雄記粉麵 (已結業)

朋友說這兒的魚肉春卷幾好味，我便入去試試。因為是午飯的時間，鋪頭坐滿了顧客，照我所見好多顧客都有吃魚肉春卷，那一定是不錯的產品。我叫了魚肉春卷墨魚丸米粉，個湯清清的不會太鹹，枱面又有冬菜你自己可以選擇加多少，墨魚丸好味有咬口，魚肉春卷真的不錯，很香，魚肉打得好結實，我喜歡這種感覺，配上米粉，便是一個簡單的午餐。另一款我們揀了魚肉春卷加牛筋撈麵，牛筋炆得好林好入味，麵就普普通通啦。

店鋪內寫不能外帶飲品，否即收取10蚊，如果你係拎住杯飲品入去，見到張告示，已經太遲，而外邊有8-9間珍珠奶茶，因為只係拎住，唔飲，都收，小心中伏 野食麻麻，無特別，坐得唔舒服，周邊大把食巿， 好多都出名，唔駛揀佢

事原有一天去叫配牛根春卷河食下la, 點知佢地就玩嘢la, 牛根沒有雙併， 只有撈面（因為撈面貴d）這是他們為了賺更多錢的手法!但都唔緊要la, 我就叫碗牛根撈la, 點知黎都碗牛根撈d 牛根全是d 牛根碎， 咁我就同佢地講， Whyd 牛根咁細舊架， 跟住果個呀姐就話係咁架wo, 舊舊都係咁架wo, 咁我就嬲到一氣之下就咁走咗去， 佢地真係過份， 賺錢唔洗賺到咁盡呀？次次都係到玩嘢，比埋d 濕濕碎碎牛根比人地，真係火都黎呀！😡😡😡😡仲要d 態度係勁惡劣

從未寫個食評，買完e間外賣嬲到不得了，我夜晚做完運動諗住去買野食，經過e間門口停係度望餐牌，門口食緊飯個男人見到我即刻彈起身問我要買咩，我以為小店咁有誠意做生意就幫襯下，買左個大腸春卷酸辣米線分湯外賣要51蚊，俾完錢去對面買豆漿，返到來見未整好外賣，舖頭又有吉位就入去坐低，一坐低就有兩個人入黎，阿姐叫我起身，叫果兩個人坐我張枱，同我講外賣出去等，其實間舖好多一個人坐一張枱，咁我見到最入張枱無人坐，我同佢講我坐入面等，因為出面真係好熱，跟住佢指住間舖最入面貼左張細纸寫住外賣要係出面等，講話你黎買外賣就跟規矩，係都要趕我出舖，黎買外賣都咁受氣，又唔大大隻未寫係門口俾人知，價錢又俾南記貴，一定無下次

食物已經難食到不得了，由於太夜冇嘢食，盲舂舂走咗入去，叫咗兩碗垃圾麵（要米粉又俾咗米線），叫杯豆漿又冇， 之後問佢有冇水， 又冇，諗住自己攞支水出嚟飲，仲話要收你十蚊，態度非常之惡劣！垃圾中既垃圾

今日下午食飯時，去了一間態度極差的粉麵，我叫了一個鹹菜酸辣大腸米線，味道不太，酸味就算可以，而辣就要自己落，感覺好其怪，大腸好難食，最大問題是態度差！下次一定不會再吃

做完野都好夜，諗住求其食碗魚蛋河，呢間以前食過印象不錯，今次同埋朋友黎醫肚先。大家都係叫最經典既雲吞河同魚蛋河，碗好似好細咁，但分量可接受。雲吞的蝦肉可接受，至於魚蛋河，魚片較魚蛋好食。咁夜就只食碗河算呢間除左魚蛋河呢啲賣外，亦有酸辣麵，有興趣可以試下。你地有無邊間魚蛋河推介下，值得一試呢？

雖知荃灣d米線好出名，又有條米線街，但搵咗好耐都未有一間真係令我會返轉頭再幫襯。之前有聽過雄記d米線好味，原來就喺路德圍。食完個‘鬼巴士’頭盤，當然未夠飽！所以就決定入去試返碗，真係一試難忘！舖頭好細，d客仲坐埋出街，幾咁跨張！齋睇價錢，一款餸37蚊都幾合理，但再加餸就好似貴咗d。呢度除咗有雲南米線，亦有雲吞、自製牛丸、墨魚丸之類嘅粉麵，最出名係魚肉春卷。呢度d姐姐落單每次落單到最後都會問吓個客，‘要唔要油菜’，我覺得佢哋除咗識做生意，仲係提醒d客要食菜！但今次好攪笑，我哋其實係叫咗生菜，點知食咗人哋碟菜心。原因有幾個，第一當然係我哋自己忘記咗叫乜菜。第二係張枱坐咗多客，大家唔知大家點咗乜。第三就係d阿姐放低後又冇問就走，等我哋自己認領。咁講到尾都係自己衰無記性～鹹菜大腸米線大腸好入味，肥瘦適中。小鍋米線有肉燥、酸菜、腐皮、芽菜，我哋叫左唔辣。湯底好清無乜油，酸度啱啱好，尤其係個鹹酸菜，吊起成個湯嘅味道。米線又係一流，煙靭唔過淋，又夠入味，超級好味！鹹菜肚絲米線+魚肉春卷話晒魚肉春卷都係呢度招牌餸，我哋都加咗一份。個人覺得味道冇乜特別，不過可以一試。 肚絲同大腸一樣，滷得入味，肚絲口感

