雋太日本料理 (已結業)

星期三晚...每位連加一$218...6點已經有人o係外面排隊等入坐...我地一行六人...坐入房仔...有個位可以自己o野飲品...食物方面...只有第一round入單d o野先齊...之後就無齊過...唔係漏呢樣就漏o個樣...截埋單坐一陣都無先催到兩樣返嚟...檯面上有一盒包裝o既wasabi...仲有分普通同勁辣...睇一睇...原來全部都係合成物...一d山葵o既成份都無...jit出嚟就知...綠到有d螢光...哈哈...最衰食日本o野唔落wasabi係唔好味...所以都用o左一包...刺物都算新鮮~ 三文魚同甜蝦都ok~ 天婦羅新鮮熱辣上o左檯...但係d汁最後都無嚟到...差...牛油帆立貝好味~ 但寫1份2份定3份都只會嚟4粒...串燒最好味係紫薯仔~ 又甜又好味~ 羊扒都好味~ 但係落o左三次單只係嚟o左兩次...釀蟹蓋同焗生蠔都好味~ 必食~ 火炙壽司都做得不錯~ 三文魚係最好食~ 其他卷物好多叫1件2件3件都好...都漏o左單...試唔到...飲品有好多韓式飲品...熱飲要寫紙...但係淡得可憐...甜品方面...Movenpick雪糕每一限叫一次...有都好啦

與友人下晝book位，時段為7:30至9:30兩小時，平日看見門口很多人排隊，今日終於來試一番。我們7:30去到店舖外面排隊，一批一批進入。由於朋友A未放工，我便與朋友B 2人先叫一輪，點了兩人份量的刺身，炸物與小食。很快便上枱，看到份量並不是十分大，感覺合理 因為放題就是要試試其他款。但食到大約8:15分，我們點了的火炙壽司仍然沒有來，還有很多其他的都有漏單，吃了45分鐘 感覺並不是很飽只是剛剛開始，八時半朋友A放工來了。我們都很肚餓，便展開第二輪點單，點了其他串燒，燒生蠔與壽司。食到8:45 ，侍應a 突然走過來，態度很差地說我們三人目定口呆，討論過應該是九點半清場所以要催人交枱。但朋友A來了才15分鐘，總要給我們時間吃吧！9:00侍應B 又走過來，態度一般地說這次我們有點生氣，沒有回應只好狂食，就算收不收費都好，普通一間餐廳食飯總要給客人時間！我們點了不是非常多，是夠吃飽三人份量而已，如果給我們2小放題時間一定吃得完。之前又漏單，所點食物 迫在交枱前的35分鐘內上晒，又不斷催促人食會不會太過分！9:15侍應c (態度最差的一個,短髮）走過黎,超惡地講!「食唔晒食物要收費!」9:2

主要係某TB侍應態度極差，以為自己唔憂做就可以態度咁差？！食物是不錯，各方面都不過不失。而其他的侍應態度還可以。講真，我唔係要你有好好嘅態度，更加唔係要有賓至如歸嘅感覺。但連最基本嘅代客之道都冇，態度極差的，一個都嫌多！不會再幫襯，費事貼錢買難受！

早排考完試同兩個fd入元朗踩車，踩完之後餓到爆搵野食，第一眼見到呢間放題，即管入去試吓可能時間仲早，等咗無幾耐就有位坐，(點知好快全場爆哂)，不過野食都算上得快，基本都齊單有fd見到蟹腳，即刻+38蚊食雖然要俾錢，但真係好正，蟹腳鮮味出，應該即叫即製，好憎其他果d攤凍哂再整之後到壽司，魚生無咩問題，但反而個飯唔知係咪包得唔好同埋用咗太多壽司醋包食落好易散和偏酸，實在需要改善一下。根住嘅手卷有同一個問題，但見到d料都足，誠意和材料搭夠。根住生蠔和炸蠔，生蠔不算特別，預料之中。但個炸蠔反而幾特別，我就覺得幾入味，算juicy，食落幾香，比預期好食，之後忍唔住哎多幾隻食。服務和野食都唔錯，如果個飯整好啲就更好了！

