雅敍閣西餐廳

营业中

休息中

每次開家庭會議問食咩好嘅時候，小寶就話食牛扒，爸爸就話食中菜，我就想食海鮮同沙律。口味嘅嘢各有不同喜好咁點攪呀？食Buffet 就可以輕鬆解決我地各自都搵到心頭好，又可以滿足樣樣試少少嘅願望我地就去咗旺角維景酒店食海鮮自助晚餐，佢地做緊亞洲美食巡禮，主打推介鱈場蟹腳、即燒 BBQ 、燒澳洲和牛M6和炭燒澳洲羊脾。日式刺身、沙律、冷盤、燒物、炸物、中式小菜、甜品、飲品特一應俱全，多款經典懷舊中式菜式同甜點如豬腳薑、洋蔥牛仔骨、蛋撻仔、大菜糕、紅豆沙、芝麻糊等，熱葷選擇較多好適合長輩小朋友，識食推介厚燒牛舌和超大條清蒸大海斑，小寶自己 encore 左幾次 ！甜品方面都好多選擇，西式糕點同中式糖水都有，私心推介楊枝甘露足料又唔甜，小芒果糯米飯都有，當然唔少得仲有哈根大師雪糕5位或以上訂座送冰鎮海鮮盤一個，每月生日之星仲可獲贈蛋糕一個添～高質性價比高 Buffet , 加上地點方便，下次叫埋公公婆婆嚟再encore ! .Metropark Hotel Mongkok #hkhotel #princeedward #metroparkhotelmongkok #buffet #lunchbu

用餐日期：2024/01/06可用餐時段：7:00-10:30，3小時30分鐘用餐費用(每人）：$110+1餐廳環境：環境整潔乾淨 室內溫度適中不過冷 檯與檯之間闊落 坐得舒服 服務：服務員服務有禮貌態度好 收碟及時 食物及時refill 這次的沙律吧麵包熱食水果飲品都選擇不錯味道好但變化不大 熱食點心這次換了叉燒包 叉燒包偏黐牙不推薦 熱食推薦炒麵 煎蛋 炒蛋 炒菜 牛奶麥皮乳酪：有一款乳酪 如有純乳酪更好穀類：沒提供 希望店方會改善芝士：沒提供 希望店方會改善飲品：即磨咖啡機製造latte出得快 推薦總結：這家早餐一到日價錢一樣 服務態度好 自助餐價錢吸引 較多中菜選擇 沙津菜熱食麵包水果飲品的選擇都不錯而且味道好 環境舒適 食材新鮮 有足夠時間慢慢進食 如有提供芝士凍麥皮燕麥穀類魚類選擇更好 是值得推薦的酒店自助早餐店

用餐日期：2023/12/26可用餐時段：7:30-10:30，3小時30分鐘用餐費用(每人）：$110+1餐廳環境：環境整潔乾淨 室內溫度適中不過冷 檯與檯之間闊落 坐得舒服 服務：服務員服務有禮貌態度好 收碟及時 食物及時refill 沙律吧：這家沙津菜新鮮 配料選擇不錯 有2款醬汁乳酪：這天乳酪沒貨沒提供穀物：沒有提供芝士：沒有提供麵包：有約4款 提供1牛油 2果醬 熱食：有煎蛋檔 麵檔 2款中式點心 炒麵 炒飯 炒菜 炒蛋 烚蛋 茄汁豆 火腿 腸仔 煎雞塊 4款煎炸物 麥皮 粥 豆漿 選擇多 炒麵炒菜點心都味道好 推薦 水果：有3款，味道正常鮮甜飲品：有果汁 茶 咖啡 即磨咖啡機製造latte出得快 推薦總結：這家早餐自助餐價錢合理 較多中餐選擇 沙津菜熱食麵包的選擇都不錯而且味道好 環境舒適 食材新鮮 服務好 有足夠時間慢慢進食 如有提供凍麥皮穀物乳酪芝士魚類選擇更好

同屋企人黎食，都知道3百幾蚊唔會有太高質既食物，但冇諗過會咁差最大問題係個牛，睇落個樣都好奇怪，切出黎一片肉同肉中間會有窿口感亦怪怪，又好鹹其次熟食種類唔算多，大部分都好似食叫到會啲野食咁鴨胸、薯角、串燒、豬肋骨、炒菇、燒雞……味道就正常啦，唔係特別差，但啲食物都唔熱凍盤要有既都有，都係正常發揮。甜品除左雪糕，其他都冇咩好講整體係平既，但食物質素都唔成正比有啲失望。但要提一提係員工既服務態度好好，係真心值得一讚既

一次比一次好,睇到食物源源不绝供應.三文魚很滑食完再食.粟米魚柳很滑,食完又再食,來回足足三次.甜品和生果我自己很滿意.沙津吧雖然選擇不多,但也滿足我需要.如果能供應芝士蛋糕就更加好.好欣賞咖啡機有幾種選擇.大家試下就知道.

