雍明冰室

营业中

休息中

味道係好嘅..但係$60得6塊肉真係好少了。兩餸飯都唔止，仲要有多個餸。希望做街坊生意就唔好咁貴，如果唔係食呢啲菜都唔夠送飯…已經叫過兩次生炒排骨，兩次都係超級少。

澳南一帶餐廳🏖️，價錢偏貴🤑，幸好有雍明冰室屬親民之選，性價比高👍裝修普通，但坐得舒服🉐，員工態度良好😌下午茶晚餐都強烈推介，炒粉炒麵🍛，魚旦粉麵🍜亦相當不錯晚餐二人套餐🧑‍🤝‍🧑三人👨‍👦‍👦食都完全冇問題🆗蒸魚🐟蒸肉餅🐷炒菜🥬完美組合套餐仲會奉送例湯😋冬天仲會有一人火鍋🥘雞煲🐓都係必食之推介😁📍重點推介🔴土魷蒸肉餅🟠豆腐炆火腩煲🟡咖哩雞扒飯🟢牛腩米線🔵雲吞麵🟣西多士

本人係康城居民，除咗喺度三年，商場嚟嚟去去集團食都食到有啲厭，康城啲餐廳嘅價格亦都唔平。星期一至五我同先生都要返工，屋企係無人煮飯，天天外賣，所以一直想食得健康，少油少鹽。最近，茶記成為我們的飯堂。通常我哋兩個人會叫二人晚餐，二人餐有湯、有白飯、有飲品（凍飲唔使加錢）、仲有三個餸，堂食嘢唔使加一，平靚正，平過你請鐘點煮飯！ 通常星期一至四，我哋會叫外賣送過康城，星期五或者weekend就會行過去餐廳食，地點一流，喺將南海邊，食飽飯行返康城當散步。最重要餸菜又夠鑊氣、又夠熱，侍應服務頗殷勤有禮，當然外賣會比堂食差一點，但係都已經唔錯，可以送到過去康城非常之好！ 今日我帶埋我的父母過去一同食晚飯，一行五人，屋企人都覺得好有水準。我哋點了一個二人晚餐、一個三人晚餐，共七個餸，每碟餸都夠鑊氣、又夠熱，作為家常便飯認真一流！ 外面食蒸魚，通常會讚油，呢度真係夠少油，夠健康，有家的感覺！就算日日食都唔會變得有三高！迎合依家年輕人對健康的追求！ 冇得頂！會繼續多多支持！

今日七點落去食，等咗20分鐘得杯凍檸茶，同個阿姐講話我哋急住走，同我哋講話先20分鐘，多客所以要耐啲。堂食就唔出，外賣就出到成排。等到去八點忍唔住鬧佢哋先俾第一碗我哋。小弟以前都做過兩三間廚房，5分鐘都出唔到一碟餸俾個客晨早俾人鬧到爛。而家講緊一個鐘頭都出唔到一疊嘢俾我。啲嘢飲仲要單獨計，每杯$21。說實話，夥計仲要chill住講八卦，有時間就入去個廚房幫吓水吧。

幾年來不時在將軍澳單車徑附近餐廳用膳。海濱長廊中這家價格親民之餘質素亦有保證。當中常餐早餐比較普通，而晚飯的炒類、煲類小菜和蒸魚皆味道不俗。炒類夠鑊氣，火力均勻，開胃醒神，而煲類做得香口惹味，令人食指大動，蒸魚火候拿捏剛好，突顯魚類鮮味之餘肉質非常嫩滑。質素數年來始終如一。而蒸類小菜雖不及前三類出眾，但亦不失為口味遍淡者一時之選。員工態度友善，餐廳在海旁景色怡人。可能因其遠離交通工具，人流不多，餐廳內枱凳佈局有緻，不會如一般茶餐廳迫夾。

今日去開個邊食嘢。餐廳位置喺單車徑隔離。我叫左個二人晚餐有餐飲有例湯，有白飯。我叫左豉汁蒸黃立䱽，土魷蒸肉餅，椒絲腐乳炒通菜，熱檸水熱檸茶。每碟餸都係熱辣辣，太好了。黃立䱽蒸到剛剛好，唔算細條。肉餅唔會過鹹，唔係死實實嗰啲，土魷幾香口。通菜冇淋晒，仲係保持口感。例湯有紅蘿蔔，廋肉同雞腳。簡簡單單晩餐家常菜，食得好舒服。食完見到有菠蘿包墨西哥包賣，下次要試，好似晩上有特價。……………………………..

鋪頭：雍明冰室地址：將軍澳至善街5號雍明商場地下1號​💰100蚊💰 Order左d咩？​星期六下午茶：（下午茶餐送野飲）​1️⃣沙爹牛肉西多士 $48劏開個西多士，中間心係沙爹牛肉，好似有6塊，都幾大塊，食到一半，底個面西多已經淋左，沙嗲牛唔太沙嗲，整體普普通通啦，件西多多左沙嗲牛冇特別好食/難食左，就咁西多士應該好食過佢​2️⃣生炸雞髀 配沙律 $52雞髀鹹，肉唔鞋，沙律唔好食（d薯仔偏硬）​3️⃣跟餐送嘅：紅豆冰 同 熱齋啡紅豆冰偏甜，熱齋啡正常​總結：整體味道普通，冇乜特別​🗒️以下評分最高分五粒🌟​味道：🌟🌟加0.5粒抵食程度：🌟🌟加0.5粒環境&服務：🌟🌟🌟粒（正常環境同服務）