食完到宜家仲念念不忘呀！尋日約左個fd去元朗行街，行行下見肚餓，平時又少行開元朗唔知有乜好食，之後個fd openrice 見附近有尼間食放題，就諗住試下好唔好食唸住放題一定要等好耐先入到去，點知等左陣就入到去，一入到去坐低睇左睇菜單，就叫左D試下（個waiter 都幾好禮貌）D菜好快就到，我地叫左D生壕，幾大隻下，味道都唔錯，三文魚刺身，我同我個fd一致認為三文魚刺身係最好味，好少放題有甘新鮮又好味，甜蝦我至愛，果然唔會令我失望，又大又甜！！又叫左D壽司同小食，都唔錯！最推介一定係三文魚刺身！！！最後見飽飽地，就睇下有咩甜品，點知竟然有movenpink既雪糕，好少放題有得食！食左近2粒鍾就走左啦！尼餐好掂，好滿足！D野食好正，平靚正，下次一定會再黎食過！

今日同男朋友入元朗搵fd~朋友知我鐘意食放題話帶我地食間好野~嘩~不得了!!!岩曬我呢d海鮮怪魔依家得好少得放題有任食生蠔及蟹腳～ 有得任食加錢都抵啦!!!我地大概等左十零分鐘就入得~一坐低梗係叫我最愛既刺身啦!!!!有好多款式揀，單單刺身都10幾款啦~大部分刺身有濃海產味而非雪藏味~非常新鮮!!!北海道帶子刺身跟以往一樣~夠清甜夠新鮮!!!!我最愛食既甜蝦都幾甜~同埋都幾大隻!!!新鮮度十足!!!!三文魚片片厚度一樣~大讚!!!象拔蚌爽口又甜~認真真係唔錯!!! 希靈魚亦都夠爽口~滿心期待的海鹽燒海蝦真係好新鮮好爽口!!! 黃金燒生蠔中的蠔size都唔算細, 食落好香口~都幾有蠔味!!!蒜香牛油煎帆立貝和蒜香牛柳粒味道值得一讚, ~份量十足!! 好少可俾咁多架!!平時食開其他都俾得好少~甚至得幾隻或者好多都係殼~牛柳粒幾入味~咬落口感岩岩好!!!好!!!黎到主角啦!!我最愛既生蠔呀一黎到睇見都流口水~好大隻~估唔到放題都俾咁大隻~食得出很鮮滑而不是咸臭腥!! 個蠔真係抵讚!!!加錢都一定要食!!!真係加錢都值得!!!食到回本!!!另一主角~蟹腳棒非常大隻，煮熟再冷凍，鮮甜味美，比起假

又出發去元朗搵好野食。雖然住港島但為左食好野無辦法啦～抵食多種既日本放題日式放題越開越多，所以對放題嘅要求真係越來越高，今次我就為咗食放題特登走入去元朗。點解？因為我聽到好多朋友極力推介一間日式放題。 要留意係呢一度食飯，一定一定要訂檯如果唔係我可以好肯定你點等都唔會有台。而且佢有分幾個時段入座，你可以走大家嘅返工放工時間啦，亦都可以方便佢哋嘅出菜。呢度的食物種類勁多∼刺身、壽司、炸物、串燒、鐵板料理、一品料理、甜品、飲品。。。每個品種嘅選擇都多到呢。日式放題，當然食刺身先啦。 刺身選擇都幾多，三文魚、吞拿魚、赤貝、甜蝦。品種充足！ 極力推介呢度嘅甜蝦夠晒大隻，另外帶子爽口鮮甜。雖然比較細粒但係絕對係高級剌身品種，唔係食落去一pat 野嗰啲! 呢度嘅刺身比嘅數量充足，之後當然到咗食壽司啦！我哋叫左腐皮，吞拿魚，魷魚，海膽蝦等等。壽司都好新鮮，而且選擇好多！如果每人都係一件肯定飽到暈呀。很有重點左一件黑松露吞拿魚壽司，相都未影已經俾佢食咗啦！ 佢話好好食啊。黑松露醬同吞拿魚係一個percent match !軍艦當然要必然芥辣八爪魚同蟹籽。呢度嘅軍艦係新鮮造咖。紫菜唔會林。。好味。算而且

兩條友夜晚搵食，諗左好耐最後都係揀返哩度！晚市尾段，唔洗排長龍~ 燒蠔店內印住生蠔供應短缺所以暫時無生蠔食，所有我點返燒蠔補數，食住先~好多醬，面頭香，裡面juicy~蠔都無縮得太細。 燒鐵板燒元貝唔係好大粒，但係口感好滑，啲汁好好味！ 燒物燒甜薯係我飛弗,皮脆脆的，裡面暖粒粒又好甜~雞翼味道調得剛好，但可以燒香啲囉~ 炸物我淨食左炸南瓜，好甜好脆，好味炸蝦唔知 炸蠔要讚！外面真係好脆，裡面好 creamy,juicy~ 帶子壽司/蟹柳壽司帶子新鮮，鮮甜，蟹柳好大條，好好味！ 黃金尤魚壽司我的最愛~超好味，又唔會太鹽，多重口感無得彈！

