐一定要夠熱食，本身豆腐無咩味加上芝士唔鹹，如果調味再多少少可能會好食啲。呢個燒鱔都唔錯，都係燒得夠香脆，燒得唔會過乾，厚度適中。呢個都比5星，用錫紙包住燒，啲蜆既汁加上芫茜同蔥，飲一口實係似飲緊海鮮湯呢蜆夠新鮮，份量有十幾隻，呢味絕對要點食物質素唔錯，如果想邊傾邊食就未必啱喇，因為隔離枱傾咩你都幾乎聽到晒，而且地方太細，油煙味好勁，如果有下場就可能要下次先再食喇

一個人食嘢會唔會好悶？其實在於自己的心境吧了！正如單身的日子一樣，有時感到寂寞、傷感……但倒不如安慰吓自己，好好享受這片自由的氣息吧這間燒烤小店就在我家樓下，串燒種類多，由燒虎蝦、鵝肝至10餘圓的燒雞翼、燒丸都有，豐斂由人，更有我至愛的Hoegaarden飲，亦成為我一個人時候的飯堂了雞泡魚干本身是甜甜地，再加上沙律醬，酸酸甜甜的好好味雞翼燒得洽到好處，皮脆肉滑濃厚的蒜蓉味，可將茄子肉一絲絲的撕下皮脆肉香，比清蒸黄花魚更高一層次花甲滲滿牛油及蒜蓉，嫩滑又無沙

很久沒有食過燒烤的食物，今次去的就是佐敦的「雄記川燒」。去到食店時差不多七時，店子剛剛開門，店子很小，坐了最入的位置，看完餐牌就叫了雞泡魚乾、重慶酸辣粉、牛仔骨、蒜芯串、生蝦刺身、安格斯牛仔粒、雞中翼、羊架、牛脷、鮮魷魚、田雞、黃金饅頭、鱔片、翠肉瓜、油甘魚餃、油甘魚頭、菠蘿、大虎蝦、原條茄子、菜芯苗、三文魚皮、黑瓜子、聖子皇和大元貝。雞泡魚乾($30) 第一味來的食物，乾身香口但有一點的韌身。重慶酸辣粉($25) 薯粉的份量不多，味道辣口微酸，但味道不重。牛仔骨($25) 肉味濃，肉質嫩滑。蒜芯串($12) 蔬菜類食物，還有一點的水份不太乾。生蝦刺身($90) 生蝦新鮮，配著特式的汁醬來食味道辣中帶酸。安格斯牛仔粒($17) 肉味濃，肉質嫩滑。雞中翼($15) 燒雞翼一定十分配合，皮脆肉滑。羊架($40) 羊味十足，肉質也很滑。牛脷($19) 好像燒過了，有點韌和乾身。鮮魷魚($20) 味道偏淡，不太特別。田雞($16) 肉滑，但味道也是不太突出。黃金饅頭($10) 外皮微黃，軟軟地幾香口。鱔片($35) 很香和脆的外皮，肉質不

那天去完迪士尼黑色世界，就去咗依間食野，依間串燒個人認為其實都係不過不失。都無咩話特別好好食，啲串燒會比較港式啲，唔會好似泰式串燒同卬尼串燒咁，會有啲醬汁點。同埋燒既時間都好長，至少半個鐘，由十二點幾去到食，叫咗兩轉串燒，食完走都已經兩點幾。價錢方面，其實我覺得算係貴，四個人食要864hkd，如果當宵夜食，食少少應該唔洗咁貴，可惜我地當晚餐食，米會好似我地咁另外，盡量都唔好太晏去，因為我地個陣都已經好多野賣晒，想食到依間野推介既，就真係要早啲去！P.S.啲相係咁以炸好多都無影到相。。。

行開依頭,見依裝修幾好,就行入去食野我點了幾樣野食,冰爽涼伴黑木珍珠耳,食落好彈牙,真係冰冰涼涼的,味道以麻辣味為主川香魚湯清酒煮花甲,魚湯味濃,花甲肉鮮味而無沙,肉嫩滑口,酒..是可向店員講要幾多黃金燒大虎蝦,蝦肉飽滿肥美彈牙,而面頭咸蛋黃,入口夠香燒鮮白鱔,外皮燒至小濃濃好香,可能係甘,裏面肉汁沒有點流失,食落重鮮味,而且裹面肉嫩,配合得唔錯

早幾日book 定位一行4人, 一坐底即刻叫野食一陣d野食就一轉轉咁黎la,keep 住張台有野食無敵清酒花甲!!次次都叫我地一人一碟，叫到職員都以為落錯double 單, haha生蝦刺身鮮甜味美，好抵食次次來都叫一兩碟燒雞泡魚干唔會勁乾，有咬口，好味，飲啤酒絕佳台灣腸 - Juicy 又香口, 次次都要encore四季豆 - 本人本身唔食四季豆的, 不過燒香左冇左唔鍾意既味，而且口感香口但係唔乾柴，仲juicy, good!粟米 - 冇燒過火, 圓潤又甜菠蘿 - 今次貨唔靚, 同埋燒得太濕菜心苗, 菲菜, 蒜心 - 好味 唔乾柴鮮魷 - 用料新鮮, 燒得岩岩好, 肉厚juicy, 正!茄子 - 整條開邊唔乾水，蒜味香濃聖子 - 肥大肉厚, 唔係下價貨, 好鮮甜好juicy!大眼雞 - 新鮮！ 肉唔會係梅個d, 呢條魚自己去街市買最少40$, 呢度市價先係60-70$， 真係好抵! 仲要燒得又香又靚又juicy! 配埋個漿汁，超正!曼頭 - 口感頗煙靭，唔過干，想要食小小飽肚野完滿d就最岩安格斯 - 肉味同肉汁完全保留, 燒得好香口

第三次幫襯。兩次舊鋪，搬左新鋪後第一次。每次必食，牛舌，牛柳粒。鍾意飲啤酒嘅人黎食就岩哂。今次叫埋羊肉同粟米。但今次無以前咁好食。整體黎講上菜比以前快左而且盡量一次過上哂比你。以前得老闆一個人燒，燒好一串就上一串比你食，熱辣辣味道一流。但今次一次過上，燒完放得耐，暖左唔夠熱。明明8-9分嘅食物，暖左變到得返5-6分。食完後完全無左以前嘅滿足感。眼見人客走得七七八八。忍唔住叫多轉牛舌，牛柳粒。仲有最愛燒鱔片。因為無人叫野食。師傅燒完即上。今次和味囉。7-8分嘅牛舌牛柳返返哂黎。夠嫩夠哂牛味。仲有最愛燒鱔片，外皮夠脆夠香口，肉嫩燒得剛剛好完全唔會太乾身。食落淡淡油香起口。10分滿分無得頂。最可惜得三舊一串，只夠吊癮。最後一轉上菜夠快夠熱，梗係食左先講，所以無比相機食先