呢間冰室，近海邊，雖然我唔係住附近每次都要行15分鐘先到，但係值得，味道好好，服務態度好，人情味good，晚市我都食過，小菜鑊氣夠，份量抵食，大家值得一試，早餐都好多種類，菠蘿包超大個

叫咗外賣常餐，轉出前一丁。$49等咗10幾分鐘都未有得拎，一問就可以喺廚房拎出嚟（即係已經整好但冇人理）五香肉丁出前一丁: 叫左要生麵。得五粒肉丁，仲要個面一打開已經見到係淋。好彩叫生麵，唔係應該變出前一糊。。。個湯淡而無味，又冇肉丁辣味奄列: 未食過咁難食嘅蛋，完全冇蛋味，係唔知自己食緊啲乜。因為已經行咗個公仔麵，所以個奄列真係完全食唔落。。。奶茶同多士唔要求下係正常成$50食個垃圾真係可一不可再🥲🥲🥲🥲

送完仔仔，特登過黎試下海邊茶記，價錢尚算親民，30幾蚊一份早餐（如果入返將軍澳市區，已經過左$40），都係果d基本既沙爹牛麵/火腿通/扒餐之類。如果唔想食多，呢度最好既就係有出爐麵包，根據我地叫餐既餐包質素，佢d包應該都唔差，又香又軟熟，個面唔會焗到硬哂，同埋呢度夜晚7點後有平包，當日寫係提子包12蚊3個，數款有餡包12蚊2個，個人覺得都幾吸引。講返d早餐，沙爹牛麵都ok，多牛肉，麵底老公話係公仔麵，見到麵身仍彎曲但食落唔生，合格。配既煎雙蛋係完美荷包蛋，外熟內生無穿。熱奶茶有茶衣，都夠濃但未到100分。雞扒餐是炸雞扒，皮夠脆肉有汁，唔好意思食左一啖先記得影相，本身賣相完整既。呢個餐既餐包係鮮油餐包（沙牛餐果個無油），塊牛油係2mm厚切片牛油，唔係搽既，雖然好肥但呢樣絕對加分👍不過真係想建議下茶記，一係就唔好寫英文落菜單，要寫就譯好d，Silver needle powder真係搞唔掂..........

茶餐廳一向都係我嘅至愛，食過好多間！呢間係海邊茶餐廳，鄰近單車徑，海濱長廊，每次跑完步，都會幫襯！炒粉炒麵小菜飯類，都好夠鑊氣！估應該係大拍擋師傅級的廚師！味道唔錯呀！

抵食，好食。呢間餐廳位於海邊，坐窗邊可以望住個海嚟食。而且價錢又唔貴，大家踩單車經過可以試下，嚟緊將軍澳跨灣大橋落成之後，大家就可以做完運動之後嚟呢度試下呢度出名嘅銀針粉啦！

本人今天和家人第一次去光顧這間茶餐廳，室內格局和收銀（穿黑衣女收銀的態度，令人以為去了深圳口岸附近茶餐廳，本人去收銀旁枱邊拿了些紙巾，立即被女收銀呼喝，佢話每人只可拿兩張紙巾，並話我之前已經拿了些來抹枱，語氣和態度非常惡劣，係度趕客，以後不會再光顧，食物也不好吃，浪費了户外單車徑的風景，去光顧要三思，似是大陸人經營

放假去踏單車前先醫肚。隨便揀了一間在租單車店附近的屋邨茶餐廳「雍明冰室」。典型公共屋邨商場，外觀及立面沒有任何裝修設計可言；全部要跟足房屋委員會的內部設計指引，死板兼冇變化，最少10幾年沒有改進。美其名設計簡單、歷久常新、容易維修；事實上卻是缺乏美感、手工差劣、容易損毁。室內裝修反而有點噱頭。始終是屋邨茶餐廳，當然冇可能大耍金錢作出美輪美奐的精緻裝修；但仍然以最低成本模仿70年代的舊式冰室：紙皮石地面、半腰高白色瓷磚牆身、玻璃面餐枱（內裏攝入餐牌），如果卡座可以換成淨色防火板包封就更加絕妙。另一不能置信之處在於空間異常寬趟，並沒有擺放大量餐枱，異於其他茶餐廳的經營方針。在公共屋邨開茶餐廳，當然不會只做早午市，晚市炒粉麵飯及小菜也不可缺少。餐牌上的缺陷出現在早餐常餐粉麵餐，太多字、又沒有明顯分門別類；驟眼看起來非常複雜兼表達不清晰，要花點時間才能看得明白到底每款常餐早餐下午茶包括什麼選擇及什麼食品。全日粉麵餐（$48）包括油菜及飲品。雲吞當然不會期望有雲吞麵名店質素，但總算有蝦有豬肉；即使欠缺蝦籽及大地魚粉、蝦肉鮮味欠奉，綜合價錢因素，味道已經算幾好。湯底就最失望，只是典型茶餐廳質素。豉

餐廳對著海濱長廊，風景唔錯，擺位寬敞，坐得幾舒服，叫左滑蛋虾仁飯，味道正正常常，唔特出亦不算差，但奇怪在上面灑了很多生葱花，一般會落葱都是煮滑蛋起鑊前放入，生葱放面都係第一次見，而且份量幾多，食時有一大陣生葱味，要扣分，例湯普通，凍檸茶正常，餐牌見有牛腩雲吞麵之類，就加單叫左1碗牛腩雲吞麵，雲吞正常，麵是一般平價麵店用的一類麵，但都爽口好食，牛腩質素麻麻，但調味唔錯，成碗麵都算合格有餘，整體OK，可以再去。