自從有左西鐵後，去元朗真係方便好多，我同d朋友好多時都會特登去元朗食飯!!今次就試左雋太日本料理既「午市放題」。呢度既放題可以食三個鐘，可以慢慢食。當日同行都幾多人，我地一來梗係勁點刺身，估唔到上枱會係一隻擺得咁靚既船。佢既刺身種類都算多，我地有加錢要埋蟹腳同生蠔。刺身都幾身鮮，size就同一般放放題差唔多，我最鐘意係甜蝦同帶子，貪其夠鮮味。蠔同蟹腳我地都有再叫，蠔唔知係唔係袋裝蠔呢，因為唔連穀的。而蟹腳就幾好味，d肉唔會「梅」同雪藏味。呢度既炸物子好食，夠熱唔油!其中一個紫心丸，超勁好味，由於一來已經俾人食晒，連相都影唔到。呢個蟹粥真係要大力推介。因為原來師傅係水上人，毎日都要去街市睇下有無新鮮既蟹，先會拎來煲粥，所以煲出黎既粥係勁鮮甜，我地係食晒成碗，有小朋友仲食2碗。呢度整體既熟食都ok，牛舌牛肉粒都夠香口。另外既前菜或炒菜就正常啦，無咩特別。講真，未見過放題有movenpick既雪糕食，雖然毎人只可以order一杯，但都已經夠開心。泡芙都好食，仲係脆脆旳。飲品除左基本野外，仲有d大熱既韓國飲品。我地果日食午間放題，唔算多人，所以食物都出得好快同齊，午間食放題悠悠閒順便當brun

早排學校考完試，約左個老死去食放題慶祝一下，揀左元朗呢間雋太放題，因為之前同屋企人食過，味道唔錯，值得再試&推介比朋友。只不過呢間放題位置都幾偏僻，落左輕鐵/西鐵都要行5-15分鐘路程同埋都幾難搵(對於唔係住元朗既人)。一如以往啦，每一個Timeslot開始之前30分鐘已經有人排隊，去到開始果陣門口更加係迫滿人，所以可以的話記得訂位！刺身種類都叫做足夠，味道都唔錯，推介食甜蝦，大隻又好食！呢間放題仲會有生蠔食，不過要加錢，鍾意食生蠔既朋友呢間放題非常岩你！其實食物味道不過不失啦，天婦羅略嫌多左少少粉。純粹個人喜好，本人非常鍾意食泡芙，所以見到呢間放題有提供都幾驚訝！其他甜品更加有Movenpick雪糕，不過之前同屋企人食果過仲係任叫，宜家限左每人只可以叫一個。Overall 味道唔錯，價錢可接受，算係物有所值。服務都抵讚，員工態度好，無漏單，上菜快！只不過座位有少少迫，多人果陣要搭枱，出入都幾唔方便。

元朗我真係好少去，不過今日男朋友帶我去大棠到摘士多啤梨，摘完就要搵晚飯食啦。 黎到雋太我地加左$28任食生蠔生蠔大大隻都幾新鮮又肥美，淨係加$28就可以任食真係好抵呀！仲要我地兩個都中意食生蠔，叫多幾轉已經抵返晒呀！ 食放題最怕食到暖同霉既刺身，好彩呢到冇令我地失望！刺身夠凍但又唔會有冰，三文魚夠肥美、帶子甜蝦好鮮甜、仲有油甘魚螺片象拔蚌希靈魚等等都係水準之上！ 壽司款式係放題大同小異既款式，不過佢壽司飯細細舊，對食放題既我地嚟講非常好！ 熱食方面燒蕃薯仔細細粒好甜好好味羊架唔會好'蘇'，燒得岩岩好又唔老牛柳粒好淋唔會咬唔開 正 仲有天婦羅炸物（炸漿夠薄熱辣辣上台）芝士焗蠔（足料芝士）牛油栗米燒菠蘿枝豆都係放題既水準之上！真係唔錯！特別係蟹粥好鮮甜，份量又唔會好多岩晒放題清下味蕾！ 甜品有Movenpick雪糕好開心呀，我未食過放題有得食movenpick囉～哈哈即刻又覺得再抵左！下次去元朗我都會嚟番兜架！