荃灣海壩街一帶超多美食，岩哂有決擇症既朋友，同佢行左周圍兜左一圈就決定食雄記粉麵，餐廳外有兩圍檯，我地覺得坐出面吹住自然風舒服d。春卷牛筋米$33，出哂名自家製的春卷估唔到咁大條，外層薄薄的腐皮包著無骨嫩滑帶點彈牙既魚肉春卷，如果成日都可以食到就好了，可惜我唔係呢區住！牛筋好入味，偏甜，但相當腍又有嚼口，好食！辣椒油超好食，落足料有好多蒜蓉好香口，同粉麵一齊食真係好快就食哂！都是自家製的好可惜無得賣呀！！

收工成十點幾十一點想食消夜 但又唔想食太油膩 所以搵咗間粉面舖食🧚‍♂️🧚‍♂️🧚‍♂️ 叫咗個雲吞米 望落去真係幾清下😂😂😂雲吞有五粒 皮都唔算太厚 不過雲吞粒蝦就唔算好大隻 亦唔係話有特別新鮮嘅感覺🧞‍♂️ 可能呢一間都係要食牛腩先比較出色🧞‍♂️🧞‍♂️ 雲吞就真係普通啦🧞‍♂️

首先講明，我曾經都係呢間野既捧場客，早兩年黎食物已經唔同左味，深感已經轉手，今次再來試它一試，已經確信了 --- 如果不是轉了手，就是配方失傳 / 廚房班底換散人。黎得呢間，識食一定食「孖支」上既春卷，講的當然不是脆皮那種，而是接近於另一家聞名的「南記」供應的那款。以往春卷是大大個圈，而家件野縮左水，味道亦打了幾分拆扣 --- 雖然問心講，亦不至於唔好食。去呢d老字號，一係食人情味，一係食口味，如果兩者皆欠... 便要靠新的經營者多多爭氣 ! 今次去時已一改以往多人光顧的景況，中午去大多是吉位，反觀隔離「山西」已近滿座。此畫面，自是盡在不言中。如果滿分是5分的話: 春卷3分,牛筋2分, 麵、湯都是1分。

第一次食，個腐竹春卷出乎意料之外好食！好夠味之餘仲好煙韌，而且份量算多（好長），麵就無什麼特別。一定會再幫襯呀！PS服務員態度好友善，粉面店黎講好難得。不過地下較油膩，如果可以改善一下就更好。

住荃灣的朋有都知情，海霸街、荃興徑一帶食肆從立，今次去的是已有很多年歷史的雄記粉麵。南乳豬手是它其中一樣鎮店之寶，豬手炆得十分淋滑，每口都充滿香濃的南乳味，既大且多肉，表面豬毛亦清理得很乾淨。另外一樣做得很出色的是酸辣米線，酸辣湯底跟連所米線店截然不同，它的酸和辣的味道平衡，而且還多了一陣香料的香味，令整個湯底味道做得很出色。魚肉春卷是另外一個皇牌，魚肉先打成條狀再炸，春卷爽口彈牙，散發出陣陣魚香。辣椒醬和冬菜不得不提。辣椒醬用蒜炒過，令味道多一個層次，而鹹鹹的冬菜放入粉麵調味，十分酸胃。

腩肉春卷酸辣米線荃灣區內實在有太多米線選擇，呢間係路德圍多年既粉麵，其實最出名係佢既魚肉春卷。-但我發現佢既酸辣米線都好出色，湯底無其他米線店咁油同肥膩，但同時做到清甜入味，加上酸菜同辣醬，都一樣惹味。米線粗幼度剛好，腩肉還好略嫌有點瘦。豬肚絲/牛𦟌/大腸都唔錯佢普通既粉麵麵好好味，湯底清甜。一定要配埋佢自家整既蒜容辣椒醬，勁香勁辣勁惹味。不過叫牛腩就比出名貴，但就好入味既。份量一個正常女仔就夠食，但男仔就難講d

呢一間雄記粉面喺荃灣好出名，出名在佢有春卷作為賣點。佢嘅春卷唔係平時嗰啲炸春卷，而係春卷魚蛋，兩條好似潤腸嘅春卷，味道好似魚蛋，不過整成長嘅所以食得夠爽同更有口感。另外價錢都好抵，一碗春卷河都只係＄33，係呢個市道來講都算係唔錯。