雅苑小廚 (已結業)

在觀塘開左好多新餐廳，周圍都係港式茶記，cafe,我同個fd兜左十幾個圈，都係去左呢間雅苑小廚，主要係因為午餐價錢合宜，d野岩食。呢間野食野既人好多都係地盆佬，好似得我地兩個女人仔。好似正常茶餐廳，呢到有ABCDE餐8 個是日套餐，我地叫左梅菜扣肉同咖喱牛腩飯。呢到既中菜係好味d,個梅菜扣肉雖然好多夠肥豬肉，但係一d都唔膩，好淋好入味，唔會有淡淡油我既感覺，只係會覺得好入味，第一次食到咁好味既梅菜扣肉！個梅菜都好入味，最後食哂成碟。又好味，又平，加熱飲或例湯都係$48！咖喱牛腩飯個薯仔淋得尼又入味，呢個係港式咖喱，有好重椰汁，唔會辣，咖喱味唔係好重，唔會好咸，好滑，配飯一流！其實佢呢到出名既係牛什，牛腩，所以呢到個咖喱牛腩都好好味，唔會太多牛筋或肥肉。如果去要試有牛既菜

今日行經觀塘，肚餓非常，眼見差唔多到3.3下午茶時間，於是入去坐低食返個Tea，休息一下。店面光猛，幾整潔，感覺幾舒服。睇下餐牌，都有不少選擇。有午餐、粉麵餐、下午茶餐。對於有選擇困難症嘅我，諗唔到想食咩。但有兩個阿姐不斷企喺面前催促我地落單。最後，老公叫左生炒骨飯+凍檸樂，而我就叫左炸雞脾配薯條+熱檸水。喺等緊食嘅短短數分鐘，阿姐突然放低餐牌，原來係另一「下午茶餐」，睇真d，原來「生炒骨飯」係有下午茶優惠。呢刻先醒起，兩個阿姐不停催促落單嘅「原因」。我地問起有無下午茶餐時，佢地一直無反應。當然我地無同佢地「爭取」，只好怪自己無睇清楚。講真，食物質素係可以，環境幾舒適。