今次舊同學聚會約左係元朗食日本放題，初初入到去環境好似比較迫同窄，不過唔係問題，最緊要係好食！果然冇令我失望，放題好少有生蠔，呢間景然會有👍，重要生蠔夠大又肥美，放題通常我會點好幾次刺身，我至愛魚生，甜蝦，帶子都好大隻又新鮮，我特別點得最多係甜蝦，好大隻，鮮甜程度你試過就知😉。熟食就點左炒什菜，炒野菌，個人感覺鹹左少許，重有必食羊架，多汁肉嫩，牛柳粒幾好味。未食到甜品，都已經7成飽但我都照叫甜品，甜品種類非常多！😃我就食movepick 雪糕，綠茶泡芙！今餐真係好滿足，下次會再黎食多次，因今次未試過火灸壽司，我見好多位都有點，應該會不錯，呢間值得推介比大家

最近愛上食放題，貪放題可以任食刺身同埋同朋友一齊吹水，始終放題比起酒店食自助餐較大眾化。細佬啱啱搬咗去元朗，話食過呢間日本料理有水準，我梗係即刻同男友去食。入到去覺得好光猛舒適，地方又大，服務員殷勤招呼，幾平都無漏過單，上菜亦快。男友最鍾意食三文魚刺身，話好新鮮好肥美，我就鍾意食蝦刺身，大大隻啖啖肉，仲有加十元有蠔食！以咁嘅價錢食到咁高質素嘅蠔真係超值！其他串燒呀，天婦羅及炒菜味道都好有水準，不過略嫌不太熱。最驚喜有我至愛的monenpick雪糕，可惜每人得一杯，不過之前食咗咁多嘢，男友食到棒住個肚走，仲話細佬無介紹錯，下次一定會再幫襯！！

我平時就好中意四圍搵野食既，聽聞元朗有間放題又好睇又好食，所以同男朋友就膽粗粗去元朗試下😁首先講下個環境先，都幾舒適，安排我地坐卡位，唔洗好逼，都坐得好舒服😊去食放題梗係咩都要試下喇，不得不提果到啲員工好有禮貌，有親切既笑容，服務好好👍Order 完之後，上菜好快，刺身好新鮮，特別推介三文魚刺身，生蠔都好大隻，仲有個明太子雞，好香好好味，中意食雞亦嘅我，食左好多隻😋最後佢最令人驚喜嘅係佢個雪糕，竟然有movenpick雪糕食，哩個牌子嘅雪糕真係好好食架😍哩個放題真係令人好滿足，價錢尚可，地點又唔係好難搵，其實都好方便，我一定會介紹朋友黎試下架，真係值得推介，淨係個雪糕已經好吸引了，哈哈😜

好日都唔會入新界食飯, 今日難得向屯門收工, 就約D屯門友出黎食下飯,原本打算近近地向屯門食下日本野, 點知朋友推介話過去元朗食一間叫雋太的日本料理放題,見時間尚早, 朋友又講到推介咁誇張, 就即管過去試試啦.由於去到時間尚早, 所以唔駛點等就有位,食放題, 一入到去第一樣野梗係睇下佢張刺身清單啦, 又真係款式多多wor, 有三文魚, 帶子, 榮螺片, 甜蝦，油金魚, 吞拿魚等等.....唔駛講, 即刻全部叫齊試一試先,第一輪刺身黎到, 第一個感覺係喜出望外, 只講少少, 三文魚唔止新鮮, 仲要D脂肪係好平均既, 食落非常鬆軟, 口感一流油甘魚亦係我其中較為喜愛的, 呢度亦無令我失望, 質素滿足到我既期待生蠔夠大隻, 亦都好甜！雖然要加幾十蚊，但我地呢亭係生蠔迷，一定食到回晒本啦！最令我喜出望外既係我最愛既甜蝦, 佢唔係用個D細細隻既甜蝦仔, 而係奉上連頭既大隻甜蝦 ,即刻忍唔住讚左我個FD一下, 話佢果然好介紹, 我最鍾意食連頭甜蝦, 因為可以享受埋蝦膏, 而呢度既頭甜蝦真係好新鮮開開心心同朋友享受左一餐, 已經諗定下次約埋其他朋友一齊黎食過, 只係加幾十蚊就有生蠔任食, 仲要係高質