呢間真係值得一試，體驗很獨特。一般自助餐，再差，都有個刺身吧，就算熱食幾咁唔適合你，諗住食啲刺身，都可以回到少少本。呢間特別，刺身吧供應蟹柳（魚蛋狀的，非一絲絲）、蛋（急凍中間重未完全解凍既）、希靈魚（雪藏貨）、𩶘魚（雪藏貨），完啦。你以為基本會有三文魚，係有，壽司黎，全場可能有幾十件，攞完左，你以為等一陣佢會refill，等左一個鐘，唔見有refill，去問佢，佢話唔會refill既。咁冷盤既環節，就未開始，已經結束左。咁你諗住可以食下熱盤，有趣既時刻又開始。純凍肉享受，印象中，有生炒豬扒、黑椒雞扒、雪藏白汁魚柳、蠔油菜芯、什錦炒豬腩肉片（臭既）、炸春卷、炸咖哩角、炸雞翼、咖哩雞翼、炒飯、炒意粉。甜品好快就攞完，每樣試過一件，但你唔會覺得好食既。呢種自助餐，真係算係種體驗，令我回味曾經名將既感覺

約咗朋友傾偈，原本去嗰間餐廳未開，於是即興嚟咗呢一間酒店自助餐，貪佢夠近😂坐低跟服務員傾偈先知道，原來佢疫情後剛剛開業冇耐，服務員照顧很周到，又會幫忙拎食物回座位，又會熱心介紹食物擺放位置，這個值得加分。有一兩款魚生，沙律，熟食有咕嚕肉，甜品有啫喱糖和小蛋糕。簡單來說，黎呢度真係為咗有個好地方傾偈😄

景色非常的好蠻推薦晚上來的還可以順便欣賞高雄燈會每半小時都有展演一次記得提早訂位訂位時要備註要坐窗邊位置食物種類很多甜點個人覺得不錯吃舒芙蕾很好吃蛋塔也不錯蛋糕也ok馬卡龍還好缺點是熱食大多是都不是熱的吃的時候有點溫可惜了 食物很多都沒做好保溫食物還是要熱熱吃 才吃得出美味

7月1號跟教會小組參加本地遊，安排在雅敘閣食自助午餐！這次自助餐中，菜芯老又唔新鮮，跟住老婆同我講忌廉湯好難飲，我試咗三啖，果然如她所說超難飲！我由7月1號晚八點幾至7月2號下午兩點，總共肚屙咗八次，我老婆都屙咗五次！問返幾個當日一齊參加的教會朋友中，有一個竟然屙十次，一個六次，一個四次，一個三次，又有一個兩次！真的有理由相信是食物質素或衛生出現了問題！唉，原定安排了喺另一間酒店食，只因為嗰間酒店餐廳座位唔夠，先至轉食雅敘閣！我廿幾年前喺呢度食過一次是ok的，想不到今次竟然令我身體不適，幸好唔使睇醫生！ 我也反映了此事，及後酒店一個男客戶總監打電話向我了解，我也詳述了這些問題，他已為此向我致以深切的歉意！

女朋友生日，咁岩佢又未食過自助餐，唯有帶佢一試呢間我都想試試嘅酒店buffet啦。價錢268＋1，咁岩人唔多，全場只有5-6枱客人，真係好寧靜好舒服，唯獨是張櫈似舊式酒樓嘅櫈咁款。。。凍盤有沙律幾款，菜幾款，冇火腿冇煙三文魚。。。壽司好多，三文魚，鰻魚，鯛魚，腐皮等等，另外仲有軍艦同加洲卷，刺身都係三文魚，吞拿魚同八爪魚。凍海鮮算係交足功課，除左蝦，藍青口，長腳蟹，仲有蜆同麵包蟹熟食有蒸海斑，不過過火左少少，肉質實過龍。有薑蔥炒蟹，有泥蟹同花蟹，泥蟹多膏但又係過火，好靭好硬，感該係將佢飛水走油再煮，變左過熟，但係肉質鮮甜。燒雞就味道平平，唔夠入味，似係加醬料係外層再燒，冇醃過。另一邊有燒牛肉，部位係肉眼，唔太多肉汁，但肉質嫩滑，熟度掌握得唔錯。旁邊有部燒烤爐，有燒菠蘿，雞軟骨，脆玉瓜等等，非常唔錯甜品款式較多，普通啫喱杯，美式芝士餅，又有朱古力蛋糕，芒果慕絲餅，綠茶大福，Tiramisu同奶凍等。美式芝士餅芝士味唔夠濃，質地偏鞋口。飲品都有咖啡同茶，仲有蘋果汁任添任飲，算係值回票價啦。仲有一點係$38/位可以任飲紅白酒，橙汁同汽水，呢點會係吸引酒鬼嘅我再幫襯原因，食物質素就比較普通冇特

📍雅敘閣西餐廳（旺角維景酒店自助餐）今日去左食左間平民自助餐，食到新鮮長腳蟹、凍蝦、Häagen-Dazs、仲有好多款甜品、熱食、串燒。當然咁既價錢食到呢d我覺得真係對得住個價錢架！🔻長腳蟹比起其他貴價buffet整得好食，好鮮海水味唔會太咸，又唔會淡茂茂，仲有凍蝦、蟹都好鮮甜🔻最中意食佢d串燒，有蝦、勁多汁菠蘿、勁juicy 翠玉瓜、丸、雞翼。 好好食！平時唔中意食翠肉瓜既我都不斷食！食菠蘿都抵返數🔻甜品都超過15款，有燉蛋、啫喱杯、任食Häagen-Dazs雪糕、芝士蛋糕、朱古力蛋糕、班蘭蛋糕、豆腐花好多呀、每款試一啲，特別最鍾意食個燉蛋！唔會太甜而且夠滑！🔻熱食有大大條蒸魚、炒蟹、伊面、芝士波波、牛扒雖然選擇唔多但係我都覺得夠食，最鍾意個芝士波波，外脆內軟入邊勁多芝士，雖然勁邪惡但係我都食咗幾舊！🤣🔻環境不錯夠晒靜，同啲服務都非常好！好味指數:7/10環境服務: 7.5/10地址: 旺角荔枝角道22號人均消費:300內

📍雅敘閣西餐廳-旺角維景酒店西式自助餐🔻凍海鮮：蝦、蜆、青口、蟹腳、麵包蟹，海鮮種類算多，食落都新鮮，最鍾意係麵包蟹，肉質嫩及鮮甜🔻串燒：蝦、菠蘿、翠玉瓜、茄子、冬菇、香腸、牛肩肉、羊串，特別推介燒菠蘿，又甜又多汁，小編同朋友都夾咗好多次😆😆😆🔻魚生：三文魚、蟹柳、八爪魚、呑拿魚，味道都新鮮🔻甜品：布甸、意大利芝士杯、慕士杯、豆腐花，唔同甜品都有多款唔同嘅味道可以選擇，味道唔會太甜，適合怕食物太甜嘅朋友🤣🔻價錢唔算貴抵食☺☺最開心係有6款唔同味嘅Häagen-Dazs雪糕可以任食！刺激味蕾指數:👍👍👍👍👍7/10地址: 旺角荔枝角道22號人均消費:300

酒店自助晚餐，$300蚊有找！😻😽熟食：蒸魚，椒鹽賴尿蝦，焗蠔，燒腩仔，酸辣香橙骨，牛柳，蟹，炸子雞，炒蜆，酥皮田螺，青口等等！BBQ 海鮮吧：有鮑魚，蝦...壽司吧：有刺身，三文魚壽司...也有冷盤海鮮！雪花蟹腳，熟蟹，熟蜆，熟青口，麵包蟹！沙律等等！甜品種類都好多！芒果布甸、木糠布甸，意式奶凍、七色馬卡龍、泰式三色糕等等！真心抵食！加埋一$300有找！地點又方便！太子地鐵站一出！👍🏻😻

自助晚餐整體食物質素也不錯👍🏻款式有麵包蚧，長腳蚧，煎鵝肝，新鮮刺身及壽司不停輪流供應及補充。以2⃣️佰幾元，算是抵及不錯👍🏻，可以值得推介及下㳄再惠顧。

雅敍閣西餐廳位於太子維景酒店一樓，昨晚和友人訂了2位自助晚餐,6點半開始，甫入餐廳己經有服務员招呼入座，服務態度不錯，所有食物是自助型式熱盆有（豬手、鱸鱼、時疏、炒蜆、咖喱炒蟹、海南鷄、燒豬腩、炒粉麵飯、粉葛湯、南瓜湯）凍盆有（刺身、寿司、凍蝦、凍蜆、藍青口、長腳蟹、麵包蟹）甜品（意大利芝士杯、各式毛士、生果粒、布甸、豆腐花、糖水、雪糕）燒烤区（片皮鴨、烧龍蝦、香腸、牛肩肉、鸡軟骨、羊串等等）食物質素不太好，中西湯淡而無味、烧龍蝦肉質很梅、長腳蟹太幼瘦、唯一較好是麵包蟹很大隻多羔，而且不乾，但很多食物淨很少很少都沒人加，太多空盆，拖到收布啡唯止，餐廳環境算不錯，大陸客佔大多數。